ഹരിയാനയില് കോണ്ഗ്രസ് സ്ഥാനാര്ഥിയായി വിജയിച്ച ഗുസ്തി താരം വിനേഷ് ഫോഗട്ടിനെ അധിക്ഷേപിച്ച് ബി ജെ പി നേതാവും ഗുസ്തി ഫെഡറേഷന് മുന് അധ്യക്ഷനുമായ ബ്രിജ് ഭൂഷണ് ശരണ് സിങ്. വിനേഷ് ഫോഗട്ട് എവിടെ പോയാലും നാശമുണ്ടാകുമെന്ന് ബ്രിജ് ഭൂഷണ് പറഞ്ഞു. ഭാവിയിലും അത് സംഭവിക്കുമെന്നും ഗുസ്തി താരങ്ങള് ഹരിയാനയ്ക്ക് നായകന്മാരല്ലെന്നും മറിച്ച് വില്ലന്മാരാണെന്നും അദ്ദേഹം പറഞ്ഞു. തന്റെ പേര് ഉപയോഗപ്പെടുത്തിയാണ് വിനേഷ് ഫോഗട്ട് വിജയിച്ചതെന്നും ബ്രിജ് ഭൂഷണ് അധിക്ഷേപിച്ചു.
ലൈംഗികാതിക്രമ കേസില് ബ്രിജ് ഭൂഷണിന്റെ രാജി ആവശ്യപ്പെട്ട് ഗുസ്തി താരങ്ങള് നടത്തിയ സമരത്തിലെ നായികയാണ് വിനേഷ് ഫോഗട്ട്. ബ്രിജ് ഭൂഷണിനെതിരെ നടത്തിയ ആ സമരം വിനേഷിന്റെ ജനപ്രീതി ഉയര്ന്നിരുന്നു. പാരിസ് ഒളിമ്പിക്സില് ഭാരത്തിന്റെ കാരണം കാണിച്ച് വിനേഷ് ഫോഗിനെ മടക്കിയയച്ചപ്പോള് ജന ഹൃദയങ്ങളില് നോവായി മാറിയിരുന്നു. പിന്നീട് വിനേഷ് കോണ്ഗ്രസില് അംഗത്വം സ്വീകരിക്കുകയായിരുന്നു. ജുലാന മണ്ഡലത്തില് നിന്ന് 6140 വോട്ടിനാണ് വിനേഷ് ഫോഗട്ട് ബിജെപിയെ മലര്ത്തിയടിച്ചത്. ബിജെപിയുടെ യുവ നേതാവ് യോഗേഷ് ബൈഗാരിയായിരുനിനു ഫോഗിന്റെ എതിരാളി.