യുവേഫ നേഷൻസ് ലീഗിൽ വിജയ കുതിപ്പ് തുടർന്ന് ഇംഗ്ലണ്ട്. ചെക്ക് റിപ്പബ്ലിക്കിനെ എതിരില്ലാത്ത മൂന്ന് ഗോളുകൾക്ക് തകർത്ത ഇംഗ്ലണ്ടിന്റെ കുതിപ്പ്.
ക്യാപ്റ്റൻ ഹാരി കെയ്നിന്റെ ഇരട്ട ഗോളുകളുടെ കരുത്തിലാണ് ചെക്കിനെ ഇംഗ്ലണ്ട് വീഴ്ത്തിയത്. വ്ലാഡിമർ കുഫാലിൻറെ ഓൺ ഗോളും ഇംഗ്ലണ്ടിന്റെ വിജയം ഗംഭീരമാക്കി.
ഈ മത്സരത്തിൽ കളത്തിൽ ഇറങ്ങിയതോടെ ഇംഗ്ലണ്ടിനു വേണ്ടി ഏറ്റവും കൂടുതൽ മത്സരങ്ങൾ കളിക്കുന്ന താരമെന്ന റെക്കോർഡും കെയ്ൻ സ്വന്തമാക്കി. 125 മത്സരങ്ങളിലാണ് ഇംഗ്ലീഷ് ടീമിന് വേണ്ടി കെയ്ൻ ഇതുവരെ കളത്തിൽ ഇറങ്ങിയത്.
ഈ റെക്കോർഡിൽ മുൻ ഗോൾ കീപ്പർ പീറ്റർ ഷിൽട്ടണിനൊപ്പമാണ്‌ കെയ്ൻ. അടുത്ത മത്സരത്തിൽ കൂടി ഇംഗ്ലണ്ടിനു വേണ്ടി പ്ലെയിൻ ഇലവനിൽ ഇടം നേടിയാൽ മുൻ ഗോൾ കീപ്പറേയും മറികടക്കാൻ കെയ്നിന് സാധിക്കും.
നിലവിൽ നേഷൻസ് ലീഗ് ഗ്രൂപ്പ് സിയിൽ നാലു മത്സരങ്ങളിൽ നിന്നും മൂന്നു വിജയവും ഒരു തോൽവിയും അടക്കം 9 പോയിന്റുമായി ഇംഗ്ലണ്ട് രണ്ടാം സ്ഥാനത്താണ്. നാലു മത്സരങ്ങളും വിജയിച്ച നിലവിലെ ലോക ചാമ്പ്യന്മാരായ സ്പെയിൻ ആണ് പട്ടികയിൽ ഒന്നാം സ്ഥാനത്തുള്ളത്.
നവംബർ 13ന് ക്രൊയേഷ്യക്കെതിരെയാണ് ഇംഗ്ലണ്ടിന്റെ അടുത്ത മത്സരം.
