2026 ഏഷ്യൻ ഗെയിംസിൽ വനിതകളുടെ കബഡിയിൽ ഇന്ത്യക്ക് സ്വർണ്ണം. കലാശ പോരാട്ടത്തിൽ ഇറാനെ വീഴ്ത്തിയാണ് ഇന്ത്യൻ വനിതകൾ സ്വർണം സ്വന്തമാക്കിയത്. ഫൈനലിൽ ശക്തമായ പോരാട്ടത്തിനൊടുവിൽ 37-34 എന്ന ത്രില്ലർ സ്കോറിനായിരുന്നു ഇറാനെ ഇന്ത്യ മറികടന്നത്.
മത്സരത്തിന്റെ ആദ്യപകുതിയിൽ ഇരു ടീമുകളും ഒപ്പത്തിനൊപ്പമായിരുന്നു പോരാടിയിരുന്നത്. 20-19 ആയിരുന്നു ആദ്യ പകുതിയിലെ സ്കോർ. രണ്ടാം പകുതിയിൽ ഇന്ത്യ തന്ത്രപരമായ മുന്നേറ്റങ്ങൾ നടത്തിയതോടെ ഗോൾഡ് മെഡൽ കൈപ്പിടിയിലാക്കുകയായിരുന്നു.
ഇന്ത്യൻ ക്യാപ്റ്റൻ പുഷ്പ റാണയുടെ ടാക്ലിളിങ്ങുകളിൽ പ്രതിരോധ താരങ്ങളുടെ സമയബന്ധിതമായ ഇടപെടലുകളുമാണ് ഇന്ത്യയ്ക്ക് വിജയം സമ്മാനിച്ചത്. കബഡിയുടെ സ്വർണ നേട്ടത്തോടെ ഈ ഏഷ്യൻ ഗെയിംസിലെ ഇന്ത്യയുടെ ആകെ സ്വർണ നേട്ടം മൂന്നായി ഉയരുകയും ചെയ്തു.
കബഡി പുരുഷ വിഭാഗത്തിൽ ഇന്ത്യ ഇന്ന് ഗോൾഡ് മെഡൽ പോരാട്ടത്തിന് ഇറങ്ങുന്നുണ്ട്. ഇറാൻ തന്നെയാണ് ഇന്ത്യയുടെ എതിരാളികൾ.
