വയനാട് പുല്‍പ്പള്ളിയില്‍ വീണ്ടും കടുവയുടെ സാന്നിധ്യം. ഇന്നലെ രാത്രി കാര്‍ യാത്രിക ഏരിയപള്ളിയില്‍ വെച്ച് കടുവയെ നേരില്‍ കണ്ടിരുന്നു. ഏരിയപള്ളി മേഖലയിലാണ് കടുവയെ കണ്ടത്. പ്രദേശവാസിയായ രാജന്റെ വീട്ടിലെ സിസിടിവിയില്‍ കടുവ നടന്നു പോകുന്ന ദൃശ്യങ്ങള്‍ പതിഞ്ഞു.
വനം വകുപ്പ് സംഘം പ്രദേശത്ത് തിരച്ചില്‍ നടത്തിയെങ്കിലും കടുവയെ കണ്ടെത്താനായില്ല. വന മേഖലയോട് ചേര്‍ന്ന പ്രദേശമാണിത്. ജനവാസ മേഖലയില്‍ നിന്ന് കടുവ വനത്തിനുള്ളിലേക്ക് കടന്നതായാണ് നിഗമനം. കടുവ സാന്നിധ്യം സ്ഥിരീകരിച്ചതിനാല്‍ ജനങ്ങള്‍ ജാഗ്രത പാലിക്കണമെന്ന് മുന്നറിയിപ്പ് നല്‍കി.