വെസ്റ്റ് ഇൻഡീസിനെതിരെയുള്ള രണ്ടാം ടി-20യിൽ മികച്ച പ്രകടനം നടത്തിയ അഭിഷേക് ശർമ്മയെ പ്രശംസിച്ച് ഇന്ത്യൻ സ്പിന്നർ യുസ്‌വേന്ദ്ര ചഹൽ. ബാറ്റിംഗ് ശൈലിയിൽ ഒരു മാറ്റവുമില്ലാതെയാണ് അഭിഷേക് ശർമ്മ കളിക്കുന്നതെന്നാണ് ചഹൽ പ്രശംസിച്ചത്.
‘അദ്ദേഹം ആദ്യ മത്സരത്തിൽ കളിച്ചത് പോലെ തന്നെയാണ് ഇപ്പോഴും കളിക്കുന്നത്. അതിൽ ഒരു മാറ്റവുമില്ല. അത് തന്നെയാണ് അദ്ദേഹം വിജയിക്കാനുള്ള പ്രധാന കാരണവും. ലോകകപ്പിന്റെ ആദ്യ മൂന്ന് മത്സരങ്ങളിൽ അദ്ദേഹത്തിന് റൺസ് നേടാൻ സാധിച്ചിരുന്നില്ല. എന്നാൽ ഫൈനലിലും ഏഷ്യൻ ഗെയിംസ് ഫൈനലിലും അദ്ദേഹം മികച്ച രീതിയിൽ റൺസ് നേടി. ഫോമിലെത്തിയാൽ മത്സരം അദ്ദേഹം വിജയകരമായി ഫിനിഷ് ചെയ്യും. അതുകൊണ്ട് മറ്റുള്ള താരങ്ങളെ നോക്കേണ്ടതില്ല’ ചഹൽ സ്റ്റാർ സ്പോർട്സിലൂടെ പറഞ്ഞു.
വിൻഡീസിനെതിരെ അഭിഷേക് ശർമ്മ 30 പന്തിൽ 6 ഫോറും 5 സിക്സും അടക്കം 69 റൺസാണ് നേടിയത്.
വെസ്റ്റ് ഇൻഡീസിനെതിരെയുള്ള മൂന്നാം ടി-20യിൽ 14 റൺസിനാണ് ഇന്ത്യയുടെ വിജയം. വിജയത്തോടെ ഇന്ത്യ അഞ്ച് മത്സരങ്ങളുടെ പരമ്പരയിൽ 2-1ന് മുന്നിലാണിപ്പോൾ.
ഇൻഡോറിലെ ഹോൾക്കർ സ്റ്റേഡിയത്തിൽ ടോസ് നഷ്ടപ്പെട്ട് ആദ്യം ബാറ്റ് ചെയ്ത ഇന്ത്യ 20 ഓവറിൽ 223 റൺസ് നേടിയപ്പോൾ മറുപടി ബാറ്റിംഗിൽ വിൻഡീസ് 7 വിക്കറ്റ് നഷ്ടത്തിൽ 209 റൺസിൽ പോരാട്ടം അവസാനിപ്പിച്ചു. ഈ പരമ്പരയിൽ ആദ്യമായാണ് ഇന്ത്യ ഒരു ടോട്ടൽ വിജയകരമായി പ്രതിരോധിക്കുന്നത്.
