Culture

കുരുന്നുകളുടെ കണ്ണീരുണങ്ങാതെ ഇറാഖ് മൂന്നു വര്‍ഷത്തിനിടെ ഇറാഖില്‍ കൊല്ലപ്പെട്ടത് 1024 കുട്ടികള്‍

Published

7 years ago

June 23, 2017

മൊസൂള്‍: ഇറാഖിലെ ദുരന്തമുഖത്തേക്ക് ചെന്നാല്‍ കുട്ടികളുടെ കണ്ണീരും തേങ്ങലും കേള്‍ക്കാനാകും. വിടരും മുന്‍പെ കൊഴിഞ്ഞവര്‍. കൈകാലുകള്‍ അറ്റു പോയവര്‍. ഗുരുതരപരിക്കുകളുമായി ആസ്പത്രിയില്‍ ചികിത്സയില്‍ കഴിയുന്നവര്‍. മാതാപിതാക്കള്‍ നഷ്ടപെട്ടു തെരുവോരങ്ങളില്‍ രാപ്പാര്‍ക്കുന്നവര്‍. പഠനം ഉപേക്ഷിച്ചു വീടുകളില്‍ മാത്രം കഴിയുന്നവര്‍. എന്നിങ്ങനെ നീളുന്നു ഇറാഖിലെ കുട്ടികളുടെ ദുരന്ത ചിത്രങ്ങള്‍.
ഇറാഖ് സംഘര്‍ഷത്തില്‍ ആയിരത്തിലധികം കുരുന്നുകള്‍ കൊല്ലപ്പെട്ടതായി യുഎന്‍ വ്യക്തമാക്കി. കുട്ടികളുടെ അവസ്ഥ അതീവഗുരുതരമെന്നും ഐക്യരാഷ്ട്ര സംഘടന സൂചിപ്പിച്ചു. ആറ് മാസത്തിനിടെ 152 കുട്ടികളാണ് ഇറാഖില്‍ വെച്ച് കൊല്ലപ്പെട്ടത്. യുണിസെഫ് ആണ് ഇക്കാര്യം പുറത്തു വിട്ടത്.
2014ന് ശേഷമുള്ള കണക്കുകളാണിത്. ഇക്കാലയളവിലാണ് ഇറാഖ് സംഘര്‍ഷഭരിതമായത്. യുദ്ധത്തില്‍പെട്ട് 1130 കുട്ടികള്‍ക്ക് അംഗവൈകല്യവും പരിക്കേല്‍ക്കുകയും ഉണ്ടായി. കഴിഞ്ഞ ആറ് മാസത്തിനിടെ 255 പേര്‍ക്കാണ് അംഗവൈകല്യം സംഭിച്ചത്. യുദ്ധത്തില്‍ 4650 കുട്ടികള്‍ക്ക് ഉറ്റവരെയും ബന്ധുക്കളെയും നഷ്ടപ്പെട്ടു. കുട്ടികളെ ലക്ഷ്യമാക്കി ആക്രമണങ്ങള്‍ നടന്നുവെന്നും റിപ്പോര്‍ട്ടില്‍ പറയുന്നു. 138 ആക്രമണങ്ങളാണ് കുട്ടികള്‍ക്ക് നേരെ നടന്നത്. സ്‌കൂളുകള്‍ക്ക് നേരെയായിരുന്നു ഈ ആക്രമണങ്ങളോരോന്നും. 58 കുട്ടികളുടെ ആസ്പത്രികള്‍ അക്രമത്തില്‍ തകര്‍ന്നു. യുദ്ധം സമ്മാനിച്ചത് മറ്റൊരു ദുരന്തം കൂടിയാണ്. ഒട്ടേറെ കുട്ടികള്‍ക്ക് വിദ്യാഭ്യാസം നിഷേധിക്കപ്പെട്ടു. മൂന്ന് മില്യണ്‍ കുട്ടികളാണ് തുടര്‍പഠനങ്ങള്‍ നടത്താനാവാകെ രാജ്യത്ത് കഴിയുന്നത്. ഇവര്‍ സ്‌കൂളില്‍ പോയിട്ട് വര്‍ഷങ്ങള്‍ പിന്നിട്ടു. 1.2 മില്യണ്‍ കുട്ടികള്‍ ഇപ്പോഴും വിദ്യാഭ്യാസത്തിനു പുറത്താണ്. നാലില്‍ ഒരു കുട്ടി വീതം മോശമായ അന്തരീക്ഷത്തില്‍ കഴിയുന്നു എന്നും റിപ്പോര്‍ട്ട് സൂചിപ്പിക്കുന്നു. അക്രമണങ്ങളുടെ തുടര്‍ച്ചയെന്നോണം കുട്ടികള്‍ക്ക് വിദ്യാഭ്യാസം നിഷേധിക്കപ്പെടുകയും ഒപ്പം ദാരിദ്ര്യത്താല്‍ പൊറുതിമുട്ടുകയും ചെയ്യുന്നതായി റിപ്പോര്‍ട്ട് സൂചിപ്പിക്കുന്നു.
മൊസൂളിലാണ് കുട്ടികള്‍ ഏറെ ദുരവസ്ഥ അനുഭവിക്കുന്നത്. ദുരന്തമുഖത്താണ് ഇവിടുത്തെ കുട്ടികള്‍ കഴിയുന്നതു തന്നെ. രണ്ട് മാസങ്ങള്‍ക്കിടെ 23 കുട്ടികള്‍ കൊല്ലപ്പെട്ടു കഴിഞ്ഞു. 123 പേര്‍ക്ക് ഗുരുതരമായി പരിക്കേറ്റു. മാത്രമല്ല, ഇറാഖില്‍ ജീവിക്കുന്ന കുട്ടികളുടെ അവസ്ഥയും ദുരിതപൂര്‍ണമാണെന്നാണ് റിപ്പോര്‍ട്ടുകള്‍. ‘ അഞ്ച് മില്യണ്‍ കുട്ടികള്‍ മാനുഷിക പരിഗണനയ്ക്കായി കേഴുകയാണ്. ഇറാഖിലുടനീളം പരിധി വിട്ടുള്ള അക്രമണങ്ങള്‍ക്കും സ്‌ഫോടനങ്ങള്‍ക്കും കുട്ടികള്‍ പലപ്പോഴും ദൃക്‌സാക്ഷികളാകുന്നു. പലരും വിടരും മുന്‍പേ കൊഴിഞ്ഞു വീഴുകയാണ്. ഒട്ടേറെ കുരുന്നുകള്‍ക്ക് പരിക്കേല്‍ക്കുന്നു. അംഗവൈകല്യം സംഭവിക്കുന്നവരും കുറവല്ല. കുട്ടികള്‍ക്ക് നേരെ ഇത്രയധികം ആക്രമണങ്ങളുണ്ടായ യുദ്ധം ഇതുവരെയുണ്ടായിട്ടില്ല’. യുണിസെഫ് റിപ്പോര്‍ട്ടില്‍ ചൂണ്ടിക്കാട്ടുന്നു.

Film

‘തെക്ക് വടക്ക്’ ഒടിടിയിലേക്ക്

മനോരമ മാക്സിലൂടെയാണ് തെക്ക് വടക്ക് ഒടിടിയിലെത്തുന്നത്

Published

16 hours ago

November 15, 2024

webdesk14

മലയാളത്തിലെ പ്രിയ താരങ്ങളായ വിനായകൻ, സുരാജ് വെഞ്ഞാറമ്മൂട് എന്നിവർ കേന്ദ്ര കഥാപാത്രങ്ങളിൽ എത്തിയ ചിത്രം തെക്ക് വടക്ക് ഒടിടിയിലേക്ക്. പ്രേം ശങ്കർ സംവിധാനം നിർവഹിച്ച ചിത്രത്തിന് തീയേറ്ററുകളിൽ മികച്ച പ്രതികരണം ലഭിച്ചിരുന്നു. മധ്യവയസ്ക്കരായ കഥാപാത്രങ്ങാളായാണ് വിനായകനും സുരാജും ചിത്രത്തിലെത്തിയത്. റിലീസായി മാസങ്ങൾക്ക് ശേഷമാണ് തെക്ക് വടക്ക് ഒടിടിയിൽ പ്രദർശനത്തിനൊരുങ്ങുകയാണ്.

സുരാജ് വെഞ്ഞാറമ്മൂടും വിനായകനും ആദ്യമായി നായകരായി ഒന്നിക്കുന്ന സിനിമയാണ് തെക്ക് വടക്ക്. കോമഡിക്ക് പ്രാധാന്യം നൽകി ഒരുക്കിയ ചിത്രം തിയേറ്ററിൽ മിശ്ര പ്രതികരണം നേടിയിരുന്നു. എസ്. ഹരീഷ് എഴുതിയ “രാത്രി കാവൽ” എന്ന കഥയെ ആസ്പദമാക്കിയാണ് തെക്ക് വടക്ക് ഒരുക്കിയത്. ഹരീഷ് തന്നെയാണ് സിനിമയുടെയും രചന. അൻജന ഫിലിപ്പും വി.എ ശ്രീകുമാറും, അൻജന തിയറ്റേഴ്സിന്റെയും വാർസ് സ്റ്റുഡിയോസിന്റെയും ബാനറിലാണ് ചിത്രം നിർമ്മിച്ചിരിക്കുന്നത്.

മെൽവിൻ ബാബു, ഷമീർ ഖാൻ, കോട്ടയം രമേഷ്, മെറിൻ ജോസ്, വിനീത് വിശ്വം, ബാലൻ പാലക്കൽ എന്നിവരുൾപ്പെടെ നൂറോളം പേർ ചെറുതും വലുതുമായ വേഷങ്ങളിൽ ചിത്രത്തിൽ അഭിനയിക്കുന്നുണ്ട്. സാം സി. എസ് സംഗീതവും, സുരേഷ് രാജൻ ഛായാഗ്രഹണവും, കിരൺ ദാസ് എഡിറ്റിങും നിർവഹിക്കുന്നു. മനോരമ മാക്സിലൂടെയാണ് തെക്ക് വടക്ക് ഒടിടിയിലെത്തുന്നത്. ചിത്രം ഉടൻ സ്ട്രീമിങ് ആരംഭിക്കുമെന്നാണ് വിവരം.

Film

‘പ്രേക്ഷകർ തലവേദനയെടുത്ത് ഇറങ്ങിപ്പോയാൽ ചിത്രത്തിന് റിപീറ്റ്‌ വാല്യൂ കിട്ടില്ല’; റസൂൽ പൂക്കുട്ടി

നമ്മുടെ ജനപ്രിയ സിനിമകളിലൊന്നിന്റെ സൗണ്ടിനെക്കുറിച്ചുള്ള റിവ്യൂ കാണുമ്പോൾ നിരാശയുണ്ട് എന്ന് റസൂൽ പൂക്കുട്ടി പറയുന്നു

Published

16 hours ago

November 15, 2024

webdesk14

തമിഴ് സൂപ്പർ താരം സൂര്യ ഇരട്ട വേഷത്തിലെത്തിയ ചിത്രം കങ്കുവ തിയേറ്ററുകളിലെത്തിയിരിക്കുകയാണ്. സിരുത്തൈ ശിവ സംവിധാനം ചെയ്ത സിനിമയ്ക്ക് സമ്മിശ്ര പ്രതികരണം മാത്രമാണ് ലഭിക്കുന്നത്. സിനിമയിലെ ശബ്ദ മിശ്രണത്തിനും പശ്ചാത്തല സംഗീതത്തിനും പല കോണുകളിൽ നിന്ന് വിമർശനം നേരിടുന്നുണ്ട്. ഇതിന്റെ പശ്ചാത്തലത്തിൽ ഓസ്കർ ജേതാവ് റസൂൽ പൂക്കുട്ടി നടത്തിയ പ്രതികരണം ഏറെ ശ്രദ്ധ നേടുകയാണ്.

നമ്മുടെ ജനപ്രിയ സിനിമകളിലൊന്നിന്റെ സൗണ്ടിനെക്കുറിച്ചുള്ള റിവ്യൂ കാണുമ്പോൾ നിരാശയുണ്ട് എന്ന് റസൂൽ പൂക്കുട്ടി പറയുന്നു. നമ്മുടെ കലാമികവ് ഈ ‘ലൗഡ്‌നെസ്സ് വാറിൽ’ കുരുങ്ങികിടക്കുകയാണ്. ഇതിൽ ആരെയാണ് പഴിക്കേണ്ടത്? ശബ്ദം ഒരുക്കിയ ആളെയോ? അതോ ഓരോരുത്തരുടെ അരക്ഷിതാബോധം പരിഹരിക്കുന്നതിന് അവസാന നിമിഷം കൊണ്ടുവരുന്ന തിരുത്തലുകളെയോ? ഈ പ്രശ്നങ്ങളെ ഉച്ചത്തിൽ തന്നെ അഭിസംബോധന ചെയ്യേണ്ടതുണ്ട്. പ്രേക്ഷകർ തലവേദനയെടുത്ത് ഇറങ്ങിപ്പോയാൽ ഒരു സിനിമയ്ക്കും റിപീറ്റ് വാല്യു ഉണ്ടാകില്ല എന്ന് റസൂൽ പൂക്കുട്ടി പറഞ്ഞു.

കങ്കുവയെക്കുറിച്ച് ഒരു ദേശീയ മാധ്യമത്തിൽ വന്ന റിവ്യൂ പങ്കുവെച്ചുകൊണ്ടാണ് റസൂൽ പൂക്കുട്ടി തന്റെ അഭിപ്രായം കുറിച്ചത്. ചിത്രം അമിതമായ ശബ്‍ദത്തിന്റെ പേരിൽ വിമർശിക്കപ്പെടുന്നതായാണ് റിവ്യൂവിൽ പറയുന്നത്. അമിത ശബ്ദത്തിലുള്ള ഡയലോഗുകളും സംഗീതവും പ്രേക്ഷകരിൽ മടുപ്പ് ഉളവാക്കുന്നതായും റിവ്യൂവിൽ പറയുന്നു.

Film

ദുല്‍ഖറിനും 100 കോടി; ലക്കി ബാസ്‌ക്കര്‍ കുതിക്കുന്നു

തെലുങ്ക്, തമിഴ്, മലയാളം, കന്നഡ, ഹിന്ദി ഭാഷകളില്‍ റിലീസ് ചെയ്ത ചിത്രം എല്ലാ ഭാഷകളിലും സൂപ്പര്‍ ഹിറ്റായിക്കഴിഞ്ഞു.

Published

1 day ago

November 14, 2024

webdesk13

ദുല്‍ഖര്‍ സല്‍മാന്‍ നായകനായ പാന്‍ ഇന്ത്യന്‍ തെലുങ്ക് ചിത്രം ലക്കി ഭാസ്‌കര്‍ ആഗോള ഗ്രോസ് കളക്ഷന്‍ 100 കോടി കടന്ന് കുതിക്കുന്നു. റിലീസ് ചെയ്ത് മൂന്നാം വാരത്തിലും മെഗാ ബ്ലോക്ക്ബസ്റ്റര്‍ ഹിറ്റായി പ്രദര്‍ശനം തുടരുകയാണ് ചിത്രം.

തെലുങ്ക്, തമിഴ്, മലയാളം, കന്നഡ, ഹിന്ദി ഭാഷകളില്‍ റിലീസ് ചെയ്ത ചിത്രം എല്ലാ ഭാഷകളിലും സൂപ്പര്‍ ഹിറ്റായിക്കഴിഞ്ഞു. ദുല്‍ഖര്‍ സല്‍മാന്റെ കരിയറിലെ തന്നെ ഏറ്റവും വലിയ ഗ്രോസര്‍ ആയും ലക്കി ഭാസ്‌കര്‍ മാറി. ചിത്രത്തിലെ ദുല്‍ഖര്‍ സല്‍മാന്റെ പ്രകടനത്തിന് വലിയ പ്രശംസയാണ് പ്രേക്ഷകരില്‍ നിന്നും നിരൂപകരില്‍നിന്നും ലഭിക്കുന്നത്.

തെലുങ്കില്‍ ഹാട്രിക് ബ്ലോക്ക്ബസ്റ്റര്‍ എന്ന അപൂര്‍വ നേട്ടവും ഈ ചിത്രത്തിന്റെ വിജയത്തോടെ ദുല്‍ഖര്‍ സല്‍മാന്‍ സ്വന്തമാക്കി. കേരളത്തില്‍ 20 കോടി ഗ്രോസ് എന്ന നേട്ടം ലക്ഷ്യമാക്കി മുന്നേറുന്ന ചിത്രം കുടുംബ പ്രേക്ഷകരുടെ പിന്തുണയോടെയാണ് കുതിപ്പ് തുടരുന്നത്. കേരളത്തിലും ഗള്‍ഫിലും ചിത്രം വിതരണം ചെയ്തത് ദുല്‍ഖര്‍ സല്‍മാന്റെ വേഫെറര്‍ ഫിലിംസ് ആണ്. ആവേശവും ആകാംക്ഷയും സമ്മാനിക്കുന്ന രീതിയില്‍ കഥപറയുന്ന ഈ ചിത്രത്തില്‍ കുടുംബ ബന്ധങ്ങളിലെ വൈകാരികതയ്ക്കും പ്രാധാന്യമുണ്ട്. മീനാക്ഷി ചൗധരിയാണ് ചിത്രത്തിലെ നായിക.

വെങ്കി അറ്റ്‌ലൂരി രചിച്ച് സംവിധാനം ചെയ്ത ഈ പിരീഡ് ഡ്രാമ ത്രില്ലര്‍ ചിത്രം നിര്‍മ്മിച്ചിരിക്കുന്നത് സൂര്യദേവര നാഗവംശി, സായി സൗജന്യ എന്നിവരുടെ നേതൃത്വത്തിലുള്ള സിതാര എന്റര്‍ടൈന്‍മെന്റ്‌സും ഫോര്‍ച്യൂണ്‍ ഫോര്‍ സിനിമാസും ചേര്‍ന്നാണ്. ചിത്രം അവതരിപ്പിച്ചിരിക്കുന്നത് ശ്രീകര സ്റ്റുഡിയോസ് ആണ്.