Video Stories
നിപ വൈറസ് ബാധയുടെ പശ്ചാത്തലത്തില് പുതിയ ചിത്രവുമായി ആഷിഖ് അബു

മായാനദിക്ക് ശേഷം വമ്പന് താരനിരയുമായി പുതിയ ചിത്രത്തിനൊരുങ്ങി സംവിധായകന് ആഷിഖ് അബു. അപൂര്വ പനിയിലൂടെ മലയാളികളെ ഭീതിയിലാഴ്ത്തിയ നിപ വൈറസ് ബാധയുടെ പശ്ചാത്തലത്തിലാണ് സിനിമ ഒരുങ്ങുന്നത്.
വൈറസ് എന്ന് പേരിട്ടിരിക്കുന്ന ചിത്രത്തിന്റെ പോസ്റ്റര് സോഷ്യല്മീഡിയയിലൂടെ ആഷിഖ് അബു തന്നെയാണ് പുറത്തുവിട്ടത്.
നിപ വൈറസ് കാലത്ത് ഏറെ ശ്രദ്ധ നേടിയ ഒരു ഫോട്ടോ ഉപയോഗിച്ചുള്ള ചിത്രത്തിന്റെ പോസ്റ്ററില് സിനിമയിലെ താരനിരയെ രേഖപ്പെടുത്തിയിട്ടുണ്ട്. അടുത്ത വേനലവധിയിലേക്കായി ഒരുങ്ങുന്ന ചിത്രത്തിന്റെ ആദ്യ പോസ്റ്ററിന് വന് പ്രചാരമാണ് വാടസ്സപ്പ് അടക്കമുള്ള സോഷ്യല് മീഡിയയില് നിന്നും ലഭിക്കുന്നത്.
രേവതി, ആസിഫ് അലി, റിമ കല്ലിങ്കല്, ടോവിനോ തോമസ്, പാര്വതി, കാളിദാസ് ജയറാം, രമ്യ നമ്പീശന്, സൗബിന് ഷാഹിര്, ദിലീഷ് പോത്തന്, ചെമ്പന് വിനോദ് എന്നീ വന് താരനിരയാണ് ചിത്രത്തിന് വേണ്ടി അണിനിരക്കുന്നത്. നിപ ബാധ ചികിത്സക്കിടെ മരിച്ച നഴ്സ് ലിനിയുടെ വേഷത്തിലാണ് റിമയെത്തുക.
അമല് നീരദിന്റെ പുതിയ സിനിമയായ വരത്തന്റെ സ്ക്രിപ്ററ് റൈറ്റേഴ്സായ സുഹാസ്-ഷറഫു ടീമും സുഡാനി ഫ്രം നൈജീരിയക്ക് ശേഷം മുഹ്സിന് പെരാരിയും ചേര്ന്നാണ് ചിത്രത്തിന് വേണ്ടി എഴുതുന്നത്. രാജീവ് രവിയാണ് ക്യാമറ കൈകാര്യം ചെയ്യുന്നത്. കഥാപാത്രങ്ങളുടെ രൂപകൽപ്പന ചെയ്യുന്നത് സമീര സനീഷ്. സംഗീതം സുശിന് ശ്യാം. അടുത്ത വര്ഷം ചിത്രം പ്രദര്ശനത്തിനെത്തും.
News
രാജ്യത്തിനായി ഞായറാഴ്ച്ച പ്രത്യേക പ്രാര്ത്ഥന; ആഹ്വാനവുമായി മലങ്കര ഓര്ത്തഡോക്സ് സഭ
അതിര്ത്തി സംരക്ഷിക്കുന്ന സൈനികര് സുരക്ഷിതരായിരിക്കാന് പ്രാര്ത്ഥിക്കണമെന്നും യുദ്ധത്തിലേക്ക് നീങ്ങാതെ സമാധാനം പുനഃസ്ഥാപിക്കപ്പെടാന് വേണ്ടി പ്രാര്ത്ഥിക്കണമെന്നും പരിശുദ്ധ കാതോലിക്കാബാവാ ആവശ്യപ്പെട്ടു.

രാജ്യത്തിനായി ഞായറാഴ്ച്ച പ്രത്യേകം പ്രാര്ത്ഥന നടത്താന് ആഹ്വാനവുമായി മലങ്കര ഓര്ത്തഡോക്സ് സഭ. ഭാരതത്തിനും, സൈനികര്ക്കും, അതിര്ത്തിയിലെ ജനസമൂഹത്തിനും വേണ്ടി പ്രത്യേക പ്രാര്ത്ഥന നടത്തണമെന്ന് പരിശുദ്ധ ബസേലിയോസ് മാര്ത്തോമ്മാ മാത്യൂസ് തൃതീയന് കാതോലിക്കാ ബാവാ ആഹ്വാനം ചെയ്തു.
അതിര്ത്തി സംരക്ഷിക്കുന്ന സൈനികര് സുരക്ഷിതരായിരിക്കാന് പ്രാര്ത്ഥിക്കണമെന്നും യുദ്ധത്തിലേക്ക് നീങ്ങാതെ സമാധാനം പുനഃസ്ഥാപിക്കപ്പെടാന് വേണ്ടി പ്രാര്ത്ഥിക്കണമെന്നും പരിശുദ്ധ കാതോലിക്കാബാവാ ആവശ്യപ്പെട്ടു. ഞായറാഴ്ച്ച വിശുദ്ധ കുര്ബാന മധ്യേ മലങ്കരസഭയിലെ മുഴുവന് പള്ളികളിലും രാജ്യത്തിന് വേണ്ടി പ്രാര്ത്ഥന നടത്തുമെന്നും അദ്ദേഹം പറഞ്ഞു.
അതേസമയം ഇന്ത്യയുടെ തിരിച്ചടിയില് പാകിസ്താന് വന് നാശനഷ്ടമുണ്ടായതായും റിപ്പോര്ട്ടുണ്ട്.
kerala
താമരശ്ശേരി ഷഹബാസ് കൊലക്കേസ്: കുറ്റാരോപിതരായ വിദ്യാര്ത്ഥികളുടെ എസ്.എസ്.എല്.സി പരീക്ഷാ ഫലം പ്രസിദ്ധീകരിച്ചില്ല
വിദ്യാര്ത്ഥികള് കേസില് പ്രതികളായ സാഹചര്യത്തിലാണ് പരീക്ഷാ ഫലം തടഞ്ഞുവെച്ചിരിക്കുന്നത്.

താമരശ്ശേരി ഷഹബാസ് കൊലക്കേസില് കുറ്റാരോപിതരായ ആറ് വിദ്യാര്ത്ഥികളുടെയും എസ്.എസ്.എല്.സി പരീക്ഷാ ഫലം പ്രസിദ്ധീകരിച്ചില്ല. വിദ്യാര്ത്ഥികള് കേസില് പ്രതികളായ സാഹചര്യത്തിലാണ് പരീക്ഷാ ഫലം തടഞ്ഞുവെച്ചിരിക്കുന്നത്. അതേസമയം ഇവരുടെ ഫലം പ്രസിദ്ധീകരിക്കാത്തത് എന്തുകൊണ്ടെന്ന് അറിയില്ലെന്ന് താമരശ്ശേരി ജി വി എച്ച് എസ് എസ് അധികൃതര് വ്യക്തമാക്കി.
കേസില് കുറ്റാരോപിതരായ് വിദ്യാര്ത്ഥികള് നിലവില് വെള്ളിമാടുകുന്ന് ഒബ്സര്വേഷന് ഹോമിലാണ്. വിദ്യാര്ത്ഥികളെ എസ്.എസ്.എല്.സി പരീക്ഷ എഴുതാന് അനുവദിച്ചത് വലിയ വിവാദത്തിലേക്ക് നയിച്ചിരുന്നു. പരീക്ഷാ സെന്ററുകളിലേക്കടക്കം വിദ്യാര്ഥി -യുവജന സംഘടനകള് കടുത്ത പ്രതിഷേധം നടത്തിയിരുന്നു.
എളേറ്റില് വട്ടോളി എം.ജെ. ഹയര്സെക്കന്ഡറി സ്കൂള് പത്താം ക്ലാസ് വിദ്യാര്ഥിയായിരുന്നു മരിച്ച മുഹമ്മദ് ഷഹബാസ്.
Video Stories
പഞ്ചാബിലെ എസ്ബിഎസ് നഗറില് നിന്ന് 2 ആര്പിജികളും 5 ഹാന്ഡ് ഗ്രനേഡുകളും കണ്ടെടുത്തു

പഞ്ചാബിലെ എസ്ബിഎസ് നഗറില് നിന്ന് 2 ആര്പിജികളും 5 ഹാന്ഡ് ഗ്രനേഡുകളും കണ്ടെടുത്തു. എസ്ബിഎസ് നഗറിലെ ടിബ്ബ നംഗല് കുലാര് റോഡിന് സമീപമുള്ള വനമേഖലയില് നിന്ന് രണ്ട് റോക്കറ്റ് പ്രൊപ്പല്ഡ് ഗ്രനേഡുകളും അഞ്ച് ഹാന്ഡ് ഗ്രനേഡുകളും ഉള്പ്പെടെ വെടിമരുന്ന് ശേഖരം കണ്ടെടുത്തതായി സംസ്ഥാന പോലീസ് മേധാവി ചൊവ്വാഴ്ച പറഞ്ഞു.
പഞ്ചാബിലെ സ്ലീപ്പര് സെല്ലുകളെ പുനരുജ്ജീവിപ്പിക്കാന് പാകിസ്ഥാനിലെ ഭീകരസംഘടനകള് നടത്തിയ കോര്ഡിനേറ്റഡ് ഓപ്പറേഷനാണ് പ്രാഥമിക അന്വേഷണം സൂചിപ്പിക്കുന്നത്,” ഡയറക്ടര് ജനറല് ഓഫ് പോലീസ് ഗൗരവ് യാദവ് എക്സില് ഒരു പോസ്റ്റില് പറഞ്ഞു.
ഒരു കേന്ദ്ര ഏജന്സിയുമായി ചേര്ന്ന് നടത്തിയ സംയുക്ത ഓപ്പറേഷനില്, എസ്ബിഎസ് നഗറിലെ ടിബ്ബ നംഗല് കുലാര് റോഡിന് സമീപമുള്ള വനമേഖലയില് നിന്ന് രഹസ്യാന്വേഷണ വിഭാഗത്തിന്റെ നേതൃത്വത്തില് നടത്തിയ ഓപ്പറേഷനില് പഞ്ചാബ് പോലീസ് തീവ്രവാദ ഹാര്ഡ്വെയര് ശേഖരം കണ്ടെടുത്തു.
രണ്ട് ആര്പിജികള്, രണ്ട് ഇംപ്രൊവൈസ്ഡ് എക്സ്പ്ലോസീവ് ഡിവൈസുകള് (ഐഇഡി), അഞ്ച് ഹാന്ഡ് ഗ്രനേഡുകള്, ഒരു വയര്ലെസ് കമ്മ്യൂണിക്കേഷന് സെറ്റ് എന്നിവ കണ്ടെടുത്തതായി അദ്ദേഹം പറഞ്ഞു.
അമൃത്സറിലെ സ്റ്റേറ്റ് സ്പെഷ്യല് ഓപ്പറേഷന് സെല്ലിന്റെ പോലീസ് സ്റ്റേഷനില് ബന്ധപ്പെട്ട വകുപ്പുകള് പ്രകാരം കേസ് രജിസ്റ്റര് ചെയ്തിട്ടുണ്ട്.
-
news3 days ago
ഹോങ്കോങ്ങിലും സിംഗപ്പൂരിലും കോവിഡ് കേസുകള് വര്ധിക്കുന്നതായി റിപ്പോര്ട്ട്
-
kerala3 days ago
സംസ്ഥാനത്ത് അതിശക്തമായ മഴ; വിവിധ ജില്ലകളില് ഓറഞ്ച് അലര്ട്ട്
-
kerala3 days ago
മേപ്പാടിയില് ബോബി ചെമ്മണ്ണൂരിന്റെ ബോച്ചെ തൗസന്റ് ഏക്കറില് തീപ്പിടിത്തം’ സ്ഥാപനങ്ങള് കത്തി നശിച്ചു
-
kerala3 days ago
മുതലപ്പൊഴിയില് സംഘര്ഷാവസ്ഥ തുടരുന്നു; എഞ്ചിനീയറിംഗ് ഓഫീസിന്റെ ജനാല അടിച്ചു തകര്ത്തു
-
kerala3 days ago
ഇഡിയുടെ കേസൊതുക്കാന് വ്യാപാരിയില് നിന്ന് കോഴ ആവശ്യപ്പെട്ടവര് അറസ്റ്റില്
-
india3 days ago
48 മണിക്കൂറിനിടെ രണ്ട് ഓപ്പറേഷനുകള്; ജമ്മു കശ്മീരില് 6 ഭീകരരെ വധിച്ചെന്ന് സുരക്ഷാസേന
-
india2 days ago
ഒഡിഷയില് ഇടിമിന്നലേറ്റ് 10 മരണം
-
kerala3 days ago
മലമ്പുഴയില് രാത്രിയില് വാതില് തകര്ത്ത് വീടിനുള്ളില് പുലി; ഉറങ്ങിക്കിടന്ന കുട്ടിയെ തട്ടി താഴെയിട്ടു