ഏകദിനത്തിൽ ചരിത്രം കുറിച്ച് ഇംഗ്ലണ്ട് ക്യാപ്റ്റൻ ഹാരി ബ്രൂക്. ശ്രീലങ്കക്കെതിരെയുള്ള മത്സരത്തിലാണ് ഇരട്ട സെഞ്ച്വറി നേടിയാണ് ബ്രൂക്ക് ചരിത്രത്തിന്റെ ഭാഗമായത്. പാകിസ്ഥാൻ, ശ്രീലങ്ക, ഇംഗ്ലണ്ട് എന്നിവരടങ്ങുന്ന ത്രി രാഷ്ട്ര പരമ്പരയിലാണ് താരം റെക്കോർഡ് ഡബിൾ സെഞ്ച്വറി നേടിയത്.
മത്സരത്തിൽ 116 പന്തിൽ 202 റൺസ് നേടിയാണ് ഇംഗ്ലണ്ട് നായകൻ തിളങ്ങിയത്. ഏകദിനത്തിലെ ഏറ്റവും വേഗതയേറിയ ഡബിൾ സെഞ്ച്വറിയാണ് ബ്രൂക്ക് അടിച്ചെടുത്തത്. 104 പന്തുകളിൽ നിന്നുമാണ് താരത്തിന്റെ ഇരട്ട സെഞ്ച്വറി നേട്ടം.
ഇന്ത്യൻ നായകൻ ശുഭ്മാൻ ഗില്ലിന്റെ പേരിലുള്ള റെക്കോർഡ് തകർത്താണ് ബ്രൂക് ചരിത്രം കുറിച്ചത്. അടുത്തിടെ അവസാനിച്ച വെസ്റ്റ് ഇൻഡീസിനെതിരെയുള്ള ഏകദിന പരമ്പരയിൽ ആയിരുന്നു ഗില്ലിന്റെ റെക്കോർഡ് ഇരട്ട സെഞ്ച്വറി നേട്ടം. 117 പന്തുകളിൽ നിന്നുമായിരുന്നു ഗിൽ 200 കടന്നത്.
ഈ പട്ടികയിൽ മൂന്നാം സ്ഥാനത്തുള്ളത് ഇന്ത്യൻ വിക്കറ്റ് കീപ്പർ ഇഷാൻ കിഷനാണ്. 2022ൽ ബംഗ്ലാദേശിനെതിരെ 126 പന്തിൽ നിന്നുമായിരുന്നു കിഷന്റെ ഡബിൾ സെഞ്ച്വറി നേട്ടം.
മത്സരത്തിൽ ശ്രീലങ്കയ്ക്കെതിരെ ഇംഗ്ലണ്ട് കൂറ്റൻ ടോട്ടൽ ആണ് അടിച്ചെടുത്തത്. 50 ഓവറിൽ നിന്നും നാല് വിക്കറ്റ് നഷ്ടത്തിൽ 429 റൺസ് ആണ് ഇംഗ്ലണ്ട് സ്വന്തമാക്കിയത്.
മത്സരത്തിൽ ഇംഗ്ലണ്ട് നായകന് പുറമേ സൂപ്പർതാരം ജോ റൂട്ട്, ഓൾ റൗണ്ടർ വിൽ ജാക്സ് എന്നിവർ അർദ്ധ സെഞ്ച്വറിയും സ്വന്തമാക്കി. 66 പന്തുകളിൽ നിന്നും 69 റൺസ് ആണ് റൂട്ട് നേടിയത്. എട്ട് ഫോറുകളാണ് താരത്തിന്റെ ബാറ്റിൽ നിന്നും പിറന്നത്.
ജാക്സ് 30 പന്തിൽ പുറത്താവാതെ 66 റൺസും നേടി ഇംഗ്ലണ്ടിന് വമ്പൻ ടോട്ടൽ സമ്മാനിച്ചു. എട്ട് ഫോറുകളും മൂന്ന് സിക്‌സും അടങ്ങുന്നതാണ് ഇന്നിംഗ്സ്.
