അനധികൃത സ്വത്ത് സമ്പാദനവുമായി ബന്ധപ്പെട്ട കേസില്‍ മുഖ്യമന്ത്രിയുടെ ചീഫ് പ്രിന്‍സിപ്പല്‍ സെക്രട്ടറി കെ.എം എബ്രാഹിമിനെതിരെ സിബിഐ അന്വേഷണം. അനധികൃത സ്വത്ത് സമ്പാദനവുമായി ബന്ധപ്പെട്ട ഹരജിയില്‍ ഹൈക്കോടതിയുടേതാണ് ഉത്തരവ്. കൊച്ചി യൂണിറ്റ് അന്വേഷിക്കും. ജോമോന്‍ പുത്തന്‍ പുരക്കല്‍ നല്‍കിയ ഹരജിയിലാണ് മുന്‍ ചീഫ് സെക്രട്ടറിക്കെതിരെ നടപടിയെടുത്തത്.

നിലവില്‍ മുഖ്യമന്ത്രിയുടെ ചീഫ് പ്രിന്‍സിപ്പല്‍ സെക്രട്ടറിയും കിഫ്ബി സിഇഒയുമാണ് എബ്രഹാം.

കായംകുളം: കേരള യൂണിവേഴ്സിറ്റിയുടെ ചരിത്രത്തിലാദ്യമായി എം.എസ്.എഫിനു സെനറ്റ് മെമ്പര്‍ സ്ഥാനം. കായംകുളം എം.എസ്.എം കോളജില്‍ ബി. എസ്സി മാത്സ് ഒന്നാം വര്‍ഷ വിദ്യാര്‍ത്ഥിനി ജാസ്മിനാണ് തിരഞ്ഞെടുക്കപ്പെട്ടത്.

വിജയാഹ്ലാദ പ്രകടനത്തില്‍ സംസ്ഥാന പ്രസിഡന്റ് പി.കെ നവാസ്, ജനറല്‍ സെക്രട്ടറി സി.കെ നജാഫ്, വൈസ് പ്രസിഡന്റ് നൗഫല്‍, യൂത്ത് ലീഗ് ആലപ്പുഴ ജില്ലാ വൈസ് പ്രസിഡന്റ് ഹിജാസ് ലിയാക്കത്ത്, ഇര്‍ഫാന്‍ ഐക്കര, ബാദുഷ ബഷീര്‍, ഉനൈസ് ഐക്കര, ഷംസീന, ജനറല്‍ സെക്രട്ടറി സുമയ്യ, അന്‍ഷാദ് കരുവില്‍ പീടിക എന്നിവര്‍ പങ്കെടുത്തു.

സംസ്ഥാനത്ത് സ്വര്‍ണവിലയില്‍ വീണ്ടും വന്‍ വര്‍ധന. 185 രൂപ വര്‍ധിച്ച് ഒരു ഗ്രാം സ്വര്‍ണത്തിന് 8745 ആയി വില ഉയര്‍ന്നു. പവന് 1480 രൂപ വര്‍ധിച്ച് ഒരു പവന് 69,960 രൂപയായി. റെക്കോഡ് വില വര്‍ധനയാണ് സ്വര്‍ണത്തിന് ഉണ്ടായത്.

വ്യാഴാഴ്ച്ച ലോകവിപണിയില്‍ മൂന്ന് ശതമാനത്തിലേറെ നേട്ടം സ്വര്‍ണത്തിനുണ്ടായി. സ്‌പോട്ട്‌ഗോള്‍ഡിന്റെ വില അന്താരാഷ്ട്ര വിപണിയില്‍ 26.54 ഡോളര്‍ ഉയര്‍ന്ന് 3,215.08 ഡോളറിലെത്തി. യു.എസില്‍ സ്വര്‍ണത്തിന്റെ ഭാവി വിലയും ഉയര്‍ന്നിട്ടുണ്ട്. 3.2 ശതമാനം നേട്ടമാണ് സ്വര്‍ണത്തിന്റെ ഭാവി വിലകളില്‍ ഉണ്ടായത്. 3.2 ശതമാനം നേട്ടത്തോടെ 3,177.5 ഡോളറിലാണ് സ്വര്‍ണത്തിന്റെ വ്യാപാരം പുരോഗമിക്കുന്നത്. ഡോളര്‍ ഇന്‍ഡക്‌സിലും ഇടിവ് രേഖപ്പെടുത്തുകയാണ്.