വയനാട്ടിൽ അമ്മയെയും 5 മക്കളെയും കാണാതായി ; ഫറോക്ക് കേന്ദ്രീകരിച്ച് അന്വേഷണം

വയനാട് കമ്പളക്കാടുനിന്ന് യുവതിയെയും അഞ്ചുമക്കളെയും കാണാനില്ലെന്ന് പരാതി. കമ്പളക്കാട് കൂടോത്തുമ്മലില്‍ താമസിക്കുന്ന വിനിജയെയുംമക്കളായ വൈഷ്ണവ് (12), വൈശാഖ് (11), സ്നേഹ (ഒൻപത്), അഭിജിത്ത് (അഞ്ച്), ശ്രീലക്ഷ്മി (നാല്) എന്നിവരേയുമാണ് കാണാതായിരിക്കുന്നത്.സെപ്റ്റംബര്‍ 18 തിങ്കളാഴ്ച മുതല്‍ യുവതിയെയും മക്കളെയും കാണാനില്ലെന്നാണ് ബന്ധുക്കൾ പറയുന്നത്.കൂടോത്തുമ്മലിലെ വീട്ടില്‍നിന്ന് മക്കളെയും കൂട്ടി സ്വന്തം വീട്ടിലേക്ക് പോയതായിരുന്നുവെന്നാണ് പറയുന്നത്.കാണാതായ വിനിജയുടെ മൊബൈലിൽ നിന്നുള്ള ഒടുവിലെ സിഗ്നൽ കോഴിക്കോട് ജില്ലയിലെ ഫറോക്കിൽ നിന്നായിരുന്നു എന്ന വിവരത്തിന്റെ അടിസ്ഥാനത്തിൽ പോലീസ് ഫറോക്ക് കേന്ദ്രീകരിച്ച് അന്വേഷണം ആരംഭിച്ചു.