GULF
റഹീമിന്റെ മോചനം; രണ്ടു ദിവസത്തിനുള്ളില് തുക കൈമാറും, ഇനി ഫണ്ടുകള് സ്വീകരിക്കില്ല
റഹീം നാട്ടില് എത്തുന്നതുവരെ ട്രസ്റ്റ് നിലനിര്ത്തും നിയമോപദേശം തേടിയശേഷമായിരിക്കും ബാക്കി കാര്യങ്ങള് തീരുമാനിക്കുന്നത്.

സഊദിയിലെ ജയിലില് കഴിയുന്ന ഫറോക്ക് സ്വദേശി അബ്ദുല് റഹീമിനെ മോചിപ്പിക്കാനാവശ്യമായ തുക രണ്ടു ദിവസത്തിനുള്ളില് കൈമാറുമെന്നു ലീഗല് അസിസ്റ്റന്റ് കമ്മിറ്റി ഭാരവാഹികള് അറിയിച്ചു. സഊദി അറേബ്യയുമായി ബന്ധപ്പെട്ട കാര്യങ്ങള് തീരുമാനിക്കുന്നതിനു 2 പേരെ ചുമതലപ്പെടുത്തി. ഇനി വരുന്ന ഫണ്ടുകള് സ്വീകരിക്കില്ലെന്നും ട്രസ്റ്റ് ഭാരവാഹികള് പറഞ്ഞു.
റഹീം നാട്ടില് എത്തുന്നതുവരെ ട്രസ്റ്റ് നിലനിര്ത്തും നിയമോപദേശം തേടിയശേഷമായിരിക്കും ബാക്കി കാര്യങ്ങള് തീരുമാനിക്കുന്നത്. ബാങ്കുമായി സംസാരിച്ചു രണ്ടു ദിവസത്തിനകം തന്നെ തുക കൈമാറാന് ശ്രമിക്കും. എംബസി വഴിയാണു പണം കൈമാറുന്നതെന്നും ലീഗല് അസിസ്റ്റന്റ് കമ്മിറ്റി ചെയര്മാന് സുരേഷ്, കണ്വീനര് ആലിക്കുട്ടി എന്നിവര് അറിയിച്ചു.
കഴിഞ്ഞ 18 വര്ഷമായി ജയിലില് കഴിയുകയാണ് കോഴിക്കോട് ഫറോക്ക് സ്വദേശി അബ്ദുല് റഹീം. 2006ല് 26-ാം വയസിലാണ് കൊലക്കുറ്റം ചുമത്തപ്പെട്ടു ജയിലിലാകുന്നത്. ഡ്രൈവര് വിസയില് സൗദിയിലെത്തിയ റഹീമിന് സ്പോണ്സറുടെ, തലയ്ക്കു താഴെ ചലനശേഷി നഷ്ടപ്പെട്ട മകന് ഫായിസിനെ പരിചരിക്കലായിരുന്നു പ്രധാന ജോലി.
2006 ഡിസംബര് 24ന് ഫായിസിനെ കാറില് കൊണ്ടുപോകുന്നതിനിടെ കൈ അബദ്ധത്തില് കഴുത്തില് ഘടിപ്പിച്ച ഉപകരണത്തില് തട്ടുകയായിരുന്നു. ഇതേതുടര്ന്നു ബോധരഹിതനായ ഫായിസ് വൈകാതെ മരിക്കുകയും ചെയ്തു.
സംഭവത്തിനു പിന്നാലെ സഊദി പൊലീസ് റഹീമിനെ കൊലക്കുറ്റം ചുമത്തി അറസ്റ്റ് ചെയ്തു. റിയാദ് കോടതി വധശിക്ഷ വിധിക്കുകയും ചെയ്തു. ഇതിനുശേഷം യുവാവിന്റെ മോചനത്തിനായി ഉന്നതതലത്തില് പലതവണ ഇടപെടലുണ്ടായെങ്കിലും കുടുംബം മാപ്പുനല്കാന് തയാറായിരുന്നില്ല. നിരന്തര പരിശ്രമങ്ങള്ക്കൊടുവിലാണ് 34 കോടി രൂപയുടെ ബ്ലഡ് മണി(ദയാധനം) എന്ന ഉപാധിയില് ഇപ്പോള് മാപ്പുനല്കാന് ഫായിസിന്റെ കുടുംബം സമ്മതിച്ചത്.
GULF
മസ്കത്ത് കെ എം സി സി അല് ഖൂദ് ഏരിയയുടെ പുതിയ കമ്മിറ്റി രൂപീകരിച്ചു

മസ്കത്ത് കെ എം സി സി അല് ഖൂദ് ഏരിയ കമ്മിറ്റി വാര്ഷിക ജനറല് ബോഡി യോഗം മസ്കറ്റ് കെ.എം.സി.സി കേന്ദ്ര കമ്മിറ്റി വൈസ് പ്രസിഡന്റ് നവാസ് ചെങ്കള ഉദ്ഘാടനം ചെയ്തു. അല് ഖൂദ് കെ.എം.സി.സി പ്രസിഡന്റ് ഫൈസല് മുണ്ടൂര് അധ്യക്ഷത വഹിച്ചു. കമ്മിറ്റിയുടെ 2022-24 വര്ഷത്തെ പ്രവര്ത്തന റിപ്പോര്ട്ടും വരവ് ചെലവ് കണക്കുകള് ജനറല് സെക്രട്ടറി ടി.പി. മുനീര് അവതരിപ്പിച്ചു. പുതിയ മെമ്പര്ഷിപ്പ് അടിസ്ഥാനത്തില് 2025-27 കാലയളവിലേക്കുള്ള പുതിയ കമ്മിറ്റി രൂപീകരണത്തിന് മസ്കറ്റ് കെ.എം.സി.സി കേന്ദ്ര കമ്മിറ്റി നേതാക്കളായ അഷ്റഫ് കിണവക്കല് റിട്ടേണിംഗ് ഓഫീസറായും നവാസ് ചെങ്കള നിരീക്ഷനായും നേതൃത്വം നല്കി. ഭാരവാഹികളായി താഴെ പറയുന്നവരെ തെരഞ്ഞെടുത്തു
സി.വി.എം. ബാവ വേങ്ങര (അഡൈ്വസറി ബോര്ഡ് ചെയര്മാന്), ഫൈസല് മുണ്ടൂര് (വൈസ് ചെയര്മാന്), സുഹൈര് കായക്കൂല് (പ്രസിഡന്റ്), ടി.പി. മുനീര് (ജനറല് സെക്രട്ടറി), ഷാജഹാന് തായാട്ട് (ട്രഷറര്), ഇഖ്ബാല് കുണ്ടൂര്, എന്.എ.എം. ഫാറൂഖ്, അബ്ദുല് ഹകീം പാവറട്ടി, ഡോ. സൈനുല് ആബിദ്, മുഹമ്മദ് റസല് സി, ഷഹദാബ് തളിപ്പറമ്പ (വൈസ് പ്രസിഡന്റ്), ഫസല് ചേലേമ്പ്ര, ഫൈസല് ആലുവ, ഇജാസ് അഹമ്മദ് തൃക്കരിപ്പൂര്, അബ്ദുല് ഗഫൂര് മുക്കം, ഷമീര് തിട്ടയില്,
അന്സാര് പി.പി (സെക്രട്ടറി) എന്നിവരെ തെരഞ്ഞെടുത്തു.
കേന്ദ്ര കമ്മിറ്റി കൗണ്സിലിലേക്ക് സുഹൈര് കായക്കൂല്, ടി.പി. മുനീര്, ഷാജഹാന് തായാട്ട്, സി.വി.എം. ബാവ വേങ്ങര, ഫൈസല് മുണ്ടൂര്, എന്.എ. എം.ഫാറൂഖ്
എന്നിവരെ കൗണ്സിലര്മാരായും തെരഞ്ഞെടുത്തു. ടി.പി. മുനീര് സ്വാഗതവും ഷാജഹാന് തായാട്ട് നന്ദിയും പറഞ്ഞു.
GULF
ദുബൈ മലപ്പുറം ജില്ലാ സ്റ്റുഡന്സ് കെ.എം.സി.സി രൂപീകരിച്ചു
സ്റ്റുഡന്സ് കോണ്ഫറന്സില് വെച്ച് ജില്ലയുടെ പ്രഥമ സ്റ്റുഡന്സ് കെ.എം.സി.സി വിംഗിനെ തെരെഞ്ഞെടുത്തു

വിദ്യാര്ത്ഥികളില് സാമൂഹികാവബോധം സൃഷ്ടിക്കാനും, പാഠ്യ പാഠ്യേതര രംഗത്തും, കലാ സാംസ്കാരിക രംഗത്തും പ്രോത്സാഹനം നല്കാനും ലക്ഷ്യം വെച്ച് ദുബൈ മലപ്പുറം ജില്ലാ കെ.എം.സി.സി നടപ്പാക്കുന്ന കര്മ്മ പദ്ധതികളുടെ ഭാഗമായി സംഘടിപ്പിച്ച സ്റ്റുഡന്സ് കോണ്ഫറന്സില് വെച്ച് ജില്ലയുടെ പ്രഥമ സ്റ്റുഡന്സ് കെ.എം.സി.സി വിംഗിനെ തെരെഞ്ഞെടുത്തു
ബോയ്സ് വിംഗ് കമ്മറ്റി പ്രസിഡന്റ് ബബിന് മുഹമ്മദ് തിരൂര്, ജനറല് സെക്രട്ടറി റിഫാന് കമ്മിളി വള്ളിക്കുന്ന്, ട്രഷറര് മുഹമ്മദ് ഫാദില് തിരുര്
ഓര്ഗനൈസിങ് സെക്രട്ടറി ഷാമില് വേളേരി എന്നിവരെ തിരഞ്ഞെടുത്തു.
ഹാദി അബ്ദുല്ല പെരിന്തല്മണ്ണ, അഹമ്മദ് സബീഹ് നിലമ്പൂര്, മുഹമ്മദ് സയ്യാന് തവനൂര്, മുഹമ്മദ് നിഹാല് കോട്ടക്കല്, മുഹമ്മദ് ഷമാസ് കൊണ്ടോട്ടി, അഹമ്മദ് ജമാല് മലപ്പുറം എന്നിവരെ വൈസ് പ്രസിഡന്റ് സ്ഥാനത്തേക്കും തിരഞ്ഞെടുത്തു.
ഹിഷാം മുഹമ്മദ് തിരൂര്, ഹംദാന് ബിന് അയ്യൂബ് തിരൂരങ്ങാടി, മുഹമ്മദ് കഅബ് കൊണ്ടോട്ടി, ദിയാഫ് കെ വിളയില് കൊണ്ടോട്ടി, മുഹമ്മദ് അമീര് പൊന്നാനി, നിദാല് നാജില് തവനൂര് എന്നിവരെ സെക്രട്ടറി സ്ഥാനത്തേക്കും തിരഞ്ഞെടുത്തു.
ഗേള്സ് വിംഗ് കമ്മറ്റി പ്രസിഡന്റ് സ്ഥാനത്തേക്ക് ഷന നസ്റിന് തിരൂര്, ജനറല് സെക്രട്ടറി ഫാത്തിമ ഷേഹ തിരൂരങ്ങാടി, ട്രഷറര് നിദാ മെഹ്താജ് വള്ളിക്കുന്ന്, ഓര്ഗനൈസിംഗ് സെക്രട്ടറി മിന്ഹ തൈക്കാട്ട് തിരൂര് എന്നിവരെ തിരഞ്ഞെടുത്തു.
ഫാത്തിമ റഷ തിരൂരങ്ങാടി, ദില്ഫ ഇളയടത്ത് ഏറനാട്, ലാമിയ ബുഷ്റ കൊണ്ടോട്ടി, ഫാത്തിമ ഇഷ മങ്കട, സെന്ഹ ഫസലു പൊന്നാനി, ഫാത്തിമ റിദ തിരൂരങ്ങാടി, ഷസ ലൂജൈന് വേങ്ങര, ദിയ ഹാഷിമ തവനൂര് എന്നിവരെ വൈസ് പ്രസിഡന്റ് സ്ഥാനത്ത് തിരഞ്ഞെടുത്തു.
മിന്ഹ ഷാഫി തവനൂര്, ദീന കോലാക്കല് വള്ളിക്കുന്ന്, നൈല മറിയം മഞ്ചേരി, ഫാത്തിമ ഷഹാമ തിരൂരങ്ങാടി, ആയിഷ നദ്വ കോട്ടക്കല്, ആയിഷ ലിസ തിരൂര്, റോണ അമീര് മലപ്പുറം, അഷ്മിസ മെഹറിന് താനൂര് എന്നിവരേ സെക്രട്ടറി സ്ഥാനത്തേക്കും തെരെഞ്ഞെടുത്തു
ജില്ലാ പ്രസിഡന്റ് സിദ്ധീഖ് കാലൊടിയുടെ അധ്യക്ഷതയില് ചെമ്മുക്കന് യാഹുമോന് ഹാജി ചടങ്ങ് ഉത്ഘാടനം ചെയ്തു റിയാസ് ബാബു, റഹൂഫ് ഇരുമ്പുഴി, കെ.പി.എ സലാം, അബ്ദുല് ഖാദര് അരിപ്പാമ്പ്ര, ഒ.മൊയ്തു എന്നിവര് പ്രസംഗിച്ചു. ജനറല് സെക്രട്ടറി എ പി നൗഫല് സ്വാഗതവും, ട്രഷറര് സി.വി അശ്റഫ് നന്ദിയും പറഞ്ഞു.
GULF
‘ഇന്ത്യയും പാകിസ്താനും സംയമനം പാലിക്കണം’: യുഎഇ

അബുദാബി: ഇന്ത്യയോടും പാകിസ്താനോടും സംയമനം പാലിക്കാനും സംഘര്ഷങ്ങള് ലഘൂകരിക്കാനും പ്രാദേശിക,അന്തര്ദേശീയ സമാധാനത്തിന് ഭീഷണിയായേക്കാവുന്ന കൂടുതല് സംഘര്ഷങ്ങള് ഒഴിവാക്കാനും യുഎഇ ഉപപ്രധാനമന്ത്രിയും വിദേശകാര്യ മന്ത്രിയുമായ ശൈഖ് അബ്ദുല്ല ബിന് സായിദ് അല് നഹ്യാന് ആഹ്വാനം ചെയ്തു. സൈനിക സംഘര്ഷം തടയുന്നതിനും ദക്ഷിണേഷ്യയില് സ്ഥിരത ശക്തിപ്പെടുത്തുന്നതിനും കൂടുതല് പ്രാദേശിക സംഘര്ഷങ്ങള് ഒഴിവാക്കുന്നതിനും സംഭാഷണത്തിനും പരസ്പര ധാരണയ്ക്കും ആഹ്വാനം ചെയ്യുന്ന ശബ്ദങ്ങള്ക്ക് ചെവികൊടുക്കേണ്ടതിന്റെ പ്രാധാന്യം ശൈഖ് അബ്ദുല്ല ബിന് സായിദ് അല് നഹ്യാന് വ്യക്തമാക്കി.
പ്രതിസന്ധികള് സമാധാനപരമായി പരിഹരിക്കുന്നതിനും സമാധാനം,സ്ഥിരത,സമൃദ്ധി എന്നിവയ്ക്കായുള്ള രാഷ്ട്രങ്ങളുടെ പൊതുവായ അഭിലാഷങ്ങള് നേടിയെടുക്കുന്നതിനുമുള്ള ഏറ്റവും ഫലപ്രദമായ മാര്ഗം നയതന്ത്രവും സംഭാഷണവുമാണെന്ന് അദ്ദേഹം ഓര്മപ്പെടുത്തി. പ്രാദേശിക,അന്തര്ദേശീയ സംഘര്ഷങ്ങള്ക്ക് സമാധാനപരമായ പരിഹാരങ്ങള് കൈവരിക്കുന്നതിനും അവയുടെ മാനുഷിക പ്രത്യാഘാതങ്ങള് ലഘൂകരിക്കുന്നതിനും ലക്ഷ്യമിട്ടുള്ള എല്ലാ സംരംഭങ്ങളെയും പിന്തുണയ്ക്കുന്നതിനുള്ള ശ്രമങ്ങള് യുഎഇ തുടരുമെന്നും ശൈഖ് അബ്ദുല്ല ബിന് സായിദ് അല് നഹ്യാന് ആവര്ത്തിച്ചു.
-
india3 days ago
സുപ്രിംകോടതി ചീഫ് ജസ്റ്റിസ് സഞ്ജീവ് ഖന്ന ഇന്ന് വിരമിക്കും
-
kerala2 days ago
തിരൂര് റെയില്വേ സ്റ്റേഷനിലെ റോഡ് അടച്ച നടപടി; കേന്ദ്ര മന്ത്രിക്ക് സന്ദേശമയച്ച് അബ്ദുസ്സമദ് സമദാനി എം.പി
-
News12 hours ago
ട്രംപ് ഭരണകൂടം തടവിലാക്കിയ ഇന്ത്യന് വിദ്യാര്ത്ഥിയെ മോചിപ്പിക്കാന് ജഡ്ജി ഉത്തരവിട്ടു
-
Cricket3 days ago
രോഹിത് ശര്മക്ക് പിന്നാലെ ടെസ്റ്റ് ക്രിക്കറ്റില്നിന്ന് വിരമിക്കല് പ്രഖ്യാപിച്ച് വിരാട് കോഹ്ലി
-
india1 day ago
‘സോഫിയ ഖുറേഷിയെ തീവ്രവാദിയുടെ സഹോദരിയെന്ന് വിളിച്ചവർ ഒരു നിമിഷം പോലും പദവിയിൽ തുടരാൻ അർഹതയില്ല’: ഷാഫി പറമ്പില്
-
kerala1 day ago
പള്ളിയിലെ കിടപ്പുമുറിയില് വൈദികനെ മരിച്ച നിലയില് കണ്ടെത്തി
-
GULF1 day ago
മസ്കത്ത് കെ എം സി സി അല് ഖൂദ് ഏരിയയുടെ പുതിയ കമ്മിറ്റി രൂപീകരിച്ചു
-
kerala2 days ago
സംസ്ഥാനത്ത് ഇന്നും ഒറ്റപ്പെട്ട ശക്തമായ മഴ തുടരും; നാല് ജില്ലകളില് യെല്ലോ അലേര്ട്ട്