ഓക്‌ലൻഡ്: ന്യൂസിലൻഡിനെതിരായ ടി20 പരമ്പരയിലെ നാലാം മത്സരത്തിലും ഇന്ത്യക്ക് ടോസ് ഭാഗ്യം. തുടർച്ചയായ നാലാം മത്സരത്തിലും നിർണായക ടോസ് സ്വന്തമാക്കിയ ഇന്ത്യൻ നായകൻ ഫീൽഡിംഗ് തിരഞ്ഞെടുക്കുകയായിരുന്നു. പരമ്പരയിലെ ആദ്യ മൂന്ന് മത്സരങ്ങളും വിജയിച്ച് ഇന്ത്യ ഇതിനോടകം തന്നെ 3-0ത്തിന് പരമ്പര സ്വന്തമാക്കിയിട്ടുണ്ട്.
പ്ലേയിംഗ് ഇലവനിൽ രണ്ട് മാറ്റങ്ങൾ
കഴിഞ്ഞ മത്സരം കളിച്ച ടീമിൽ രണ്ട് നിർണായക മാറ്റങ്ങളുമായാണ് ഇന്ത്യ ഇന്നിറങ്ങിയിരിക്കുന്നത്. പരിക്കേറ്റ് പുറത്തിരുന്ന വിക്കറ്റ് കീപ്പർ ബാറ്റർ ഇഷാൻ കിഷൻ പ്ലേയിംഗ് ഇലവനിൽ തിരിച്ചെത്തിയപ്പോൾ, കൗമാരതാരം വൈഭവ് സൂര്യവംശിക്ക് വിശ്രമം അനുവദിച്ചു. കൂടാതെ, ആദ്യ മൂന്ന് കളികളിലും പ്രതീക്ഷക്കൊത്ത് തിളങ്ങാൻ കഴിയാതിരുന്ന പേസർ ഭുവനേശ്വർ കുമാറിന് പകരം സ്പീഡ് ഗൺ മായങ്ക് യാദവും ടീമിലിടം പിടിച്ചു.
വൈഭവ് സൂര്യവംശി പുറത്തായതോടെ മലയാളി താരം സഞ്ജു സാംസൺ – അഭിഷേക് ശർമ ഓപ്പണിങ് സഖ്യം തന്നെയാകും ഇന്ന് ഇന്ത്യക്കായി ഇന്നിംഗ്സ് ഓപ്പൺ ചെയ്യുക.
മറുവശത്ത്, കഴിഞ്ഞ മത്സരത്തിൽ തോറ്റ ടീമിൽ ന്യൂസിലൻഡും ഒരു മാറ്റം വരുത്തിയിട്ടുണ്ട്. കെയ്ൽ ജാമിസണ് പകരം നഥാൻ സ്മിത്ത് കിവീസ് നിരയിൽ ഇടംപിടിച്ചു.
ടീമുകളുടെ പ്ലേയിംഗ് ഇലവൻ:
ഇന്ത്യ: അഭിഷേക് ശർമ്മ, സഞ്ജു സാംസൺ (വിക്കറ്റ് കീപ്പർ), ഇഷാൻ കിഷൻ, ശ്രേയസ് അയ്യർ (ക്യാപ്റ്റൻ), തിലക് വർമ്മ, നിതീഷ് കുമാർ റെഡ്ഡി, നമൻ ധീർ, അക്ഷർ പട്ടേൽ, അർഷ്ദീപ് സിങ്, മയാങ്ക് യാദവ്, പ്രിൻസ് യാദവ്.
ന്യൂസിലൻഡ്: ഫിൻ അലൻ, ടിം സീഫെർട്ട് (വിക്കറ്റ് കീപ്പർ), ഡാരിൽ മിച്ചൽ, ഗ്ലെൻ ഫിലിപ്സ്, ബെവോൺ ജേക്കബ്സ്, മൈക്കൽ ബ്രേസ്‌വെൽ, മിച്ചൽ സാന്റ്നർ (ക്യാപ്റ്റൻ), നഥാൻ സ്മിത്ത്, ആദം മിൽനെ, ജേക്കബ് ഡഫി, മാത്യു ഫിഷർ.
