ഇന്ത്യ-വെസ്റ്റ് ഇൻഡീസ് നാലാം ടി-20 നാളെയാണ് നടക്കുന്നത്. നിലവിൽ പരമ്പരയിൽ 2-ന് ഇന്ത്യ മുന്നിലാണ്. ഹൈദരാബാദിൽ നടക്കുന്ന മത്സരത്തിൽ വിജയിക്കാനായാൽ ഇന്ത്യക്ക് പരമ്പര സ്വന്തമാക്കാം.
ഈ മത്സരത്തിൽ മലയാളി താരം സഞ്ജു സാംസണ് ഒരു പുതിയ നാഴികക്കല്ല് പിന്നിടാനാവും. രണ്ട് സിക്സുകൾ കൂടി നേടിയാൽ ഇന്റർനാഷണൽ ടി-20യിൽ 100 സിക്സുകൾ നേടുന്ന ആറാമത്തെ ഇന്ത്യൻ താരമെന്ന റെക്കോർഡ് സഞ്ജുവിന് സ്വന്തമാക്കാം.
രോഹിത് ശർമ്മ, വിരാട് കോലി, ഹർദിക് പാണ്ഡ്യാ, സൂര്യകുമാർ യാദവ്, അഭിഷേക് ശർമ്മ എന്നിവരാണ് ഇന്ത്യക്ക് വേണ്ടി 100 സിക്സുകൾ നേടിയിട്ടുള്ളത്.
റാഞ്ചിയിൽ നടന്ന രണ്ടാം മത്സരത്തിൽ സഞ്ജു തിളങ്ങിയിരുന്നു. 41 പന്തുകളിൽ നിന്നും 82 റൺസ് നേടിയാണ് സഞ്ജു തിളങ്ങിയത്. 9 ഫോറുകളും 4 കൂറ്റൻ സിക്സുകളും അടങ്ങുന്നതാണ് സഞ്ജുവിന്റെ ഇന്നിംഗ്സ്. വിൻഡീസ് ബൗളർമാരെ തലങ്ങും വിലങ്ങും അടിച്ചൊതുക്കിയാണ് സഞ്ജു റാഞ്ചിയെ കോരിത്തരിപ്പിച്ചത്.
ഇൻഡോറിൽ നടന്ന മൂന്നാം മത്സരത്തിൽ സഞ്ജുവിന് മൂന്ന് റൺസ് മാത്രമാണ് നേടാനായത്. നാലാം മത്സരത്തിൽ ശക്തമായി തിരിച്ചുവരാനായിരിക്കും സഞ്ജുവിന്റെ ലക്ഷ്യം.
മൂന്നാം ടി-20യിൽ 14 റൺസിനായിരുന്നു ഇന്ത്യയുടെ വിജയം. മത്സരത്തിൽ ഇന്ത്യ ഉയർത്തിയ 223 റൺസ് പിന്തുടർന്ന വിൻഡീസ് 20 ഓവറിൽ 209 റൺസാണ് നേടിയത്.
