മുംബൈയില്‍ നാവിക സേനയുടെ സ്പീഡ് ബോട്ട് യാത്രാ ബോട്ടില്‍ ഇടിച്ചുണ്ടായ അപകടത്തില്‍ കാണാതായ ഒരാളുടെ മൃതദേഹം കണ്ടെത്തി. 43 വയസ്സ് പ്രായം വരുന്ന പുരുഷന്റെ മൃതദേഹമാണ് കണ്ടെത്തിയത്. ബോട്ടിന് സമീപത്തു നിന്നുമാണ് മൃതദേഹം കണ്ടെത്തിയത്. ഇതോടെ അപകടത്തില്‍ മരിച്ചവരുടെ എണ്ണം 14 ആയി.

അതേസമയം കാണാതായ ഏഴ് വയസുകാരനുവേണ്ടിയുള്ള തിരച്ചില്‍ തുടരുകയാണെന്ന് പൊലീസ് ഉദ്യോഗസ്ഥര്‍ അറിയിച്ചു. കാണാതായവരെ കണ്ടെത്തുന്നതിനായി നാവികസേനയുടെ ഹെലികോപ്റ്ററും നാവികസേനയുടെയും കോസ്റ്റ് ഗാര്‍ഡിന്റെയും ബോട്ടുകളും വിന്യസിച്ചിട്ടുണ്ട്.

മുംബൈയിലെ ഗേറ്റ് വേ ഓഫ് ഇന്ത്യയില്‍ നിന്ന് എലഫന്റ് ദ്വീപിലേക്ക് സഞ്ചരിച്ച നീല്‍ കമല്‍ എന്ന ബോട്ടാണ് നാവിക സേനയുടെ സ്പീഡ് ബോട്ടട്ടിടിച്ച് മറിഞ്ഞത്. 10 യാത്രക്കാരുടെയും മൂന്ന് നാവിക ഉദ്യോഗസ്ഥരുടെയും മൃതദേഹം നേരത്തെ കണ്ടെത്തിയിരുന്നു.

80 പേര്‍ക്ക് യാത്ര ചെയ്യാവുന്ന ബോട്ടില്‍ അഞ്ചു ജീവനക്കാര്‍ ഉള്‍പ്പെടെ 110ലേറെ പേരാണ് യാത്ര ചെയ്തത്.

സേലത്തെ വൈദ്യുത നിലയത്തില്‍ തീപിടിച്ച് അപകടം. രണ്ട് കരാര്‍ ജീവനക്കാര്‍ മരിച്ചു. വെങ്കിടേശന്‍, പളനിസ്വാമി എന്നിവരാണ് മരിച്ചത്. 3 പേരെ പരുക്കുകളോടെ രക്ഷപ്പെടുത്തി.

രണ്ടു ജീവനക്കാര്‍ വൈദ്യുത നിലയത്തില്‍ കുടുങ്ങി കിടക്കുന്നതായി സംശയം. ഫയര്‍ഫോഴ്സും പൊലീസും സ്ഥലത്തെത്തി രക്ഷാപ്രവര്‍ത്തനം ഊര്‍ജ്ജിതമാക്കി.

സന്താല്‍ പര്‍ഗാന തണുപ്പിനെ തുടര്‍ന്ന് വിവാഹച്ചടങ്ങിനിടെ വരന്‍ ബോധംകെട്ടുവീണതിനെ തുടര്‍ന്ന് വധു വിവാഹത്തില്‍ നിന്ന് പിന്മാറി.

ഘോര്‍മാരയില്‍ നിന്നുള്ള അര്‍ണവ് കുമാര്‍ (28) ഞായറാഴ്ച രാത്രി ഒരു തുറന്ന മണ്ഡപത്തില്‍ തണുത്ത കാറ്റ് വീശുന്നതിനെക്കുറിച്ച് പരാതിപ്പെടുകയായിരുന്നു, 8 ഡിഗ്രി സെല്‍ഷ്യസിനു മുകളിലാണ്. ശീതകാല തണുപ്പും പകല്‍ മുഴുവന്‍ നീണ്ടുനില്‍ക്കുന്ന ഉപവാസവും കാരണമാണ് വരന്‍ ബോധംകെട്ടു വീണതെന്ന് പരിശോധിച്ച ഡോക്ടര്‍മാര്‍ പറഞ്ഞു.

ബീഹാറിലെ ഭഗല്‍പൂര്‍ ജില്ലയില വധുവായ അങ്കിത, ആരോഗ്യപ്രശ്‌നങ്ങളുടെ ലക്ഷണമാണെന്ന് പറഞ്ഞ് വിവാഹത്തില്‍ നിന്ന് പിന്മാറുകയായിരുന്നു.

പരമ്പരാഗത ഉത്സവ ആവേശത്തില്‍ വധുവിന്റെ കുടുംബം എത്തിയിരുന്നു. ‘വര്‍ മാല’ (മാല കൈമാറ്റം) ഉള്‍പ്പെടെയുള്ള പ്രാരംഭ ചടങ്ങുകള്‍ പ്രശ്നങ്ങളൊന്നുമില്ലാതെ നടന്നു.

‘രണ്ടു കുടുംബങ്ങളിലെയും അതിഥികള്‍ വര്‍മ്മ ചടങ്ങിന് ശേഷം അത്താഴം കഴിച്ചു, ദമ്പതികള്‍ തുറന്ന മണ്ഡപത്തില്‍ തുടര്‍ന്നു,’ സുഖരി മണ്ഡല് ബാങ്ക്വറ്റ് ഹാളിലെ ഒരു ജീവനക്കാരന്‍ പറഞ്ഞു. പുരോഹിതന്‍ ഫെറസിന് മുമ്പായി വിവാഹ മന്ത്രങ്ങള്‍ ചൊല്ലാന്‍ തുടങ്ങിയപ്പോള്‍ അര്‍ണവ് വിറയ്ക്കുകയും ബോധം നഷ്ടപ്പെടുകയും ചെയ്തതോടെ സ്ഥിതിഗതികള്‍ നാടകീയമായി മാറി.
പിന്നീട്, ഒരു പ്രാദേശിക ഡോക്ടര്‍ വരനെ പരിശോധിച്ചു. പക്ഷേ അങ്കിത വിവാഹത്തെ എതിര്‍ത്ത് വിശുദ്ധ അള്‍ത്താരയില്‍ നിന്ന് ഇറങ്ങിപ്പോകുകയായിരുന്നു.