2026 ഏഷ്യൻ ഗെയിംസ് ക്രിക്കറ്റ് പോരാട്ടങ്ങൾക്കായുള്ള തയ്യാറെടുപ്പിലാണ് ഇന്ത്യൻ ടീം. ടൂർണമെന്റിൽ പുരുഷ വിഭാഗത്തിൽ ഇന്ത്യ നേരിട്ട് ക്വാർട്ടർ ഫൈനലിലേക്ക് യോഗ്യത നേടിക്കഴിഞ്ഞു.
സെപ്റ്റംബർ 28-നാണ് ഏഷ്യൻ ഗെയിംസിൽ ഇന്ത്യയുടെ ആദ്യ മത്സരം. ഇന്ത്യക്കൊപ്പം പാകിസ്ഥാൻ, ബംഗ്ലാദേശ്, ശ്രീലങ്ക എന്നീ ടീമുകളും നേരിട്ട് ക്വാർട്ടറിലെത്തിയിട്ടുണ്ട്.
ഇതിനിടയിൽ ഏഷ്യൻ ഗെയിംസിനു മുന്നോടിയായി ഇന്ത്യയും ജപ്പാനും തമ്മിലുള്ള ചരിത്രപരമായ ഒരു ടി-20 മത്സരവും നടക്കുന്നുണ്ട്. സെപ്റ്റംബർ 22-ന് ജപ്പാനിലെ സാനോ ഇന്റർനാഷണൽ ക്രിക്കറ്റ് ഗ്രൗണ്ടിലാണ് ‘സുസൂക്കി കപ്പ്’ എന്ന പേരിൽ ഈ മത്സരം നടക്കുന്നത്.
ഇരു രാജ്യങ്ങളും തമ്മിലുള്ള നയതന്ത്ര ബന്ധത്തിന്റെ 75-ാം വാർഷികാഘോഷങ്ങളുടെ ഭാഗമായാണ് ഈ ചരിത്ര മത്സരം സംഘടിപ്പിച്ചിരിക്കുന്നത്. അന്താരാഷ്ട്ര ക്രിക്കറ്റ് ചരിത്രത്തിൽ ആദ്യമായാണ് ഇന്ത്യ ജപ്പാനെതിരെ ഒരു മത്സരം കളിക്കുന്നത്.
സഞ്ജുവിന് മുന്നിൽ മിന്നും റെക്കോർഡ് നേട്ടം
മലയാളി താരം സഞ്ജു സാംസൺ മികച്ച ഫോമിലേക്ക് തിരിച്ചെത്തിയത് ഇന്ത്യൻ ടീമിന് വലിയ കരുത്താണ് പകരുന്നത്. ജപ്പാനിൽ നടക്കുന്ന മത്സരങ്ങളിലും ഏഷ്യൻ ഗെയിംസിലുമായി താരം സിക്സർ മഴ പെയ്യിച്ചാൽ ഒരു ചരിത്ര നേട്ടം സ്വന്തമാക്കാൻ സഞ്ജുവിന് അവസരമുണ്ട്.
ഇന്ത്യയ്ക്കായി ടി-20 അന്താരാഷ്ട്ര മത്സരങ്ങളിൽ 100 സിക്സറുകൾ തികയ്ക്കുന്ന ആറാമത്തെ താരമെന്ന റെക്കോർഡിലേക്കാണ് സഞ്ജു എത്താൻ പോകുന്നത്.
നിലവിൽ 68 മത്സരങ്ങളിൽ നിന്ന് 94 സിക്സറുകളാണ് താരത്തിന്റെ സമ്പാദ്യം. ഇനി വെറും 6 സിക്സറുകൾ കൂടി നേടിയാൽ സഞ്ജുവിന് ഈ നേട്ടത്തിലെത്താം.
ഇന്ത്യയ്ക്കായി ടി-20യിൽ ഏറ്റവും കൂടുതൽ സിക്സർ നേടിയ താരങ്ങളുടെ പട്ടിക:
രോഹിത് ശർമ – 205 സിക്സ് (159മത്സരം)
ഹർദിക് പാണ്ഡ്യ – 168 സിക്സ് ( 138മത്സരം)
വിരാട് കോഹ്ലി – 124 സിക്സ് ( 125മത്സരം)
സൂര്യകുമാർ യാദവ് – 179 സിക്സ് ( 113മത്സരം)
കെ.എൽ. രാഹുൽ – 99 സിക്സ് ( 72മത്സരം)
സഞ്ജു സാംസൺ – 68 സിക്സ് (94 മത്സരം)
അഫ്ഗാനിസ്ഥാനെതിരെയുള്ള ടി-20 പരമ്പരയിൽ രണ്ട് അർധസെഞ്ച്വറികളോടെ സഞ്ജു തകർപ്പൻ തിരിച്ചുവരവാണ് നടത്തിയത്.
പരമ്പരയിലെ രണ്ടാം മത്സരത്തിൽ 22 പന്തിൽ 4 സിക്സും 7 ഫോറും ഉൾപ്പെടെ 57 റൺസും, അവസാന മത്സരത്തിൽ 35 പന്തിൽ 50 റൺസും നേടി താരം തിളങ്ങിയിരുന്നു.
ജപ്പാനെതിരായ സുസൂക്കി കപ്പിലും ഏഷ്യൻ ഗെയിംസിലും സഞ്ജു തന്റെ ഈ ബാറ്റിംഗ് വെടിക്കെട്ട് ആവർത്തിക്കുമെന്ന പ്രതീക്ഷയിലാണ് ആരാധകർ.
