സിനിമകളുടെ വ്യാജ പതിപ്പ് കാണുകയോ ഡൗണ്‍ലോഡ് ചെയ്യുകയോ ചെയ്യരുതെന്ന് അപേക്ഷിച്ച് നടന്‍ ഉണ്ണി മുകുന്ദന്‍. ഈ വിഷയത്തില്‍ തങ്ങള്‍ നിസ്സഹായരാണെന്ന് ഉണ്ണി ഇന്‍സ്റ്റഗ്രാമില്‍ കുറിച്ച കുറിപ്പില്‍ പറയുന്നു.

ദയവായി നിങ്ങള്‍ സിനിമകളുടെ വ്യാജപതിപ്പുകള്‍ കാണരുത്. വല്ലാത്ത നിസ്സഹായവസ്ഥ തോന്നുന്നു. ഓണ്‍ലൈനില്‍ കൂടി ഇത്തരത്തിലുള്ള വ്യാജ സിനിമകള്‍ കാണാതിരിക്കുക, ഡൗണ്‍ലോഡ് ചെയ്യാതിരിക്കുക, നിങ്ങള്‍ക്കേ ഇത് അവസാനിപ്പിക്കാന്‍ കഴിയൂ. ഇതൊരു അപേക്ഷയാണ് ഉണ്ണി ഇന്‍സ്റ്റഗ്രാമില്‍ കുറിച്ചത് ഇങ്ങനെയാണ്.

അതേസമയം, ഉണ്ണി മുകുന്ദന്‍ നായകനായ മാര്‍ക്കോ സിനിമയുടെ വ്യാജ പതിപ്പ് പ്രചരിപ്പിച്ച യുവാവ് കഴിഞ്ഞ ദിവസം പൊലീസ് പിടിയിലായിരുന്നു.
ആലുവ സ്വദേശി അക്വിബ് ഹനാനെയാണ് എറണാകുളം സൈബര്‍ പൊലീസ് അറസ്റ്റ് ചെയ്തത്.

കൊച്ചി: കലൂര്‍ സ്‌റ്റേഡിയത്തില്‍ നടന്ന നൃത്തപരിപാടിക്കിടെ വീണ് പരിക്കേറ്റ് ചികിത്സയില്‍ തുടരുന്ന ഉമ തോമസ് എംഎല്‍എയുടെ ആരോഗ്യനിലയില്‍ പുരോഗതി. തലയ്‌ക്കേറ്റ പരിക്ക് ആശങ്കജനകമല്ലെന്ന് ആശുപത്രി അധികൃതര്‍ പറഞ്ഞു

ശ്വാസകോശത്തിനേറ്റ പരിക്കിലും നേരിയ ആശ്യാസം. ശ്വാസമെടുക്കുന്നതിലെ ബുദ്ധിമുട്ടുകള്‍ മാറുന്നത് വരെ വെന്റിലേറ്ററില്‍ തുടരും.

അതേസമയം കലൂര്‍ സ്‌റ്റേഡിയത്തിലെ അപകടവുമായി ബന്ധപ്പെട്ട കേസില്‍ രണ്ട് പ്രതികള്‍ ഇന്ന് കീഴടങ്ങിയേക്കും. മൃദംഗ വിഷന്‍ മുഖ്യ ചുമതലക്കാരന്‍ എം.നിഗോഷ് കുമാര്‍ , ഓസ്‌കര്‍ ഇവന്റ് മാനേജ്‌മെന്റ് നടത്തിപ്പുകാരന്‍ ജിനേഷ് എന്നിവരോട് കീഴടങ്ങാന്‍ ഹൈക്കോടതി നിര്‍ദേശം നല്‍കിയിരുന്നത്.

കണ്ണൂര്‍ വളക്കൈയില്‍ സ്‌കൂള്‍ ബസ് അപകടത്തില്‍പ്പെട്ട് വിദ്യാര്‍ഥിനി മരിച്ച
സംഭവത്തില്‍ ഡ്രൈവറുടെ ലൈസന്‍സ് സസ്‌പെന്‍ഡ് ചെയ്യും. ബ്രേക്കിന് തകരാറുണ്ടെന്ന ഡ്രൈവര്‍ നിസാമിന്റെ വാദം. എന്നാല്‍ മോട്ടോര്‍ വാഹന വകുപ്പ് ബസ്സില്‍ നടത്തിയ പരിശോധനയില്‍ തകരാറില്ലെന്ന് കണ്ടെത്തി. അപകടകാരണം ഡ്രൈവറുടെ അശ്രദ്ധയെന്നും പ്രാഥമിക നിഗമനം.

അപകടത്തിന് പിന്നാലെ ബസ്സിന്റെ ബ്രേക്കിന് തകരാര്‍ സംഭവിച്ചുവെന്ന് ആരോപിച്ച് ബസ് ഡ്രൈവര്‍ നിസ്സാമുദ്ദീന്‍ രംഗത്തെത്തിയിരുന്നു. എന്നാല്‍, ഇത്തരത്തില്‍ ഒരു പ്രശ്‌നം ബസ്സിനില്ലെന്ന് എം.വി.ഡി.യുടെ പരിശോധനയില്‍ കണ്ടെത്തിയിരുന്നു. കൂടാതെ, അപകടസമയത്ത് നിസാമുദീന്‍ മൊബൈല്‍ ഉപയോഗിച്ചതായും സൂചനയുണ്ട്. ബസ് മറിഞ്ഞ അതേസമയം നിസാമുദീന്റെ വാട്‌സാപ്പില്‍ സ്റ്റാറ്റസ് അപ് ലോഡായിട്ടുണ്ട്.

അതേസമയം, അപകടസമയത്ത് മൊബൈല്‍ ഉപയോഗിച്ചിട്ടില്ലെന്നാണ് നിസാമിന്റെ വാദം. സ്‌കൂളില്‍ ഇട്ട സ്റ്റാറ്റസ് നെറ്റ് വര്‍ക്ക് ഇല്ലാത്തതിനാല്‍ ആ സമയത്ത് അപ് ലോഡ് ആയതാകുമെന്നും അദ്ദേഹം പറഞ്ഞു. നിലവില്‍ തളിപ്പറമ്പ് താലൂക്ക് ആശുപത്രിയില്‍ ചികിത്സയിലാണ് നിസാമുദീന്‍.

ബുധനാഴ്ച വൈകിട്ട് നാലിനായിരുന്നു നാടിനെ നടുക്കിയ സംഭവം. കുറുമാത്തൂര്‍ ചിന്മയ സ്‌കൂളിലെ സ്‌കൂള്‍ ബസ് നിയന്ത്രണം വിട്ട് മറിഞ്ഞ് അഞ്ചാം ക്ലാസ് വിദ്യാര്‍ഥിനി മരിച്ചത്. സംഭവത്തില്‍ നിരവധി വിദ്യാര്‍ഥികള്‍ക്ക് പരിക്കേല്‍ക്കുകയും ചെയ്തു. കിരാത്ത് ഭാഗത്തുനിന്ന് വന്ന ബസ് വളക്കൈ സംസ്ഥാന പാതയിലേക്കുള്ള കുത്തനെയുള്ള ഇറക്കത്തില്‍ നിയന്ത്രണം വിട്ട് മറിയുകയായിരുന്നു. രണ്ടുതവണ മലക്കം മറിഞ്ഞാണ് ബസ് റോഡിലേക്ക് പതിച്ചത്. ഇതിനിടെ ബസില്‍നിന്ന് തെറിച്ചുവീണ നേദ്യ ബസിനടിയില്‍പ്പെടുകയായിരുന്നു.