ന്യൂസിലൻഡ് മണ്ണിൽ സഞ്ജു സാംസൺ പരാജയപ്പെടുമെന്ന് പ്രവചിച്ച വിമർശകരുടെയെല്ലാം വായടപ്പിക്കുന്ന തകർപ്പൻ വെടിക്കെട്ട് പ്രകടനവുമായി മലയാളി താരം സഞ്ജു സാംസൺ.
ന്യൂസിലൻഡ് ഉയർത്തിയ 226 റൺസെന്ന കൂറ്റൻ ലക്ഷ്യം പിന്തുടർന്നിറങ്ങിയ ഇന്ത്യക്കായി ഓപ്പണറുടെ റോളിലെത്തിയ സഞ്ജു, കിവീസ് ബൗളിങ് നിരയെ അക്ഷരാർത്ഥത്തിൽ നാണംകെടുത്തിക്കളഞ്ഞു.
വെറും 33 പന്തിൽ 67 റൺസ്; മൈതാനത്ത് തീപടർത്തി സഞ്ജു
മത്സരത്തിൽ വെറും 33 പന്തുകൾ മാത്രം നേരിട്ട സഞ്ജു, 8 ഫോറുകളും 4 കൂറ്റൻ സിക്സറുകളും അടക്കം 203.03 ഭീകരമായ സ്‌ട്രൈക്ക് റേറ്റിൽ 67 റൺസാണ് അടിച്ചുകൂട്ടിയത്.
ന്യൂസിലൻഡിന്റെ അതിവേഗ പേസർമാരായ മാറ്റ് ഹെൻറി, ആദം മിൽനെ, ലോക്കി ഫെർഗൂസൻ എന്നിവരെ മൈതാനത്തിന്റെ നാനാഭാഗത്തേക്കും താരം പറത്തി.
കേവലം 23 പന്തുകളിൽ നിന്നാണ് സഞ്ജു തന്റെ മിന്നുന്ന അർദ്ധശതകം (Half-century) പൂർത്തിയാക്കിയത്. മറ്റൊരു ഓപ്പണറായ അഭിഷേക് ശർമ്മയ്ക്കൊപ്പം (12 പന്തിൽ 29) ചേർന്ന് മികച്ചൊരു തുടക്കമാണ് താരം ടീമിന് സമ്മാനിച്ചത്.
ആദ്യ വിക്കറ്റിൽ വെറും 35 പന്തുകളിൽ നിന്ന് 93 റൺസിന്റെ വെടിക്കെട്ട് കൂട്ടുകെട്ടാണ് ഇരുവരും ചേർന്ന് പടുത്തുയർത്തിയത്. സഞ്ജുവിന്റെ ഈ ബാറ്റിങ് മികവിന്റെ കരുത്തിൽ പവർപ്ലേയിലെ ആദ്യ 6 ഓവറിൽ തന്നെ 94 റൺസ് വാരിക്കൂട്ടാൻ ഇന്ത്യക്ക് സാധിച്ചു.
തകർപ്പൻ അടിത്തറയേകി താരം മടങ്ങി
ഒടുവിൽ സ്പിന്നർ മിച്ചൽ സാന്റ്നറുടെ പന്തിൽ ബൗൾഡായാണ് സഞ്ജു പുറത്തായത്. എങ്കിലും ഇന്ത്യയെ വിജയത്തിലേക്ക് എത്തിക്കാനുള്ള ശക്തമായ അടിത്തറ പാകിയ ശേഷമാണ് താരം പവലിയനിലേക്ക് മടങ്ങിയത്.
സഞ്ജു പുറത്തായതിന് പിന്നാലെ 6 റൺസെടുത്ത തിലക് വർമ്മയുടെ വിക്കറ്റും ഇന്ത്യക്ക് നഷ്ടമായി.
19.4 ഓവറിൽ ഇന്ത്യ 6 വിക്കറ്റ് നഷ്ടത്തിൽ 226 വലിയ സ്കോർ മറികടന്നു. നമൻ ദീറിന്റെ 15 പന്തിൽ 42 റൺസു ശ്രേയസ് അയ്യരുടെ 28 പന്തിൽ 42 റൺസുമാണ് ഇന്ത്യയെ വിജയത്തിലേക്ക് നയിച്ചത്.
