Football

മഞ്ഞപ്പടക്ക് ഇന്ന് ജീവന്മരണപോരാട്ടം

ഈ പോരാട്ടത്തില്‍ ചാമ്പ്യന്മാര്‍ക്കും മൂന്ന് പോയിന്റ് നിര്‍ബന്ധം. ചാമ്പ്യന്‍ഷിപ്പില്‍ സെമി ഫൈനല്‍ ബെര്‍ത്ത് ഇത് വരെ ഉറപ്പിച്ചവര്‍ ഹൈദരാബാദ് എഫ്.സി മാത്രമാണ്. ബാക്കി മൂന്ന് സ്ഥാനങ്ങള്‍ക്കായി ജംഷഡ്പ്പൂര്‍, ഏ.ടി.കെ മോഹന്‍ ബഗാന്‍, മുംബൈ സിറ്റി എഫ്.സി, കേരളാ ബ്ലാസ്‌റ്റേഴ്‌സ്, ബെംഗളൂരു എഫ്.സി എന്നിവരാണ് മല്‍സരിക്കുന്നത്.

Published

3 years ago

February 26, 2022

Test User

മഡ്ഗാവ്: ഇന്ന് ഇന്ത്യന്‍ സൂപ്പര്‍ ലീഗ് ഫുട്‌ബോളില്‍ രണ്ട് ജീവന്മരണ പോരാട്ടങ്ങള്‍. അഥവാ സെമി ഫൈനലുകള്‍. 7-30 ന് കേരളാ ബ്ലാസ്‌റ്റേഴ്‌സ് ചെന്നൈയിന്‍ എഫ്.സിയെ നേരിടുമ്പോള്‍ മഞ്ഞപ്പടക്ക് വിജയവും മൂന്ന് പോയിന്റും നിര്‍ബന്ധമാണ്. രാത്രി 9-30 ന് നടക്കുന്ന രണ്ടാമത്തെ മല്‍സരത്തില്‍ ചാമ്പ്യന്മാരായ മുംബൈ സിറ്റി എഫ്.സി ഗോവയുമായി കളിക്കുന്നു. ഈ പോരാട്ടത്തില്‍ ചാമ്പ്യന്മാര്‍ക്കും മൂന്ന് പോയിന്റ് നിര്‍ബന്ധം. ചാമ്പ്യന്‍ഷിപ്പില്‍ സെമി ഫൈനല്‍ ബെര്‍ത്ത് ഇത് വരെ ഉറപ്പിച്ചവര്‍ ഹൈദരാബാദ് എഫ്.സി മാത്രമാണ്. ബാക്കി മൂന്ന് സ്ഥാനങ്ങള്‍ക്കായി ജംഷഡ്പ്പൂര്‍, ഏ.ടി.കെ മോഹന്‍ ബഗാന്‍, മുംബൈ സിറ്റി എഫ്.സി, കേരളാ ബ്ലാസ്‌റ്റേഴ്‌സ്, ബെംഗളൂരു എഫ്.സി എന്നിവരാണ് മല്‍സരിക്കുന്നത്. ഇതില്‍ കൂടുതല്‍ സാധ്യത ജംഷഡ്പ്പൂരിനാണ്. 16 മല്‍സരങ്ങളില്‍ നിന്ന് 31 പോയിന്റുമായി അവര്‍ രണ്ടാം സ്ഥാനത്തുണ്ട്. നാല് മല്‍സരങ്ങള്‍ അവശേഷിക്കുന്നതാണ് സ്റ്റീല്‍ സിറ്റിക്കാരുടെ പ്രതീക്ഷ. മൂന്നാം സ്ഥാനത്ത് 31 ല്‍ നില്‍ക്കുന്ന ബഗാന് അവസാന മല്‍സരത്തിലെ സമനില ആഘാതമായി. അവര്‍ക്ക് മൂന്ന് മല്‍സരങ്ങളാണ് ബാക്കി. നാലാമത് നില്‍ക്കുന്ന മുംബൈയും 17 മല്‍സരങ്ങളാണ് കളിച്ചിരിക്കുന്നത്. 28 പോയിന്റാണ് സമ്പാദ്യം. ബ്ലാസ്‌റ്റേഴ്‌സ് നിലവില്‍ അഞ്ചാമതാണ്. 27 പോയിന്റാണ് സമ്പാദ്യം. അവശേഷിക്കുന്നത് മൂന്ന് മല്‍സരങ്ങളാണ്. മൂന്നും ജയിച്ചാല്‍ മാത്രമാണ് സെമി ടിക്കറ്റ് കിട്ടുക. 18 മല്‍സരങ്ങളാണ് ബെംഗളൂരു കളിച്ചത്. 26 ലാണവര്‍ നില്‍ക്കുന്നത്. 19 മല്‍സരങ്ങള്‍ പൂര്‍ത്തിയാക്കിയ ഒഡീഷ, ചെന്നൈയിന്‍, ഗോവ തുടങ്ങിയവര്‍ക്കൊന്നും സാധ്യതയില്ല.

അവസാന മല്‍സരത്തില്‍ ഒന്നാം സ്ഥാനക്കാരായ ഹൈദരാബാദിനെതിരെ മനോഹരമായി കളിച്ചിട്ടും നിര്‍ഭാഗ്യമാണ് മഞ്ഞപ്പടക്ക് വിനയായത്. അല്‍വാരോ വാസ്‌ക്കസ് എന്ന സൂപ്പര്‍ താരം സുന്ദരമായ ആക്രമണ ഫുട്‌ബോളുമായി രണ്ടാം പകുതിയില്‍ കളം നിറഞ്ഞിരുന്നു. പക്ഷേ അദ്ദേഹത്തിന്റെ ദിവസമായിരുന്നില്ല അത്. നിരവധി തവണ ഷോട്ടുകള്‍ പിഴച്ചു. കോച്ച് ഇവാന്‍ വുകുമനോവിച്ച് പറയുന്നതും ഇത് തന്നെ. ഞങ്ങള്‍ നന്നായി ആ മല്‍സരം കളിച്ചു. പക്ഷേ നിര്‍ഭാഗ്യമാണ് വെല്ലുവിളി. കളിയില്‍ മികവിനൊപ്പം ഭാഗ്യവും വേണമല്ലോ- ഇതായിരുന്നു ഇന്നലെ പരിശീലനത്തിന് ശേഷം സംസാരിച്ച കോച്ചിന്റെ വാക്കുകള്‍. ഹൈദരാബാദിനെതിരെ സസ്‌പെന്‍ഷന്‍ കാരണം കളിക്കാന്‍ കഴിയാതിരുന്ന ജോര്‍ജ് പെരേര ഡയസ് ഇന്ന് കളിക്കുമോ എന്ന ചോദ്യത്തിന് വ്യക്തമായ ഉത്തരം തനിക്ക് മുന്നില്‍ ഇല്ല എന്നാണ് കോച്ചിന്റെ മറുപടി. ഒരു മല്‍സരത്തിലാണ് വിലക്ക്. പക്ഷേ ഇക്കാര്യത്തില്‍ സംഘാടകരുടെ തീരുമാനം കാക്കുകയാണ് കോച്ച്. പെരേര കളിക്കാതിരുന്നതാണ് ഹൈദരാബാദിനെതിരെ ബ്ലാസ്‌റ്റേഴിസന് ആഘാതമായത്. വാസ്‌ക്കസില്‍ തന്നെയാണ് ഇന്നും പ്രതീക്ഷ. അപാര മികവിലാണ് അദ്ദേഹം കളിക്കുന്നത്. കളം നിറഞ്ഞ് കളിച്ചിട്ടും അവസാന മല്‍സരത്തില്‍ സ്‌ക്കോര്‍ ചെയ്യാന്‍ കഴിയാത്തതിന്റെ നിരാശ അദ്ദേഹത്തില്‍ പ്രകടമാണ്. അഡ്രിയാന്‍ ലൂനയും ഇന്ന് അവസരത്തിനൊത്തുയരണം. ഹൈദരാബാദിനെതിരെ ലുന നിറം മങ്ങിയതും ടീമിനെ കാര്യമായി ബാധിച്ചിരുന്നു. മല്‍സരത്തിന്റെ ആദ്യ പകുതിയില്‍ ബര്‍ത്തലോമിയോ ഓഗ്ബജേയുടെ ഗോളിലാണ് ഹൈദരാബാദ് മുന്നിലെത്തിയത്. രണ്ടാം പകുതിയില്‍ സില്‍വേരയും ഹൈദരാബാദിനായി സ്‌ക്കോര്‍ ചെയ്തപ്പോള്‍ ഇഞ്ച്വറി ടൈമില്‍ ബരാറ്റോ നേടിയ ഗോളായിരുന്നു ബ്ലാസ്‌റ്റേഴ്‌സിന്റെ മറുപടി. പക്ഷേ ഇന്നത്തെ പ്രതിയോഗികള്‍ താരതമ്യേന ദുര്‍ബലരാണ് എന്നത് ആശ്വാസമാണ്. സെമി സാധ്യത തെല്ലുമില്ലാത്ത അനിരുദ്ധ് ഥാപ്പയുടെ ചെന്നൈ. സീസണിന്റെ തുടക്കത്തില്‍ നന്നായി കളിച്ചിരുന്നു ചെന്നൈ. പക്ഷേ പിന്നിട് നിരാശപ്പെടുത്തി. അവസാന ആറ് മല്‍സരങ്ങളിലും ടീമിന് ജയിക്കാനായിരുന്നില്ല. നാല് കളികളില്‍ തോറ്റപ്പോള്‍ രണ്ട് മല്‍സരങ്ങളില്‍ സമനിലയിലായിരുന്നു.

Football

കേരള ബ്ലാസ്‌റ്റേഴ്‌സിന് ഇന്ന് നിര്‍ണായകം; ജംഷഡ്പൂരിനോട് ജയം അനിവാര്യം

ഈസ്റ്റ്ബംഗാളിനോട് കൊൽക്കത്തയിൽ നിർഭാഗ്യ തോൽവി വഴങ്ങിയാണ് ജാംഷഡ്പുർ നാട്ടിൽ തിരിച്ചെത്തിയത്.

Published

7 hours ago

December 29, 2024

webdesk13

ഐ.എസ്.എല്ലിൽ അവറേജ്‌ പ്രകടനം നടത്തുന്ന രണ്ട് ടീമുകൾ ഇന്ന് ഏറ്റുമുട്ടുന്നു. കേരള ബ്ലാസ്റ്റേഴ്സും ജാംഷഡ്പുർ എഫ്.സിയും. തുടർ തോൽവികൾക്കൊടുവിൽ മൊഹമ്മദൻസിനെതിരായ 3-0ന്റെ ജയമാണ് ജെ.ആർ.ഡി ടാറ്റ സ്പോർട്സ് കോംപ്ലക്സിൽ ഇന്നിറങ്ങുമ്പോൾ ബ്ലാസ്റ്റേഴ്സിന് പ്രതീക്ഷയേകുന്നത്.

ഈസ്റ്റ്ബംഗാളിനോട് കൊൽക്കത്തയിൽ നിർഭാഗ്യ തോൽവി വഴങ്ങിയാണ് ജാംഷഡ്പുർ നാട്ടിൽ തിരിച്ചെത്തിയത്. 11 കളികളിൽ 18 പോയന്റുമായി ആതിഥേയർ എട്ടാം സ്ഥാനത്താണ്. 13 കളികളിൽ 14 പോയന്റുള്ള ബ്ലാസ്റ്റേഴ്സ് പത്താമതാണ്. ഇരു ടീമുകളും അവസാനം ഏറ്റുമുട്ടിയ ആറ് മത്സരങ്ങളിലും ബ്ലാസ്റ്റേഴ്സ് തോൽവിയറിഞ്ഞിട്ടില്ല.

യാവി സിവേറിയോ, ജോർദാൻ മുറെ, യാവി ഹെർണാണ്ടസ് തുടങ്ങിയ ഗോളടി വീരന്മാർ ജാംഷഡ്പുർ നിരയിലുണ്ട്. ബ്ലാസ്റ്റേഴ്സ് പോലെ ഉരുക്കുനഗരത്തിലെ ടീമിന്റെ പ്രതിരോധത്തിന് തീരെ ഉറപ്പില്ല. മത്സരം വിജയിക്കുകയാണ് ലക്ഷ്യമെന്ന് ബ്ലാസ്റ്റേഴ്സ് താൽക്കാലിക പരിശീലകൻ പറഞ്ഞു.

ബ്ലാസ്റ്റേഴ്സിന്റെ യുവ പ്രതിരോധ ഭടൻ ഹോർമിപാം സസ്പെൻഷൻ കാരണം കളിക്കാതിരിക്കുന്നത് ടീമിന് വിനയാകും. ഇതോടെ മിലോസ് ഡ്രിനിസിച്ചിന് പ്രതിരോധത്തിൽ പണി കൂടും. ഇഷാൻ പണ്ഡിതയും ജീസസ് ജിമിനസും കളിക്കുമോയെന്ന് ഉറപ്പില്ല. അഡ്രിയാൻ ലുണയും നോവ സദൂയിയും ജാംഷഡ്പുർ പ്രതിരോധത്തിന് ഭീഷണിയാകും. ഇന്നലെ നടന്ന മത്സരത്തിൽ ബംഗളുരു എഫ്.സി 4-2ന് ചെന്നൈയിൻ എഫ്.സിയെ തോൽപിച്ചു. ഹൈദരാബാദ് എഫ്.സിയും ഈസ്റ്റ്ബംഗാളും സമനിലയിൽ പിരിഞ്ഞു (1-1).

Football

സന്തോഷ് ട്രോഫി കേരളം സെമിയില്‍; ക്വാര്‍ട്ടര്‍ പോരാട്ടത്തില്‍ രണ്ടാം പകുതിയിലാണ് വിജയഗോള്‍

ഡിസംബര്‍ 29ന് മണിപ്പൂരിനെതിരെയാണ് കേരളത്തിന്റെ സെമി ഫൈനല്‍ പോരാട്ടം

Published

2 days ago

December 27, 2024

webdesk14

ഹൈദരബാദ്: ജമ്മു കശ്മീരിനെ ഏകപക്ഷീമായ ഒരു ഗോളിന് തകര്‍ത്ത് കേരളം സന്തോഷ് ട്രോഫി ഫുട്‌ബോളിന്റെ സെമിഫൈനലില്‍. ആവേശകരമായ ക്വാര്‍ട്ടര്‍ പോരാട്ടത്തില്‍ രണ്ടാം പകുതിയിലാണ് വിജയഗോള്‍ പിറന്നത്.

72ാം മിനിറ്റില്‍ നസീബ് റഹ്മാനാണ് കേരളത്തിനായി ലക്ഷ്യം കണ്ടത്. ആദ്യ പകുതിയില്‍ ഇരുടീമുകളും മികച്ച പ്രകടനം പുറത്തെടുത്തെങ്കിലും ഗോള്‍ നേടാനായില്ല.

Football

ലാലീഗയില്‍ റയലിന്റെ കുതിപ്പ് തുടരുന്നു; സെവിയ്യയെ നാല് ഗോളുകള്‍ക്ക് തകര്‍ത്തു

സെവിയ്യക്കായി ഇസാക് റൊമേരോ(35), ഡോഡി ലുകെന്‍ബാകിയോ(85) എന്നിവര്‍ സെവിയ്യക്ക് വേണ്ടി ലക്ഷ്യം കണ്ടു.

Published

6 days ago

December 23, 2024

webdesk13

സ്വന്തം തട്ടകമായ സാന്റിയാഗോ ബെര്‍ണാബ്യൂവില്‍ റയല്‍ മാഡ്രിഡിന് തിളക്കമാര്‍ന്ന ജയം. സെവിയ്യയെ 4-2നാണ് തകര്‍ത്തത്. കിലിയന്‍ എംബാപെ(10), ഫെഡറികോ വാല്‍വെര്‍ഡെ(20), റോഡ്രിഗോ(34), ബ്രഹിം ഡിയസ്(53) എന്നിവരാണ് ആതിഥേയര്‍ക്കായി ഗോള്‍ നേടിയത്. സെവിയ്യക്കായി ഇസാക് റൊമേരോ(35), ഡോഡി ലുകെന്‍ബാകിയോ(85) എന്നിവര്‍ സെവിയ്യക്ക് വേണ്ടി ലക്ഷ്യം കണ്ടു.

ജയത്തോടെ ബാഴ്‌സലോണയെ മറികടന്ന് റയല്‍ പോയന്റ് ടേബിളില്‍ രണ്ടാംസ്ഥാനത്തേക്കുയര്‍ന്നു. 18 മത്സരത്തില്‍ 12 ജയവുമായി 40 പോയന്റാണ് റയലിനുള്ളത്. ഒരു മത്സരം അധികം കളിച്ച ബാഴ്‌സ 38 പോയന്റുമായി മൂന്നാമതാണ്. 18 മാച്ചില്‍ 12 ജയവുമായി 41 പോയന്റുള്ള സിമിയോണിയുടെ അത്‌ലറ്റികോ മാഡ്രിഡാണ് തലപ്പത്ത്.

സ്വന്തം തട്ടകത്തില്‍ തുടക്കം മുതല്‍ മികച്ച നീക്കങ്ങളുമായി കളംനിറഞ്ഞ ലോസ് ബ്ലാങ്കോസ് പത്താംമിനിറ്റില്‍ തന്നെ വലകുലുക്കി. റോഡ്രിഗോയുടെ അസിസ്റ്റില്‍ കിലിയന്‍ എംബാപെ വെടിയുണ്ട ഷോട്ട് പായിച്ചു. സെവിയ്യ ഗോള്‍കീപ്പറെ അനായാസം മറികടന്നു പോസ്റ്റിലേക്ക്. സീസണിലെ താരത്തിന്റെ പത്താം ഗോളാണിത്. 20ാം മിനിറ്റില്‍ കമവിംഗയില്‍ നിന്ന് ലഭിച്ച പന്തുമായി മുന്നേറിയ ഫെഡറികോ വാല്‍വെഡയുടെ ബുള്ളറ്റ് ഷോട്ട് തടഞ്ഞുനിര്‍ത്താന്‍ സെവിയ്യ ഗോളിക്കായില്ല. 34ാം മിനിറ്റില്‍ കൗണ്ടര്‍ അറ്റാക്കിലൂടെ റയല്‍ മൂന്നാം ഗോളും കണ്ടെത്തി.

ഇത്തവണ ലൂക്കാസ് വാസ്‌ക്വസിന്റെ അസിസ്റ്റില്‍ റോഡ്രിഗോയാണ് വലകുലുക്കിയത്. എന്നാല്‍ തൊട്ടടുത്ത മിനിറ്റില്‍ ആദ്യ ഗോള്‍ മടക്കി സന്ദര്‍ശകര്‍ പ്രതീക്ഷ കാത്തു. സാഞ്ചസിന്റെ അസിസ്റ്റില്‍ ഇസാക് റൊമേരോയാണ് ആദ്യ ഗോള്‍ മടക്കിയത്. രണ്ടാം പകുതിയില്‍ കിലിയന്‍ എംബാപെയുടെ അസിസ്റ്റില്‍ റയലിനായി ബ്രഹിം ഡയസ് നാലാം ഗോളും നേടി പട്ടിക പൂര്‍ത്തിയാക്കി. എന്നാല്‍ 85ാം മിനിറ്റില്‍ ഫെര്‍ണാണ്ടസിന്റെ അസിസ്റ്റില്‍ ഡോഡി ലുകെബാകിയോയിലൂടെ രണ്ടാം ഗോള്‍ നേടി.