നാഗാലാന്‍ഡിലും മണിപ്പൂരിലും ആംഡ് ഫോഴ്‌സ് സ്‌പെഷ്യല്‍ പവര്‍ ആക്ട് (അഫ്സ്പ) ആറുമാസത്തേക്ക് നീട്ടി. നാഗാലാന്‍ഡില്‍ അഞ്ച് ജില്ലകളിലെ 21 പൊലീസ് സ്റ്റേഷന്‍ പരിധിയിലും അഫ്സ്പ നീട്ടിയിട്ടുണ്ട്. മണിപ്പൂരില്‍ 13 പൊലീസ് സ്റ്റേഷന്‍ പരിധി ഒഴികെ മറ്റിടങ്ങളിലെല്ലാം അഫ്സ്പ നീട്ടിയിട്ടുണ്ട്.

തകര്‍ന്നടിഞ്ഞ കെട്ടിടങ്ങള്‍ക്കിടയില്‍ മുസ്വല്ല വിരിച്ച് ഗസ്സയിലെ ജനങ്ങള്‍. ഇസ്രാഈല്‍ ആക്രമണവും ഉപരോധവും തുടരുന്നതിനിടെ യുദ്ധം തകര്‍ത്തെറിഞ്ഞ വടക്കന്‍ ഗസ്സയിലും ഖാന്‍ യൂനുസിലും തകര്‍ന്നടിഞ്ഞ കെട്ടിടങ്ങള്‍ക്കിടയില്‍ പെരുന്നാളിനെ വരവേറ്റ് ഗസ്സയിലെ ജനങ്ങള്‍. പുതുവസ്ത്രവും ഭക്ഷണവുമില്ലാതെയായിരുന്നു പലരുടെയും പെരുന്നാള്‍ ദിനം.

കണ്ണീരും ദുരിതത്തിനുമിടയിലും പെരുന്നാള്‍ ദിനത്തില്‍ സന്തോഷം കണ്ടെത്തുകയാണ് ഗസ്സയിലെ കുഞ്ഞുങ്ങള്‍. തകര്‍ന്ന തെരുവിലൂടെ കൂട്ടമായി നടന്ന് തക്ബീര്‍ മുഴക്കി പെരുന്നാളാഘോഷിക്കുകയാണവര്‍. പ്രദേശത്തെ താത്കാലിക തമ്പുകളില്‍ കുട്ടികള്‍ക്കായി ഉമ്മമാര്‍ പെരുന്നാള്‍ മധുരമൊരുക്കി. എന്നാല്‍, പെരുന്നാള്‍ ദിനത്തിലും ഗസ്സയില്‍ ആക്രമണം കടുപ്പിക്കുകയാണ് ഇസ്രാഈല്‍. കുഞ്ഞുങ്ങളടക്കം കൊല്ലപ്പെട്ടു. തെക്കന്‍ ഗസ്സയിലെ റഫയ്ക്ക് സമീപം കരയാക്രമണം രൂക്ഷമാണ്.

മലപ്പുറം വേങ്ങരയില്‍ ഹയര്‍സെക്കന്‍ഡറി വിദ്യാര്‍ഥികള്‍ തമ്മില്‍ സംഘര്‍ഷം. ഇന്നലെ ഉച്ചയ്ക്ക് ബസ് സ്റ്റാന്‍ഡ് പരിസരത്തുവെച്ചാണ് ജൂനിയര്‍ വിദ്യാര്‍ഥികള്‍ക്ക് സീനിയര്‍ വിദ്യാര്‍ഥികളുടെ ക്രൂരമര്‍ദനമുണ്ടായത്. ആക്രമണത്തിന്റെ ദൃശ്യങ്ങള്‍ ഇന്‍സ്റ്റഗ്രാമില്‍ പോസ്റ്റ് ചെയ്തിരുന്നു.

കഴിഞ്ഞ കുറച്ചു നാളുകളായി ഈ പ്രദേശത്ത് വിദ്യാര്‍ഥികള്‍ തമ്മില്‍ സംഘര്‍ഷങ്ങള്‍ ഉണ്ടാകാറുണ്ട്. റാഗിങ്ങുമായി ബന്ധപ്പെട്ടാണ് പലപ്പോഴും പ്രശ്‌നങ്ങള്‍ ഉണ്ടാകാറുള്ളത്.