Culture
റോക്കറ്റ് വേഗം; കത്തിക്കയറി ഇന്ധനവില
തിരുവനന്തപുരം: കര്‍ണാടക നിയമസഭാ തെരഞ്ഞെടുപ്പ് ഫലം പുറത്തു വന്നതിനു പിന്നാലെ തുടര്‍ച്ചയായ എട്ടാം ദിവസവും പെട്രോള്‍, ഡീസല്‍ വിലയില്‍ വര്‍ധന രേഖപ്പെടുത്തി. എണ്ണ വില സര്‍വകാല റെക്കോര്‍ഡിലെത്തിയതോടെ ജനജീവിതം ദുസ്സഹമായി മാറിയിട്ടുണ്ട്.
എണ്ണ വില വര്‍ധിച്ചതോടെ നിത്യോപയോഗ സാധനങ്ങളുടെ വിലയിലും വര്‍ധനവ് പ്രകടമായിട്ടുണ്ട്. പെട്രോളിന് 34 പൈസയും ഡീസലിന് 28 പൈസയുമാണ് വര്‍ധിച്ചത്. സംസ്ഥാനത്ത് തിരുവനന്തപുരത്ത് പെട്രോളിന് 34 പൈസ വര്‍ധിച്ച് ലിറ്ററിന് 80.73 പൈസയായി. ഡീസലിന് 28 പൈസ വര്‍ധിച്ച് 73.65 ആയും വര്‍ധിച്ചു. കോഴിക്കോട് പെട്രോള്‍ ലിറ്ററിന് 79.65 രൂപയും ഡീസലിന് 72.65 രൂപയുമാണ്. കൊച്ചിയില്‍ പെട്രോളിന് 79.29 ഉം, ഡീസലിന് 71.95 രൂപയുമാണ്. ഡല്‍ഹിയില്‍ പെട്രോളിന് 76.24 ഉം ഡീസലിന് 67.57 രൂപയുമാണ്. എക്കാലത്തേയും ഉയര്‍ന്ന നിരക്കാണിത്. 2013 സെപ്തംബര്‍ 14ന് പെട്രോളിന് രേഖപ്പെടുത്തിയ 76.06 പൈസയായിരുന്നു ഡല്‍ഹിയില്‍ ഇതിന് മുമ്പ് പെട്രോളിന് രേഖപ്പെടുത്തിയ ഏറ്റവും കൂടിയ വില.
മറ്റു അയല്‍ രാജ്യങ്ങളുമായി താരതമ്യം ചെയ്യുമ്പോള്‍ ഇന്ത്യയിലെ പ്രെട്രോള്‍ വില
ഒരാഴ്ചക്കിടെ പെട്രോളിന് 1.98 രൂപയും ഡീസലിന് 1.92 പൈസയുമാണ് പൊതുമേഖല എണ്ണകമ്പനികള്‍ വര്‍ധിപ്പിച്ചത്. നിലവില്‍ മുംബൈയിലും ഭോപാലിലുമാണ് പെട്രോളിന് ഏറ്റവും കൂടിയ വില. മുംബൈയില്‍ ഇന്നലെ പെട്രോള്‍ ലിറ്ററിന് 84.07 രൂപയും, ഭോപാലില്‍ 81.83 രൂപയും, പറ്റ്‌നയില്‍ 81.73 രൂപയും ഹൈദരാബാദില്‍ 80.76 രൂപയുമാണ്.
കൊല്‍ക്കത്തയില്‍ 78.91 രൂപയും ചെന്നൈയില്‍ 79.13 രൂപയുമാണ് പെട്രോള്‍ വില. ഗോവയിലെ പനാജിയിലാണ് പെട്രോളിന് ഏറ്റവും കുറഞ്ഞ വില ഇവിടെ ലിറ്ററിന് 70.26 രൂപയാണ് വില. ഡീസലിന് ഹൈദരാബാദിലാണ് ഏറ്റവും കൂടിയ വില.
ലിറ്ററിന് 73.45 രൂപയാണ് ഹൈദരാബാദില്‍ രേഖപ്പെടുത്തിയത്.
തിരുവനന്തപുരത്താണ് രണ്ടാമത്തെ കൂടിയ വില. റായ്പൂര്‍ (72.96), ഗാന്ധിനഗര്‍ (72.63), ഭുവനേശ്വര്‍ (72.43), പറ്റ്‌ന (72.24) എന്നിങ്ങനെയാണ് ഡീസല്‍ വില. പോര്‍ട്ട് ബ്ലയറിലാണ് ഡീസലിന് ഏറ്റവും കുറഞ്ഞ വില 63.35. അതേ സമയം എണ്ണ വില കുതിച്ചുയരുന്ന സാഹചര്യത്തില്‍ എക്‌സൈസ് നികുതി കുറക്കുമെന്ന അഭ്യൂഹങ്ങള്‍ പുറത്തു വന്നിട്ടുണ്ടെങ്കിലും ഇതിനോട് പ്രതികരിക്കാന്‍ സാമ്പത്തിക കാര്യ സെക്രട്ടറി സുഭാഷ് ചന്ദ്ര ഗാര്‍ഗ് വിസമ്മതിച്ചു. നരേന്ദ്ര മോദി സര്‍ക്കാര്‍ അധികാരത്തില്‍ വന്നതിന് ശേഷം ഒമ്പത് തവണയാണ് ഡിസല്‍, പെട്രോള്‍ എന്നിവയുടെ എക്‌സൈസ് നികുതി വര്‍ധിപ്പിച്ചത്.
ഇതുവഴി പെട്രോളിന് 11.77 രൂപയും ഡീസലിന് 13.47 രൂപയുമാണ് കൂട്ടിയത്. അന്താരാഷ്ട്ര വിപണിയില്‍ ക്രൂഡ് ഓയില്‍ വിലയിലുണ്ടായ വര്‍ധനവും ഡോളറിനെതിരെ രൂപയുടെ മൂല്യ തകര്‍ച്ചയുമാണ് വില വര്‍ധനവിന് കാരണമായി എണ്ണക്കമ്പനികള്‍ പറയുന്നത്.
Film
കുടുംബബന്ധങ്ങളുടെ കഥ പറയുന്ന ‘എ പാന്‍ ഇന്ത്യന്‍ സ്‌റ്റോറി’; വി.സി. അഭിലാഷിന്റെ സംവിധാനമികവിന് പ്രേക്ഷകരുടെ കൈയടി
Film
‘സിഗ്‌നേച്ചര്‍ ഇന്‍ മോഷന്‍ ഫിലിംസ്’ വിഭാഗത്തിന് മികച്ച പ്രതികരണം; പ്രദര്‍ശിപ്പിക്കുന്നത് 3 ആനിമേഷന്‍ ചിത്രങ്ങള്‍
എ ബോട്ട് ഇന്‍ ദ ഗാര്‍ഡന്‍, ഷിര്‍ക്കോവ: ഇന്‍ ലൈസ് വി ട്രസ്റ്റ്, ചിക്കന്‍ ഫോര്‍ ലിന്‍ഡ എന്നിവയാണ് പ്രേക്ഷക ശ്രദ്ധയാകര്‍ഷിക്കുന്നത്
Film
റിലീസിന് 33 വര്‍ഷങ്ങള്‍ക്ക് ശേഷവും ആവേശം ചോരാതെ അമരം
ഛായഗ്രാഹകന്‍ മധു അമ്പാട്ടിനൊപ്പം സിനിമ കാണാന്‍ കഴിഞ്ഞതിന്റെ സന്തോഷത്തില്‍ ആരാധകര്‍
-
Cricket3 days agoമെന്സ് അണ്ടര് 23 സ്റ്റേറ്റ് ട്രോഫി: മണിപ്പൂരിനെതിരെ കേരളത്തിന് ജയം
-
More3 days agoറോഡില് പൊലിയുന്ന ജീവനുകള്
-
Football2 days agoകോച്ച് മിഖേല് സ്റ്റാറേയെ പുറത്താക്കി കേരള ബ്ലാസ്റ്റേഴ്സ്
-
Sports2 days agoസ്റ്റാറേ പുറത്ത് ; പരിശീലകനെ പുറത്താക്കി കേരള ബ്ലാസ്റ്റേഴ്സ്
-
crime2 days agoമകനെ കൊലപ്പെടുത്തിയ കേസില് പിതാവിന് ജീവപര്യന്തം തടവും പിഴയും
-
kerala2 days agoസോഷ്യല് മീഡിയയില് തരംഗമായി പൊലീസ് സ്റ്റേഷനിലെ ക്രിസ്മസ് ആഘോഷം
-
News2 days agoരണ്ട് കൂറ്റന് ഛിന്നഗ്രഹങ്ങള് ഭൂമിയുടെ അടുത്തുകൂടെ കടന്നുപോയതായി നാസ
-
india3 days agoഒരു രാജ്യം ഒരു തെരഞ്ഞെടുപ്പ് ബില്; ലോക്സഭയില് നാളെ അവതരിപ്പിക്കാനൊരുങ്ങി കേന്ദ്രം