Connect with us

Culture

സൂപ്പര്‍ യംഗ്‌സ്; ഇന്ത്യ അണ്ടര്‍ 17 ടീം ഇറ്റലിയെ കീഴടക്കി

Published

on

ന്യൂഡല്‍ഹി: ഫിഫ അണ്ടര്‍ 17 ലോകകപ്പിനൊരുങ്ങുന്ന ഇന്ത്യന്‍ ഫുട്‌ബോള്‍ ടീമിന് ഇറ്റലിയില്‍ ഉജ്ജ്വല വിജയം. ഫിഫ ലോകകപ്പ് നാല് തവണ ഉയര്‍ത്തിയ പാരമ്പര്യക്കാരായ ഇറ്റലിയില്‍ നിന്നുള്ള യൂത്ത് സംഘത്തെ രണ്ട് ഗോളിനാണ് ഇന്ത്യന്‍ യുവസംഘം പരാജയപ്പെടുത്തിയത്.

ഇന്ത്യ തന്നെ ആതിഥേയത്വം വഹിക്കുന്ന അണ്ടര്‍ 17 ലോകകപ്പിന് മുന്നോടിയായി യൂറോപ്പില്‍ പര്യടനം നടത്തുന്ന ടീമിന്റെ ഏറ്റവും മികച്ച വിജയം കൂടിയാണിത്. സ്‌ട്രൈക്കര്‍മാരായ അഭിജിത് സര്‍ക്കാര്‍, രാഹുല്‍ പ്രവീണ്‍ എന്നിവരുടെ ഗോളുകളാണ് ഇന്ത്യന്‍ വിജയമൊരുക്കിയത്.
പ്രതിരോധത്തിന്റെ ഇറ്റാലിയന്‍ ഫുട്‌ബോള്‍ ഇന്ത്യന്‍ മുന്‍നിരക്കാര്‍ക്ക് പലവട്ടം തടസ്സം സൃഷ്ടിച്ചെങ്കിലും മല്‍സരത്തില്‍ ഇന്ത്യന്‍ കുട്ടികള്‍ക്കായിരുന്നു വ്യക്തമായ ആധിപത്യം. എട്ടാം മിനുട്ടില്‍ തന്നെ കോമള്‍ തട്ടാലിന്റെ ഉജ്ജ്വല കിക്ക് ക്രോസ് ബാറിന് തൊട്ടുരുമ്മിയാണ് പുറത്ത് പോയത്. പതിമൂന്നാം മിനുട്ടില്‍ അനികേതിന്റെ സുന്ദരമായ നീക്കം പെനാല്‍ട്ടി ബോക്‌സ് വരെയെത്തി. പക്ഷേ ഷോട്ട് ദുര്‍ബലമായപ്പോള്‍ ഇറ്റാലിയന്‍ ഗോള്‍ക്കീപ്പര്‍ ടീമിന്റെ രക്ഷകനായി.
മുപ്പത്തിയൊന്നാം മിനുട്ടിലായിരുന്നു ഇന്ത്യയുടെ ആധിപത്ത്യത്തിന് ഗോള്‍ സാക്ഷിയായത്. കോമള്‍ തുടക്കമിട്ട നീക്കത്തില്‍ നിന്നും പന്ത് ലഭിച്ച അഭിജിത് സര്‍ക്കാര്‍ പായിച്ച ഷോട്ട് ഇറ്റാലിയന്‍ ഡിഫന്‍ഡറുടെ കാലില്‍ തട്ടി വലയില്‍ കയറി.ഇന്ത്യന്‍ ലീഡില്‍ അവസാനിച്ച ഒന്നാം പകുതിക്ക് ശേഷവും സന്ദര്‍ശക താരങ്ങളാണ് ഉജ്ജ്വലമായി കളിച്ചത്. അമ്പത്തിയൊമ്പതാം മിനുട്ടില്‍ മൂന്ന് ഡിഫന്‍ഡര്‍മാരെ മറികടന്ന അനികേത് പക്ഷേ ഗോള്‍ക്കീപ്പറെ കബളിപ്പിക്കുന്നതില്‍ പരാജയപ്പെട്ടു.
എഴുപത്തിയഞ്ചാം മിനുട്ടില്‍ അനികേതിന്റെ തകര്‍പ്പന്‍ ക്രോസ് ഉപയോഗപ്പെടുത്താന്‍ രാഹുലിന് കഴിഞ്ഞില്ല. പക്ഷേ അഞ്ച് മിനുട്ട് കഴിഞ്ഞ് രാഹുല്‍ തന്നെ തന്റെ പിഴവുകള്‍ക്ക് പരിഹാരമിട്ടപ്പോള്‍ ഇറ്റാലിയന്‍ വലയില്‍ വീണ്ടും ഗോള്‍.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

ബോളിവുഡില്‍ ബേബി ജോണിന് പകരം മാര്‍ക്കോ പ്രദര്‍ശിപ്പിച്ച് തിയേറ്ററുകള്‍

വരുണ്‍ ധവാന്‍ ചിത്രം മോശം പ്രകടനം കാഴ്ചവെക്കുന്നു എന്നതിന്റെ അടിസ്ഥാനത്തിലാണ് തിയറ്ററുകളുടെ തീരുമാനമെന്നാണ് ടൈംസ് ഓഫ് ഇന്ത്യ റിപ്പോര്‍ട്ട്.

Published

on

വരുണ്‍ ധവാന്‍ നായകനായെത്തിയ ബേബി ജോണിന് പകരം ഉണ്ണി മുകുന്ദന്‍ ചിത്രം മാര്‍ക്കോ പ്രദര്‍ശിപ്പിച്ച് തിയേറ്ററുകള്‍. ടൈംസ് ഓഫ് ഇന്ത്യ ഉള്‍പ്പെടെയുള്ള ദേശീയ മാധ്യമങ്ങളാണ് വാര്‍ത്ത റിപ്പോര്‍ട്ട് ചെയ്യുന്നത്. വരുണ്‍ ധവാന്‍ ചിത്രം മോശം പ്രകടനം കാഴ്ചവെക്കുന്നു എന്നതിന്റെ അടിസ്ഥാനത്തിലാണ് തിയറ്ററുകളുടെ തീരുമാനമെന്നാണ് ടൈംസ് ഓഫ് ഇന്ത്യ റിപ്പോര്‍ട്ട്.

ചുരുക്കം തിയേറ്ററുകളില്‍ മാത്രമായിരുന്നു മാര്‍ക്കോയുടെ ഹിന്ദി പതിപ്പ് റിലീസായത്. എന്നാല്‍ പ്രേക്ഷകരുടെ പ്രതികരണത്തെ തുടര്‍ന്ന് രണ്ടാം വാരത്തില്‍ കൂടുതല്‍ തിയേറ്ററുകളില്‍ പ്രദര്‍ശനം വ്യാപിപ്പിക്കുകയായരുന്നു.

വരുണ്‍ ധവാന്‍ ചിത്രമായ ബേബി ജോണ്‍ ബോക്‌സ് ഓഫീസ് കളക്ഷനില്‍ ഏറെ പിന്നോട്ട് പോകുന്നുവെന്ന റിപ്പോര്‍ട്ടുകളാണ് പുറത്ത് വരുന്നത്. ആദ്യവാരം അവസാനിച്ചപ്പോള്‍ ഇന്ത്യയില്‍ 27.6 കോടി രൂപയാണ് ‘മാര്‍ക്കോ’ നേടിയത്. 8ാം ദിവസം 2.3 കോടിയും 9ാം ദിവസം 2.70 കോടിയും നേടിയതോടെ ചിത്രത്തിന്റെ രണ്ടാം ആഴ്ചയില്‍ വരുമാനംകുതിച്ചു, മൊത്തം കളക്ഷന്‍ ഏകദേശം 32.60 കോടി രൂപയായി.

Continue Reading

international

ദക്ഷിണ കൊറിയയിലെ വിമാനാപകടത്തില്‍ മാപ്പ് പറഞ്ഞ് വിമാനകമ്പനി

സൈന്യവുമായി സഹകരിച്ചുള്ള അടിയന്തര രക്ഷാപ്രവര്‍ത്തനം മാത്രമാണ് ജെജു എയര്‍ നടത്തുന്നതെന്നും കമ്പനി അറിയിച്ചു

Published

on

ദക്ഷിണ കൊറിയയില്‍ വിമാനം അപകടത്തില്‍പെട്ട സംഭവത്തില്‍ പൊതുമാപ്പ് പറഞ്ഞ് വിമാനകമ്പനിയായ ജെജു എയര്‍. നിര്‍ഭാഗ്യകരമായ സംഭവത്തില്‍ ഖേദം പ്രകടിപ്പിച്ചു കൊണ്ടാണ് ജെജു എയര്‍ വാര്‍ത്താകുറിപ്പ് ഇറക്കിയത്. അപകടത്തില്‍ സാധ്യമായതെന്തും ചെയ്യും. ദാരണുമായ സംഭവത്തില്‍ അഗാധമായ ദുഃഖം രേഖപ്പെടുത്തുന്നുവെന്നും എയര്‍ലൈന്‍സ് അധികൃതര്‍ വ്യക്തമാക്കി.

അപകടത്തിനു പിന്നാലെ ജെജു എയര്‍ വെബ്‌സൈറ്റില്‍ പൊതുമാപ്പ് നോട്ടിസ് പ്രസിദ്ധീകരിച്ചിരുന്നു. ദുഃഖംപ്രകടിപ്പിച്ച് കൊണ്ട് എയര്‍ലൈന്‍സിന്റെ ഔദ്യോഗിക വെബ്‌സൈറ്റ് മിനിമല്‍ ഡിസൈനിലേക്ക് മാറി. അപകടത്തില്‍പെട്ടവരുടെ കുടുംബങ്ങളെ സഹായിക്കാന്‍ പ്രത്യേക സംഘത്തെ നിയോഗിച്ചിട്ടുണ്ട്.

സൈന്യവുമായി സഹകരിച്ചുള്ള അടിയന്തര രക്ഷാപ്രവര്‍ത്തനം മാത്രമാണ് ജെജു എയര്‍ നടത്തുന്നതെന്നും കമ്പനി അറിയിച്ചു. 181 പേരുമായി പറന്ന വിമാനം ലാന്‍ഡിങ്ങിനിടെ ആയിരുന്നു പൊട്ടിത്തെറിച്ചത്.

Continue Reading

india

പുതുവർഷത്തിൽ മാഹിയിൽ ഇന്ധനവില ഉയരും

പുതുച്ചേരി സർക്കാർ നികുതി വർധിപ്പിച്ചതിനെ തുടർന്നാണ് ഇന്ധന വില ഉയരുന്നത്.

Published

on

പുതുച്ചേരി സംസ്ഥാനത്ത് മാഹിയുൾപ്പെടെയുള്ള മേഖലകളിൽ ജനുവരി ഒന്ന് മുതൽ ഇന്ധന വില നേരിയ തോതിൽ വർധിക്കും. പുതുച്ചേരി സർക്കാർ നികുതി വർധിപ്പിച്ചതിനെ തുടർന്നാണ് ഇന്ധന വില ഉയരുന്നത്.

നിലവിൽ പെട്രോളിന് മാഹിയിൽ 13.32 ശതമാനമുള്ള നികുതി 15.74 ശതമാനമായും, ഡീസലിന് 6.91 എന്നത് 9.52 ആയുമാണ് വർധിപ്പിക്കുന്നത്. ഇതോടെ പെട്രോളിന്‍റെയും ഡീസലിന്‍റെയും വില ലിറ്ററിന് മൂന്നര രൂപയിലേറെ വർധിക്കുമെന്നാണ് കരുതുന്നത്.

നിലവിൽ മാഹിയിലെ വില പെട്രോളിന് ലിറ്ററിന് 91.92 രൂപയും, ഡീസലിന് 81.90 രൂപയുമാണ്. കേരളത്തിലാകട്ടെ പെട്രോളിന് 105.89 രൂപയും ഡീസലിന് 94.91 രൂപയുമാണ്. മാഹിയിലെ ഇന്ധന വിലയുമായി നിലവിൽ 13 രൂപയുടെ വ്യത്യാസമുണ്ട്. വിലക്കുറവുള്ളതിനാൽ മാഹിയിലെ പെട്രോൾ പമ്പുകളിൽ വൻ തിരക്കാണനുഭവപ്പെടാറ്. മാഹിയിൽ വില കൂടുന്നതോടെ കേരളത്തിലെ വിലയുമായുള്ള വ്യത്യാസത്തിൽ നേരിയ കുറവ് വരും.

Continue Reading

Trending