Connect with us

More

രാജ്യസ്‌നേഹം അടിച്ചേല്‍പ്പിക്കാനാവില്ല

Published

on

 

ന്യൂഡല്‍ഹി: തിയേറ്ററുകളില്‍ ദേശീയഗാനം നിര്‍ബന്ധമാക്കിയ ഉത്തരവ് പുനഃപരിശോധിക്കുമെന്ന് സുപ്രീംകോടതി. ജനങ്ങള്‍ക്ക് മേല്‍ ദേശീയത അടിച്ചേല്‍പ്പിക്കാനാവില്ലെന്നും ഇപ്പോള്‍ ദേശീയഗാനം ചൊല്ലുമ്പോള്‍ ജനം എഴുന്നേറ്റു നില്‍ക്കുന്നത് ദേശവിരുദ്ധനാകുമോ എന്ന ഭീതിയോടെയാണെന്നും കോടതി നിരീക്ഷിച്ചു. ചീഫ് ജസ്റ്റിസ് ദീപക് മിശ്ര അധ്യക്ഷനും ജസ്റ്റിസുമാരായ എ.എം ഖാന്‍വില്‍കര്‍. ഡി.വൈ ചന്ദ്രചൂഢ് എന്നിവര്‍ അംഗങ്ങളുമായ ബഞ്ചിന്റേതാണ് തീരുമാനം.
രാജ്യത്തെ എല്ലാ സിനിമാ തിയേറ്ററുകളിലും പ്രദര്‍ശനം തുടങ്ങുന്നതിന് മുമ്പ് ദേശീയഗാനാലാപനം നിര്‍ബന്ധമാക്കണമെന്നും ഈ സമയത്ത് എഴുന്നേറ്റ് നില്‍ക്കല്‍ നിര്‍ബന്ധമാക്കണമെന്നും ആവശ്യപ്പെട്ട് ശ്യാം നാരായണ്‍ ചൗക്‌സി എന്നയാള്‍ കഴിഞ്ഞ വര്‍ഷം സമര്‍പ്പിച്ച പൊതുതാല്‍പര്യ ഹര്‍ജി പരിഗണിക്കവെയായിരുന്നു കോടതി പരാമര്‍ശം. ദേശീയ ഗാനാലാപനം നിര്‍ബന്ധമാക്കിയ ഉത്തരവ് റദ്ദാക്കില്ലെന്ന് പറഞ്ഞ കോടതി, അതേസമയം ഇതില്‍ ഭേദഗതി വരുത്തുന്ന കാര്യം പരിഗണിക്കുമെന്ന് വ്യക്തമാക്കി. തിയേറ്ററുകളില്‍ ദേശീയഗാനം ചൊല്ലുമ്പോള്‍ എഴുന്നേറ്റു നില്‍ക്കണമെന്ന വ്യവസ്ഥ ഒഴിവാക്കുന്നതിന് നാഷണല്‍ ഫഌഗ് കോഡില്‍ ഭേദഗതി വരുത്തുന്ന കാര്യം കേന്ദ്ര സര്‍ക്കാര്‍ ആലോചിക്കണമെന്നും കോടതി പറഞ്ഞു. 2018 ജനുവരി ഒമ്പതിന് കേസ് വീണ്ടും പരിഗണിക്കും.
ദേശീയ ഗാനം കേള്‍ക്കുമ്പോള്‍ എഴുന്നേറ്റില്ലെന്ന് കരുതി ഒരാള്‍ക്ക് രാജ്യസ്‌നേഹം കുറവാണെന്ന് ധരിക്കാനാവില്ലെന്ന് കോടതി പറഞ്ഞു. ഇതിന്റെ മറവില്‍ സമൂഹത്തിന്റെ സദാചാര പൊലീസിങും അനുവദിക്കാന്‍ കഴിയില്ല. ദേശീയ ഗാനത്തോട് അനാദരവാകുമെന്ന് പറഞ്ഞ് അടുത്ത തവണ തിയേറ്ററുകളില്‍ ടീ ഷര്‍ട്ടും ഷോര്‍ട്ടും നിരോധിക്കണമെന്ന് സര്‍ക്കാര്‍ പറഞ്ഞാല്‍ അത് എങ്ങനെ അനുവദിക്കാന്‍ കഴിയും. കോടതിയുടെ ചുമലില്‍ കയറിയിരുന്ന് വെടിവെക്കാന്‍ സര്‍ക്കാറിനെ അനുവദിക്കാനാവില്ലെന്നും ചീഫ് ജസ്റ്റിസ് അധ്യക്ഷനായ ബെഞ്ച് വ്യക്തമാക്കി.
2016 ഡിസംബര്‍ ഒന്നിലെ ഉത്തരവില്‍ ദേശീയ ഗാനം നിര്‍ബന്ധമാണെന്ന് പറയുന്ന ഭാഗത്ത് ദേശീയ ഗാനം ആവാം എന്ന രീതിയില്‍ ഭേദഗതി വരുത്തുന്ന കാര്യമാണ് ആലോചിക്കുന്നതെന്ന് കോടതി പറഞ്ഞു. ജനം തിയേറ്ററുകളില്‍ എത്തുന്നത് കലര്‍പ്പില്ലാത്ത ആസ്വാദനത്തിനാണ്. സമൂഹത്തിന് വിനോദം ആവശ്യമാണ്. ഞങ്ങളുടെ(കോടതിയുടെ) ചുമലില്‍ കയിറിയിരുന്ന് വെടിവെക്കാന്‍ നിങ്ങളെ(കേന്ദ്രത്തെ) അനുവദിക്കാനാവില്ല. ദേശീയത തെളിയിക്കാന്‍ ജനം തിയേറ്ററുകളില്‍ എഴുന്നേറ്റ് നില്‍ക്കേണ്ട കാര്യമൊന്നുമില്ല. അനുസരണ ഒന്നും അത് അടിച്ചേല്‍പ്പിക്കുന്നത് മറ്റൊന്നുമാണ്. ദേശീയത കൈമടക്കില്‍ കൊണ്ടുനടക്കണമെന്ന് പൗരന്മാരെ നിര്‍ബന്ധിക്കാനാവില്ല. അതുപോലെത്തന്നെ കോടതി ഉത്തരവിലൂടെ അടിച്ചേല്‍പ്പിക്കാനും കഴിയില്ല- ബെഞ്ച് വ്യക്തമാക്കി.
വൈവിധ്യങ്ങള്‍ നിറഞ്ഞ രാഷ്ട്രമായതു കൊണ്ട്, ഏകതക്കായി സിനിമാ ഹാളുകളില്‍ ദേശീയ ഗാനം വേണമെന്നായിരുന്നു കേന്ദ്ര സര്‍ക്കാറിനു വേണ്ടി ഹാജരായ അറ്റോര്‍ണി ജനറല്‍ കെ.കെ വേണുഗോപാലിന്റെ നിലപാട്. ദേശീയഗാനത്തെയും പതാകയെയും ബഹുമാനിക്കുന്നത് മാതൃരാജ്യത്തോടുള്ള സ്‌നേഹവും ബഹുമാനവും പ്രതിഫലിപ്പിക്കുന്നതാണെന്നും എ.ജി അവകാശപ്പെട്ടു.
നേരത്തെ ശ്യാം നാരായണ്‍ ചൗക്‌സി സമര്‍പ്പിച്ച ഹര്‍ജിയിലാണ് രാജ്യസ്‌നേഹവും ദേശീയതയും വളര്‍ത്തുന്നതിനായി തിയേറ്ററുകളില്‍ ദേശീയഗാനം കോടതി നിര്‍ബന്ധമാക്കിയത്. ദേശീയ ഗാനം ചൊല്ലുമ്പോള്‍ ശാരീരിക അവശതകള്‍ ഇല്ലാത്തവരെല്ലാം എഴുന്നേറ്റു നില്‍ക്കണമെന്നും കോടതി ഉത്തരവിട്ടിരുന്നു. ഇതിനെതിരെ നിരവധി സംഘടനകള്‍ കോടതിയില്‍ അപ്പീല്‍ നല്‍കിയിരുന്നു. എഴുന്നേറ്റ് നില്‍ക്കാന്‍ ശേഷിയില്ലാത്തവരെ മര്‍ദിച്ച സംഭവങ്ങളും ചില തിയേറ്ററുകളില്‍ നിന്ന് റിപ്പോര്‍ട്ട് ചെയ്തിരുന്നു. ഈ സാഹചര്യത്തിലാണ് കോടതിയുടെ ഇടപെടല്‍.

Continue Reading
Advertisement
Click to comment

Leave a Reply

Your email address will not be published. Required fields are marked *

india

ഹോളി കളർ ശരീരത്തിലാക്കാൻ സമ്മതിച്ചില്ല; യുപിയിൽ മുസ്‌ലിമിനെ അടിച്ചുകൊന്ന് ആൾക്കൂട്ടം

രോഷാകുലരായ ജനം തെരുവിലിറങ്ങിയെങ്കിലും ഇതുവരെ ആക്രമികളെ അറസ്റ്റ് ചെയ്തിട്ടില്ല

Published

on

ഉത്തർപ്രദേശിലെ ഉന്നാവിൽ പള്ളിയിലേക്കുള്ള യാത്രയിലാണ് സൗദിയിൽ ഡ്രൈവറായി ജോലി ചെയ്യുന്ന ശരീഫ് (48) കൊല്ലപ്പെട്ടത്. തന്റെ ദേഹത്ത് കളർ ഒഴിക്കാൻ സമ്മതിക്കാതിരുന്ന ശരീഫിനെ ഹോളി ആഘോഷിക്കുന്ന ആൾക്കൂട്ടം ക്രൂരമായി മർദ്ധിക്കുകയായിരുന്നു. ആശുപത്രിയിലെത്തിക്കും മുന്നേ ശരീഫ് മരണപ്പെട്ടിരുന്നു. രോഷാകുലരായ ജനം തെരുവിലിറങ്ങിയെങ്കിലും ഇതുവരെ ആക്രമികളെ അറസ്റ്റ് ചെയ്തിട്ടില്ല.

Continue Reading

kerala

ലഹരിക്കെതിരെ തെരുവുനാടകവുമായി സ്‌കൂള്‍ വിദ്യാര്‍ഥികള്‍

Published

on

ലഹരി ഉപയോഗത്തെ ചെറുക്കുന്നതിനായി ബോധവത്ക്കരണ നാടകവുമായി നിലമ്പൂര്‍ പീവീസ് മോഡല്‍ സ്‌കൂളിലെ വിദ്യാര്‍ത്ഥികള്‍. ലഹരിക്കെതിരെ വ്യത്യസ്ത ബോധവല്‍ക്കരണ പരിപാടിയുമായി എത്തിയിക്കുകയാണ് ഈ കുട്ടികള്‍. ലഹരി ഉപയോഗത്തിനെതിരെ ജാഗ്രതയും, ശ്രദ്ധയും നല്‍കാന്‍ സഞ്ചരിക്കുന്ന തെരുവു നാടക സംഗീത ശില്പമാണ് കുട്ടികള്‍ അവതരിപ്പിക്കുന്നത്.

ആദ്യപ്രദര്‍ശനം മലപ്പുറം കലക്ടറേറ്റില്‍ നടന്നു. ജില്ലാ കലക്ടര്‍ വി.ആര്‍ വിനോദ് ഐ.എ.എസ് ഉദ്ഘാടനം ചെയ്തു. പ്രസ്തുത പരിപാടിയില്‍ പി.വി അബ്ദുവഹാബ് എം.പിയടക്കം പല നേതാക്കളും പങ്കെടുത്തു. മനസ്സുകളെ സ്വാധീനിക്കുന്ന രീതിയിലാണ് കുട്ടികള്‍ ഈ സംഗീത ശില്പം ഒരുക്കിയിരിക്കുന്നത്. ലഹരിക്കെതിരെ ആരെയും കാത്തുനില്‍ക്കാതെ രംഗത്തിറങ്ങേണ്ട കാലമാണിത്. ഈ ദുരന്തത്തില്‍ നിന്ന് നമ്മുടെ നാടിനെ രക്ഷപ്പെടുത്താന്‍ എല്ലാവരും മുന്നിട്ടിറങ്ങണം.

Continue Reading

crime

വീട്ടിൽ എം.ഡി.എം.എ വിൽപന; മൂന്നു പേർ പിടിയിൽ

Published

on

കണ്ണൂർ: വാടകവീട് കേന്ദ്രീകരിച്ചു എം.ഡി.എം.എ വിൽപന നടത്തുന്ന യുവതിയടക്കം മൂന്നുപേർ കണ്ണൂരിൽ പിടിയിൽ. ഉളിക്കൽ നുച്ചിയാട് സ്വദേശി മുബഷീർ (31), കർണാടക സ്വദേശികളായ കോമള (31), അബ്ദുൽ ഹക്കിം (32) എന്നിവരെയാണ് ഉളിക്കൽ പൊലീസും ജില്ല പൊലീസ് മേധാവിയുടെ കീഴിലുള്ള ഡാൻസാഫ് സ്ക്വാഡും ഇരിട്ടി ഡിവൈ.എസ്‌.പിയുടെ കീഴിലുള്ള സ്ക്വാഡും ചേർന്ന് പിടികൂടിയത്.

കഴിഞ്ഞ ദിവസം വൈകീട്ട് ആറോടെയാണ് ഇവർ താമസിക്കുന്ന നുച്ചിയാട് വാടക ക്വോർട്ടേഴ്‌സിൽനിന്ന് മയക്കുമരുന്നുമായി മൂവർ സംഘത്തെ പൊലീസ് പിടികൂടിയത്. ഇവരിൽനിന്ന് അഞ്ച് ഗ്രാം എം.ഡി.എം.എ പിടിച്ചെടുത്തു.

നുച്ചിയാട് ഒരുപാട് കുടുംബങ്ങൾ താമസിക്കുന്ന ക്വോർട്ടേഴ്സ് കോംപ്ലക്സിൽ കുടുംബാംഗങ്ങൾ എന്ന വ്യാജേന താമസിച്ചാണ് ഇവർ മയക്കുമരുന്നു വിൽപന നടത്തിയിരുന്നത്. വീട്ടിലെത്തിയ പൊലീസ് സംഘം ഇവരുടെ മുറിയുടെ വാതിലിൽ മുട്ടിവിളിച്ചെങ്കിലും വാതിൽ തുറക്കാത്തതിനെതുടർന്ന്, പൊളിച്ച് അകത്തുകയറി നടത്തിയ പരിശോധനയിലാണ് എം.ഡി.എം.എ കണ്ടെടുത്തത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.

Continue Reading

Trending