kerala

സൂര്യ ഹോംസ്- സ്വരലയ സമന്വയത്തിനു പാലക്കാട് രാപ്പാടിയില്‍ തുടക്കം

സാക്ഷാത്കാരം പി.സത്യന്‍. ഡിസംബര്‍ 31 വരെ 11 ദിവസങ്ങളിലായി പാലക്കാടിന്റെ സായാഹ്നങ്ങളെ അന്താരാഷ്ട്ര നിലവാരമുള്ള വൈവിധ്യമാര്‍ന്ന നൃത്ത സംഗീത പരിപാടികള്‍ സര്‍ഗ്ഗാത്മകമാക്കും.

Published

2 years ago

December 22, 2022

Chandrika Web

പാലക്കാട്: സൂര്യ ഹോംസ് – സ്വരലയ സമന്വയം 2022 നൃത്ത സംഗീതീത്സവത്തിനു രാപ്പാടി ഓഡിറ്റോറിയത്തില്‍ തിരിതെളിഞ്ഞു. ലാല്‍ ജോസ്, വൈശാഖന്‍, പദ്മശ്രീ കലാമണ്ഡലം ശിവന്‍ നമ്പൂതിരി, പദ്മശ്രീ രാമചന്ദ്ര പുലവര്‍, ജില്ലാപഞ്ചായത്ത് പ്രസിഡന്റ് കെ.ബിനുമോള്‍, നോളജ് മിഷന്‍ ഡയറക്ടര്‍ ഡോ: പി.എസ്.ശ്രീകല, സംഗീത സംവിധായകന്‍ ബിജിബാല്‍, ഗാനരചയിതാക്കളായ ബി.കെ.ഹരിനാരായണന്‍, സന്തോഷ് വര്‍മ്മ, കവി പി.ടി.നരേന്ദ്രമേനോന്‍, സംഗീതജ്ഞന്‍ മണ്ണൂര്‍ രാജകുമാരനുണ്ണി, സംവിധായകന്‍ ഫറൂഖ് അബ്ദുള്‍ റഹ്മാന്‍, സൂര്യ ഹോംസ് മാനേജിംഗ് ഡയറക്ടര്‍ .നിഥിന്‍ രാധാകൃഷ്ണന്‍, മില്‍മ ചെയര്‍മാന്‍ ക.എസ്.മണി എന്നിവര്‍ ഒരുമിച്ചാണു കുരുത്തോലവിളക്കുകള്‍ തെളിച്ചത്. ലാല്‍ ജോസ് ഉദ്ഘാടന പ്രസംഗം നടത്തി. സ്വരലയ സമന്വയം വാര്‍ത്താപത്രിക പദ്മശ്രീ കലാമണ്ഡലം ശിവന്‍ നമ്പൂതിരി, പദ്മശ്രീ രാമചന്ദ്ര പുലവരിനു നല്‍കി പ്രകാശനം ചെയ്തു.
തുടര്‍ന്ന് സ്വരലയ, സംഗീത സംവിധായകന്‍ ശ്ബിജിബാലിനെ ആദരിച്ചു. ലാല്‍ ജോസ് ആദരപത്രം സമര്‍പ്പിച്ചു. വൈശാഖന്‍ ആദരഫലകം സമര്‍പ്പിച്ചു. സന്തോഷ് വര്‍മ്മ അംഗവസ്ത്രം സമര്‍പ്പിച്ചു. ജില്ലാ ഭരണകൂടത്തിന്റെ സ്‌നേഹോപഹാരം ഡോ: പി.എസ്.ശ്രീകല ബിജിബാലിനു കൈമാറി. ജില്ലാ പഞ്ചായത്തിന്റെ സ്‌നേഹോപഹാരം ബിനുമോള്‍ സമര്‍പ്പിച്ചു. സ്വരലയ വൈസ് പ്രസിഡന്റ് കെ.വിജയന്‍ അധ്യക്ഷത വഹിച്ച ഉദ്ഘാടന സെഷനു സ്വരലയ സെക്രട്ടറി ടി.ആര്‍.അജയന്‍ സ്വാഗതവും പി.എം.രവീന്ദ്രന്‍ നന്ദിയും പറഞ്ഞു.
സ്വരലയ മുദ്രാഗാനവും സമന്വയം സ്വാഗതഗാനവും അവതരിപ്പിച്ചു. ബല്‍റാം, നിഷാന്ത്, സജിത്ത്, ഉഷാ വാരിയര്‍, നദീര, കുമാരി. ഗോപിക സജിത്ത്, കുമാരി. അഭിചന്ദ്ര, വിഷ്ണു പുത്തൂര്‍ എന്നിവര്‍ ആലപിച്ച സ്വാഗതഗാനം രചിച്ചത് മുരളി എസ്. കുമാറും സംഗീതം പകര്‍ന്നത് സജിത്ത് ശങ്കറുമാണ്. സാക്ഷാത്കാരം പി.സത്യന്‍. ഡിസംബര്‍ 31 വരെ 11 ദിവസങ്ങളിലായി പാലക്കാടിന്റെ സായാഹ്നങ്ങളെ അന്താരാഷ്ട്ര നിലവാരമുള്ള വൈവിധ്യമാര്‍ന്ന നൃത്ത സംഗീത പരിപാടികള്‍ സര്‍ഗ്ഗാത്മകമാക്കും.

kerala

സമൂഹമാധ്യമങ്ങളിലൂടെ അപമാനിച്ചെന്ന നടിമാരുടെ പരാതി; സന്തോഷ് വർക്കി അറസ്റ്റിൽ

Published

1 hour ago

April 25, 2025

webdesk14

കൊച്ചി: സാമൂഹ്യമാധ്യമത്തിലൂടെ അശ്ലീല പരാമര്‍ശം നടത്തിയെന്ന പരാതിയിൽ ആറാട്ടണ്ണൻ എന്നറിയപ്പെടുന്ന സന്തോഷ് വര്‍ക്കി കസ്റ്റഡിയിൽ. എറണാകുളം നോര്‍ത്ത് പൊലീസാണ് സന്തോഷ് വര്‍ക്കിയെ കസ്റ്റഡിയിലെടുത്തത്. സിനിമ നടിമാർക്കെതിരെ ഫേസ് ബുക്ക്‌ പേജിലൂടെ അശ്ലീല പരാമർശം നടത്തിയ സംഭവത്തിലാണ് പൊലീസ് കസ്റ്റഡിയിലെടുത്തത്.

നടി ഉഷാ ഹസീന, ചലച്ചിത്ര പ്രവര്‍ത്തകരായ ഭാഗ്യലക്ഷ്മി, കുക്കു പരമേശ്വരന്‍ തുടങ്ങിയവരാണ് സന്തോഷ് വര്‍ക്കിക്കെതിരെ പരാതി നല്‍കിയത്. സന്തോഷ് വര്‍ക്കിയുടെ നിരന്തരമുളള പരാമര്‍ശങ്ങള്‍ സ്ത്രീത്വത്തെ അപമാനിക്കുന്നതാണെന്ന് കാട്ടിയായിരുന്നു നടിമാരുടെ പരാതി.

ആറാട്ട് എന്ന മോഹൻലാൽ ചിത്രത്തിന്‍റെ റിവ്യു പറഞ്ഞ് സോഷ്യൽ മീഡിയയിൽ ശ്രദ്ധനേടിയ ആളാണ് സന്തോഷ് വർക്കി. ഇതിന് പിന്നാലെ ആറാട്ടണ്ണൻ എന്ന വിളിപ്പേരിലാണ് സന്തോഷ് അറിയപ്പെടാൻ തുടങ്ങിയത്. കൊച്ചിയിലെ പ്രധാന തിയറ്ററിൽ സന്തോഷ് റിവ്യു പറയാൻ എത്താറുണ്ട്. നേരത്തെ സിനിമ കാണാതെ റിവ്യു പറഞ്ഞതിന്‍റെ പേരില്‍ സന്തോഷ് വര്‍ക്കിയെ ആളുകള്‍ മര്‍ദ്ദിച്ചിരുന്നു. വിഷുവിന് റിലീസ് ചെയ്ത മമ്മൂട്ടി നായകനായ ബസൂക്കയില്‍ സന്തോഷ് വര്‍ക്കി അഭിനയിച്ചിരുന്നു.

kerala

എസ്എസ്എൽസി പരീക്ഷാ ഫലം മെയ് ഒൻപതിന്

Published

2 hours ago

April 25, 2025

webdesk14

തിരുവനന്തപുരം: ഈ വർഷത്തെ എസ്എസ്എൽസി പരീക്ഷാഫലം മേയ് ഒൻപതിന് പ്രഖ്യാപിക്കാൻ സാധ്യത. മൂല്യനിർണയം പൂർത്തിയായെന്നും ടാബുലേഷൻ ഉൾപ്പെടെയുള്ള നടപടികളേ പൂർത്തിയാകാനുള്ളൂവെന്നും പൊതുവിദ്യാഭ്യാസ വകുപ്പ് അധികൃതർ വ്യക്തമാക്കി.

എസ്എസ്എൽസി ഫലം പ്രഖ്യാപിച്ച ശേഷം അടുത്ത ദിവസങ്ങളിൽ ഹയർ സെക്കൻഡറി ഫലവും പ്രസിദ്ധീകരിക്കും. മേയ് മൂന്നാം വാരത്തിനുള്ളിൽ എസ് എസ് എൽ സി, ഹയർ സെക്കൻഡറി പരീക്ഷാഫലം പ്രസിദ്ധീകരിക്കുമെന്നായിരുന്നു നേരത്തേയുള്ള പ്രഖ്യാപനം.

crime

സ്വത്തിന് വേണ്ടി 52 കാരിയായ ഭാര്യയെ ഷോക്കടിപ്പിച്ച് കൊന്നു; ഭര്‍ത്താവിന് ജീവപര്യന്തം തടവ്

Published

3 hours ago

April 25, 2025

webdesk14

തിരുവനന്തപുരം: നെയ്യാറ്റിന്‍കര ശാഖാകുമാരി വധക്കേസില്‍ ഭര്‍ത്താവ് അരുണിന് ജീവപര്യന്തം കഠിനതടവ്. രണ്ടു ലക്ഷം രൂപ പിഴയും വിധിച്ചിട്ടുണ്ട്. നെയ്യാറ്റിന്‍കര അഡീഷണല്‍ ജില്ലാ കോടതിയാണ് വിധി പ്രസ്താവിച്ചത്. സ്വത്തു തട്ടിയെടുക്കുന്നതിനായി ഭാര്യ ശാഖാകുമാരിയെ ഭര്‍ത്താവ് അരുണ്‍ ഷോക്കടിപ്പിച്ച് കൊലപ്പെടുത്തിയെന്നാണ് കേസ്.

2020 ഡിസംബര്‍ 26 ന് പുലര്‍ച്ചെയായിരുന്നു കൊലപാതകം നടന്നത്. വമ്പിച്ച സ്വത്തിന് ഉടമയായ 52 കാരിയായ ശാഖാകുമാരിയെ 28 കാരനായ അരുണ്‍ വിവാഹം കഴിക്കുകയായിരുന്നു. വിവാഹം വേണ്ടെന്ന് വിചാരിച്ചിരുന്ന ശാഖാകുമാരിയെ, സ്വത്ത് മോഹിച്ച പ്രതി പ്രണയത്തില്‍ കുരുക്കുകയായിരുന്നു.

തുടര്‍ന്ന് ഇവര്‍ വിവാഹിതരായി. 50 ലക്ഷം രൂപയും 100 പവന്‍ സ്വര്‍ണവുമാണ് വിവാഹ പാരിതോഷികമായി അരുണിന് ശാഖാകുമാരി അന്ന് നല്‍കിയിരുന്നത്. എന്നാല്‍ ഒരു കുട്ടി വേണമെന്നുള്ള ശാഖാകുമാരിയുടെ ആഗ്രഹത്തിന് അരുണ്‍ സമ്മതിച്ചില്ല. ശാഖാകുമാരിയെ വിവാഹം കഴിച്ച അരുണ്‍ ആഡംബര ജീവിതമാണ് നയിച്ചത്.

ഇതിനിടെ, സ്വാഭാവിക മരണമെന്ന പ്രതീതി ജനിപ്പിച്ച് ശാഖാകുമാരിയെ വകവരുത്താനാണ് ഇലക്ട്രീഷ്യനായ അരുണ്‍ ശ്രമിച്ചത്. ആദ്യവട്ട ശ്രമങ്ങള്‍ പരാജയപ്പെട്ടു. തുടര്‍ന്ന് 2020 ഡിസംബര്‍ 26 ന് ശാഖാകുമാരിയെ കഴുത്തു മുറുക്കി ശ്വാസം മുട്ടിച്ച് അബോധാവസ്ഥയിലാക്കിയശേഷം ഹാളിലെത്തിച്ച് പ്ലഗില്‍ നിന്നും വയര്‍ ഘടിപ്പിച്ച് ഷോക്കടിപ്പിച്ച് കൊലപ്പെടുത്തുകയായിരുന്നു.