ദുബൈ: അപകരമായ വിധത്തില് ഓവര്ടേക്ക് ചെയ്ത 4,504 പേര്ക്ക് പിഴ ചുമത്തിയതായി ദുബൈ പൊലീസ് അറിയിച്ചു. ഈ വര്ഷം തുടക്കം മുതല് ഇതുവരെയുള്ള കാലയളവിലാണ് ഇത്രയും പേര്ക്ക് പിഴ ചുമത്തിയത്. ഹാര്ഡ് ഷോള്ഡറില് ഓവര്ടേക്കിംഗ് അപകരമാണെന്നതുകൊണ്ട് കര്ശനമായി വിലക്കിയിട്ടുണ്ട്. നിയമം ലംഘിച്ചു ഇത്തരത്തില് ഓവര്ടേക്ക് ചെയ്തവര്ക്കാണ് പിഴ ചുമത്തിയത്.
ഇത് റോഡ് ഉപയോക്താക്കള്ക്ക് ഭീഷണിയായി മാറുന്നതും അടിയന്തര വാഹനങ്ങള് കടന്നുപോകുന്നതിന് തടസ്സം സൃഷ്ടിക്കുന്നതുമാണ്. ഏറ്റവും അപകടകരമായ ഗതാഗത പെരുമാറ്റങ്ങളില് ഒന്നാണിതെന്ന് ദുബൈ പോലീസ് ജനറല് ഡിപ്പാര്ട്ട്മെന്റ് ഓഫ് ട്രാഫിക് ഡയറക്ടര് ബ്രിഗേഡിയര് ജുമാ സാലം ബിന് സുവൈദാന് വ്യക്തമാക്കി. ജനുവരി 1,379, ഫെബ്രുവരി 1,638, മാര്ച്ചില് 676 മെയ് 482 ഏപ്രില് 329 എന്നിങ്ങനെയാണ് നിയമലംഘനം റിപ്പോര്ട്ട് ചെയ്യപ്പെട്ടത്.
ഹാര്ഡ് ഷോള്ഡറില് ഓവര്ടേക്ക് ചെയ്യുന്നത് റോഡ് ഉപയോക്താക്കള്ക്ക് നേരിട്ട് അപകടമുണ്ടാക്കുമെന്ന് അദ്ദേഹം വിശദീകരിച്ചു, പ്രത്യേകിച്ച് സാങ്കേതിക തകരാറുകള് കാരണം വാഹനങ്ങള് നിര്ത്തുമ്പോഴോ സഹായം തേടി ആളുകള് കാറുകള്ക്ക് സമീപം നില്ക്കുമ്പോഴോ പെട്ടെന്നുള്ള കൂട്ടിയിടിക്കോ കാരണമാകും. മാത്രമല്ല, ഗതാഗതത്തെ തടസ്സപ്പെടുത്തുകയും അടിയന്തര പ്രതികരണത്തിന്റെ കാര്യക്ഷമത കുറയ്ക്കുകയും പരിക്കേറ്റവര്ക്ക് രക്ഷാപ്രവര്ത്തന, ആംബുലന്സ് ടീമുകളുടെ വരവ് വൈകിപ്പിക്കുകയും ചെയ്യും. ഇതുമൂലം ജീവന് സുരക്ഷയെ പ്രതികൂലമായി ബാധിക്കുമെന്ന് ബ്രിഗേഡിയര് ബിന് സുവൈദാന് സൂചിപ്പിച്ചു.
ദുബായ് പോലീസ് ആപ്പ് വഴിയോ 901 ലെ സേവനം വഴിയോ അത്തരം നിയമലംഘനങ്ങള് റിപ്പോര്ട്ട് ചെയ്യുന്നതി ല് സമൂഹ അംഗങ്ങളുടെ ശക്തമായ സഹകരണമുണ്ടാവണമെന്ന് അദ്ദേഹം അഭ്യര്ത്ഥിച്ചു. ഫെഡറല് ട്രാഫിക് നിയമം പ്രകാരം ഇങ്ങിനെ വാഹനമോടിക്കുന്നവര്ക്ക് 1,000 ദിര്ഹം പിഴയും ഡ്രൈവിംഗ് ലൈസന്സിലെ ആറ് ട്രാഫിക് പോയിന്റുകള് രേഖപ്പെടുത്തുകയും ചെയ്യുമെന്ന് അദ്ദേഹം പറഞ്ഞു.
Comments
