ന്യൂസിലാൻഡിനെതിരെയുള്ള അഞ്ച് ടി-20 മത്സരങ്ങളുടെ പരമ്പരയിലെ രണ്ടാം മത്സരത്തിൽ നിന്നും പരിക്കേറ്റ ഇഷാൻ കിഷൻ പുറത്തായി. രണ്ടാം ടി-20 ആരംഭിക്കുന്നതിന് മുന്നോടിയായാണ് ബി.സി.സി.ഐ ഈ വിവരം പുറത്തുവിട്ടത്.
ഇഷാൻ കിഷന്റെ പകരക്കാരനായി കുമാർ കുശാഗ്ര ടീമിനൊപ്പം ചേരും. ആദ്യ മത്സരത്തിനിടെയാണ് ഇഷാന് പരിക്കേറ്റത്. വലത് ഭാഗത്തെ പേശിക്കേറ്റ പരിക്കിനെ തുടർന്നാണ് താരത്തിന് ഈ രണ്ടാം മത്സരം നഷ്ടമാകുക.
രണ്ടാം ടി-20 ടീമിൽ ഇടം നേടിയതോടെ കുശാഗ്രയ്ക്ക് ന്യൂസിലാൻഡ് എ ടീമിനെതിരെയുള്ള അൺ ഒഫീഷ്യൽ ടെസ്റ്റ് മത്സരം നഷ്ടമാവും.
ഇഷാൻ കിഷന് പകരം വൈഭവ് സൂര്യവംശി ഇന്ത്യൻ പ്ലെയിങ് ഇലവനിൽ ഇടം നേടാനുള്ള സാധ്യതകളും നിലവിലുണ്ട്. മൂന്നാം നമ്പറിൽ വൈഭവ് ഇറങ്ങാനുള്ള സാധ്യതകളുമുണ്ട്.
ന്യൂസിലാൻഡിനെതിരെയുള്ള ടി-20 പരമ്പരയിലെ ആദ്യ മത്സരത്തിൽ
മത്സരത്തിൽ നാല് വിക്കറ്റുകൾക്കാണ് ഇന്ത്യ വിജയിച്ചത്. ഹാഗ്ലി ഓവലിൽ നടന്ന മത്സരത്തിൽ ആദ്യം ബാറ്റ് ചെയ്ത ന്യൂസിലാൻഡ് ഉയർത്തിയ 225 റൺസ് വിജയലക്ഷ്യം 19.4 ഓവറിൽ ആറ് വിക്കറ്റ് നഷ്ടത്തിൽ ഇന്ത്യ മറികടന്നു.
സഞ്ജു സാംസൺ ആണ് ഇന്ത്യക്ക് വേണ്ടി മികച്ച പ്രകടനം നടത്തിയത്. 33 പന്തുകളിൽ നിന്നും 8 ഫോറുകളും നാല് സിക്സുകളും അടക്കം 67 റൺസാണ് സഞ്ജു നേടിയത്. കളിയിലെ താരവും സഞ്ജുവാണ്.
