kerala
കേരളത്തിന്റെ പ്രതിപക്ഷ നേതാവിന് ഇന്ന് പിറന്നാള്
പി ടി ചാക്കോക്ക് ശേഷം ഏറ്റവും പ്രായം കുറഞ്ഞ പ്രതിപക്ഷ നേതാവാണ് അദ്ദേഹം.

പ്രതിപക്ഷ നേതാവ് വി ഡി സതീശന് ഇന്ന് 60 വയസ് തികയുന്നു. പി ടി ചാക്കോക്ക് ശേഷം ഏറ്റവും പ്രായം കുറഞ്ഞ പ്രതിപക്ഷ നേതാവാണ് അദ്ദേഹം. പ്രതിപക്ഷ നേതൃസ്ഥാനം ഏറ്റെടുത്ത ശേഷം വിശ്രമമില്ലാത്ത ഓട്ടങ്ങള്ക്കിടയിലാണ് ഷഷ്ടിപൂര്ത്തി.
എറണാകുളം ജില്ലയിലെ പറവൂര് മണ്ഡലത്തില് നിന്നും 2001 മുതല് തുടര്ച്ചയായി നിയമസഭാ സാമാജികനാണ് വി ഡി സതീശന്. നെട്ടൂരില് വടശ്ശേരി ദാമോദരന്റേയും വി വിലാസിനിയമ്മയുടേയും മകനായി ജനനം. വിദ്യാര്ഥി പ്രസ്ഥാനത്തിലൂടെയാണ് രാഷ്ട്രീയ പ്രവേശം. 2001-ലെ നിയമസഭാ തെരഞ്ഞെടുപ്പില് ഇടതുമുന്നണി സ്ഥാനാര്ഥിയായിരുന്ന കെ എം ദിനകരനെ 7,792 വോട്ടിന് തോല്പ്പിച്ചു ആദ്യമായി നിയമസഭയിലെത്തി.
2006-ലും 2011-ലും 2016-ലും 2021-ലും ഇതേ മണ്ഡലത്തില് വിജയം ആവര്ത്തിച്ചു. പന്ത്രണ്ടാം നിയമസഭയില് കോണ്ഗ്രസ് വിപ്പ് സ്ഥാനം വഹിച്ചിരുന്ന ഇദ്ദേഹം അന്യസംസ്ഥാന ലോട്ടറിക്കെതിരായ രാഷ്ട്രീയ സംവാദങ്ങളിലൂടെ കൂടുതല് മാധ്യമശ്രദ്ധ നേടി.
2006-11 കാലത്ത് ഏറ്റവും കൂടുതല് അടിയന്തര പ്രമേയങ്ങള് നിയമസഭയില് അവതരിപ്പിച്ചതിന്റെ റെക്കോര്ഡ് വി.ഡി സതീശനാണ്. ഇതര സംസ്ഥാന ലോട്ടറി പ്രശ്നത്തില് അന്നത്തെ ധനമന്ത്രി തോമസ് ഐസക്കുമായി തുടരെ രാഷ്ട്രീയ സംവാദങ്ങള് നടത്തി. എഐസിസി സെക്രട്ടറി പദവിയും കെപിസിസി വൈസ് പ്രസിഡന്റിന്റെ ചുമതലയും വഹിച്ചു.
kerala
പേരൂര്ക്കടയില് ദലിത് സ്ത്രീയെ വ്യാജ കേസില് കുടുക്കി ഉപദ്രവിച്ച സംഭവം; എസ്എച്ച്ഒയെ സ്ഥലംമാറ്റി
പൊതുസ്ഥലം മാറ്റത്തിനൊപ്പമാണ് മാറ്റം.

തിരുവനന്തപുരം: ദളിത് സ്ത്രീയെ വ്യാജ കേസില് കുടുക്കി ഉപദ്രവിച്ച സംഭവത്തില് എസ്എച്ച്ഒയെ സ്ഥലംമാറ്റി. ആര്. ശിവകുമാറിനെ കോഴിക്കോട് മാവൂര് സ്റ്റേഷനിലേക്കാണ് സ്ഥലം മാറ്റിയത്. പൊതുസ്ഥലം മാറ്റത്തിനൊപ്പമാണ് മാറ്റം.
യുവതി ജോലിക്ക് നിന്നിരുന്ന വീട്ടില്നിന്ന് സ്വര്ണമാല കാണാനില്ലെന്ന് വീട്ടുടമ പരാതി നല്കിയതിന്റെ അടിസ്ഥാനത്തില് യുവതിയെ പേരൂര്ക്കട പൊലീസ് സ്റ്റേഷനില് എത്തിച്ച് എസ്ഐ ഉള്പ്പടെയുള്ളവര് ക്രൂരമായി പെരുമാറുകയായിരുന്നു. കൂടാതെ യുവതിയെ ഒരു ദിവസം സ്റ്റേഷനില് പട്ടിണിക്കിടുകയും ചെയ്തു. കുടിക്കാന് വെള്ളം പോലും നല്കിയില്ലെന്നും യുവതി പറഞ്ഞിരുന്നു. കള്ളന്മാരെ പോലെ നാട്ടിലെത്തിച്ച് തെളിവെടുപ്പ് നടത്തിയെന്നും താന് മോഷണം നടത്തിയിട്ടില്ലെന്ന് കരഞ്ഞു പറഞ്ഞിട്ടും കേള്ക്കാന് തയ്യാറായില്ലെന്നും ബിന്ദു പറഞ്ഞിരുന്നു.
kerala
നിലമ്പൂരില് എം. സ്വരാജിനെ സ്ഥാനാര്ഥിയാക്കിയത് അദ്ദേഹത്തെ രാഷ്ട്രീയമായി അവസാനിപ്പിക്കാനാകാം; കെ.എം ഷാജി
ആര്യാടന് ഷൗക്കത്ത് ഉമ്മന്ചാണ്ടിയുടെ ഖബറിടത്തില് പോയി പ്രാര്ത്ഥിച്ചെന്നും സ്വരാജ് ജീവിച്ചിരിക്കുന്ന വിഎസിനെ കണ്ട് മാപ്പപേക്ഷിക്കണമെന്നും കെ എം ഷാജി

എം. സ്വരാജിനെ നിലമ്പൂരില് സ്ഥാനാര്ഥിയാക്കിയത് അദ്ദേഹത്തെ രാഷ്ട്രീയമായി അവസാനിപ്പിക്കാനാകാമെന്ന് മുസ്ലിം ലീഗ് സംസ്ഥാന സെക്രട്ടറി കെ.എം ഷാജി. സിപിഎമ്മില് പിണറായി വിരുദ്ധ പോരാട്ടങ്ങളില് വലിയ പങ്കുവഹിക്കുന്ന നേതാവാണ് സ്വരാജെന്നും അദ്ദേഹത്തെ തീര്ക്കണമെന്ന് കരുതിയാകാം സ്ഥാനാര്ഥിയാക്കിയതെന്നും കെ.എം ഷാജി പ്രതികരിച്ചു.
ഒരിക്കല് പിണറായി ഭക്തിമൂത്ത് വി.എസിനെ പിതൃശൂന്യനെന്ന് വിളിച്ചയാളാണ് സ്വരാജ് എന്നും കെ.എം. ഷാജി പറഞ്ഞു. നിലമ്പൂരില് വരുന്നതിന് മുമ്പ് വി.എസ്. അച്യുതാനന്ദനെ സന്ദര്ശിച്ച് സ്വരാജ് മാപ്പ് ചോദിക്കണമെന്നും സ്വരാജ് പൊതുപ്രവര്ത്തനം ആരംഭിക്കുന്നത് ശരീരത്തില് പിണറായി മാനറിസം ആവാഹിച്ചാണെന്നും കെ എം ഷാജി പറഞ്ഞു.
യുദ്ധം അനാവശ്യമായിരുന്നുവെന്ന നിലപാട് സ്ഥാനാര്ഥിയായ സ്വരാജിന് ഇപ്പോള് ഉണ്ടോ എന്ന് വ്യക്തമാക്കണമെന്നും കെ എം ഷാജി കൂട്ടിച്ചേര്ത്തു.
അന്വര് മത്സരിക്കുമ്പോഴും സ്വരാജ് നിലമ്പൂരുകാരനായിരുന്നെന്നും പിന്നെ എന്തിനാണ് അന്വറിനെ നിര്ത്തുകയും സ്വരാജിനെ തൃപ്പൂണിത്തുറയില് മത്സരിപ്പിച്ചതെന്നും കെ എം ഷാജി ചോദിച്ചു.
ആര്യാടന് ഷൗക്കത്ത് ഉമ്മന്ചാണ്ടിയുടെ ഖബറിടത്തില് പോയി പ്രാര്ത്ഥിച്ചെന്നും സ്വരാജ് ജീവിച്ചിരിക്കുന്ന വിഎസിനെ കണ്ട് മാപ്പപേക്ഷിക്കണമെന്നും കെ എം ഷാജി അഭിപ്രായപ്പെട്ടു.
സ്വരാജിനെ ഇല്ലാതാക്കാന് വേണ്ടിയാണ് നിലമ്പൂരിലെ സ്ഥാനാര്ത്ഥിത്വമെന്നും സ്വരാജിനെ റിയാസിനു മുകളില് വളരാന് അവര് അനുവദിക്കില്ലെന്നും കെ എം ഷാജി പറഞ്ഞു.
kerala
‘നിലമ്പൂരില് യുഡിഎഫിന് ചരിത്ര ഭൂരിപക്ഷം ഉണ്ടാക്കുകയാണ് തന്റെ ദൗത്യം’; എ.കെ ആന്റണിയുടെ അനുഗ്രഹം വാങ്ങി ആര്യാടന് ഷൗക്കത്ത്
എ.കെ. ആന്റണിയുടെ വഴുതയ്ക്കാട്ടെ വസതിയിലെത്തിയായിരുന്നു അനുഗ്രഹം വാങ്ങിയത്.

നിലമ്പൂര് യു.ഡി.എഫ് സ്ഥാനാര്ഥി ആര്യാടന് ഷൗക്കത്ത് തിരുവനന്തപുരത്തെത്തി മുതിര്ന്ന കോണ്ഗ്രസ് നേതാവും പാര്ട്ടി പ്രവര്ത്തക സമിതിയംഗവുമായ എ.കെ ആന്റണിയുടെ അനുഗ്രഹം വാങ്ങി. വൈകീട്ട് അഞ്ചരമണിയോടെ എ.കെ. ആന്റണിയുടെ വഴുതയ്ക്കാട്ടെ വസതിയിലെത്തിയായിരുന്നു അനുഗ്രഹം വാങ്ങിയത്.
തന്റെ സഹപ്രവര്ത്തകനും വര്ഷങ്ങളോളം ആത്മാര്ത്ഥ സുഹൃത്തുമായിരുന്ന ആര്യാടന് മുഹമ്മദിന്റെ മകന് ആദ്യം തന്നെ വിജയാശംസകള് നേരുന്നുവെന്ന് പറഞ്ഞാണ് ആര്യാടന് ഷൗക്കത്തിനെ ആന്റണി സ്വാഗതം ചെയ്തത്. അതേസമയം പിതൃതുല്യനും രാഷ്ട്രീയ ഗുരുനാഥനുമായ ആന്റണി സാറിന്റെ അനുഗ്രഹം തനിക്ക് തെരഞ്ഞെടുപ്പില് ഏറെ ഗുണം ചെയ്യുമെന്ന് ആര്യാടന് ഷൗക്കത്തും പറഞ്ഞു.
നിലമ്പൂര് തെരഞ്ഞെടുപ്പില് ആര്യാടന് ഷൗക്കത്ത് വമ്പിച്ച ഭൂരിപക്ഷത്തോടെ വിജയിക്കുമെന്ന് എ.കെ ആന്റണി മാധ്യമങ്ങളോട് പ്രതികരിച്ചു. ഇനിയൊരു പിണറായി സര്ക്കാര് ഭരണത്തില് എത്തില്ലെന്നും എ.കെ ആന്റണി പറഞ്ഞു. ഒമ്പതുവര്ഷത്തെ പിണറായി സര്ക്കാരിന്റെ ഭരണത്തെ ജനങ്ങള് വെറുത്തു പോയെന്നും തുടര് ഭരണം ഉണ്ടായിക്കൂടാ എന്ന് ആഗ്രഹിക്കുന്ന കേരളം യുഡിഎഫിന് വോട്ട് ചെയ്യുമെന്നും എ.കെ ആന്റണി പറഞ്ഞു.
നിലമ്പൂരില് യുഡിഎഫിന് ചരിത്ര ഭൂരിപക്ഷം ഉണ്ടാക്കുകയാണ് തന്റെ ദൗത്യമെന്നും ആര്യാടന് ഷൗക്കത്ത് വ്യക്തമാക്കി.
-
india3 days ago
അണ്ണാ യൂണിവേഴ്സിറ്റിയിലെ ലൈംഗികാതിക്രമക്കേസ്; പ്രതി ജ്ഞാനശേഖരന് കുറ്റക്കാരനെന്ന് ചെന്നൈ കോടതി
-
kerala3 days ago
സര്വകലാശാല ഭേദഗതി ബില്ലുകളില് ഗവര്ണര് ഒപ്പിട്ടേക്കില്ല; രാഷ്ട്രപതിക്ക് അയക്കാന് ആലോചന
-
News3 days ago
യുഎസിന്റെ 51-ാമത് സംസ്ഥാനമാകട്ടെ, ഗോള്ഡന് ഡോം ഫ്രീയെന്ന് ട്രംപ്; ഓഫര് നിരസിച്ച് കാനഡ
-
kerala8 hours ago
കൊച്ചി കപ്പലപകടം: ഷിപ്പിങ് കമ്പനിയുമായുള്ള ചര്ച്ചയ്ക്ക് വിദഗ്ത സമിതിയെ നിയോഗിച്ച് സര്ക്കാര്
-
kerala3 days ago
അട്ടപ്പാടിയില് ആദിവാസി യുവാവിനെ മര്ദിച്ച കേസ്; പ്രതികള് കസ്റ്റഡിയില്
-
film3 days ago
രാജ്യസഭയിലേക്ക് കമല് ഹാസന്; സ്ഥാനാര്ത്ഥിത്വം പ്രഖ്യാപിച്ച് എംഎന്എം
-
kerala2 days ago
കണ്ണൂരില് ദമ്പതികളെ വീട്ടിനുള്ളില് മരിച്ച നിലയില് കണ്ടെത്തി
-
kerala2 days ago
സി.കെ.സി.ടി.ക്ക് പുതിയ ഭാരവാഹികള്