ഉത്സവക്കാലവും ആഘോഷങ്ങളും കഴിയുന്നതോടെ പലരെയും ഒരുപോലെ അലട്ടുന്ന മൂന്ന് പ്രധാന ആരോഗ്യപ്രശ്നങ്ങളാണ് ഉയർന്ന കൊളസ്ട്രോൾ, പ്രമേഹം (Sugar), യൂറിക് ആസിഡ് (Uric Acid) എന്നിവ.
എണ്ണമയമുള്ള ഭക്ഷണങ്ങളും മധുരപലഹാരങ്ങളും അമിതമായി കഴിക്കുന്നത് രക്തത്തിൽ ഇവയുടെ അളവ് പെട്ടെന്ന് ഉയർത്താൻ കാരണമാകുന്നു.
കൃത്യമായ വൈദ്യസഹായത്തോടൊപ്പം ദിനചര്യയിലും ഭക്ഷണക്രമത്തിലും ചെറിയ മാറ്റങ്ങൾ വരുത്തിയാൽ ഈ മൂന്ന് പ്രശ്നങ്ങളെയും ഒരുമിച്ച് നിയന്ത്രണവിധേയമാക്കാൻ സാധിക്കുമെന്ന് ആരോഗ്യ വിദഗ്ധർ ചൂണ്ടിക്കാണിക്കുന്നു.
ഇവ മൂന്നും നിയന്ത്രിക്കാൻ സഹായിക്കുന്ന 7 സൂപ്പർ ഫുഡുകൾ ഇതാ:
- കൊളസ്ട്രോൾ കുറയ്ക്കാൻ ഫലപ്രദമായവ
ഓട്സ് (Oats): ദിവസവും രാവിലെ ഓട്സ് കഴിക്കുന്നത് ശരീരത്തിലെ ചീത്ത കൊളസ്ട്രോൾ (LDL) കുറയ്ക്കാൻ സഹായിക്കും. ഇതിലടങ്ങിയിരിക്കുന്ന ജലത്തിൽ ലയിക്കുന്ന നാരുകളായ ‘ബീറ്റാ ഗ്ലൂക്കൻ’ കൊളസ്ട്രോൾ ആഗിരണം ചെയ്യുന്നത് തടയുന്നു.
ബദാം, വാൾനട്ട്: ദിവസം ഒരു പിടി ബദാമോ വാൾനട്ടോ കഴിക്കുന്നത് ശരീരത്തിലെ നല്ല കൊളസ്ട്രോൾ (HDL) വർദ്ധിപ്പിക്കാനും ഹൃദയാരോഗ്യം സംരക്ഷിക്കാനും സഹായിക്കും.
വെളുത്തുള്ളി: രാവിലെ വെറും വയറ്റിൽ ഒരു അല്ലി പച്ച വെളുത്തുള്ളി കഴിക്കുന്നത് രക്തക്കുഴലുകളിൽ കൊഴുപ്പ് അടിഞ്ഞുകൂടുന്നത് തടയാൻ ഉത്തമമാണ്.
- ബ്ലഡ് ഷുഗർ കൺട്രോളിൽ നിർത്താൻ
പാവയ്ക്ക: പാവയ്ക്കാ നീര് ആഴ്ചയിൽ മൂന്ന് തവണയെങ്കിലും കഴിക്കുന്നത് ഇൻസുലിൻ സെൻസിറ്റിവിറ്റി വർദ്ധിപ്പിച്ച് രക്തത്തിലെ ഗ്ലൂക്കോസ് അളവ് നിയന്ത്രിക്കാൻ സഹായിക്കും.
ഉലുവ: രാത്രി ഒരു സ്പൂൺ ഉലുവ വെള്ളത്തിൽ കുതിർത്തുവെച്ച്, രാവിലെ ആ വെള്ളം കുടിക്കുന്നത് ഭക്ഷണം കഴിച്ച ശേഷമുള്ള പെട്ടെന്നുള്ള ‘ഷുഗർ സ്പൈക്ക്’ തടയും.
മുരിങ്ങയില: അയണും നാരുകളും (Fiber) ധാരാളം അടങ്ങിയ മുരിങ്ങയില സൂപ്പായോ കറിയായോ കഴിക്കുന്നത് പ്രമേഹ നിയന്ത്രണത്തിന് ഏറെ മികച്ചതാണ്.
- യൂറിക് ആസിഡ് അലിയിച്ചു കളയാൻ
ചെറി, സ്ട്രോബെറി: ചെറി പഴങ്ങളിലടങ്ങിയിരിക്കുന്ന ആന്റിഓക്സിഡന്റുകളും ആന്തോസയാനിനുകളും ശരീരത്തിലെ അധികമുള്ള യൂറിക് ആസിഡിനെ മൂത്രത്തിലൂടെ പുറന്തള്ളാൻ സഹായിക്കുന്നു.
ധാരാളം വെള്ളം: ദിവസവും കുറഞ്ഞത് 3 ലിറ്റർ വെള്ളമെങ്കിലും കുടിക്കുക. യൂറിക് ആസിഡ് കിഡ്നി വഴി പുറന്തള്ളാൻ ഏറ്റവും ലളിതവും പ്രധാനവുമായ മാർഗ്ഗമാണിത്.
കട്ടൻ കാപ്പി: പഞ്ചസാരയും പാലും ചേർക്കാത്ത കട്ടൻ കാപ്പി മിതമായ അളവിൽ (ദിവസം 1-2 കപ്പ്) കുടിക്കുന്നത് യൂറിക് ആസിഡ് കുറയ്ക്കാൻ സഹായിക്കുമെന്ന് പഠനങ്ങൾ വ്യക്തമാക്കുന്നു.
- ഈ മൂന്ന് പ്രശ്നങ്ങൾക്കും ഒരുപോലെ ഗുണം ചെയ്യുന്നവ
ഈ മൂന്ന് ആരോഗ്യ പ്രശ്നങ്ങളുള്ളവരും ഭക്ഷണത്തിൽ നിർബന്ധമായും ഉൾപ്പെടുത്തേണ്ട പൊതുവായ ചില ഭക്ഷണങ്ങളുണ്ട്:
5.പച്ചക്കറികളും ചീരയും (Fiber കൂടുതൽ അടങ്ങിയവ).
6.കടല, ബീൻസ് (സസ്യപ്രോട്ടീൻ അടങ്ങിയവ).
7.ബ്രൗൺ റൈസ്, തവിടു കളയാത്ത ധാന്യങ്ങൾ.
നിർബന്ധമായും ഒഴിവാക്കേണ്ട ഭക്ഷണങ്ങൾ
റെഡ് മീറ്റ് (ബീഫ്, മട്ടൻ, പോർക്ക്).
ഉയർന്ന പ്യൂറിൻ അടങ്ങിയ കടൽ വിഭവങ്ങൾ (ചെമ്മീൻ, അയല, മത്തി).
ബേക്കറി പലഹാരങ്ങൾ, പ്രോസസ് ചെയ്ത ഭക്ഷണങ്ങൾ.
മധുരം അടങ്ങിയ ശീതളപാനീയങ്ങൾ, പാക്കറ്റ് ജ്യൂസുകൾ.
അമിതമായ നെയ്യ്, വെണ്ണ, ഡീപ്പ് ഫ്രൈ ചെയ്ത ആഹാരങ്ങൾ.
“ഉത്സവ സീസണുകളിൽ എണ്ണയും മധുരവും കൂടിയ ഭക്ഷണം കഴിക്കുന്നതിലൂടെ മൂന്ന് ഘടകങ്ങളും ഒരുമിച്ച് ഉയരുന്നത് സാധാരണമാണ്
ജീവിതശൈലിയിലും ഭക്ഷണക്രമത്തിലും കൃത്യമായ മാറ്റം വരുത്തിയാൽ 50 ശതമാനത്തിലധികം ആളുകൾക്കും മരുന്നുകളുടെ സഹായമില്ലാതെ തന്നെ ഇവ കൺട്രോളിൽ കൊണ്ടു വരാൻ സാധിക്കുമെന്ന്.” ഡയറ്റീഷ്യന്മാർ വ്യക്തമാക്കുന്നു.
ശ്രദ്ധിക്കുക: ഈ വിവരങ്ങൾ പൊതുവായ അറിവിലേക്കായി നൽകിയിട്ടുള്ളതാണ്. ഡോക്ടർമാർ നിർദ്ദേശിച്ച മരുന്നുകളിൽ മാറ്റം വരുത്തുന്നതിന് മുൻപ് വ്യക്തിഗത പരിശോധന നടത്തേണ്ടത് അത്യാവശ്യമാണ്.
