News
ഒമ്പത് വര്ഷം മുമ്പ് കിഡ്നി വിറ്റ് ഐഫോണ് വാങ്ങിയ യുവാവിന്റെ അവസ്ഥ ഇപ്പോള് ഇതാണ്
പുത്തന് ഐഫോണ് വാങ്ങാന് വഴി തേടി അലഞ്ഞിരുന്ന വാങ് ഷാങ്ക്ഗു 3,273 ഡോളറിന് തന്റെ കിഡ്നി വില്ക്കാന് തീരുമാനിച്ചു

2011 ല് സ്വന്തം കിഡ്നി വിറ്റ് പണമുണ്ടാക്കി പുത്തന് ആപ്പിള് ഫോണ് സ്വന്തമാക്കിയ യുവാവിനെ ആരും മറന്നുകാണില്ല. 25 വയസ്സുള്ള ചൈനീസ് യുവാവായ വാങ് ഷാങ്ക്ഗു ആയിരുന്നു അത്. അന്ന് 17 വയസ്സുമാത്രമുണ്ടായിരുന്ന വാങ് ഷാങ്ക്ഗു കിഡ്നി വിറ്റ് പണമുണ്ടാക്കാന് അനധികൃത അവയവ റാക്കറ്റുമായി ബന്ധപ്പെട്ടു. ഓണ്ലൈന് ചാറ്റ് റൂമില് വാങ് ഷാങ്ക്ഗു പരിചയപ്പെട്ട വ്യക്തിയാണ് കിഡ്നി വിറ്റാല് 20,000 യുവാന് (ഏകദേശം 3000 ഡോളര്) ലഭിക്കും എന്ന് പറഞ്ഞത്. പുത്തന് ഐഫോണ് വാങ്ങാന് വഴി തേടി അലഞ്ഞിരുന്ന വാങ് ഷാങ്ക്ഗു 3,273 ഡോളറിന് തന്റെ കിഡ്നി വില്ക്കാന് തീരുമാനിച്ചു.
സെന്ട്രല് ഹുനാന് പ്രൊവിന്സില് അനധികൃതമായി നടത്തിയ ശസ്ത്രക്രിയയിലൂടെ വാങ് ഷാങ്ക്ഗുവിന്റെ വലത് കിഡ്നി നീക്കം ചെയ്തു. കിട്ടിയ പണം കൊണ്ട് ഐഫോണ് 4, ഐപാഡ് 2 എന്നീ ഡിവൈസുകള് വാങ് ഷാങ്ക്ഗു വാങ്ങുകയും ചെയ്തു. പക്ഷെ സന്തോഷത്തിന് അധികം ആയുസ്സുണ്ടായിരുന്നില്ല.
ശസ്ത്രക്രീയ കഴിഞ്ഞു ഇപ്പോള് ഒമ്പത് വര്ഷം കഴിഞ്ഞിരിക്കുന്നു. ഡയാലിസിസ് മെഷീനോടൊപ്പമാണ് ഇപ്പോള് ജീവിതം. റെനാള് ഡിഫിഷെന്സി ബാധിച്ച വാങ് ഷാങ്ക്ഗുവിന്റെ ഇനിയുള്ള ജീവിതം ബെഡില് ആയിപോകാനുള്ള സാധ്യത ഏറെയാണ്. ശസ്ത്രക്രീയ കഴിഞ്ഞു മാസങ്ങള്ക്കകം ഇന്ഫെക്ഷനുണ്ടാകുകയും ഒടുവില് ഏക കിഡ്നിയുടെ പ്രവര്ത്തനം നിലച്ചതുമാണ് കാര്യങ്ങള് വഷളാക്കിയത്. ഇപ്പോള് ദിവസവും ഡയാലിസിസ് ചെയ്യേണ്ട അവസ്ഥയിലേക്ക് വാങ് ഷാങ്ക്ഗു എത്തി. ഓര്ക്കണം ഇപ്പോള് 25 വയസ്സ് മാത്രമേ വാങ് ഷാങ്ക്ഗുവിനുള്ളൂ.
17 വയസുള്ളപ്പോള് മാതാപിതാക്കളുടെ അറിവോ സമ്മതമോ വാങ്ങാതെയാണ് വാങ് ഷാങ്ക്ഗു അനധികൃത ശസ്ത്രക്രീയ നടത്തിയത് എന്ന് ചൈനീസ് മാധ്യമമായ ദി വൈസ് റിപ്പോര്ട്ട് ചെയ്യുന്നു. വാങ് ഷാങ്ക്ഗു പെരുമാറ്റത്തില് സംശയം തോന്നിയ അമ്മയാണ് ഒടുവില് സത്യം പറയിപ്പിച്ചത്. അനധികൃത അവയവ കച്ചവടത്തിന് ഒടുവില് ഒന്പത് പേരെ അറസ്റ്റ് ചെയ്തു എന്ന് എന് പി ആര് റിപ്പോര്ട്ട് ചെയ്യുന്നു.
india
കപ്പലപകടം; കേന്ദ്ര-സംസ്ഥാന സര്ക്കാരുകള്ക്ക് കേസെടുക്കാം, നഷ്ടപരിഹാരം ഈടാക്കണം: ഹൈകോടതി
മത്സ്യ സമ്പത്തില് ഉണ്ടാകുന്ന നഷ്ടം സാമ്പത്തിക നഷ്ടമായി കണക്കാക്കണമെന്നും കപ്പല് കമ്പനിയില് നിന്നും നഷ്ടപരിഹാരം ഈടാക്കണമെന്നും ഹൈക്കോടതി വ്യക്തമാക്കി.

കൊച്ചി തീരത്തിനടുത്ത് അറബിക്കടലില് എംഎസ്സി എല്സ 3 ചരക്കു കപ്പല്കടലില് മുങ്ങിയ സംഭവത്തില് സംസ്ഥാന സര്ക്കാരിന് കര്ശന നിര്ദേശവുമായി ഹൈക്കോടതി. മത്സ്യ സമ്പത്തില് ഉണ്ടാകുന്ന നഷ്ടം സാമ്പത്തിക നഷ്ടമായി കണക്കാക്കണമെന്നും കപ്പല് കമ്പനിയില് നിന്നും നഷ്ടപരിഹാരം ഈടാക്കണമെന്നും ഹൈക്കോടതി വ്യക്തമാക്കി. എം.എസ്.സി എല്സ 3 ചരക്കുകപ്പല് മുങ്ങിയതുമായി ബന്ധപ്പെട്ട് കോണ്ഗ്രസ് നേതാവ് ടി.എന്. പ്രതാപന് നല്കിയ ഹരജിയിലാണ് കോടതിയുടെ നിര്ദേശം.
നിയമനടപടി വൈകരുതെന്ന് ടി.എന്. പ്രതാപന്റെ അഭിഭാഷകന് ചൂണ്ടിക്കാട്ടി. കേസെടുക്കാന് അധികാരമുണ്ടെന്നും അതു പ്രകാരമാണ് മുന്നോട്ടു പോകുന്നതെന്നും അഡ്വക്കറ്റ് ജനറലും വ്യക്തമാക്കി.
കപ്പല് അപകടവുമായി ബന്ധപ്പെട്ട് എത്രതുക കേന്ദ്ര, സംസ്ഥാന സര്ക്കാരുകള് മുടക്കിയിട്ടുണ്ടെന്ന് ഹൈകോടതി ചോദിച്ചു. ജനങ്ങളുടെ നികുതി പണമാണ്. മത്സ്യ, സാമ്പത്തിക മേഖലകള് അടക്കം ഏതെല്ലാം തരത്തില് നഷ്ടപരിഹാരം ഈടാക്കാമെന്ന് സംസ്ഥാന സര്ക്കാര് കേന്ദ്ര സര്ക്കാറിനെ അറിയിക്കണമെന്നും കോടതി ചൂണ്ടിക്കാട്ടി.
കൊച്ചി അപകടത്തില് എണ്ണച്ചോര്ച്ചയാണ് പ്രധാന പ്രശ്നമെന്നും സിവില്, ക്രിമിനല് നടപടിയുമായി മുന്നോട്ടു പോകുന്നതില് എന്താണ് പ്രശ്നമെന്നും ഹൈകോടതി സംസ്ഥാന സര്ക്കാറിനോട് ചോദിച്ചു.
അതേസമയം കപ്പലടക്കം അറസ്റ്റ് ചെയ്യേണ്ടതായിരുന്നെന്നും ഹൈക്കോടതി പറഞ്ഞു. കണ്ണൂര് തീരത്തിന് സമീപം ചരക്കുകപ്പലിന് തീപിടിച്ചതും ഹര്ജിയുടെ ഭാഗമാക്കണമെന്ന് കോടതി നിര്ദേശിച്ചു.
നേരത്തെ എംഎസ്സി കമ്പനിക്കെതിരെ കേസിനില്ലെന്നും നഷ്ട പരിഹാരം മതിയെന്നും സംസ്ഥാന സര്ക്കാര് അറിയിച്ചിരുന്നു. മുഖ്യമന്ത്രി പിണറായി വിജയനും ഷിപ്പിങ് ഡയറക്ടര് ജനറലുമായുള്ള കൂട്ടിക്കാഴ്ചയിലാണ് തീരുമാനമെടുത്തത്.
കൊച്ചി പുറംകടലില് എംഎസ്സി എല്സ 3 എന്ന ചരക്കുകപ്പലാണ് മുങ്ങിയത്. വിഴിഞ്ഞത്ത് നിന്നും പുറപ്പെട്ട കപ്പല് മെയ് 25നാണ് അപകടത്തില് പെട്ടത്. കപ്പലിലെ കണ്ടെയ്നറുകള് കടലിലേക്ക് വീണതോടെ കൊല്ലം, ആലപ്പുഴ, തിരുവന്തപുരം ജില്ലകളിലെ തീരപ്രദേശങ്ങളില് അടിയുകയും ചെയ്തിരുന്നു. സംഭവത്തില് അപകടകരമായ വസ്തുക്കളടങ്ങിയ നിരവധി കണ്ടെയ്നറുകള് കടലില് ഒഴുകിപ്പോയിരുന്നു.
കപ്പല് അപകടം ഗുരുതരമായ പാരിസ്ഥിതിക സാമൂഹിക പ്രശ്നങ്ങള് സൃഷ്ടിക്കുമെന്ന് കണക്കിലെടുത്ത് സംസ്ഥാനം അപകടത്തെ പ്രത്യേക ദുരന്തമായി പ്രഖ്യാപിച്ചിരുന്നു.
kerala
വീണ്ടും കയറി സ്വര്ണവില; രണ്ടു ദിവസത്തിനിടെ വര്ധിച്ചത് 1240 രൂപ
കഴിഞ്ഞ ദിവസങ്ങളില് സ്വര്ണവിലയില് വലിയ ഇടിവാണ് ദൃശ്യമായിരുന്നത്.

സംസ്ഥാനത്ത് വീണ്ടും സ്വര്ണവില വര്ധിച്ച് 73,000ലേക്ക്. ഒരു പവന് ഇന്ന് 640 രൂപയായാണ് കൂടിയത്. ഇതോടെ ഒരു പവന് സ്വര്ണത്തിന് 72,800 രൂപയാണ് നല്കേണ്ടത്. ഒരു ഗ്രാം സ്വര്ണത്തിന് 9100 രൂപയാണ് വില. ഗ്രാമിന് 80 രൂപയായാണ് വര്ധിച്ചത്.
കഴിഞ്ഞ ദിവസങ്ങളില് സ്വര്ണവിലയില് വലിയ ഇടിവാണ് ദൃശ്യമായിരുന്നത്. എന്നാല് സ്വര്ണവില 73000 വും കടന്ന സാഹചര്യവും ഉണ്ടായിരുന്നു. സ്വര്ണവില റെക്കോഡുകള് ഭേതിച്ച് വിലക്കയറ്റം ഉണ്ടാവും എന്ന ഘട്ടത്തിലാണ് പെട്ടന്ന് സ്വര്ണവിലയില് ഇടിവുണ്ടായത്. ഏകദേശം 1500 രൂപയാണ് കുറഞ്ഞിരുന്നത്. എന്നാല് ഇന്നലെ 600 രൂപയായി കുതിക്കുകയായിരുന്നു. രണ്ടു ദിവസങ്ങളിലായി 1240 രൂപയാണ് വര്ധിച്ചത്.
ആഗോള വിപണിയിലെ ചലനങ്ങളാണ് സ്വര്ണവിലയെ സ്വാധീനിക്കുന്നത്. ആര്ബിഐ നയം, ഓഹരി വിപണിയിലെ മാറ്റങ്ങള് എന്നിവയും സ്വര്ണവിലയെ ബാധിച്ചേക്കാം.
india
കുംഭമേളയിലെ മരണസംഖ്യ യുപി സര്ക്കാര് വെട്ടിക്കുറച്ചു; ബിബിസി റിപ്പോര്ട്ട് ഉദ്ധരിച്ച് രാഹുല് ഗാന്ധി
”ഇതാണ് ബിജെപി മാതൃക, പാവപ്പെട്ടവരെ കണക്കാക്കിയില്ലെങ്കില്, ഉത്തരവാദിത്തവും ഇല്ല!”ബിജെപി സര്ക്കാരിനെതിരെ അദ്ദേഹം ആഞ്ഞടിച്ചു,

ജനുവരി 29ന് പ്രയാഗ്രാജിലെ മഹാ കുംഭമേളയിലുണ്ടായ തിക്കിലും തിരക്കിലും പെട്ട് മരിച്ചവരുടെ എണ്ണം ഉത്തര്പ്രദേശ് സര്ക്കാര് ബോധപൂര്വം കുറച്ചുകാണിക്കുകയാണെന്ന് ബിബിസി റിപ്പോര്ട്ട് പരാമര്ശിച്ച് കോണ്ഗ്രസ് നേതാവ് രാഹുല് ഗാന്ധി.
സംഭവത്തില് 82 പേരെങ്കിലും മരിച്ചതായി റിപ്പോര്ട്ട് അവകാശപ്പെടുന്നു, ഇത് ഔദ്യോഗികമായ 37 പേരേക്കാള് വളരെ കൂടുതലാണ്, സാമ്പത്തികമായി പിന്നാക്കം നില്ക്കുന്ന ഇരകളുടെ മരണം ഔദ്യോഗിക കണക്കുകളില് നിന്ന് ‘മായ്ച്ചു’ എന്ന് എടുത്തുകാണിക്കുന്നു.
കുംഭമേളയിലെ തിക്കിലും തിരക്കിലും പെട്ട് മരിച്ചവരുടെ കണക്കുകള് മറച്ചുവെച്ചതായി ബിബിസി റിപ്പോര്ട്ട് വെളിപ്പെടുത്തുന്നു. കോവിഡ് പോലെ പാവപ്പെട്ടവരുടെ മൃതദേഹങ്ങള് സ്ഥിതിവിവരക്കണക്കുകളില് നിന്ന് മായ്ച്ചു. എല്ലാ വലിയ റെയില്വേ അപകടങ്ങള്ക്കു ശേഷവും സത്യം അടിച്ചമര്ത്തപ്പെടുന്നു.
”ഇതാണ് ബിജെപി മാതൃക, പാവപ്പെട്ടവരെ കണക്കാക്കിയില്ലെങ്കില്, ഉത്തരവാദിത്തവും ഇല്ല!”ബിജെപി സര്ക്കാരിനെതിരെ അദ്ദേഹം ആഞ്ഞടിച്ചു,
യുപി സര്ക്കാര് ‘തെറ്റായ സ്ഥിതിവിവരക്കണക്കുകള്’ അവതരിപ്പിക്കുകയാണെന്ന് പറഞ്ഞ് സമാജ്വാദി പാര്ട്ടി അധ്യക്ഷന് അഖിലേഷ് യാദവും രംഗത്തെത്തി.
ഫെബ്രുവരിയില് പശ്ചിമ ബംഗാള് മുഖ്യമന്ത്രി മമത ബാനര്ജിയും ഉത്തര്പ്രദേശിലെ ബിജെപി സര്ക്കാര് മഹാകുംഭത്തിലെ തിക്കിലും തിരക്കിലും പെട്ട് മരണസംഖ്യ കൃത്യമായി പുറത്തുവിടുന്നില്ലെന്ന് പറഞ്ഞിരുന്നു.
‘മഹാ കുംഭ സംഭവത്തില് വളരെയധികം ആളുകള് മരിച്ചു, പക്ഷേ അവര് ശരിയായ മരണസംഖ്യ പുറത്തുവിടുന്നില്ല. വലിയൊരു കൂട്ടം ആളുകള് മഹാകുംഭം സന്ദര്ശിച്ചു, പക്ഷേ വേദിയില് ശരിയായ ക്രമീകരണങ്ങള് ചെയ്തില്ല,’ മമത ബാനര്ജി അവകാശപ്പെട്ടു.
-
india3 days ago
‘കപ്പലില് അപകടകരമായ കാര്ഗോ, ബേപ്പൂര് തുറമുഖത്തെ സജ്ജമാക്കി’; അഴീക്കല് പോര്ട്ട് ഓഫീസര് ക്യാപ്റ്റന്
-
kerala2 days ago
ലക്ഷദ്വീപ് സ്കൂള് ഭാഷാ പരിഷ്കരണം; ഉത്തരവ് ഇറക്കിയത് വിശദമായ പഠനം നടത്താതെ, വിമര്ശനവുമായി ഹൈക്കോടതി
-
india2 days ago
കെനിയയില് വാഹനാപകടം; അഞ്ച് വിനോദസഞ്ചാരികള് മരിച്ചു
-
Celebrity16 hours ago
‘എന്നെ വേടന് എന്ന് സ്നേഹത്തോടെ ആദ്യം വിളിച്ചത് അവരാണ്’; പേരിന് പിന്നിലെ കഥ പറഞ്ഞ് വേടന്
-
kerala2 days ago
പാലക്കാട് പൊലീസ് ഉദ്യോഗസ്ഥനെ ട്രെയിനിടിച്ച് മരിച്ച നിലയില് കണ്ടെത്തി
-
kerala3 days ago
പിതാവിൻ്റെ മരണത്തിൽ സംശയം; മകന്റെ പരാതിയിൽ ഖബര് തുറന്ന് പോസ്റ്റ്മോര്ട്ടം
-
kerala3 days ago
ചരക്കുകപ്പല് തീപിടിത്തം; കടലില് 50 കണ്ടെയ്നറുകള് വീണതായി മന്ത്രി വി.എന് വാസവന്
-
Football3 days ago
ക്രിസ്റ്റ്യാനോ റൊണാള്ഡോ അല്-നസറില് തുടരും: നേഷന്സ് ലീഗ് വിജയത്തിന് പിന്നാലെ നിര്ണ്ണായക പ്രഖ്യാപനം