പാരീസ്: ഫുട്ബോൾ ലോകത്തെ ഏറ്റവും മികച്ച താരത്തിനുള്ള ഈ വർഷത്തെ ബാലൺ ഡി ഓർ (Ballon d’Or) പുരസ്കാര പ്രഖ്യാപനത്തിന് മണിക്കൂറുകൾ മാത്രം ശേഷിക്കെ, ഫുട്ബോൾ ലോകത്ത് ആവേശവും ഊഹാപോഹങ്ങളും ശക്തമാകുന്നു.
താരനിബിഡമായ പുരുഷ വിഭാഗത്തിൽ ഇത്തവണ ഈ അബിമാനകരമായ ഈ നേട്ടം ആരുടേതായിരിക്കുമെന്ന ആകാംക്ഷയിലാണ് ആരാധകർ.
ഹാരി കെയ്ൻ, 8 തവണ ജേതാവായ ലയണൽ മെസ്സി, കൗമാര വിസ്മയം ലാമിൻ യമാൽ തുടങ്ങിയ പ്രമുഖർ പട്ടികയിൽ മുൻനിരയിലുണ്ടെങ്കിലും ഇത്തവണ വിജയിയെ പ്രവചിക്കുക എളുപ്പമല്ല.
വ്യക്തിഗത പ്രകടനങ്ങൾ, കളിക്കളത്തിലെ നിർണായക സംഭാവനകൾ, കൂട്ടായ നേട്ടങ്ങളും കിരീടങ്ങളും, ഫെയർ പ്ലേ എന്നിവയാണ് പ്രധാനമായും മാനദണ്ഡമാക്കുന്നത്.
ലോകകപ്പ് ഫൈനൽ നടന്ന ദിവസം വരെയുള്ള (2025 ഓഗസ്റ്റ് 3 മുതൽ 2026 ജൂലൈ 19 വരെ) പ്രകടനങ്ങളെ അടിസ്ഥാനമാക്കിയാണ് 30 അംഗ ചുരുക്കപ്പട്ടിക തയ്യാറാക്കിയിട്ടുള്ളത്.
എട്ട് തവണ ജേതാവായ ലയണൽ മെസ്സി, ഫ്രാൻസിന്റെ കഴിഞ്ഞ വർഷത്തെ ബാലൺ ഡി ഓർ വിന്നർ ഔസ്മാൻ ഡെംബെലെ, 2024 ലെ ജേതാവ് റോഡ്രി എന്നീ മുൻ വിജയികളും ഈ പട്ടികയിലുണ്ട്.
ഈ സാഹചര്യത്തിൽ, 1956-ൽ പുരുഷന്മാർക്കുള്ള ബാലൺ ഡി ഓർ പുരസ്കാരം നിലവിൽ വന്നതിനുശേഷം ഏറ്റവും കൂടുതൽ ട്രോഫികൾ നേടിയ രാജ്യങ്ങളുടെ കണക്കുകൾ പരിശോധിക്കാം:
- അർജന്റീന — 8 അവാർഡുകൾ
അർജന്റീനയുടെ എട്ട് ബാലൺ ഡി ഓർ ട്രോഫികൾ സ്വന്തമാക്കി എക്കാലത്തെയും മികച്ച ഫുട്ബോൾ ഇതിഹാസങ്ങളിലൊരാളായ ലയണൽ മെസ്സിയാണ്.
ലോകകപ്പിൽ രാജ്യത്തെ റണ്ണേഴ്‌സ് അപ്പാക്കുകയും ഇന്റർ മിയാമിക്കൊപ്പം മേജർ ലീഗ് സോക്കർ കിരീടം നേടിക്കൊടുക്കുകയും ചെയ്ത മെസ്സി, കഴിഞ്ഞ ഓഗസ്റ്റിൽ അന്താരാഷ്ട്ര ഫുട്ബോളിൽ നിന്ന് വിരമിക്കൽ പ്രഖ്യാപിച്ചിരുന്നു.
2009-2012 കാലഘട്ടത്തിലും, തുടർന്ന് 2015, 2019, 2021, 2023 വർഷങ്ങളിലുമാണ് അദ്ദേഹം ഈ റെക്കോർഡ് നേട്ടം കൈവരിച്ചത്.
- ഫ്രാൻസ് — 8 അവാർഡുകൾ
കഴിഞ്ഞ വർഷത്തെ ജേതാവായ ഔസ്മാൻ ഡെംബെലെയുടെ നേട്ടത്തോടെയാണ് ഫ്രാൻസ് റെക്കോർഡ് എട്ട് അവാർഡുകളിലേക്ക് എത്തിയത്. ആറ് വ്യത്യസ്ത താരങ്ങളിലൂടെയാണ് ഫ്രാൻസ് ഈ നേട്ടം കൈവരിച്ചത്.
ലോകകപ്പിൽ ഫ്രാൻസിനെ നാലാം സ്ഥാനത്തെത്തിച്ച കൈലിയൻ എംബാപ്പെ, മൈക്കൽ ഒലിസ്, വില്യം സാലിബ, ദയോട്ട് ഉപമെക്കാനോ എന്നിവരും ഇത്തവണ ഷോർട്ട്‌ലിസ്റ്റിലുണ്ട്.
മുൻ വിജയികൾ: റെയ്മണ്ട് കോപ (1958), മിഷേൽ പ്ലാറ്റിനി (1983, 1984, 1985), ജീൻ-പിയറി പാപിൻ (1991), സിനദീൻ സിദാൻ (1998), കരിം ബെൻസേമ (2022), ഔസ്മാൻ ഡെംബെലെ (2025).
- പോർച്ചുഗൽ — 7 അവാർഡുകൾ
പോർച്ചുഗലിന്റെ ഏഴ് അവാർഡുകളും നേടിയത് മൂന്ന് താരങ്ങൾ മാത്രമാണ്. യൂസേബിയോ (1965), ലൂയിസ് ഫിഗോ (2000), കൂടാതെ അഞ്ച് തവണ ഈ പുരസ്കാരം നേടിയ ക്രിസ്റ്റ്യാനോ റൊണാൾഡോയും (2008, 2013, 2014, 2016, 2017) ഇതിൽ ഉൾപ്പെടുന്നു.
എന്നാൽ, മെസ്സിയിൽ നിന്ന് വ്യത്യസ്തമായി തുടർച്ചയായ നാലാം വർഷവും റൊണാൾഡോ ഷോർട്ട്‌ലിസ്റ്റിൽ നിന്ന് പുറത്തായി.
ബ്രൂണോ ഫെർണാണ്ടസ്, നുനോ മെൻഡിസ്, ജോവോ നെവസ്, വിറ്റിൻഹ എന്നിവരാണ് പോർച്ചുഗലിന് പുതിയ വിജയിയെ സമ്മാനിക്കാൻ സാധ്യതയുള്ള താരങ്ങൾ.
- ജർമ്മനി — 7 അവാർഡുകൾ
1996-ൽ മത്തിയാസ് സാമറാണ് ജർമ്മനിക്കായി അവസാനമായി ഈ പുരസ്കാരം നേടിയത്. എങ്കിലും ചരിത്രത്തിൽ തിളക്കമാർന്ന വിജയം ആസ്വദിച്ച രാജ്യമാണിത്. ഇത്തവണ ഒരു ജർമ്മൻ കളിക്കാരനും ഷോർട്ട്‌ലിസ്റ്റിൽ ഇടംനേടാനായിട്ടില്ല.
മുൻ വിജയികൾ: ഗെർഡ് മുള്ളർ (1970), ഫ്രാൻസ് ബെക്കൻബോവർ (1972, 1976), കാൾ-ഹെയ്ൻസ് റുമെനിഗ്ഗെ (1980, 1981), ലോതർ മത്തേയൂസ് (1990), മത്തിയാസ് സാമർ (1996).
- നെതർലാൻഡ്‌സ് — 7 അവാർഡുകൾ
ജർമ്മനിയെപ്പോലെ നെതർലാൻഡ്‌സും അവസാനമായി ബാലൺ ഡി ഓർ വിജയം കണ്ടത് 1990-കളിലാണ്.
ഇത്തവണ പുരുഷ അവാർഡിനായി ഷോർട്ട്‌ലിസ്റ്റ് ചെയ്യപ്പെട്ട ഡച്ച് കളിക്കാരൊന്നുമില്ല.
ജോഹാൻ ക്രൈഫ് (1971, 1973, 1974), റൂഡ് ഗുള്ളിറ്റ് (1987), മാർക്കോ വാൻ ബാസ്റ്റൻ (1988, 1989, 1992) എന്നിവരാണ് ഈ നേട്ടം സ്വന്തമാക്കിയ മൂന്ന് ഡച്ച് താരങ്ങൾ.
- ബ്രസീൽ — 5 അവാർഡുകൾ
1997-ൽ ഫുട്ബോൾ ഐക്കൺ റൊണാൾഡോയാണ് ബ്രസീലിന്റെ ആദ്യ ബാലൺ ഡി ഓർ നേടുന്നത്.
പിന്നീട് നാല് വിജയങ്ങൾ കൂടി രാജ്യം സ്വന്തമാക്കി. ഗബ്രിയേൽ, മാർക്വിഞ്ഞോസ്, വിനീഷ്യസ് ജൂനിയർ എന്നിവരാണ് രണ്ട് പതിറ്റാണ്ടിനിടയിൽ ബ്രസീലിനായി ഈ നേട്ടം ആവർത്തിക്കാൻ സാധ്യതയുള്ള പ്രമുഖർ.
മുൻ വിജയികൾ: റൊണാൾഡോ (1997, 2002), റിവാൾഡോ (1999), റൊണാൾഡീഞ്ഞോ (2005), കാക്ക (2007).
- ഇംഗ്ലണ്ട് — 5 അവാർഡുകൾ
1956-ൽ സ്റ്റാൻലി മാത്യൂസിന് ആദ്യ പുരസ്കാരം ലഭിച്ചതിനുശേഷം, ഇംഗ്ലണ്ടിലേക്ക് വീണ്ടും പുരസ്കാര പ്രതീക്ഷകൾ ശക്തമാകുന്നുണ്ട്.
ക്ലബ്ബിനും രാജ്യത്തിനുമായി മികച്ച പ്രകടനം കാഴ്ചവെച്ച് 73 ഗോളുകൾ നേടുകയും, ബയേൺ മ്യൂണിക്കിനൊപ്പം ബുണ്ടസ്ലിഗ കിരീടവും ലോകകപ്പിൽ ഇംഗ്ലണ്ടിനെ മൂന്നാം സ്ഥാനത്തെത്തിക്കുകയും ചെയ്ത ഇംഗ്ലീഷ് ക്യാപ്റ്റൻ ഹാരി കെയ്‌നിലാണ് ആരാധകരുടെ വലിയ പ്രതീക്ഷ.
ഡെക്ലാൻ റൈസ്, ജൂഡ് ബെല്ലിംഗ്ഹാം എന്നിവരും ഷോർട്ട്‌ലിസ്റ്റിലുണ്ട്.
മുൻ വിജയികൾ: സ്റ്റാൻലി മാത്യൂസ് (1956), ബോബി ചാൾട്ടൺ (1966), കെവിൻ കീഗൻ (1978, 1979), മൈക്കൽ ഓവൻ (2001).
- ഇറ്റലി — 5 അവാർഡുകൾ
ഇറ്റലിയുടെ അഞ്ച് ബാലൺസ് ഡി ഓർ അവാർഡുകളും അഞ്ച് വ്യത്യസ്ത കളിക്കാരുടെ പേരിലാണ്. കഴിഞ്ഞ രണ്ട് പതിറ്റാണ്ടുകളായി ഇറ്റലിയിൽ നിന്ന് പുതിയ വിജയികൾ ഉണ്ടായിട്ടില്ല.
മുൻ വിജയികൾ: ഒമർ സിവോരി (1961), ജിയാനി റിവേര (1969), പൗലോ റോസി (1982), റോബർട്ടോ ബാഗിയോ (1993), ഫാബിയോ കന്നവാരോ (2006).
- സ്പെയിൻ — 4 അവാർഡുകൾ
കഴിഞ്ഞ വർഷം മികച്ച നേട്ടങ്ങൾ സ്വന്തമാക്കിയ സ്പെയിൻ, ലോകകപ്പ് വിജയത്തിന്റെ കരുത്തിൽ ഈ വർഷവും വിജയം ആവർത്തിക്കാനുള്ള തയ്യാറെടുപ്പിലാണ്.
ലോകകപ്പ് ജേതാവ് ലാമിൻ യമാൽ, പൗ കുബാർസി, മാർക്ക് കുക്കുറെല്ല, റോഡ്രി, ഫാബിയൻ റൂയിസ്, ഫെറാൻ ടോറസ് തുടങ്ങിയവരാണ് സ്പാനിഷ് നിരയിലുള്ളത്.
മുൻ വിജയികൾ: ആൽഫ്രെഡോ ഡി സ്റ്റെഫാനോ (1957, 1959), ലൂയിസ് സുവാരസ് (1960), റോഡ്രി (2024).
