ദമാം: സൗദി കസ്റ്റംസ് അധികൃതര്‍ 40,000 ആംഫെറ്റാമൈന്‍ ഗുളികകള്‍ പിടികൂടി.
ദമാം കിംഗ് ഫഹദ് അന്താരാഷ്ട്ര വിമാനത്താവളത്തിലാണ് ഇവ പുടികൂടിയത്.
രാജ്യത്തേക്ക് പോസ്റ്റല്‍ വഴി വന്ന പാര്‍സലില്‍ ഗ്ലാസ് കപ്പുകള്‍ക്കുള്ളില്‍ ഒളിപ്പിച്ച 40,000 ആംഫെറ്റാമൈന്‍ ഗുളികകളാണ് പിടികൂടിയത്.
വിമാനത്താവളത്തില്‍ എത്തിയ പാഴ്‌സല്‍ കസ്റ്റംസ് നടപടിക്രമങ്ങള്‍ക്ക് വിധേയമാക്കിയതായി സകാത്ത്, നികുതി, കസ്റ്റംസ് അതോറിറ്റി വക്താവ് ഹമൗദ് അല്‍ഹര്‍ബി പറഞ്ഞു.
സുരക്ഷാ സാങ്കേതികവിദ്യ ഉപയോഗിച്ചുള്ള പരിശോധനയില്‍ ഗ്ലാസ് കപ്പുകള്‍ അടങ്ങിയ പാഴ്‌സലില്‍ ഒളിപ്പിച്ച മയക്കുമരുന്ന് ഗുളികകളാണ് കണ്ടെത്തിയത്.
ഇതേത്തുടര്‍ന്ന്, സൗദി അറേബ്യയില്‍ കയറ്റുമതി ചെയ്യുന്നവരെ അറസ്റ്റ് ചെയ്യുന്നതിനായി സാറ്റ്ക ജനറല്‍ ഡയറക്ടറേറ്റ് ഓഫ് നാര്‍ക്കോട്ടിക് കണ്‍ട്രോളുമായി ഏകോപിപ്പിക്കുകയും രണ്ടുപേരെ അറസ്റ്റ് ചെയ്യുകയും ചെയ്തു.
സുരക്ഷ ശക്തിപ്പെടുത്തുന്നതിനും സമൂഹത്തെ സംരക്ഷിക്കുന്നതിനുമുള്ള ശ്രമങ്ങളുടെ ഭാഗമായി രാജ്യത്തിന്റെ ഇറക്കുമതി, കയറ്റുമതി, കള്ളക്കടത്ത് ശ്രമങ്ങള്‍ എന്നിവയ്‌ക്കെതിരായ കസ്റ്റംസ് നിയന്ത്രണങ്ങള്‍ സാറ്റ്ക തുടര്‍ന്നും കര്‍ശനമാക്കുന്നുണ്ടെന്ന് അല്‍ഹര്‍ബി പറഞ്ഞു.
മയക്കുമരുന്ന് കടത്തും നിരോധിത വസ്തുക്കളുടെ കള്ളക്കടത്തും ചെറുക്കുന്നതിന് ആഭ്യന്തര മന്ത്രാലയവുമായും ജനറല്‍ ഡയറക്ടറേറ്റ് ഓഫ് നാര്‍ക്കോട്ടിക് കണ്‍ട്രോളുമായും ഏകോപിപ്പിച്ച് അതോറിറ്റി പ്രവര്‍ത്തിക്കുന്നുണ്ടെന്ന് അദ്ദേഹം പറഞ്ഞു.
സംശയാസ്പദമായ നിയമലംഘനങ്ങള്‍ സുരക്ഷാ റിപ്പോര്‍ട്ടിംഗ് ചാനലുകള്‍ വഴി റിപ്പോര്‍ട്ട് ചെയ്തുകൊണ്ട് കള്ളക്കടത്തിനെതിരെ പോരാടുന്നതിന് സഹകരിക്കണമെന്ന് അധികൃതർ പൊതുജനങ്ങളോട് അഭ്യര്‍ത്ഥിച്ചു.
വിവരങ്ങൾ രഹസ്യമായി കൈകാര്യം ചെയ്യുമെന്നും നല്‍കുന്ന വിവരങ്ങള്‍ ലംഘനം സ്ഥിരീകരിക്കുകയാണെങ്കില്‍ സാമ്പത്തിക പ്രതിഫലം നല്‍കുമെന്നും അതോറിറ്റി വ്യക്തമാക്കി
