Connect with us

gulf

ഗസൽ വിരുന്നൊരുക്കാൻ റാസ ബീഗം ആദ്യമായി ദമ്മാമിലെത്തുന്നു

സൗദി ഗവൺമെന്റിന്റെ അനുമതിയോടെ ഒരുക്കുന്ന പരിപാടിയിൽ റാസ ബീഗം ബാൻഡിന്റെ മുഴുവൻ കലാകാരന്മാരുടെയും സാന്നിധ്യം ലൈവ് ഗസൽ സന്ധ്യക്ക് കൂടുതൽ മിഴിവേകും.

Published

on

ദമ്മാം: ആഗോള സംഘടനയായ world Malayalee council ന്റെ അൽ ഖോബാർ പ്രൊവിയൻസിന്റെ ആഭിമുഖ്യത്തിൽ 07/06/2024 വെള്ളിയാഴ്ച കോബാർ ഹോളിഡേ ഇൻ ഹോട്ടലിൽ വെച്ച് വൈകിട്ട് 7 മണിക്ക് “മമ കിനാക്കൾ കോർത്ത് കോർത്ത്” എന്ന നാമകരണത്തിൽ മലയാളത്തിലെ പ്രമുഖ ഗസൽ ജോഡികളായ റാസ ബീഗത്തിന്റെ സസൽ വിരുന്ന് സംഘടിപ്പിക്കുന്നു.

സൗദി ഗവൺമെന്റിന്റെ അനുമതിയോടെ ഒരുക്കുന്ന പരിപാടിയിൽ റാസ ബീഗം ബാൻഡിന്റെ മുഴുവൻ കലാകാരന്മാരുടെയും സാന്നിധ്യം ലൈവ് ഗസൽ സന്ധ്യക്ക് കൂടുതൽ മിഴിവേകും.

പ്രശസ്ത പിന്നണി ഗായകൻ ഷഹബാസ് അമനെ ദമ്മാമിന്റെ സംഗീതാസ്വാദർക്ക് പരിചയപ്പെടുത്തിയ ആത്മവിശ്വസത്തിന്റെ ബലത്തിലാണ് WMC ഇത്തവണയും മറ്റൊരു ഗസലുമായി എത്തുന്നത്,

പ്രണയവും വിരഹവും ഒത്തിണങ്ങുന്ന വേറിട്ട സംഗീത വിരുന്നാസ്വദിക്കാൻ എല്ലാ സംഗീതാസ്വകരെയും സ്നേഹപ്പൂർവ്വം ക്ഷണിക്കുന്നതായി സംഘാടകർ അറിയിച്ചു . പരിപാടിക്ക് പങ്കെടുക്കാനുള്ള എൻട്രി കരസ്ഥമാക്കാൻ +966 59 800 9536 , +966 55 830 1341 എന്നീ നമ്പറുകളിൽ ബന്ധപ്പെട്ട് സീറ്റുകൾ ഉറപ്പാക്കാനും സംഗീതാസ്വാദകരെ ഓർമ്മിപ്പിച്ചു.

പ്രസിഡണ്ട് ഷമീം കാട്ടാക്കട , ജനറൽ സിക്രട്ടറി ദിനേശ് , ട്രഷറർ അജിം ജലാലുദ്ദീൻ , ചെയർമാൻ അഷറഫ് ആലുവ, മുഖ്യ രക്ഷാധികാരി മൂസക്കോയ , വനിതാ വിഭാഗം പ്രസിഡണ്ട് ഷംല നജീബ് , വനിതാ വിഭാഗം സിക്രട്ടറി അനു ദിലീപ് , കൺവീനർ നിഷാദ് കുറ്റ്യാടി എന്നിവർ പത്ര സമ്മേളനത്തിൽ പങ്കെടുത്തു.

gulf

ഒമാനിൽ റമദാനിലെ പ്രവൃത്തി സമയം പ്രഖ്യാപിച്ചു

ഗവൺമെന്റ് ജീവനക്കാരുടെ ഔദ്യോഗിക പ്രവൃത്തി സമയം രാവിലെ 9 മുതൽ ഉച്ചയ്ക്ക് 2 വരെ തുടർച്ചയായി 5 മണിക്കൂറായിരിക്കും.

Published

on

ഒമാനിൽ റമദാനിലെ പ്രവൃത്തി സമയം പ്രഖ്യാപിച്ചു. സ്വകാര്യ മേഖലാ മുസ്‌ലിം ജീവനക്കാരുടെ പ്രവൃത്തി സമയം പ്രതിദിനം 6 മണിക്കൂറായിരിക്കും. ആഴ്ചയിൽ 30 മണിക്കൂറിൽ കൂടരുത്. സ്വകാര്യ മേഖലയിലെ സ്ഥാപനങ്ങൾ സാധ്യമാകുന്നിടത്ത് ഫ്‌ളക്‌സിബിൾ പ്രവർത്തന ക്രമീകരണങ്ങളും വിദൂര ജോലിയും സ്വീകരിക്കാൻ മന്ത്രാലയം പ്രോത്സാഹിപ്പിച്ചു.

അതേസമയം, ഗവൺമെന്റ് ജീവനക്കാരുടെ ഔദ്യോഗിക പ്രവൃത്തി സമയം രാവിലെ 9 മുതൽ ഉച്ചയ്ക്ക് 2 വരെ തുടർച്ചയായി 5 മണിക്കൂറായിരിക്കും.

യൂണിറ്റ് മേധാവികൾക്ക് സൗകര്യമുള്ള പ്രവൃത്തി സമയ സംവിധാനം നടപ്പാക്കാൻ അധികാരമുണ്ട്, ഇത് ജീവനക്കാർക്ക് രാവിലെ 7 മുതൽ ഉച്ചകഴിഞ്ഞ് 3 വരെ അവരുടെ വരവ്, പുറപ്പെടൽ സമയം ക്രമീകരിക്കാൻ അനുവദിക്കുന്നു. ഇത് ഷെഡ്യൂൾ ചെയ്ത മൊത്തം പ്രവൃത്തി സമയത്തിനും യൂണിറ്റിന്റെ പ്രവർത്തന ആവശ്യങ്ങൾക്കും അനുസൃതമായിരിക്കണം.

വിദൂര ജോലി സാധ്യമാകുന്ന ചില തസ്തികകളിൽ, യൂണിറ്റ് മേധാവിയുടെ അംഗീകാരത്തോടെ വിദൂര ജോലി സംവിധാനവും നടപ്പാക്കും. എന്നാൽ കാര്യക്ഷമമായ സേവന വിതരണം ഉറപ്പാക്കാൻ, ഏതൊരു യൂണിറ്റിലെയും 50 ശതമാനത്തിൽ കുറയാത്ത ജീവനക്കാരുടെ സാന്നിധ്യം ജോലിസ്ഥലത്ത് ആവശ്യമാണ്.

റമദാനിലെ ആത്മീയവും മതപരവുമായ ആചാരങ്ങൾ ഉൾക്കൊള്ളുന്നതിനൊപ്പം സന്തുലിതമായ തൊഴിൽ അന്തരീക്ഷം നിലനിർത്തുക എന്നതാണ് ഈ ക്രമീകരണം ലക്ഷ്യമിടുന്നത്.

Continue Reading

gulf

ജിദ്ദ വള്ളിക്കുന്ന് മണ്ഡലം കെഎംസിസി സ്മൃതിപഥം ക്യാമ്പ് സംഘടിപ്പിച്ചു

ഉത്തമ നേതൃത്വത്തിന്റെ സ്വാധീനം എന്ന വിഷയത്തിൽ മുസ്‌ലിം ലീഗ് സംസ്ഥാന സെക്രട്ടറി പി.എം സാദിഖലി മുഖ്യ പ്രഭാഷണം നടത്തി.

Published

on

ജിദ്ദ വള്ളിക്കുന്ന് മണ്ഡലം കെഎംസിസി സ്മൃതി പഥം ഏകദിന പഠന ക്യാമ്പ് സംഘടിപ്പിച്ചു. രാഷ്ട്രീയ ചരിത്ര പഠനം, നേതൃത്വ പരിശീലനം, പ്രവാസിയുടെ സാമ്പത്തിക രംഗം, ആരോഗ്യം തുടങ്ങി വിവധ സെഷനുകൾ നടന്നു. ഉത്തമ നേതൃത്വത്തിന്റെ സ്വാധീനം എന്ന വിഷയത്തിൽ മുസ്‌ലിം ലീഗ് സംസ്ഥാന സെക്രട്ടറി പി.എം സാദിഖലി മുഖ്യ പ്രഭാഷണം നടത്തി.

സാമ്പത്തിക ആരോഗ്യ സെഷനിൽ ട്രൈനർ എം.എം ഇർഷാദ് ആലപ്പുഴ വിഷയമവതരിപ്പിച്ചു. വിവിധ വിഷയങ്ങളിൽ നടന്ന ചർച്ച കെഎംസിസി സെൻട്രൽ കമ്മറ്റി സെക്രട്ടറി ഇസ്ഹാഖ് പൂണ്ടോളി നിയന്ത്രിച്ചു.

സമാപന പൊതുസമ്മേളനം ജിദ്ദ കെഎംസിസി സെൻട്രൽ കമ്മിറ്റി പ്രസിഡന്റ് അരിമ്പ്ര അബൂബക്കർ ഉദ്ഘാടനം ചെയ്തു. ജൈസൽ സാദിഖ് കുന്നേക്കാടൻ അധ്യക്ഷത വഹിച്ചു.

കെ കെ മുഹമ്മദ്, വി.പി അബ്ദുറഹിമാൻ, ഗഫൂർ അൽ ഹാസ്മി, ജലാൽ തേഞ്ഞിപ്പലം, നാണി ഇസ്ഹാഖ്, സിറാജ് തേഞ്ഞിപ്പലം, മുസ്തഫ പാലക്കൽ, മുംതാസ് ടീച്ചർ, സാജിദ് മൂന്നിയൂർ, മുഹമ്മദ് കുമ്മാളി, റിയാസ്, കെ.വി ജംഷീർ കെ പാറക്കടവ്, ജലാൽ തേഞ്ഞിപ്പലം, അൻവർ ചെമ്പൻ, ഷറഫുദീൻ, മജീദ് കള്ളിയിൽ, ഉനൈസ് കരുമ്പിൽ, ജാഫർ വെന്നിയൂർ, എം എം കോയ മൂന്നിയൂർ, ഗഫൂർ ചേലേമ്പ്ര, നാസർ മമ്പുറം എന്നിവർ സംസാരിച്ചു. ജനറൽ സെക്രട്ടറി ഷമീം അലി കൊടക്കാട് സ്വാഗതവും അൻവർ ചെമ്പൻ നന്ദിയുംപറഞ്ഞു.

Continue Reading

gulf

സഊദിയില്‍ വാഹനാപകടം; മലയാളി യുവാവടക്കം രണ്ടുമരണം, രണ്ടുപേര്‍ക്ക് പരിക്ക്

.കായംകുളം ചേരാവള്ളി സെറീന മന്‍സിലില്‍ ആഷിഖ് അലി (29) ആണ് മരിച്ചമലയാളി

Published

on

അശ്റഫ് ആളത്ത്

ദമ്മാം: സഊദി അറേബ്യയിലെ അല്‍ അഹ്‌സയിലുണ്ടായ വാഹനാപകടത്തില്‍ മലയാളി യുവാവടക്കം രണ്ടുപേര്‍ മരണപ്പെട്ടു.രണ്ടുപേര്‍ക്ക് പരിക്കേറ്റു.കായംകുളം ചേരാവള്ളി സെറീന മന്‍സിലില്‍ ആഷിഖ് അലി (29) ആണ് മരിച്ചമലയാളി.മരണപ്പെട്ട രണ്ടാമന്‍ സഊദി പൗരനാണ്.
ആഷിഖിന്റെ കൂടെ യാത്രചെയ്തിരുന്ന സപ്രവര്‍ത്തകരായ രണ്ടു ബംഗ്ലാദേശികള്‍ക്ക് പരിക്കേറ്റു.ഇവരില്‍ ഒരാളുടെ നില ഗുരുതരമാണ്.
ശനിയാഴ്ച വൈകീട്ട് ദമ്മാം -ഹഫൂഫ് റോഡിലെ ഫദീലയില്‍ വെച്ചായിരുന്നു അപകടം.ആഷിഖ് അലി തല്‍ക്ഷണം മരിച്ചു.സാരമായി പരിക്കേറ്റ സഊദി പൗരനെ ഉടനെ ആസ്പത്രിയില്‍ എത്തിച്ചെങ്കിളിലും രക്ഷിക്കാനായില്ല.

എതിര്‍ദിശകളില്‍നിന്ന് വന്ന വാഹനങ്ങള്‍ പരസ്പരം കൂട്ടിയിടിച്ചതായാണ് പ്രാഥമിക വിവരം. ട്രാന്‍സ്‌പോര്‍ട്ടേഷന്‍ കമ്പനി ജീവനക്കാരനായിരുന്ന ആഷിഖ്അലി ഏഴുമാസം മുമ്പാണ് വിവാഹം കഴിഞ് സഊദിയില്‍ എത്തിയത്. കായംകുളം ചേരാവള്ളി സെറീന മന്‍സിലില്‍ അലിയാരുകുഞ്ഞ്-ആമിന ദമ്പതികളുടെ മകനാണ്.ഹാഷ്മിയാണ് ഭാര്യ. ഡോ. അഹ് ന അലി ഏക സഹോദരി. അല്‍ അഹ്സ കിങ് ഫഹദ് ആസ്പത്രി മോര്‍ച്ചറിയില്‍ സൂക്ഷിച്ചിരിക്കുന്ന മയ്യിത്ത് നാട്ടിലേക്ക് കൊണ്ടുപോകുമെന്ന് സാമൂഹ്യപ്രവര്‍ത്തകന്‍ നാസര്‍ മദനി അറിയിച്ചു.

Continue Reading

Trending