Education

പതിനെട്ട് സ്വര്‍ണം, ഒന്നാംറാങ്ക്; യമുനക്കു പകരം യമുന മാത്രമെന്ന് യൂണിവേഴ്‌സിറ്റിയുടെ സാക്ഷ്യം

യൂണിവേഴ്‌സിറ്റിയുടെ ചരിത്രത്തില്‍ ഇത്രയും നേട്ടം ഒരുമിച്ച് നേടിയ വിദ്യാര്‍ഥി വേറെയില്ലെന്ന് അവര്‍ ഒന്നടങ്കം സാക്ഷ്യപ്പെടുത്തുന്നു

Published

4 years ago

September 29, 2020

web desk 1

കൊച്ചി : ബംഗളൂരു നാഷണല്‍ ലോ സ്‌കൂള്‍ ഓഫ് ഇന്ത്യ യൂണിവേഴ്‌സിറ്റി അധികൃതര്‍ക്ക് എറണാകുളത്തെ യമുന മേനോനെ കുറിച്ച് പറയുമ്പോള്‍ നൂറു നാവാണ്. ബിഎ എല്‍എല്‍ബി കോഴ്‌സില്‍ ഒന്നാം റാങ്ക് നേടിയ മിടുക്കി. ഒപ്പം 18 സ്വര്‍ണമെഡലുകളും. യൂണിവേഴ്‌സിറ്റിയുടെ ചരിത്രത്തില്‍ ഇത്രയും നേട്ടം ഒരുമിച്ച് നേടിയ വിദ്യാര്‍ഥി വേറെയില്ലെന്ന് അവര്‍ ഒന്നടങ്കം സാക്ഷ്യപ്പെടുത്തുന്നു.

എറണാകുളം ഉദയംപേരൂരില്‍ താമസിക്കുന്ന എളങ്കുന്നപ്പുഴ തച്ചപ്പിള്ളില്‍ മോഹന്‍കുമാറിന്റെയും ഉഷയുടെയും മകള്‍ യമുന മേനോന്‍ നിയമപഠനത്തിലെത്തിയതിനു പിന്നില്‍ ഒരു സംഭവമുണ്ട്. എന്‍ജിനീയറിങ്ങിലെ സീറ്റുപേക്ഷിച്ചാണ് യമുന നിയമം തിരഞ്ഞെടുത്തത്.

അയല്‍വാസിയായ ഒരു സീനിയര്‍ അഭിഭാഷകനെ പുസ്തകരചനയില്‍ സഹായിക്കാന്‍ അവസരം കിട്ടിയതോടെയാണ് യമുനയില്‍ നിയമ പഠനം എന്ന താല്‍പര്യം ജനിച്ചത്. പുസ്തകരചനയിലുടനീളം കണ്ട കോടതിക്കഥകളില്‍ ത്രില്ലടിച്ച് നിയമം പഠിക്കാന്‍ തീരുമാനിച്ചു.

ആദ്യ ശ്രമത്തില്‍ പ്രവേശനം ലഭിച്ചില്ല. എങ്കിലും വളരെ ക്ഷമയോടെ ഒരു വര്‍ഷമിരുന്ന് പഠിച്ചു. വേറെ കോഴ്‌സുകള്‍ക്കൊന്നും പോയില്ല. പിന്നീട് പ്രവേശന പരീക്ഷയായ ക്ലാറ്റില്‍ 28ാം റാങ്ക് ലഭിച്ചു. 2015ല്‍ ബെംഗളൂരുവില്‍ ചേര്‍ന്നു. പഠന കാലയളവില്‍ മൂട്ട് കോര്‍ട്ട് മത്സരങ്ങളിലുള്‍പ്പെടെ സജീവം. ലണ്ടനിലും സിങ്കപ്പൂരിലുമെല്ലാം നടന്ന മൂട്ട് കോര്‍ട്ട് മത്സരങ്ങളില്‍ യൂണിവേഴ്‌സിറ്റിയെ പ്രതിനിധാനം ചെയ്തു. നേപ്പാളിലേക്കുള്ള യുവ പ്രതിനിധി സംഘത്തിലും അംഗമായി. പങ്കെടുക്കാനായി.

കാമ്പസ് പ്ലേസ്‌മെന്റ് വഴി ജോലി ലഭിച്ചെങ്കിലും തുടര്‍പഠനമാണ് ലക്ഷ്യം. കേംബ്രിഡ്ജ് ട്രിനിറ്റി കോളേജില്‍ സ്‌കോളര്‍ഷിപ്പോടെ എല്‍.എല്‍.എം. ചെയ്യാനൊരുങ്ങുകയാണ്.

അടുത്ത മാസം ക്ലാസ് തുടങ്ങും. പഠനശേഷം യു.എന്‍. പോലുള്ള അന്താരാഷ്ട്ര ഏജന്‍സികളുമായി ചേര്‍ന്ന് പ്രവര്‍ത്തിക്കാനാണ് ആഗ്രഹം.

എട്ടാം ക്ലാസ് വരെ തിരുവാങ്കുളം ഭവന്‍സ് മുന്‍ഷി വിദ്യാലയത്തിലാണ് യമുന പഠിച്ചത്. ഒന്‍പതു മുതല്‍ 12 വരെ എരൂര്‍ ഭവന്‍സിലും. സ്‌കൂളിലെ മികച്ച വിദ്യാര്‍ഥിയും ഹെഡ് ഗേളുമായിരുന്നു. ഓണ്‍ലൈനിലൂടെ കഴിഞ്ഞ ദിവസമായിരുന്നു യൂണിവേഴ്‌സിറ്റിയില്‍ ബിരുദദാനം.

Education

കാലിക്കറ്റ് സർവകലാശാല അറിയിപ്പുകൾ

Published

2 days ago

December 21, 2024

webdesk13

പ്രാക്ടിക്കൽ പരീക്ഷ

അഞ്ചാം സെമസ്റ്റർ ( 2022 ബാച്ച് ) ബി.വോക്. റീടെയിൽ മാനേജ്‌മെന്റ്, ലോജിസ്റ്റിക്സ് മാനേജ്‌മെന്റ്, പ്രൊഫഷണൽ അക്കൗണ്ടിംഗ് ആന്റ് ടാക്സേഷൻ നവംബർ 2024 പ്രാക്ടിക്കൽ പരീക്ഷകൾ ഡിസംബർ 20-ന് തുടങ്ങും. വിശദമായ ഷെഡ്യൂൾ വെബ്സൈറ്റിൽ.

പി.ജി. ഡിപ്ലോമ ഇൻ പാർലിമെന്റ് സ്റ്റഡീസ്

കേരള ലെജിസ്ലേറ്റീവ് അസംബ്ലി മീഡിയ ആന്റ് പാർലിമെന്ററി സ്റ്റഡീസ് സെന്റർ വിദൂര വിദ്യാഭ്യാസ സമ്പ്രദായത്തിൽ ആരംഭിക്കുന്ന പി.ജി. ഡിപ്ലോമ ഇൻ പാർലിമെന്റ് സ്റ്റഡീസ് കോഴ്‌സ് പ്രവേശനത്തിന് അപേക്ഷ ക്ഷണിച്ചു. ഒരു വർഷമാണ് കോഴ്സ് കാലാവധി. യോഗ്യത : ബിരുദം / തത്തുല്യം. ഉയർന്ന പ്രായപരിധി ഇല്ല. അപേക്ഷാ ഫീസ് : 200/- രൂപ. ഓൺലൈനായി അപേക്ഷ സമർപ്പിക്കേണ്ട അവസാന തീയതി ഡിസംബർ 20. പ്രോസ്പെക്ടസിനും വിശദ വിവരങ്ങൾക്കും www.niyamasabha.org .

Education

IIM പ്രവേശനത്തിന് CAT 2024; രജിസ്ട്രേഷൻ സെപ്റ്റംബർ 20 വരെ

Published

3 months ago

September 16, 2024

webdesk13

ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെൻറ് പോസ്റ്റ് ഗ്രാജുവേറ്റ്, ഫെലോ / ഡോക്ടർ തല മാനേജ്മെൻറ് പ്രോഗ്രാമുകളിലെ പ്രവേശനത്തിനായി നടത്തുന്ന കോമൺ അഡ്മിഷൻ ടെസ്റ്റ് (കാറ്റ് ) 2024, നവംബർ 24ന് മൂന്ന് സെഷനുകളിലായി നടത്തും.

. മാനേജ്മെന്റ്റ് കോഴ്സുകളുടെ അഡ്‌മിഷന് വേണ്ടിയുള്ള പ്രവേശന പരീക്ഷയായ കോമൺ അഡ്‌മിഷൻ ടെസ്റ്റ് നടത്തുന്നത് കൊൽക്കത്ത ഐഐഎമ്മാണ്. നവംബർ 5ന് അഡ്‌മിറ്റ് കാർഡ് ലഭ്യമാവും.

. 50 ശതമാനം മാർക്കോടെയുള്ള ബിരുദമാണ് യോഗ്യത. സംവരണ വിഭാഗങ്ങൾക്ക് 45 ശതമാനംമതി. 2500 രൂപയാണ് ജനറൽ വിഭാഗത്തിന്റെ അപേക്ഷഫീസ്. സംവരണവിഭാഗങ്ങൾക്ക് 1250 രൂപയാണ് ഫീസ്. വിശദവിവരങ്ങൾക്ക് ഔദ്യോഗിക വെബ്സൈറ്റ് സന്ദർശിക്കാം.

. മോക്ക് ടെസ്റ്റ് കാറ്റ് വെബ്സൈറ്റിൽ ഒക്ടോബർ അവസാനം ലഭ്യമാകും.

. അപേക്ഷ സെപ്റ്റംബർ 20ന് വൈകിട്ട് 5 വരെ https://iimcat.ac.in വഴി നൽകാം.

. തിരഞ്ഞെടുപ്പ് പ്രക്രിയ പൂർത്തിയാകും വരെ അപേക്ഷാർത്ഥി സാധുവായ ഈ-മെയിൽ വിലാസവും മൊബൈൽ നമ്പറും നിലനിർത്തണം. ഫലം ജനുവരി രണ്ടാം വാരം.

. പരീക്ഷ നവംബർ 24 ന്

കൂടുതൽ വിവരങ്ങൾക്ക്
https://iimcat.ac.in

Education

ഓണപ്പരീക്ഷയ്ക്ക് ഇന്ന് തുടക്കം; യുപി വിഭാഗത്തിന് നാളെമുതല്‍

ഹയർ സെക്കൻഡറി ഒന്നാം വർഷ വിദ്യാർഥികള്‍ക്ക്‌ ഓണപ്പരീക്ഷയില്ല

Published

4 months ago

September 3, 2024

webdesk14

തിരുവനന്തപുരം: സംസ്ഥാനത്തെ സ്‌കൂളുകളില്‍ ഒന്നാം പാദവാർഷിക പരീക്ഷ (ഓണപ്പരീക്ഷ) ഇന്ന് ആരംഭിക്കും. ഹൈസ്‌കൂള്‍ വിഭാഗം പരീക്ഷകളാണ്‌ ഇന്ന് നടക്കുക. യുപി പരീക്ഷകള്‍ ബുധനാഴ്‌ച തുടങ്ങും. പ്ലസ്‌ടു പരീക്ഷയും ആരംഭിക്കും. എല്‍പി വിഭാഗത്തിന്‌ വെള്ളിയാഴ്‌ചയാണ്‌ ആരംഭിക്കുക.

ഹയർ സെക്കൻഡറി ഒന്നാം വർഷ വിദ്യാർഥികള്‍ക്ക്‌ ഓണപ്പരീക്ഷയില്ല. പരീക്ഷാ ദിവസങ്ങളില്‍ രാവിലെ 10 മുതല്‍ 10.15 വരെയും പകല്‍ 1.30 മുതല്‍ 1.45 വരെയും കൂള്‍ ഓഫ്‌ ടൈം അനുവദിക്കും. വെള്ളിയാഴ്ച ഉച്ചയ്‌ക്കുള്ള പരീക്ഷ രണ്ട്‌ മുതല്‍ 4.15 വരെയായിരിക്കും. ഒന്ന്‌, രണ്ട്‌ ക്ലാസുകളില്‍ സമയദൈർഘ്യമില്ല. പ്രവർത്തനങ്ങള്‍ പൂർത്തിയാകുന്ന മുറയ്‌ക്ക്‌ പരീക്ഷ അവസാനിപ്പിക്കാം. 12ന്‌ പരീക്ഷകള്‍ അവസാനിക്കും. ഓണാവധിക്കായി 13ന്‌ സ്‌കൂള്‍ അടയ്‌ക്കും.