അഫ്ഗാനിസ്ഥാനെതിരായ ടി-20 പരമ്പര തൂത്തുവാരി ശ്രേയസ് അയ്യരും സംഘവും മിന്നുന്ന കുതിപ്പിലാണ്. മൂന്ന് മത്സരങ്ങളുടെ പരമ്പരയിലെ എല്ലാ മത്സരങ്ങളിലും ആധികാരിക വിജയം നേടിയാണ് ടീം ഇന്ത്യ തങ്ങളുടെ കരുത്ത് വീണ്ടും തെളിയിച്ചത്.
പരമ്പരയിലെ അവസാന മത്സരത്തിൽ 127 റണ്സിന്റെ കൂറ്റന് വിജയമാണ് ഇന്ത്യ സ്വന്തമാക്കിയത്. ആദ്യം ബാറ്റ് ചെയ്ത ഇന്ത്യ ഉയര്ത്തിയ 222 റണ്സിന്റെ വലിയ വിജയലക്ഷ്യം പിന്തുടര്ന്നിറങ്ങിയ അഫ്ഗാന് പടയ്ക്ക് വെറും 94 റണ്സ് മാത്രമാണ് നേടാനായത്.
ഈ മത്സരത്തിലും തകർപ്പൻ പ്രകടനമാണ് മലയാളി താരം സഞ്ജു സാംസൺ പുറത്തെടുത്തത്. 35 പന്തില് 50 റണ്സടിച്ച സഞ്ജു ഇന്ത്യയുടെ ബാറ്റിംഗ് നിരയിൽ നിർണായക പങ്കുവഹിച്ചു. അഭിഷേക് ശര്മ ഈ മത്സരത്തിൽ സെഞ്ച്വറിയും (34 പന്തിൽ 108) സ്വന്തമാക്കി.
സഞ്ജുവിന്റെ വിജയ സ്ട്രീക്ക് തുടരുന്നു; 50+ സ്കോറിൽ തോൽവി അറിയാതെ ഇന്ത്യ
ഈ വിജയത്തോടെ അന്താരാഷ്ട്ര ടി-20 ക്രിക്കറ്റിൽ സഞ്ജു സാംസണിന്റെ പേരിലുള്ള അപൂർവ്വ റെക്കോർഡ് വീണ്ടും നീളുകയാണ്. സഞ്ജു അന്താരാഷ്ട്ര ടി-20യിൽ 50-ൽ അധികം റണ്സ് നേടിയ ഒരു മത്സരത്തിലും ഇന്ത്യ ഇതുവരെ പരാജയപ്പെട്ടിട്ടില്ല.
അന്താരാഷ്ട്ര ടി-20യില് ഇതുവരെ മൂന്ന് സെഞ്ച്വറിയും എട്ട് അര്ധ സെഞ്ച്വറികളുമാണ് സഞ്ജു നേടിയിട്ടുള്ളത്. ഈ മികച്ച പ്രകടനങ്ങൾ പിറന്ന മത്സരങ്ങളിലെല്ലാം ഇന്ത്യ വിജയവും സ്വന്തമാക്കി.
സഞ്ജു 50+ സ്കോര് ചെയ്ത പ്രധാന മത്സരങ്ങൾ:
111 (47 പന്തിൽ) – ബംഗ്ലാദേശ് (ഹൈദരാബാദ്, 2024) – ഇന്ത്യയ്ക്ക് 133 റണ്സ് വിജയം
109 (56 പന്തിൽ)* – സൗത്ത് ആഫ്രിക്ക (ജോഹനാസ്ബെര്ഗ്, 2024) – ഇന്ത്യയ്ക്ക് 135 റണ്സ് വിജയം
107 (50 പന്തിൽ) – സൗത്ത് ആഫ്രിക്ക (ഡര്ബന്, 2024) – ഇന്ത്യയ്ക്ക് 61 റണ്സ് വിജയം
97 (50 പന്തിൽ)* – വെസ്റ്റ് ഇന്ഡീസ് (ഈഡന് ഗാര്ഡന്സ്, 2026) – ഇന്ത്യയ്ക്ക് അഞ്ച് വിക്കറ്റ് വിജയം
89 (42 പന്തിൽ) – ഇംഗ്ലണ്ട് (വാംഖഡെ, 2026) – ഇന്ത്യയ്ക്ക് ഏഴ് റണ്സ് വിജയം
89 (46 പന്തിൽ) – ന്യൂസിലാന്ഡ് (അഹമ്മദാബാദ്, 2026) – ഇന്ത്യയ്ക്ക് 96 റണ്സ് വിജയം
77 (42 പന്തിൽ) – അയര്ലാന്ഡ് (ഡബ്ലിന്, 2022) – ഇന്ത്യയ്ക്ക് നാല് റണ്സ് വിജയം
58 (45 പന്തിൽ) – സിംബാബ്വേ (ഹരാരെ, 2024) – ഇന്ത്യയ്ക്ക് 42 റണ്സ് വിജയം
57 (22 പന്തിൽ) – അഫ്ഗാനിസ്ഥാന് (ഡല്ഹി, 2026) – ഇന്ത്യയ്ക്ക് ഏഴ് വിക്കറ്റ് വിജയം
56 (45 പന്തിൽ) – ഒമാന് (അബുദാബി, 2025) – ഇന്ത്യയ്ക്ക് 21 റണ്സ് വിജയം
50 (35 പന്തിൽ) – അഫ്ഗാനിസ്ഥാന് (ഡല്ഹി, 2026) – ഇന്ത്യയ്ക്ക് 127 റണ്സ് വിജയം
അഫ്ഗാനിസ്ഥാൻ പരമ്പരയ്ക്ക് പിന്നാലെ ഇന്ത്യയുടെ അടുത്ത ടി-20 പരമ്പരയ്ക്കുള്ള തയ്യാറെടുപ്പിലാണ് ടീം. വരാനിരിക്കുന്ന വെസ്റ്റ് ഇന്ഡീസിന്റെ ഇന്ത്യന് പര്യടനത്തിലെ അഞ്ച് മത്സരങ്ങളടങ്ങിയ ടി-20 പരമ്പരയ്ക്കുള്ള ഇന്ത്യന് സ്ക്വാഡിലും സഞ്ജു സാംസൺ ഇടംനേടിയിട്ടുണ്ട്. സഞ്ജുവിന്റെ ബാറ്റിംഗ് കരുത്തിൽ പുതിയ പരമ്പരയിലും വിജയം ആവർത്തിക്കാമെന്ന പ്രതീക്ഷയിലാണ് ആരാധകർ.
