ന്യൂഡൽഹി: വരാനിരിക്കുന്ന ന്യൂസിലാൻഡിനെതിരെയുള്ള ഏകദിന, ടെസ്റ്റ്, ടി20 പരമ്പരകൾക്കുള്ള ഇന്ത്യൻ ടീമിനെ ബിസിസിഐ പ്രഖ്യാപിച്ചു.
ഏകദിന പരമ്പരയിൽ ആദ്യ മൂന്ന് മത്സരങ്ങളിൽ ശുഭ്മൻ ഗില്ലും അവസാന രണ്ട് മത്സരങ്ങളിൽ ശ്രേയസ് അയ്യരുമാണ് ടീമിനെ നയിക്കുന്നത്.
ടെസ്റ്റ് മത്സരങ്ങൾക്കായുള്ള മുന്നൊരുക്കങ്ങളുടെ ഭാഗമായാണ് അവസാന രണ്ട് ഏകദിനങ്ങളിൽ ക്യാപ്റ്റൻ ഗില്ലിന് സെലക്ടർമാർ വിശ്രമം അനുവദിച്ചിരിക്കുന്നത്.
സഞ്ജുവിന് വീണ്ടും തിരിച്ചടി; ടീമിൽ ഇടംനേടി കുമാർ കുശാഗ്ര
ഏകദിന ടീമിലേക്ക് മലയാളി താരം സഞ്ജു സാംസൺ തിരിച്ചെത്തുമെന്ന് ആരാധകർ ശക്തമായി പ്രതീക്ഷിച്ചിരുന്നെങ്കിലും, സെലക്ടർമാർ വീണ്ടും താരത്തെ തഴയുകയായിരുന്നു.
സഞ്ജുവിന് പകരം യുവതാരം കുമാർ കുശാഗ്രയാണ് ഏകദിന ടീമിൽ ഇടംനേടിയത്.
ഇഷാൻ കിഷനൊപ്പം രണ്ടാം വിക്കറ്റ് കീപ്പറായിട്ടാണ് കുശാഗ്ര ടീമിലെത്തിയത്. അവസാന രണ്ട് മത്സരങ്ങളിൽ കെ.എൽ. രാഹുലിന് വിശ്രമം അനുവദിക്കുന്ന സാഹചര്യത്തിലാണ് കുശാഗ്രയ്ക്ക് നറുക്കുവീണിരിക്കുന്നത്.
ഏകദിനത്തിൽ മികച്ച റെക്കോർഡുള്ള സഞ്ജു അപ്രതീക്ഷിതമായാണ് ഈ ഫോർമാറ്റിൽ നിന്ന് പുറത്താക്കപ്പെട്ടത്. കളിച്ച 16 ഏകദിനങ്ങളിൽ നിന്ന് 510 റൺസാണ് താരം നേടിയിട്ടുള്ളത്;
ഇതിൽ 108 റൺസിന്റെ ഉയർന്ന സ്കോറും ഉൾപ്പെടുന്നു. അവസാനമായി സൗത്ത് ആഫ്രിക്കയ്ക്കെതിരായ പരമ്പരയിലാണ് സഞ്ജു ഏകദിനത്തിൽ കളത്തിലിറങ്ങിയത്.
2023 ഡിസംബർ 21-ന് നടന്ന നിർണായക മത്സരത്തിൽ 114 പന്തിൽ നിന്ന് 108 റൺസ് നേടി ഇന്ത്യയെ വിജയത്തിലേക്ക് നയിച്ചത് ആരാധകർ ഇന്നും ഓർക്കുന്നുണ്ട്
എന്നാൽ, അതിനുശേഷമുള്ള പരമ്പരകളിൽ താരത്തിന് അർഹിച്ച അവസരങ്ങൾ ലഭിച്ചിരുന്നില്ല.
പരമ്പരയുടെ സമയക്രമം
ഒക്ടോബർ 22-നാണ് ഇന്ത്യ-ന്യൂസിലാൻഡ് അഞ്ച് മത്സരങ്ങളുടെ ടി-20 പരമ്പരയ്ക്ക് തുടക്കമാകുന്നത്.
തുടർന്ന് നവംബർ 4-ന് ഏകദിന പരമ്പരയും, നവംബർ 19-ന് രണ്ട് മത്സരങ്ങളുടെ ടെസ്റ്റ് പരമ്പരയും ആരംഭിക്കും. നവംബർ 27-നായിരിക്കും അവസാന ടെസ്റ്റ് മത്സരം.
ന്യൂസിലാൻഡിനെതിരെയുള്ള ടീം സ്ക്വാഡുകൾ:
ആദ്യ മൂന്ന് ഏകദിനങ്ങൾക്കുള്ള ഇന്ത്യൻ സ്‌ക്വാഡ്:
ശുഭ്മൻ ഗിൽ (ക്യാപ്റ്റൻ), രോഹിത് ശർമ, വിരാട് കോഹ്‌ലി, ശ്രേയസ് അയ്യർ (വൈസ് ക്യാപ്റ്റൻ), കെ.എൽ. രാഹുൽ (വിക്കറ്റ് കീപ്പർ), ഇഷാൻ കിഷൻ (വിക്കറ്റ് കീപ്പർ), നിതീഷ് കുമാർ റെഡ്ഡി,
അക്സർ പട്ടേൽ, നമൻ ധീർ, അൻഷുൽ കംബോജ്, ഗുർനൂർ ബ്രാർ, അർഷ്ദീപ് സിങ്, ഋതുരാജ് ഗെയ്ക്വാദ്, മുഹമ്മദ് സിറാജ്, പ്രസിദ്ധ് കൃഷ്ണ, കുൽദീപ് യാദവ്.
നാലാമത്തെയും അഞ്ചാമത്തെയും ഏകദിനങ്ങൾക്കുള്ള ഇന്ത്യൻ സ്‌ക്വാഡ്:
ശ്രേയസ് അയ്യർ (ക്യാപ്റ്റൻ), രോഹിത് ശർമ്മ, വിരാട് കോഹ്‌ലി, തിലക് വർമ, ഇഷാൻ കിഷൻ (വിക്കറ്റ് കീപ്പർ, വൈസ് ക്യാപ്റ്റൻ), നിതീഷ് കുമാർ റെഡ്ഡി, അക്സർ പട്ടേൽ,
നമൻ ധിർ, ആഖിബ് നബി, ഗുർനൂർ ബ്രാർ, റുതുരാജ് ഗെയ്ക്വാദ്, കുമാർ കുശാഗ്ര (വിക്കറ്റ് കീപ്പർ), മുഹമ്മദ് സിറാജ്, യാഷ് താക്കൂർ, കുൽദീപ് യാദവ്.
ന്യൂസിലാൻഡ് പര്യടനത്തിനുള്ള ഇന്ത്യൻ ടെസ്റ്റ് സ്‌ക്വാഡ്:
ശുഭ്മാൻ ഗിൽ (ക്യാപ്റ്റൻ), യശസ്വി ജെയ്‌സ്വാൾ, കെ.എൽ. രാഹുൽ (വൈസ് ക്യാപ്റ്റൻ), ദേവദത്ത് പടിക്കൽ, ഋഷഭ് പന്ത് (വിക്കറ്റ് കീപ്പർ), ധ്രുവ് ജൂറൽ (വിക്കറ്റ് കീപ്പർ), രവീന്ദ്ര ജഡേജ,
സായ് സുദർശൻ, അൻഷുൽ കാംബോജ്, ജസ്പ്രീത് ബുംറ, പ്രസീദ്ധ് കൃഷ്ണ, ആകാശ് ദീപ്, നിതീഷ് കുമാർ റെഡ്ഡി, വാഷിങ്ങ്ടൺ സുന്ദർ, കുൽദീപ് യാദവ്, മുഹമ്മദ് സിറാജ്.
ന്യൂസിലാൻഡ് പര്യടനത്തിനുള്ള ഇന്ത്യൻ ടി-20 സ്‌ക്വാഡ്:
ശ്രേയസ് അയ്യർ (ക്യാപ്റ്റൻ), അഭിഷേക് ശർമ, സഞ്ജു സാംസൺ (വിക്കറ്റ് കീപ്പർ), ഇഷാൻ കിഷൻ (വിക്കറ്റ് കീപ്പർ), വൈഭവ് സൂര്യവംശി, തിലക് വർമ (വൈസ് ക്യാപ്റ്റൻ), അക്സർ പട്ടേൽ, ശിവം ദുബെ,
നിതീഷ് കുമാർ റെഡ്ഡി, നമൻ ധിർ, മായങ്ക് യാദവ്, പ്രിൻസ് യാദവ്, അർഷ്ദീപ് സിങ്, ഭുവനേശ്വർ കുമാർ, വരുൺ ചക്രവർത്തി, കുൽദീപ് യാദവ്.
