ന്യൂസിലന്‍ഡിനെതിരായ ആദ്യ ഏകദിനത്തില്‍ തകര്‍പ്പന്‍ ബൗളിങ് പ്രകടനവുമായി ഇന്ത്യന്‍ പേസര്‍ അന്‍ഷുല്‍ കാംബോജ്. 10 ഓവറില്‍ രണ്ട് മെയ്ഡന്‍ ഉള്‍പ്പെടെ 22 റണ്‍സ് മാത്രം വഴങ്ങി രണ്ട് വിക്കറ്റുകളാണ് കാംബോജ് നേടിയത്. മത്സരത്തിലെ മികച്ച താരമായി തിരഞ്ഞെടുക്കപ്പെട്ടതും കാംബോജ് തന്നെയാണ്.
വിദേശ മൈതാനത്ത് ഏകദിനത്തില്‍ ഒരു ഇന്ത്യന്‍ ബൗളറുടെ ഏറ്റവും മികച്ച സ്‌പെല്ലുകളിലൊന്നിനൊപ്പമാണ് കാംബോജ് എത്തിയത്. 21 വര്‍ഷം മുമ്പ് ശ്രീലങ്കയ്ക്കെതിരെ ദാംബുള്ളയില്‍ ആശിഷ് നെഹ്‌റയും 10 ഓവറില്‍ 22 റണ്‍സ് വഴങ്ങി രണ്ട് വിക്കറ്റ് നേടിയിരുന്നു. 2006ല്‍ വെസ്റ്റ് ഇന്‍ഡീസിനെതിരെ അജിത് അഗാര്‍ക്കറും 2016ല്‍ സിംബാബ്വെയ്‌ക്കെതിരെ ജസ്പ്രീത് ബുംറയും സമാനമായ പ്രകടനം കാഴ്ചവെച്ചിട്ടുണ്ട്.
അര്‍ഷ്ദീപ് സിങ്, ഗുര്‍നൂര്‍ ബ്രാര്‍ എന്നിവരും ബൗളിങ്ങില്‍ തിളങ്ങിയതോടെ ന്യൂസിലന്‍ഡ് 40.2 ഓവറില്‍ 185 റണ്‍സിന് പുറത്തായി. വിരാട് കോഹ്ലിയുടെ അര്‍ധ സെഞ്ച്വറിയുടെ മികവില്‍ ഇന്ത്യ ലക്ഷ്യം മറികടന്ന് വിജയം സ്വന്തമാക്കി.
