2026 ബാലൺ ഡി ഓർ നേടാൻ ഏറ്റവും അർഹതപ്പെട്ട താരം ആരാണെന്ന് പറയുകയാണ് പോളണ്ട് താരം റോബർട്ട് ലെവൻഡോസ്കി. ബാഴ്സലോണയുടെ സ്പാനിഷ് സൂപ്പർ താരം ലാമിൻ യമാൽ ബാലൺ ഡി നേടുന്നത് കാണാൻ തനിക്ക് ആഗ്രഹം ഉണ്ടെന്നാണ് ലെവൻഡോസ്കി പറഞ്ഞത്.
‘ലാമിൻ യമാൽ നിയമൽ ബാലൺ ഡി ഓർ നേടണം എന്നാണ് എന്റെ ആഗ്രഹം. കാരണം അവൻ അത്ഭുതകരമായ താരമാണ്. പ്രത്യേകിച്ചും ഇത്ര ചെറിയ പ്രായത്തിൽ തന്നെ അവൻ കാഴ്ചവെക്കുന്ന പ്രകടനങ്ങൾ വളരെ മികച്ചതാണ്.
എന്നാൽ മുൻ വർഷങ്ങളുമായി താരതമ്യം ചെയ്യുമ്പോൾ ഇത്തവണത്തെ സാഹചര്യം കുറച്ചു വ്യത്യസ്തമാണ്. ഇപ്പോൾ ബാലൺ ഡി ഓർ നേടാൻ സാധ്യതയുള്ള പത്തോളം താരങ്ങളെ കണ്ടെത്താൻ സാധിക്കും. ഓരോരുത്തർക്കും അവാർഡ് ലഭിക്കാനുള്ള കാരണങ്ങളുമുണ്ട്” റോബർട്ട് ലെവൻഡോസ്കി ദി അത്‌ലറ്റിന് നൽകിയ അഭിമുഖത്തിൽ പറഞ്ഞു.
ഇതേ അഭിമുഖത്തിൽ ഫ്രഞ്ച് താരം മൈക്കൽ ഒലീസക്ക് ബാലൺ ഡി ഓർ നേടാനുള്ള സാധ്യതകളെക്കുറിച്ചും ലെവൻഡോസ്കി വ്യക്തമാക്കി.
‘”മൈക്കൽ ഒലീസിന്റെ കാര്യമെടുത്താൽ അദ്ദേഹത്തിന്റെ കളി ശരിക്കും അത്ഭുതപ്പെടുത്തുന്നതാണ്. മത്സരത്തിന്റെ ഗതി മാറ്റാനുള്ള കഴിവുള്ള താരമാണ് അദ്ദേഹം. ലോകകപ്പിൽ ഒന്നോ രണ്ടോ ഗോളുകൾ കൂടി നേടിയിരുന്നെങ്കിൽ ഹാരി കെയ്ൻ, യമാൽ എന്നിവർക്കൊപ്പം ബാലൺ ഡി ഓർ നേടാൻ ഏറ്റവും കൂടുതൽ സാധ്യതയുള്ളവരിൽ ഒരാൾ ഒലീസയായേനെ” പോളണ്ട് താരം കൂട്ടിച്ചേർത്തു.
