kerala
താനൂര് ബോട്ട് ദുരന്തം; ആദ്യഘട്ട തെളിവെടുപ്പ് പൂര്ത്തിയായി; ഇതുവരെ അറസ്റ്റിലായത് നാസറടക്കം 10 പേർ
പ്രത്യേക അന്വേഷണ സംഘത്തിന്റെ ആവശ്യപ്രകാരമാണ് പ്രതികളെ കസ്റ്റഡിയില് വാങ്ങിയത്.

താനൂര് ബോട്ട് ദുരന്തത്തില് കസ്റ്റഡിയില് വാങ്ങിയ പ്രതികളുമായുള്ള ആദ്യഘട്ട തെളിവെടുപ്പ് പൂര്ത്തിയായി. സംഭവത്തില് ബോട്ടുടമ പാട്ടരകത്ത് നാസറടക്കം 10 പേരെയാണ് പൊലീസ് അറസ്റ്റ് ചെയ്തത്.
മുഴുവന് പേരെയും കേസന്വേഷണ ഭാഗമായി ഈയിടെ കസ്റ്റഡിയില് വാങ്ങിയിരുന്നു. അന്വേഷണം പൂര്ത്തിയായതിനാല് ഇതില് അഞ്ചുപേരെ പരപ്പനങ്ങാടി കോടതിയില് ഹാജരാക്കി വീണ്ടും ജുഡീഷ്യല് കസ്റ്റഡിയില് ജയിലിലേക്ക് മാറ്റി. പ്രത്യേക അന്വേഷണ സംഘത്തിന്റെ ആവശ്യപ്രകാരമാണ് പ്രതികളെ കസ്റ്റഡിയില് വാങ്ങിയത്.
അപകടം നടന്ന ഒട്ടുംപുറം തൂവല് തീരത്തെത്തിച്ച് തെളിവെടുപ്പ് നടത്തിയിരുന്നു.ബാക്കിയുള്ള അഞ്ചു പേരുമായുള്ള തെളിവെടുപ്പ് നടപടികള് വരും ദിവസങ്ങളില് തുടരും.
kerala
തൃശ്ശൂരില് ബേക്കറിയില് നിന്ന് വാങ്ങിയ പരിപ്പുവടയില് തേരട്ട; ബേക്കറി അടപ്പിച്ചു
ഈറ്റ്സ് ആന്റ് ട്രീറ്റ്സ് എന്ന ബേക്കറിയില് നിന്ന് വാങ്ങിയ പരിപ്പുവടയിലാണ് ചത്തനിലയില് തേരട്ടയെ കണ്ടെത്തിയത്.

തൃശ്ശൂരില് ബേക്കറിയില് നിന്ന് വാങ്ങിയ പരിപ്പുവടയില് തേരട്ട. പുതുക്കാട് സിഗ്നല് ജങ്ഷന് സമീപം പ്രവര്ത്തിക്കുന്ന ഈറ്റ്സ് ആന്റ് ട്രീറ്റ്സ് എന്ന ബേക്കറിയില് നിന്ന് വാങ്ങിയ പരിപ്പുവടയിലാണ് ചത്തനിലയില് തേരട്ടയെ കണ്ടെത്തിയത്. ഇതേതുടര്ന്ന് ആരോഗ്യവകുപ്പും പഞ്ചായത്ത് അധികൃതരും ചേര്ന്ന് ബേക്കറി അടപ്പിച്ചു.
ഇന്ന് രാവിലെ പുതുക്കാട് കേരള ബാങ്കിലെ ജീവനക്കാര് വാങ്ങിയ പലഹാരങ്ങളുടെ കൂട്ടത്തിലുണ്ടായിരുന്ന പരിപ്പുവടയിലാണ് തേരട്ടയെ കിട്ടിയത്. ഉടന് ബാങ്ക് ജീവനക്കാര് ആരോഗ്യ വിഭാഗത്തെ അറിയിക്കുകയായിരുന്നു. പഞ്ചായത്തിന്റെ ലൈസന്സ് ഇല്ലാതെയാണ് സ്ഥാപനം പ്രവര്ത്തിക്കുന്നതെന്ന് ഉദ്യോഗസ്ഥര് കണ്ടെത്തി. നാലുപേര് ജോലിചെയ്യുന്ന സ്ഥാപനത്തില് ഒരാള്ക്ക് മാത്രമാണ് ഹെല്ത്ത് കാര്ഡ് ഉള്ളതെന്നും രാത്രിയും പകലും പ്രവര്ത്തിക്കുന്ന കടയില് വൃത്തിഹീനമായ രീതിയിലാണ് ഭക്ഷണം പാകം ചെയ്യുന്നതെന്നും ആരോഗ്യവകുപ്പ് അധികൃതര് പറഞ്ഞു.
kerala
കുടുംബവഴക്കിനെ തുടര്ന്ന് ഭാര്യക്കു നേരെ വെടിയുതിര്ത്തു; ഭര്ത്താവ് അറസ്റ്റില്
മംഗലംഡാം പൂതകോട് ആണ് മദ്യലഹരിയിലായിരുന്ന ഭര്ത്താവ് ഭാര്യയ്ക്ക് നേരെ എയര് ഗണ് എടുത്ത് വെടിയുതിര്ത്തത്.

പാലക്കാട് കുടുംബവഴക്കിനെ തുടര്ന്ന് ഭാര്യക്കു നേരെ വെടിയുതിര്ത്ത ഭര്ത്താവ് അറസ്റ്റില്. മംഗലംഡാം പൂതകോട് ആണ് മദ്യലഹരിയിലായിരുന്ന ഭര്ത്താവ് ഭാര്യയ്ക്ക് നേരെ എയര് ഗണ് എടുത്ത് വെടിയുതിര്ത്തത്.
കഴിഞ്ഞ ദിവസം ഉച്ചയോടെയാണ് സംഭവം. പാലക്കാട് മംഗലംഡാം പൂതംകോട് കുന്നത്ത് വീട്ടില് ശിവന് (58) ആണ് ഭാര്യ മേരിയെ (52) വെടിവെച്ചത്. കാല്മുട്ടിന് പരിക്കേറ്റ മേരി തൃശൂര് മെഡിക്കല് കോളജില് ചികിത്സയിലാണ്. മംഗലംഡാം പൊലീസ് കസ്റ്റഡിയിലെടുത്ത ശിവനെ ആലത്തൂര് കോടതിയില് ഹാജരാക്കി റിമാന്റ് ചെയ്തു.
kerala
ഓടിക്കൊണ്ടിരിക്കുന്ന ബസിന്റെ ചില്ല് തകര്ത്ത് യുവാവ് പുറത്തേക്ക് ചാടി; ഗുരുതര പരിക്ക്
ഝാര്ഖണ്ഡ് സ്വദേശിയായ യുവാവ് തല കൊണ്ട് ചില്ല് ഇടിച്ച് പൊളിച്ച് താഴേക്ക് ചാടികയായിരുന്നു.

വയനാട്ടില് ഓടിക്കൊണ്ടിരിക്കുന്ന ബസിന്റെ മുന്വശത്തെ ചില്ല് തകര്ത്ത് യുവാവ് പുറത്തേക്ക് ചാടി. ഇതര സംസ്ഥാന തെഴിലാളിയായ മനോജ് കിഷന് (28) ആണ് കെഎസ്ആര്ട്ടിസി സിന്റെ മുന്വശത്തെ ചില്ല് തകര്ത്ത് ചാടിയത്.
ഝാര്ഖണ്ഡ് സ്വദേശിയായ യുവാവ് തല കൊണ്ട് ചില്ല് ഇടിച്ച് പൊളിച്ച് താഴേക്ക് ചാടികയായിരുന്നു. തലയ്ക്ക് ഗുരുതര പരുക്കേറ്റ മനോജിനെ മാനന്തവാടി മെഡിക്കല് കോളജില് പ്രവേശിപ്പിച്ച ശേഷം വിദഗ്ധ ചികിത്സയ്ക്കായി കോഴിക്കോട് മെഡിക്കല് കോളജിലേക്ക് കൊണ്ടുപോയി.
സുഹൃത്തുക്കളോടൊപ്പം കോഴിക്കോട് നിന്നും ബസ്സില് കയറിയ മനോജ് ചുണ്ടേല് മുതല് ബസ്സിനുള്ളില് അസ്വസ്ഥത പ്രകടിപ്പിച്ചിരുന്നതായി ബസ് ജീവനക്കാര് അറിയിച്ചു.
കോഴിക്കോട് നിന്നും മാനന്തവാടിക്ക് വരികയായിരുന്ന കോഴിക്കോട് ഡിപ്പോയിലെ എ ടി സി 25 ബസ്സില് വെച്ച് മാനന്തവാടി ദ്വാരകയ്ക്ക് സമീപമായിരുന്നു സംഭവം.
-
News18 hours ago
ഇസ്രാഈലിനെതിരെ ഇറാന്റെ മിസൈല് ആക്രമണം; നെതന്യാഹുവിന്റെ കുടുംബ വീട് തകര്ന്നു
-
kerala3 days ago
നീറ്റ് യുജി 2025; ആദ്യ നൂറില് കേരളത്തില് നിന്നും ആരുമില്ല
-
News3 days ago
ഇറാന് വ്യോമാക്രമണം; ഭയന്നോടി നെതന്യാഹു; ഗ്രീസിലെ ഏതന്സില് അഭയം തേടിയതായി റിപ്പോര്ട്ട്
-
kerala1 day ago
കനത്ത മഴ; എട്ട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി
-
News3 days ago
ഇറാന് തിരിച്ചടി; ഇസ്രാഈലില് മരണസംഖ്യ ഉയരുന്നു
-
india3 days ago
നീറ്റ് യുജി 2025; പരീക്ഷ ഫലം പ്രസിദ്ധീകരിച്ചു
-
News3 days ago
ഇസ്രാഈല് ചെയ്തത് ഗുരുതരമായ തെറ്റ്; ഒരു തരത്തിലുമുള്ള ദയയും കാണിക്കില്ല; ഇനി അവരുടെ ജീവിതം ഇരുളടഞ്ഞതായിരിക്കും; ആയത്തുല്ല ഖാംനഇ
-
kerala3 days ago
പീരുമേട്ടില് ആദിവാസി യുവതി മരിച്ചത് കാട്ടാന ആക്രമണത്തിലല്ലെന്ന് കണ്ടെത്തല്; ഭര്ത്താവ് കസ്റ്റഡിയില്