business
ഇതുവരെ ഒരു കമ്പനിയും നല്‍കാത്ത ഞെട്ടിക്കുന്ന ഡാറ്റാ ഓഫറുമായി വോഡഫോണ്‍ ഐഡിയ
എന്നാല്‍, ജിയോ, എയര്‍ടെല്‍ ടെലികോം കമ്പനികളുടെ പ്ലാനുകള്‍ നല്‍കുന്നതിനേക്കാള്‍ ഡേറ്റയാണ് വോഡഫോണ്‍ ഐഡിയ നല്‍കുന്നത്.
മുംബൈ: കടുത്ത മത്സരം നടക്കുന്ന ടെലികോം രംഗത്ത് വരിക്കാരെ പിടിച്ചുനിര്‍ത്താന്‍ ഡബിള്‍ ഡാറ്റാ ഓഫറുമായി വോഡഫോണ്‍ ഐഡിയ. ഡബിള്‍ ഡേറ്റ ഓഫറിന് കീഴില്‍, ഉപയോക്താവിന് ലഭിക്കുന്ന പ്രതിദിന ഡേറ്റ ഇരട്ടിയാണ്. ഉദാഹരണത്തിന്, ഉപയോക്താവിന് 1.5 ജിബി പ്രതിദിനം ഡേറ്റ ലഭിക്കേണ്ട പ്ലാന്‍ ആക്ടിവേറ്റ് ചെയ്യുമ്പോള്‍ ഡബിള്‍ ഡേറ്റ ഓഫറും ലഭിക്കും. അതായത് 1.5 ജിബി പ്രതിദിന ഡേറ്റയ്ക്ക് പകരം ഉപയോക്താവിന് 3 ജിബി ഡേറ്റ ലഭിക്കും. ഈ ഓഫര്‍ അണ്‍ലിമിറ്റഡ് പ്രീപെയ്ഡ് പ്ലാനുകള്‍ക്ക് മാത്രമുള്ളതാണ്.
നിലവിലെ കണക്കനുസരിച്ച്, ഡബിള്‍ ഡേറ്റ ഓഫറിനൊപ്പം വരുന്നത് മൂന്ന് പ്ലാനുകള്‍ മാത്രമാണ്. ഈ മൂന്ന് പ്ലാനുകള്‍ 299, 449, 699 എന്നിങ്ങനെയാണ്. 299 രൂപ പ്രീപെയ്ഡ് പ്ലാനിലും ഡബിള്‍ ഡേറ്റ ഓഫര്‍ ലഭ്യമാണ്. ഈ പ്ലാനില്‍ 4 ജിബി പ്രതിദിന ഡേറ്റാ (ഓഫര്‍ ഇല്ലാതെ 2 ജിബി ഡേറ്റ) ഉപയോഗിക്കാം. 28 ദിവസമാണ് കാലാവധി. ഇന്ത്യയിലെ ഏത് നെറ്റ്വര്‍ക്കിലേക്കും പരിധിയില്ലാത്ത വോയ്സ് കോള്‍ ആനുകൂല്യവും പ്രതിദിനം 100 എസ്എംഎസും ലഭിക്കും. പ്ലാനിനൊപ്പം വാഗ്ദാനം ചെയ്യുന്ന വിഐ മൂവികളുടെയും ടിവിയുടെയും ഓവര്‍-ദി-ടോപ്പ് (OTT) ആനുകൂല്യമുണ്ട്.
449 രൂപ പ്രീപെയ്ഡ് പ്ലാനില്‍ ഡബിള്‍ ഡേറ്റാ ഓഫറിന് കീഴില്‍ 4 ജിബി പ്രതിദിന ഡേറ്റ നല്‍കുന്നു (ഓഫര്‍ ഇല്ലാതെ 2 ജിബി). കൂടാതെ, പരിധിയില്ലാത്ത വോയ്സ് കോള്‍, ദിവസവും 100 എസ്എംഎസ് ആനുകൂല്യങ്ങളും നല്‍കുന്നു. ഉപയോക്താക്കള്‍ക്ക് വിഐ മൂവികളുടെയും ടിവിയുടെയും സൗജന്യ ഒടിടി സബ്‌സ്‌ക്രിപ്ഷന്‍ ലഭിക്കും. ഈ പ്ലാനിന്റെ കാലാവധി 56 ദിവസമാണ്.
699 രൂപ പ്രീപെയ്ഡ് പ്ലാനില്‍ ഡബിള്‍ ഡേറ്റാ ഓഫറിന് കീഴില്‍ 4 ജിബി പ്രതിദിന ഡേറ്റ നല്‍കുന്നു (ഓഫര്‍ ഇല്ലാതെ 2 ജിബി). പരിധിയില്ലാത്ത വോയ്സ് കോള്‍, 100 എസ്എംഎസ് ഒപ്പം വിഐ മൂവികളുടെയും ടിവി പ്ലാറ്റ്ഫോമുകളുടെയും സൗജന്യ സബ്സ്‌ക്രിപ്ഷനും ലഭിക്കും. എന്നാല്‍, ഈ പ്ലാനിന്റെ കാലാവധി 84 ദിവസമാണ്.
എന്നാല്‍, ജിയോ, എയര്‍ടെല്‍ ടെലികോം കമ്പനികളുടെ പ്ലാനുകള്‍ നല്‍കുന്നതിനേക്കാള്‍ ഡേറ്റയാണ് വോഡഫോണ്‍ ഐഡിയ നല്‍കുന്നത്. ജിയോയുടെ 599 രൂപ പ്ലാനില്‍ പ്രതിദിനം 2 ജിബി ഡേറ്റയാണ് നല്‍കുന്നത്. 84 ദിവസമാണ് കാലാവധി. എയര്‍ടെലിന്റെ 598 പ്ലാനില്‍ ദിവസം 1.5 ജിബി ഡേറ്റയാണ് നല്‍കുന്നത്. 84 ദിവസമാണ് പ്ലാനിന്റെ കാലാവധി.
സംസ്ഥാനത്ത് സ്വര്‍ണവിലയില്‍ നേരിയ ആശ്വാസം. ഇന്ന് ഗ്രാമിന് 90 രൂപ കുറഞ്ഞു. ഇതോടെ ഒരു ഗ്രാം 22 കാരറ്റ് സ്വര്‍ണം വാങ്ങാന്‍ 8,310 രൂപയാണ് നല്‍കേണ്ടത്. പവന് 720 രൂപയാണ് കുറഞ്ഞത്. 68,480 രൂപയായിരുന്ന പവന് 66,480 രൂപയായി കുറഞ്ഞു.
കഴിഞ്ഞ ദിവസങ്ങളിലായി സ്വര്‍ണ വിലയിലുണ്ടായ വര്‍ധനവിന് ഒരാശ്വാസമാണ് ഇന്നത്തെ വിപണി. സംസ്ഥാനത്ത് സ്വര്‍ണവില റെക്കോര്‍ഡുകള്‍ പുതുക്കി മുന്നേറിയ കാഴ്ചകളാണ് കഴിഞ്ഞ ദിവസങ്ങളില്‍ കാണാനായത്.
ഓഹരി വിപണിയിലെ ചലനങ്ങളും രാജ്യാന്തര വിപണിയിലെ മാറ്റങ്ങളുമാണ് വിപണിയില്‍ പ്രതിഫലിക്കുന്നത്. 18നാണ് സ്വര്‍ണവില ആദ്യമായി 66,000 തൊട്ടത്.
ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കും.
അതേസമയം, രാജ്യാന്തര വിപണിയിൽ സ്വർണത്തിന് വില കുറഞ്ഞാൽ ഇന്ത്യയിൽ വില കുറയണമെന്ന് നിർബന്ധമില്ല. രൂപയുടെ മൂല്യം, പ്രാദേശികമായ ആവശ്യകത, ഇറക്കുമതി തീരുവ എന്നീ ഘടകങ്ങൾ ഇന്ത്യയിലെ സ്വർണവില നിശ്ചയിക്കുന്നതിൽ പ്രധാന പങ്കുവഹിക്കും.
business
സംസ്ഥാനത്ത് സ്വര്‍ണവില ഇന്നും കുറഞ്ഞു
7940 രൂപയാണ് ഇന്ന് ഒരു ഗ്രാം സ്വര്‍ണത്തിന് നല്‍കേണ്ടത്.
സംസ്ഥാനത്ത് തുടര്‍ച്ചയായ നാലാം ദിവസവും സ്വര്‍ണവില കുറഞ്ഞു. സ്വര്‍ണം ഗ്രാമിന് 10 രൂപയും പവന് 80 രൂപയുമാണ് ഇന്ന് കുറഞ്ഞത്. ഇന്നലെ പവന് 480 രൂപ കുറഞ്ഞിരുന്നു. ഇതോടെ ഇന്ന് 63520 രൂപയാണ് ഇന്ന് ഒരു പവന് സ്വര്‍ണത്തിന് നല്‍കേണ്ടത്. 7940 രൂപയാണ് ഇന്ന് ഒരു ഗ്രാം സ്വര്‍ണത്തിന് നല്‍കേണ്ടത്.
ലോകത്തെ ഏറ്റവും വലിയ സ്വര്‍ണ ഉപഭോക്താക്കളാണ് ഇന്ത്യ. ഓരോ വര്‍ഷവും ടണ്‍ കണക്കിന് സ്വര്‍ണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയില്‍ സംഭവിക്കുന്ന ചെറിയ ചലനങ്ങള്‍ പോലും അടിസ്ഥാനപരമായി ഇന്ത്യയിലെ സ്വര്‍ണവിലയില്‍ പ്രതിഫലിക്കും.
അതേസമയം, രാജ്യാന്തര വിപണിയില്‍ സ്വര്‍ണത്തിന് വില കുറഞ്ഞാല്‍ ഇന്ത്യയില്‍ വില കുറയണമെന്ന് നിര്‍ബന്ധമില്ല. രൂപയുടെ മൂല്യം, പ്രാദേശികമായ ആവശ്യകത, ഇറക്കുമതി തീരുവ എന്നീ ഘടകങ്ങള്‍ ഇന്ത്യയിലെ സ്വര്‍ണവില നിശ്ചയിക്കുന്നതില്‍ പ്രധാന പങ്കുവഹിക്കും.
business
രൂപയുടെ റെക്കോഡ് കൂപ്പുകുത്തൽ: ഇടിഞ്ഞത് 45 പൈസ
87.95 ആണ് നിലവില്‍ ഡോളറിനെതിരെ രൂപയുടെ മൂല്യം.
ഡോളറിന് എതിരായ വിനിമയത്തില്‍ റെക്കോര്‍ഡ് വീഴ്ചയിലേക്ക് കൂപ്പു കുത്തി രൂപ. 45 പൈസയുടെ ഇടിവാണ് ഇന്നു വ്യാപാരത്തുടക്കത്തിലുണ്ടായത്. 87.95 ആണ് നിലവില്‍ ഡോളറിനെതിരെ രൂപയുടെ മൂല്യം.
ആഗോള വിപണിയില്‍ ഡോളര്‍ കരുത്താര്‍ജിച്ചതാണ് രൂപയ്ക്കു തിരിച്ചടിയായത്. ആഭ്യന്തര വിപണിയിലെ നെഗറ്റിവ് ട്രെന്‍ഡും മൂല്യത്തെ സ്വാധീനിച്ചു. വെള്ളിയാഴ്ച വിനിമയം അവസാനിപ്പിച്ചപ്പോള്‍ രൂപ 9 പൈസയുടെ നേട്ടമുണ്ടാക്കിയിരുന്നു. ഇന്നു വ്യാപാരം തുടങ്ങിയപ്പോള്‍ തന്നെ 45 പൈസയുടെ ഇടിവിലേക്കു വീണു.
ഓഹരി വിപണിയും നഷ്ടത്തിലാണ് വ്യാപാരം തുടങ്ങിയത്. സെന്‍സെക്‌സ് 343.83 പോയിന്റും നിഫ്റ്റി 105.55 പോയിന്റും താഴ്ന്നു. പുതിയ താരിഫ് ഭീഷണിയും വിദേശ നിക്ഷേപകര്‍ പിന്‍വാങ്ങുമെന്ന ആശങ്കയുമാണ് വിപണിക്കു വിനയായത്.
-
kerala3 days agoമുതലപ്പൊഴിയില് വീണ്ടും വള്ളം മറിഞ്ഞു; രണ്ടുപേര്ക്ക് പരിക്ക്
-
kerala3 days agoകോഴിക്കോട് വടകരയില് കെഎസ്ആര്ടിസി ബസിന് തീ പിടിച്ചു
-
GULF2 days ago“വൈബ്രന്റ് തലശ്ശേരി” ജൂൺ 21ന്
-
kerala3 days agoകേരള തീരത്ത് വീണ്ടും ചരക്കുകപ്പലില് തീപ്പിടിത്തം; നിയന്ത്രണവിധേയമാക്കി
-
india3 days agoഅഹമ്മദാബാദില് അപകടത്തില്പ്പെട്ട വിമാനത്തിന്റെ തകരാറുകള് ചൂണ്ടിക്കാട്ടി യുവാവ്; വീഡിയോ വൈറല്
-
film2 days agoകുടുംബസമേതം രസിപ്പിക്കാന് പൊട്ടിച്ചിരിപ്പിക്കാന് ‘വ്യസനസമേതം ബന്ധുമിത്രാദികള്’
-
india2 days agoദേശീയപാത തകര്ന്ന സംഭവം; ദേശീയപാതാ അതോറിറ്റി ശരിയായ ദുരന്ത നിവാരണ പദ്ധതി തയ്യാറാക്കണം: അമികസ് ക്യൂറി
-
News2 days agoഇസ്രാഈല് ആക്രമണം; ഇറാന് സൈനിക മേധാവി മുഹമ്മദ് ബഗേരി കൊല്ലപ്പെട്ടു