ന്യൂസിലാൻഡിനെതിരെയുള്ള മൂന്നാം ടി-20യും വിക്കറ്റ് കീപ്പർ ഇഷാൻ കിഷന് നഷ്ടമാവും. രണ്ടാം ടി-20യിൽ പരിക്ക് മൂലം താരം കളിച്ചിരുന്നില്ല. വലത് ഭാഗത്തെ പേശിക്കേറ്റ പരിക്കിനെ തുടർന്നാണ് താരം പുറത്തായത്. ബൗളിംഗ് പരിശീലകൻ മോർനെ മോർക്കൽ ആണ് താരം കളിക്കില്ലെന്ന വാർത്ത സ്ഥിരീകരിച്ചത്.
ഇഷാൻ കിഷന്റെ പകരക്കാരനായി കുമാർ കുശാഗ്രയെ ടീമിൽ ഉൾപ്പെടുത്തിയിരുന്നു. രണ്ടാം ടി-20യിൽ ഇഷാന് പകരം വൈഭവ് സൂര്യവംശിയായിരുന്നു ടീമിൽ ഇടം നേടിയത്. മൂന്നാം ടി-20യിലും കിഷൻ ഇല്ലാത്തതിനാൽ വൈഭവിന് വീണ്ടും അവസരം ലഭിക്കാനുള്ള സാധ്യതകളുണ്ട്. പരമ്പരയിലെ മൂന്നാം മത്സരം നാളെയാണ് നടക്കുന്നത്.
ന്യൂസിലാൻഡിനെതിരെയുള്ള രണ്ടാം ടി-20യിൽ ഇന്ത്യ ത്രില്ലർ വിജയമാണ് നേടിയത്. ഹാഗ്ലി ഓവലിൽ നടന്ന മത്സരത്തിൽ നാല് വിക്കറ്റുകൾക്കാണ് ന്യൂസിലാൻഡിനെ ഇന്ത്യ പരാജയപ്പെടുത്തിയത്.
മത്സരത്തിൽ ആദ്യം ബാറ്റ് ചെയ്ത ന്യൂസിലാൻഡ് ഉയർത്തിയ 180 റൺസ് വിജയലക്ഷ്യം ഇന്ത്യ ഒരു പന്തും നാല് വിക്കറ്റും ബാക്കിനിൽക്കെ മറികടന്നു. ഈ വിജയത്തോടെ 5 മൽസരങ്ങളുടെ പരമ്പരയിൽ 2-0ത്തിന് മുന്നിലെത്താനും ഇന്ത്യക്ക് സാധിച്ചു.
തിലക് വർമ്മയുടെ അർധ സെഞ്ച്വറി കരുത്തിലാണ് ഇന്ത്യ ആവേശ വിജയം കൈപ്പിടിയിലാക്കാക്കിയത്. 26 പന്തുകളിൽ നിന്നും പുറത്താവാതെ 51 റൺസ് നേടിയാണ് തിലക് ഇന്ത്യക്ക് വിജയം സമ്മാനിച്ചത്. ആറ് ഫോറുകളും ഒരു സിക്സുമാണ് താരം നേടിയത്.
തിലകിനൊപ്പം മത്സരത്തിൽ തിലകിനൊപ്പം നമൻ ധിർ 17 പന്തിൽ 31 റൺസും നിതീഷ് കുമാർ റെഡ്ഢി 13 പന്തിൽ പുറത്താവാതെ 26 റൺസും നേടി ഇന്ത്യൻ വിജയത്തിൽ നിർണായകമായി.
ഇന്ത്യൻ ടോപ് ഓർഡർ ബാറ്റർമാർ നിരാശപ്പെടുത്തിയപ്പോൾ മിഡിൽ ഓർഡർ ഇന്ത്യയെ മത്സരത്തിൽ കരകയറ്റുകയായിരുന്നു.മത്സരത്തിൽ അഭിഷേക് 27 റൺസ് നേടിയപ്പോൾ മലയാളി താരം സഞ്ജു സാംസൺ 14 റൺസിനും പുറത്തായി.
ഇഷാൻ കിഷന് പകരം ടീമിലെത്തിയ യുവതാരം വൈഭവ് സൂര്യവംശി നാല് റൺസ് നേടിയപ്പോൾ ക്യാപ്റ്റൻ ശ്രേയസ് അയ്യർ ഏഴ് റൺസും നേടി. ഓൾ റൗണ്ടർ അക്‌സർ പട്ടേൽ 11 റൺസിനും മടങ്ങി.
ആദ്യം ബാറ്റ് ചെയ്ത ന്യൂസിലാൻഡിന് വേണ്ടി ഗ്ലെൻ ഫിലിപ്പ്സ്, ബെവൺ ജേക്കബ്‌സ് എന്നിവർ അർധ സെഞ്ച്വറി നേടി തിളങ്ങി. ഫിലിപ്പ്സ് 43 പന്തിൽ 70 റൺസാണ് അടിച്ചെടുത്തത്. നാല് വീതം ഫോറുകളും സിക്സുകളും അടങ്ങുന്നതാണ് ഇന്നിംഗ്സ്. ബെവൺ ജേക്കബ്‌സ് 46 പന്തിൽ 5 ഫോറുകളും ഒരു സിക്‌സും അടക്കം 58 റൺസും നേടി.
മത്സരത്തിൽ ഇന്ത്യൻ ബൗളിംഗിൽ അർഷ്ദീപ് സിംഗ് രണ്ട് വിക്കറ്റും ഭുവനേശ്വർ കുമാർ, നിതീഷ് കുമാർ റെഡ്ഢി, പ്രിൻസ് യാദവ് എന്നിവർ ഓരോ വീതം വിക്കറ്റുകൾ നേടി.
