Connect with us

GULF

യുഎഇ യിൽ 50 വർഷങ്ങൾ പിന്നിട്ട് യൂസഫലി; ആദരസൂചകമായി 50 കുട്ടികൾക്ക് സൗജന്യ ഹൃദയ സർജറികൾ പ്രഖ്യാപിച്ച് ഡോക്ടർ ഷംഷീർ വയലിൽ

വൻ ചിലവ് വരുന്ന ജന്മനാലുള്ള ഹൃദയരോഗങ്ങൾക്കാണ് സൗജന്യ ചികിത്സ ലഭ്യമാക്കുക

Published

on

അബുദാബി: എം എ യൂസഫലിയുടെ സമാനതകളില്ലാത്ത 50 വർഷക്കാലത്തെ യുഎഇ ജീവിതത്തിനും പ്രവർത്തനങ്ങൾക്കും ആദരവുമായി നിർധനരായ 50 കുട്ടികൾക്ക് സൗജന്യ ഹൃദയ സർജറികൾ പ്രഖ്യാപിച്ച് പ്രവാസി സംരംഭകൻ ഡോക്ടർ ഷംഷീർ വയലിൽ. സ്വന്തം ജീവിതത്തിലൂടെ സമൂഹത്തിന് മാതൃകയാകുകയും മാനവികമായ ജീവകാരുണ്യ പ്രവർത്തനങ്ങളിൽ ഏർപ്പെടുകയും ചെയ്ത യൂസഫലിയിൽ നിന്നുള്ള പ്രചോദനമായാണ് കുട്ടികൾക്കും കുടുംബങ്ങൾക്കും ആശ്വാസകരമാകുന്ന പദ്ധതി പ്രഖ്യാപിച്ചത്.

ആയിരങ്ങൾക്ക് സ്നേഹ സ്പർശമേകുന്ന ലുലു ഗ്രൂപ്പ് ചെയർമാൻ എംഎ യൂസഫലിയുടെ സേവന നിരതമായ ജീവിതത്തിന്റെ സന്ദേശം പുതു തലമുറയ്ക്ക് പകരാൻ കുരുന്നുകൾക്ക് വേണ്ടിയുള്ള കാരുണ്യ പദ്ധതി വഴിയൊരുക്കും. എംഎ യൂസഫലിയുടെ മൂത്ത മകളും വി പി എസ് ഹെൽത്ത്കെയർ വൈസ് ചെയർപേഴ്സണുമായ ഡോ. ഷബീന യൂസഫലിയുടെ ഭർത്താവായ ഡോ. ഷംഷീർ വയലിൽ മിഡിൽ ഈസ്റ്റിലെ പ്രമുഖ ഹെൽത്ത്കെയർ ഗ്രൂപ്പായ ബുർജീൽ ഹോൾഡിങ്‌സിന്റെ സ്ഥാപകനും ചെയർമാനുമാണ്.

ജന്മനാലുള്ള ഹൃദയരോഗങ്ങൾ അനുഭവിക്കുന്ന 50 കുട്ടികൾക്കാണ് സൗജന്യമായി സർജറികൾ നൽകുക. ഇത്തരം കേസുകളിൽ ശസ്ത്രക്രിയക്ക് ഭാരിച്ച ചിലവ് വരുന്നതിനാൽ പ്രതിസന്ധിയിലാകുന്ന നിർധന കുടുംബങ്ങൾക്ക് പ്രതീക്ഷയും കൈത്താങ്ങുമാകും പുതിയ സംരംഭം. ഡോ. ഷംഷീറിന്റെ കുടുംബ ഓഫീസായ വിപിഎസ് ഹെൽത്ത്കെയർ നേതൃത്വം നൽകുന്ന പദ്ധതി അദ്ദേഹത്തിന്റെ ഇന്ത്യയിലെയും യുഎഇലെയും ഒമാനിലെയും ആശുപത്രികളിലൂടെയാണ് നടപ്പാക്കുക.

മനുഷ്യത്വപരമായ ഇടപെടലുകൾ കുടുംബത്തിൻ്റെ തന്നെ ഭാഗമാണെന്നും അതേ പാതയിലൂടെ ശ്രീ. യൂസഫലിയുടെ യുഎഇയിലെ അരനൂറ്റാണ്ട് അടയാളപ്പെടുത്താനാണ് ശ്രമമെന്നും ഡോ. ഷംഷീർ പറഞ്ഞു.
വെല്ലുവിളികൾ നേരിടുന്ന കുട്ടികളോടും കുടുംബങ്ങളോടുമുള്ള സ്നേഹത്തിന്റെയും കരുതലിന്റെയും ഭാഗമായി പദ്ധതി മാറട്ടെ. കുട്ടികളുടെ സർജറിയും ചികിത്സയും ഏറ്റെടുക്കുന്നതിലൂടെ അതിരുകളില്ലാതെ സ്വപ്നം കാണാനും വളരാനും അവർക്ക് അവസരം ലഭിക്കട്ടെയെന്നും അദ്ദേഹം പ്രതീക്ഷ പങ്കുവച്ചു.

ആഗോള സംരംഭകനായ എംഎ യൂസഫലിയുടെ ജൈത്ര യാത്രയുടെ തുടക്കം 1973 ഡിസംബർ 31 ന് ദുബായിലെ റാഷിദ് പോർട്ടിൽ വന്നിറങ്ങിയതോടെയാണ്. ചെറിയ തുടക്കത്തിലൂടെ വളർച്ചയിലേക്ക് നടന്നു കയറിയ അദ്ദേഹത്തിന്റെ യുഎഇയിലെ അരനൂറ്റാണ്ട് കാലത്തെ പ്രവാസ ലോകവും ഭരണാധികാരികളും ഏറെ ആദരവോടെയാണ് കാണുന്നത്. ജീവകാരുണ്യ പ്രവർത്തനങ്ങളിലൂടെ നിരവധിപേർക്ക് ആശ്വാസമായ യൂസഫലിയോടുള്ള ആദരവായി കുടുംബത്തിൽ നിന്ന് തന്നെയുള്ള പുതിയ പദ്ധതി വിവിധ രാജ്യങ്ങളിലെ കുട്ടികൾക്ക് സഹായഹസ്തമേകും.

Continue Reading
Advertisement
Click to comment

Leave a Reply

Your email address will not be published. Required fields are marked *

gulf

കെ.എം.സി.സി ജിദ്ദ ഖാലിദിയ സെവൻസ് ഫുട്ബാൾ ടൂർണമെന്റ്: ബി.എഫ്.സി ജേതാക്കൾ

ടൂർണമെന്റിലെ മികച്ച കളിക്കാരനായും ടോപ് സ്കോററായും വിജയ് ഫുഡ് ബി.എഫ്.സി ടീമിലെ ജിബിൻ കുട്ടപ്പായിയെയും മികച്ച സ്റ്റോപ്പർ ബാക്കായി ഇതേ ടീമിലെ മുഹമ്മദ്‌ ഷഫീഖിനേയും തെരഞ്ഞെടുത്തു.

Published

on

കെ.എം.സി.സി ജിദ്ദ ഖാലിദിയ ഏരിയ കമ്മിറ്റി സംഘടിപ്പിച്ച സെവൻസ് ഫുട്ബാൾ ടൂർണമെന്റിൽ പ്രമുഖ ഫുഡ് കമ്പനിയായ, പേര് മാറാത്ത പെരുമ മാറാത്ത വിജയ് മസാല സ്പോൺസർ ചെയ്യുന്ന ബി.എഫ്.സി ജിദ്ദ ടീം ജേതാക്കളായി. ജിദ്ദ സൂക് സാത്തി ഫ്‌ളഡ്‌ലിറ്റ് സ്റ്റേഡിയത്തിൽ നടന്ന മത്സരത്തിൽ ജിദ്ദയിലെ എട്ട് സീനിയർ ക്ലബ് ടീമുകളാണ് മാറ്റുരച്ചത്.

ഫൈനലിൽ ശക്തരായ ഡെക്സോപ്പാക്ക് ജിദ്ദ ടീമിനെയാണ് വിജയ് ഫുഡ് ബി.എഫ്.സി ജിദ്ദ രണ്ടിനെതിരെ നാല് ഗോളുകൾക്ക് പരാജയപ്പെടുത്തിയത്. ടൂർണമെന്റിലെ മികച്ച കളിക്കാരനായും ടോപ് സ്കോററായും വിജയ് ഫുഡ് ബി.എഫ്.സി ടീമിലെ ജിബിൻ കുട്ടപ്പായിയെയും മികച്ച സ്റ്റോപ്പർ ബാക്കായി ഇതേ ടീമിലെ മുഹമ്മദ്‌ ഷഫീഖിനേയും തെരഞ്ഞെടുത്തു.

ടൂർണമെന്റിലെ മിന്നും വിജയത്തിന് ശേഷം വിജയ് ഫുഡ് ഓഫീസിൽ നടന്ന ചടങ്ങിൽ ക്ലബ്‌ മാനേജർ ശിഹാബ് പൊറ്റമ്മൽ, വിജയ് മസാല കമ്പനി എം.ഡി ജോയ് മൂലന് വിന്നേഴ്സ് ട്രോഫി കൈമാറി. വിജയ് മസാല ജിദ്ദ റീജിയൻ മാർക്കറ്റിംങ്‌ സൂപ്പർവൈസർ മുസ്തഫ മൂപ്ര, ഓഫീസ് സ്റ്റാഫുകളായ സുഷീലൻ, അക്ഷയ് എന്നിവരും ബി.എഫ്.സി ജിദ്ദ ക്ലബ്‌ ഭാരവാഹികളായ അനസ് പൂളഞ്ചേരി, ഫസൽ ചിറ്റൻങ്ങാടൻ, ടി.സി ഫൈസൽ എന്നിവരും ചടങ്ങിൽ പങ്കെടുത്തു.

Continue Reading

GULF

‘പ്രായമേറും കാലത്ത് പ്രിയമേറും ജീവിതം’ പ്രവാസ ലോകത്തും ‘യങ് സീനിയേര്‍സ്’

പ്രഥമ യുഎഇ ചാപ്റ്റര്‍ പ്രസിഡണ്ടായി യുഎഇയിലെ സാമൂഹിക പ്രവര്‍ത്തകനും ഷാര്‍ജ ഇന്ത്യന്‍ അസോസിയേഷന്റെ പ്രസിഡണ്ടുമായ dr നിസാര്‍ തളങ്കരയെ തിരഞ്ഞെടുത്തു.

Published

on

‘പ്രായമേറും കാലത്ത് പ്രിയമേറും ജീവിതം’ എന്ന യംഗ് സീനിയേഴ്‌സ് ഫൌണ്ടേഷന്റെ സന്ദേശവും പ്രവര്‍ത്തനങ്ങളും ജിസിസി രാഷ്ട്രങ്ങളിലും പ്രവാസികള്‍ക്കിടയിലും വ്യാപിപ്പിക്കുന്നതിന്റെ ഭാഗമായി യംഗ് സീനിയേര്‍സ് യു.എ.ഇ ചാപ്റ്റര്‍ രുപീകരിച്ചു. പ്രഥമ യുഎഇ ചാപ്റ്റര്‍ പ്രസിഡണ്ടായി യുഎഇയിലെ സാമൂഹിക പ്രവര്‍ത്തകനും ഷാര്‍ജ ഇന്ത്യന്‍ അസോസിയേഷന്റെ പ്രസിഡണ്ടുമായ dr നിസാര്‍ തളങ്കരയെ തിരഞ്ഞെടുത്തു.

ഒരു പ്രായം കഴിഞ്ഞാല്‍ മനുഷ്യര്‍ ഒതുങ്ങിക്കൂടേണ്ടവരാണെന്നും, പുതുതലമുറക്ക് വേണ്ടി വഴി മാറിക്കൊടുക്കേണ്ടവരാണെന്നുമുള്ള കാഴ്ചപ്പാടുകളെയും സാമൂഹിക ശീലങ്ങളെയും മാറ്റിയെഴുതുകയാണ് യംഗ് സീനിയേഴ്‌സ്. മുഖ്യധാരയില്‍ നിന്നും അകന്നു നില്‍ക്കേണ്ടവരല്ല മുതിര്‍ന്നവര്‍ എന്ന് അവരെ ബോധ്യപ്പെടുത്തുകയും അവര്‍ക്ക് ജീവിതത്തിന്റെ ആഘോഷങ്ങളുടെയും അതിജീവനത്തിന്റെയും പുതുവാതായനങ്ങള്‍ തുറക്കുകയുമാണ് യംഗ് സീനിയേഴ്‌സ് ഫൌണ്ടേഷന്‍.

‘പ്രായമേറും കാലത്ത് പ്രിയമേറും ജീവിതം’ എന്ന യംഗ് സീനിയേഴ്‌സിന്റെ സന്ദേശം ഇന്ന് സമൂഹം ആവേശപൂര്‍വ്വം ഏറ്റെടുത്തു കഴിഞ്ഞെന്ന് ഡോക്ടര്‍ മുഹമ്മദ് ഫിയാസ് പറഞ്ഞു. മുതിര്‍ന്നവരുടെ ജീവിതം പരസ്പരം താങ്ങും തണലുമായി സ്വയം പര്യാപ്തതയുടെ സുരക്ഷിത വലയം സൃഷ്ടിക്കുകയും ജീവിതം ആഘോഷമാക്കുകയും ചെയ്യുന്ന പുതിയ ഒരു ലോകം തന്നെ സൃഷ്ടിക്കുകയാണ് ലക്ഷ്യമെന്നും അദ്ദേഹം കൂട്ടിച്ചേര്‍ത്തു.

യംഗ് സീനിയേഴ്‌സ് മുതിര്‍ന്ന പൗരന്മാര്‍ക്കുവേണ്ടി പ്രവാസിമിത്ര പദ്ധതി, YOUNG SENIORS cafe, YOUNG SENIORS Brigade, Young Seniors Elderly Clinics തുടങ്ങി നിരവധി ആരോഗ്യ സാമൂഹിക സേവനങ്ങള്‍ മുന്നോട്ടു വെക്കുന്നുണ്ട്. ഈ പദ്ധതികളിലേക്കുള്ള ചുവടുപ്പായിട്ടാണ് പ്രവാസി മേഖലകളില്‍ കമ്മറ്റികള്‍ രൂപീകരിച്ച് അതിന്റെ പ്രാരംഭപ്രവര്‍ത്തനങ്ങള്‍ തുടങ്ങി വെച്ചിരിക്കുന്നതെന്നും
യംഗ് സീനിയേഴ്‌സ് ഫൌണ്ടേഷന്‍ മെമ്പര്‍മാരായ ഡോക്ടര്‍ മുഹമ്മദ് ഫിയാസ്‌ഡോക്ടര്‍ മുഫ്‌ലിഹ്, അഷ്ഫാസ് കൂട്ടിച്ചേര്‍ത്തു.

Continue Reading

GULF

കെ.​എം.​സി.​സി ക​ൾ​ച്ച​റ​ൽ ഫെ​സ്റ്റ് നാ​ളെ

Published

on

കെ.​എം.​സി.​സി കൈ​പ്പ​മം​ഗ​ലം മ​ണ്ഡ​ലം ക​മ്മി​റ്റി ഫെ​ബ്രു​വ​രി ഒ​മ്പ​തി​ന്​ ന​ട​ത്തു​ന്ന ക​ൾ​ച്ച​റ​ൽ ഫെ​സ്റ്റ്​ 2 കെ 25​ന്‍റെ പോ​സ്റ്റ​ർ​ പ്ര​കാ​ശ​നം ചെ​യ്​​തു. പ്ര​മു​ഖ വ്യ​വ​സാ​യി ഹാ​രി​സ് ബി​സ്മി​യാ​ണ്​ പോ​സ്റ്റ​ർ പ്ര​കാ​ശ​നം നി​ർ​വ​ഹി​ച്ച​ത്.

ഞാ​യ​റാ​ഴ്ച രാ​വി​ലെ 10നാ​ണ്​ പ​രി​പാ​ടി. അ​റ​ബി​ക് കാ​ലി​ഗ്ര​ഫി, ക്ലേ ​മോ​ൾ​ഡ​ലി​ങ്, സ്റ്റോ​ൺ പെ​യി​ന്‍റി​ങ്, ഹെ​ന്ന ഡി​സൈ​ൻ എ​ന്നീ മ​ത്സ​ര​ങ്ങ​ളും ഉ​ച്ച​ക്ക് ര​ണ്ടി​ന്​ ഷാ​ജി കൈ​പ്പ​മം​ഗ​ലം നേ​തൃ​ത്വം ന​ൽ​കു​ന്ന ക്വി​സ്​ മ​ത്സ​ര​വും ഉ​ണ്ടാ​യി​രി​ക്കും. ക്വി​സ് മ​ത്സ​ര വി​ജ​യി​ക്ക് സൗ​ജ​ന്യ ജോ​ർ​ജി​യ വി​നോ​ദ​യാ​ത്ര പാ​ക്കേ​ജാ​ണ്​ സ​മ്മാ​നം. ക​ൾ​ച്ച​റ​ൽ ഫെ​സ്റ്റ് ദു​ബൈ കെ.​എം.​സി.​സി പ്ര​സി​ഡ​ന്‍റ്​ അ​ൻ​വ​ർ അ​മീ​ൻ ഉ​ദ്ഘാ​ട​നം ചെ​യ്യും.

ബ​ഷീ​ർ തി​ക്കോ​ടി മു​ഖ്യ പ്ര​ഭാ​ഷ​ണം ന​ട​ത്തും. സം​സ്ഥാ​ന സെ​ക്ര​ട്ട​റി അ​ബ്ദു​സ​മ​ദ് ചാ​മ​ക്കാ​ല​ക്കും ദു​ബൈ കെ.​എം.​സി.​സി കൈ​പ്പ​മം​ഗ​ലം വ​നി​ത വി​ങ്ങി​നും ആ​ദ​രം സൈ​നു​ദ്ദീ​ൻ ഹോ​ട്ട്പാ​ക്ക് സ​മ്മാ​നി​ക്കും. പോ​സ്റ്റ​ർ പ്ര​കാ​ശ​ന ച​ട​ങ്ങി​ൽ കെ.​എം.​സി.​സി സം​സ്ഥാ​ന സെ​ക്ര​ട്ട​റി സ​മ​ദ് ചാ​മ​ക്കാ​ല, പ്രോ​ഗ്രാം ക​മ്മി​റ്റി ചെ​യ​ർ​മാ​ൻ മു​ഹ​മ്മ​ദ് ഗ​സ്നി, തൃ​ശൂ​ർ ജി​ല്ല വൈ​സ് പ്ര​സി​ഡ​ന്‍റ്​ ബ​ഷീ​ർ പെ​രി​ഞ്ഞ​നം, സെ​ക്ര​ട്ട​റി നൗ​ഷാ​ദ് ഇ ​ഡോ​ട്ട്സ്, ക​യ്പ​മം​ഗ​ലം കെ.​എം.​സി.​സി മ​ണ്ഡ​ലം പ്ര​സി​ഡ​ന്‍റ്​ ഷ​റ​ഫു​ദ്ദീ​ൻ ചാ​മ​ക്കാ​ല, ട്ര​ഷ​റ​ർ ജ​ലീ​ൽ, കെ.​എം.​സി.​സി തൃ​ശൂ​ർ ജി​ല്ല വ​നി​ത വി​ങ് വൈ​സ് പ്ര​സി​ഡ​ന്‍റ്​ നി​സ നൗ​ഷാ​ദ്, മ​ണ്ഡ​ലം സെ​ക്ര​ട്ട​റി സാ​ജി​ത ക​ബീ​ർ, വൈ​സ് പ്ര​സി​ഡ​ന്‍റു​മാ​രാ​യ ഹ​ഫ്സ​ത്ത് ബ​ഷീ​ർ, റ​ഹ്മ​ത്ത് ഷ​റ​ഫു​ദ്ദീ​ൻ എ​ന്നി​വ​ർ പ​ങ്കെ​ടു​ത്തു.

Continue Reading

Trending