ന്യൂസിലൻഡിനെതിരായ അഞ്ച് മത്സരങ്ങളുള്ള മൾട്ടി-ഫോർമാറ്റ് എവേ പരമ്പരയ്ക്ക് ടീം ഇന്ത്യ ഇറങ്ങിയിരിക്കുകയാണ്.
ഒക്ടോബർ 22 വ്യാഴാഴ്‌ച ക്രൈസ്റ്റ്ചർച്ചിലെ ഹാഗ്ലി ഓവലിൽ നടക്കുന്ന ഉദ്ഘാടന മത്സരത്തോടെ ആവേശകരമായ ടി20 പരമ്പരയ്ക്ക് തുടക്കമിട്ടിയിരിക്കുന്നതാണ്.
ന്യൂസിലൻഡിൽ കളിച്ച അവസാന രണ്ട് ടി20 പരമ്പരകളും ഇന്ത്യ സ്വന്തമാക്കിയിരുന്നു. 2022-ൽ മൂന്ന് മത്സരങ്ങളുടെ പരമ്പര 1-0 ന് നേടിയ ടീം, 2020-ൽ അഞ്ച് മത്സരങ്ങളും വിജയിച്ച് (5-0) പരമ്പര ക്ലീൻ സ്വീപ്പ് ചെയ്യുകയും ചെയ്തു.
ശ്രേയസ് അയ്യരും സംഘവും അതേ ആധിപത്യം ഇത്തവണയും ആവർത്തിക്കുമെന്ന പ്രതീക്ഷയിലാണ് ഇന്ന് കളത്തിലിറങ്ങിയിരിക്കുന്നത്.
ഇന്ത്യയും ന്യൂസിലൻഡും തമ്മിലുള്ള അഞ്ച് മത്സരങ്ങളുടെ പരമ്പരയിലെ ആദ്യ ടി20 മത്സരം ക്രൈസ്റ്റ്ചർച്ചിലെ ഹാഗ്ലി ഓവലിൽ പുരോഗമിക്കുകയാണ്.
മത്സരത്തിൽ ടോസ് നേടിയ ഇന്ത്യൻ നായകന്‍ ശ്രേയസ് അയ്യർ ബൗളിങ് തിരഞ്ഞെടുക്കുകയായിരുന്നു.20 ഓവറിൽ 4 വിക്കറ്റ് നഷ്ടത്തിൽ 225- റൺസ് ന്യൂസിലൻഡ് നേടിയിരിക്കുകയാണ്.
തകർപ്പൻ തിരിച്ചുവരവിനിടയിൽ സംഭവിച്ച അപ്രതീക്ഷിത തിരിച്ചടി
നീണ്ട നാല് വർഷത്തെ ഇടവേളയ്ക്ക് ശേഷം ഇന്ത്യൻ കുപ്പായത്തിൽ വീണ്ടും കളത്തിലിറങ്ങിയ സ്റ്റാർ പേസർ ഭുവനേശ്വർ കുമാറാണ് ഇന്ത്യക്കായി പന്തെറിയാൻ തുടങ്ങിയത്. മത്സരത്തിലെ ആദ്യ ഓവറിൽ വെറും നാല് റൺസ് മാത്രം വിട്ടുനൽകി താരം മികച്ച തുടക്കം നൽകുകയും ചെയ്തിരുന്നു.
എന്നാൽ ഭുവി തന്റെ രണ്ടാം ഓവറായ മത്സരത്തിന്റെ മൂന്നാം ഓവറിൽ എത്തിയപ്പോഴാണ് ആ അപ്രതീക്ഷിത സംഭവം അരങ്ങേറിയത്. ഓവർസ്റ്റെപ്പിൽ (Overstep) കുരുങ്ങി താരം നോബോൾ എറിയുകയായിരുന്നു.
അന്താരാഷ്ട്ര ടി20 കരിയറിലെ ഭുവിയുടെ ആദ്യ നോബോളാണിത്. ഇതോടെ തന്റെ കരിയറിലെ എക്കാലത്തെയും വലിയൊരു റെക്കോർഡ് സ്ട്രീക്കിനാണ് താരം വിരാമമിട്ടത്.
1797 പന്തുകൾക്ക് ശേഷം ആദ്യ നോബോൾ
അന്താരാഷ്ട്ര ടി20 ക്രിക്കറ്റിന്റെ ചരിത്രത്തിൽ ഇതുവരെ എറിഞ്ഞ 1797 പന്തുകളിൽ ഒരൊറ്റ നോബോൾ പോലും വഴങ്ങാതെ മുന്നേറിയിരുന്ന അപൂർവ്വ റെക്കോർഡാണ് ഭുവനേശ്വറിന്റെ കൈവശം ഉണ്ടായിരുന്നത്.
നീണ്ട വർഷങ്ങളുടെ കരിയറിന് ശേഷം കരിയറിലെ ആദ്യ നോബോൾ എറിഞ്ഞതോടെ ഭുവി ഒരിക്കലും ആഗ്രഹിക്കാത്ത ആ റെക്കോർഡ് സ്ട്രീക്ക് അവസാനിക്കുകയായിരുന്നു.
മത്സരത്തിലെ മറ്റ് പ്രധാന സംഭവങ്ങൾ
മത്സരത്തിൽ കിവീസ് ഓപ്പണർമാർ മികച്ച തുടക്കമാണ് നൽകിയത്. ന്യൂസിലൻഡിന് വേണ്ടി 24 പന്തിൽ നിന്ന് 2 സിക്സും 5 ഫോറും ഉൾപ്പെടെ 45 റൺസ് നേടിയ ഫിൻ അലനെ അക്സർ പട്ടേലാണ് പുറത്താക്കിയത്.
ടിം സീഫേർട്ടിനെ 24 റൺസിന് മായങ്ക് യാദവും, ഡാരിൽ മിച്ചലിനെ 28 റൺസിന് അർഷ്ദീപ് സിങ്ങും മടക്കി അയച്ചു.
ഇന്ത്യയുടെ പ്ലേയിങ് ഇലവൻ:
അഭിഷേക് ശർമ, സഞ്ജു സാംസണ്‍ (വിക്കറ്റ് കീപ്പർ), ഇഷാൻ കിഷൻ, ശ്രേയസ് അയ്യർ (ക്യാപ്റ്റൻ), തിലക് വർമ, നിതീഷ് കുമാര്‍ റെഡ്ഡി, നമൻ ധിർ, അക്സർ പട്ടേൽ, ഭുവനേശ്വർ കുമാർ, അർഷ്ദീപ് സിങ്, മായങ്ക് യാദവ്.
ന്യൂസിലൻഡ് പ്ലേയിങ് ഇലവൻ:
ഫിൻ അലൻ, ടിം സീഫേർട്ട് (വിക്കറ്റ് കീപ്പർ), ഡാരിൽ മിച്ചൽ, ഗ്ലെൻ ഫിലിപ്‌സ്, ബെവൻ ജേക്കബ്‌സ്, മൈക്കൽ ബ്രേസ്‌വെൽ, മിച്ചൽ സാന്റ്‌നർ (ക്യാപ്റ്റൻ), നഥാൻ സ്മിത്ത്, മാറ്റ് ഹെന്റി, ആദം മില്‍നെ, ലോക്കി ഫെർഗൂസൻ.
