ഓണ്‍ലൈന്‍ ലോണ്‍ ആപ്പുകള്‍ നിയന്ത്രിക്കാന്‍ പ്രത്യേകം നിയമം കൊണ്ടുവരുമെന്ന് കേന്ദ്ര ഐടി സഹ മന്ത്രി രാജീവ് ചന്ദ്രശേഖര്‍. ആറുമാസം മുന്‍പ് ലോണ്‍ ആപ്പുകള്‍ നിയന്ത്രിക്കാന്‍ ആപ്പിള്‍ സ്റ്റോറിനും പ്ലേസ്റ്റോറിനും നിര്‍ദ്ദേശം നല്‍കിയതായി അദ്ദേഹം പറഞ്ഞു.
കഴിഞ്ഞദിവസം ലോണ്‍ ആപ്പുകളുടെ കടുത്ത പീഡനം മൂലം എറണാകുളം കടമക്കുടിയില്‍ രണ്ടു കുട്ടികള്‍ അടക്കം ഒരു കുടുംബം ആത്മഹത്യ ചെയ്തിരുന്നു. ഇത് ഏറെ ഗൗരവമുള്ളതാണെന്നും മന്ത്രി പറഞ്ഞു. മരിച്ച പെണ്‍കുട്ടിയുടെ ചിത്രം മോര്‍ഫ് ചെയ്ത് അശ്ലീല ഫോട്ടോകള്‍ അയച്ചാണ് ഭീഷണി തുടരുന്നത്.