ദമ്മാം: സഊദി അറേബ്യയിലെ പ്രമുഖ റസ്റ്റോറന്റ് ശൃംഖലയായ സുമ ഫുഡ് കോർട്ട് സംരംഭകരുടെ നാലാമത്തെ ശാഖ നാളെ ദമ്മാമിൽ ഉല്‍ഘാടനം ചെയ്യും.തിങ്കളാഴ്ച വൈകീട്ട് 5 മണിക്ക് പൗരപ്രമുഖരുടെ സാന്നിധ്യത്തിലാണ് പ്രൗഢമായ ഉല്ഘാടന ചടങ്ങ്.

പരിപാടിയിലേക്ക് മുഴുവൻ ആളുകളെയും സ്വാഗതം ചെയ്യുന്നതായി മാനേജിംഗ് ഡയറക്ടേഴ്സ് ഇസ്മാഈൽ കണ്ണൂർ,മജീദ് പെരിങ്ങത്തൂർ,അബ്ദുറഹ്‍മാൻ വേങ്ങര എന്നിവർ വാർത്താകുറിപ്പിൽ അറിയിച്ചു. ദമ്മാം മുഹമ്മദിയ്യ ഡിസ്ട്രിക്കിൽ ഹയാത്ത് പ്ലാസയുടെ പരിസരത്താണ് പുതിയ ശാഖ പ്രവർത്തനം ആരംഭിക്കുന്നത്.

വൈവിധ്യമാർന്ന അറബിക്, ചൈനീസ്, ഇന്ത്യൻ വിഭവങ്ങളുടെ വിപുലമായ ശ്രേണിതന്നെ സുമ ഫുഡ് കോർട്ട് വിഭാവനം ചെയ്തിട്ടുണ്ട്.
തനത് വിഭവങ്ങൾക്ക് പരിചയസമ്പന്നരായ പാചക്കാരുടെ അഭിരുചിയും റസ്റ്റോറന്റ് രംഗത്ത് സംരംഭകരുടെ ഒരു ദശാബ്ദ കാലത്തെ അനുഭവസമ്പത്തും സുമ ഫുഡ് കോർട്ടിൽ എത്തുന്ന ഭക്ഷണപ്രേമികൾക്ക് നവ്യാനുഭവം പകരുമെന്ന് മാനേജിംഗ് പ്രതിനിധികൾ അവകാശപ്പെട്ടു.

നൂറിലധികം ആളുകളെ ഒന്നിച്ച് ഉൾക്കൊള്ളാൻ കഴിയുന്ന വിശാലമായ സീറ്റിങ് സംവിധാനവും ഫാമിലികൾക്ക് അനുയോച്യമായ ക്യാബിൻ സൗകര്യവും പുതിയ ശാഖയിൽ ഉണ്ടാവും. പ്രവാസി സംരംഭകർ നേരിട്ട് നടത്തുന്ന സുമ ഫുഡ് കോർട്ട് ഗ്രൂപ്പിൻറെ അടുത്ത ബ്രാഞ്ച് വൈകാതെ റിയാദിലും തുറന്ന് പ്രവർത്തിക്കുമെന്ന് ഡയറക്ടേഴ്സ് വെക്തമാക്കി.