ജി​ദ്ദ: കേ​ര​ള​ത്തി​​ന്റെ സാ​മൂ​ഹി​ക​മാ​യ പു​രോ​ഗ​തി​ക്കും വി​ദ്യാ​ഭ്യാ​സ വി​പ്ല​വ​ത്തി​നും ത​​ന്റെ ജീ​വി​തം സ​മ​ർ​പ്പി​ച്ച മ​ഹ​ദ് വ്യ​ക്തി​ത്വ​മാ​യി​രു​ന്നു കെ.​വി. റാ​ബി​യ എ​ന്നും അ​വ​രു​ടെ വി​യോ​ഗം വ​ലി​യ ന​ഷ്​​ട​മാ​ണെ​ന്നും കെ.​എം.​സി.​സി ജി​ദ്ദ സെ​ൻ​ട്ര​ൽ ക​മ്മി​റ്റി അ​നു​ശോ​ച​ന സ​ന്ദേ​ശ​ത്തി​ൽ പ​റ​ഞ്ഞു. 2022-ൽ ​പ​ത്മ​ശ്രീ ല​ഭി​ച്ച റാ​ബി​യ​യെ ജി​ദ്ദ കെ.​എം.​സി.​സി സെ​ൻ​ട്ര​ൽ ക​മ്മി​റ്റി​യു​ടെ ഭാ​ര​വാ​ഹി​ക​ൾ വീ​ട്ടി​ലെ​ത്തി ആ​ദ​രി​ച്ചി​രു​ന്നു. തി​രൂ​ര​ങ്ങാ​ടി സ്വ​ദേ​ശി​നി​യാ​യ റാ​ബി​യ, സാ​മൂ​ഹി​ക പ്ര​വ​ർ​ത്ത​ക എ​ന്ന​തി​നൊ​പ്പം, നി​ര​ക്ഷ​ര​ത​ക്കെ​തി​രാ​യ പോ​രാ​ളി​യു​മാ​യി​രു​ന്നു. ഭി​ന്ന​ശേ​ഷി​ക്കും ദാ​രി​ദ്ര്യ​ത്തി​നും ഇ​ട​യി​ലും വി​ദ്യാ​ഭ്യാ​സ​ത്തി​​ന്റെ വെ​ളി​ച്ചം സ​മൂ​ഹ​ത്തി​ലേ​ക്ക് എ​ത്തി​ക്കാ​ൻ അ​വ​ർ ന​ട​ത്തി​യ ശ്ര​മം കേ​ര​ളം മു​ഴു​വ​ൻ ശ്ര​ദ്ധി​ച്ചു.

പോ​ളി​യോ ബാ​ധി​ച്ച് 17-ാം വ​യ​സ്സിൽ വീ​ൽ​ച്ചെ​യ​റി​ൽ ക​ഴി​ഞ്ഞ അ​വ​ർ, തി​രൂ​ര​ങ്ങാ​ടി​യി​ൽ മു​തി​ർ​ന്ന​വ​ർ​ക്കു​ള്ള സാ​ക്ഷ​ര​ത കാ​മ്പ​യി​ൻ ആ​രം​ഭി​ച്ചു. ആ ​ശ്ര​മം വെ​റും എ​ഴു​ത്ത് പ​ഠി​പ്പി​ക്ക​ലി​നെക്കാ​ൾ വ​ലി​യൊ​രു സാ​മൂ​ഹി​ക മു​ന്നേ​റ്റ​മാ​യി മാ​റി. റാ​ബി​യ​യു​ടെ സാ​ക്ഷ​ര​താ​ക്ലാ​സു​ക​ൾ സം​സ്ഥാ​ന ത​ല​ത്തി​ൽ ശ്ര​ദ്ധ നേ​ടി. സ്വ​യം ശാ​രീ​രി​ക വൈ​ക​ല്യ​ങ്ങ​ൾ മ​ന​സ്സി​ലാ​ക്കി സ​മൂ​ഹ​ത്തി​ലെ ഭി​ന്ന​ശേ​ഷി​ക്കാ​രാ​യ കു​ട്ടി​ക​ളു​ടെ ശാ​ക്തീ​ക​ര​ണം ല​ക്ഷ്യ​മാ​ക്കി ‘ച​ല​നം’ എ​ന്ന സ​ന്ന​ദ്ധ​സം​ഘ​ട​ന രൂ​പ​വ​ത്​​ക​രി​ച്ച് ആ​റ് സ്കൂ​ളു​ക​ൾ സ്ഥാ​പി​ച്ചു.ആ​രോ​ഗ്യ-​വി​ദ്യാ​ഭ്യാ​സ മേ​ഖ​ല​ക​ളി​ലും വ​നി​ത ശാ​ക്തീ​ക​ര​ണ​ത്തി​ലും അ​വ​ർ വ​ലി​യ പ​ങ്കു​വ​ഹി​ച്ചു. ‘അ​ക്ഷ​യ’ ഇ-​സാ​ക്ഷ​ര​ത പ​ദ്ധ​തി​യി​ലൂ​ടെ മ​ല​പ്പു​റം ജി​ല്ല​യെ ഇ​ന്ത്യ​യി​ലെ ആ​ദ്യ​ത്തെ ഇ-​സാ​ക്ഷ​ര​ത ജി​ല്ല​യാ​യി ഉ​യ​ർ​ത്തി​യ​തി​ലും അ​വ​രു​ടെ പ​ങ്ക് വ​ലി​യ​താ​ണെ​ന്നും അ​നു​ശോ​ച​ന സ​ന്ദേ​ശ​ത്തി​ൽ പ​റ​ഞ്ഞു.

പാലക്കാട് അട്ടപ്പാടിയില്‍ ഇതര സംസ്ഥാന തൊഴിലാളിയെ കഴുത്ത് അറുത്ത് കൊലപ്പെടുത്തിയ സംഭവത്തില്‍ പ്രതി പിടിയില്‍. അസം സ്വദേശി നജ്‌റുല്‍ ഇസ്ലാം ആണ് പിടിയിലായത്. അഗളി പൊലീസ് നടത്തിയ അന്വേഷണത്തിനിടെ പെരുമ്പാവൂരില്‍ നിന്നാണ് ഇയാളെ പിടികൂടിയത്. ഇയാളോടൊപ്പം ഭാര്യ പൂനവും പൊലീസിന്റെ പിടിയിലായിട്ടുണ്ട്.

ഇന്നലെയാണ് അട്ടപ്പാടി മേലെ കണ്ടിയൂരിന് സമീപം റാവുട്ടാന്‍ കല്ലില്‍ അതിഥി തൊഴിലാളിയായ രവിയെ വെട്ടേറ്റ് മരിച്ച നിലയില്‍ കണ്ടെത്തിയത്. ജാര്‍ഖണ്ഡ് സ്വദേശിയാണ് കൊല്ലപ്പെട്ട രവി. ആട് വളര്‍ത്തല്‍ കേന്ദ്രത്തിലെ ജീവനക്കാരനായ രവിക്കൊപ്പം ജോലി ചെയ്തിരുന്ന അസം സ്വദേശികളാണ് കൊലപാതത്തിന് പിന്നിലെന്ന സംശയം പൊലീസിന് നേരത്തെ തന്നെ ഉണ്ടായിരുന്നു.

കൊല്ലത്ത് പേവിഷബാധയേറ്റ് മരിച്ച നിയ ഫൈസലിന്റെ മൃതദേഹം ഖബറടക്കി. പുനലൂരിലെ ആലഞ്ചേരി മുസ്‌ലിം ജമാഅത്ത്പള്ളിയിലായിരുന്നു ഖബറടക്കം. പൊതുദര്‍ശനത്തിന് വെക്കാതെ തിരുവനന്തപുരം എസ്എടി ആശുപത്രിയില്‍ നിന്ന് നേരെ ഖബറടക്കാനാണ് കൊണ്ടുവന്നത്. അതേസമയം, കുട്ടിയുടെ മാതാവിനെ ക്വാറന്റൈനിലാക്കുകയും ചെയ്തു. തെരുവ് നായയുടെ കടിയേറ്റ് പേവിഷബാധ സ്ഥിരീകരിച്ച് ചികിത്സയിലിരിക്കെ ഇന്ന് പുലര്‍ച്ചെയായിരുന്നു നിയ മരിച്ചത്.

കഴിഞ്ഞ എട്ടാം തീയതി ആയിരുന്നു വീടിനുമുമ്പില്‍ കളിച്ചുകൊണ്ടിരുന്ന നിയയെ തെരുവുനായ ആക്രമിച്ചത്. എല്ലാ പ്രതിരോധ വാക്‌സിനും എടുത്തിട്ടും കുട്ടിക്ക് പേവിഷബാധ സ്ഥിരീകരിക്കുകയായിരുന്നു. മെയ് ഒന്നാം തീയതിയാണ് എസ്എടിയില്‍ കുട്ടിയെ പ്രവേശിപ്പിച്ചത്.

തന്റെ കണ്‍മുന്നില്‍വെച്ചാണ് പട്ടി കുഞ്ഞിനെ കടിച്ചുകീറിയതെന്ന് മാതാവ് പറയുന്നു. ‘അവിടെ വേസ്റ്റ് കൊണ്ടിടരുതെന്ന് എല്ലാവരോടും പറഞ്ഞു. ഒരു മനുഷ്യനും കേട്ടില്ല. അത് തിന്നാന്‍ വന്ന പട്ടിയാണ് എന്റെ കുഞ്ഞിനെ കടിച്ചുകീറിയത്. ഞാന്‍ ഓടിച്ചുവിട്ട പട്ടി എന്റെ കണ്‍മുന്നില്‍വെച്ചാണ് കുഞ്ഞിനെ കടിച്ചുകീറിയത്.അപ്പഴേ എടുത്തുകൊണ്ടുപോയി വേണ്ടതൊക്കെ ചെയ്തു,ദേ അവളെ ഇപ്പോള്‍ കൊണ്ടുപോയി.ഇനി എനിക്ക് കാണാന്‍ പറ്റില്ല.ഇനിയും പട്ടികളെ വളര്‍ത്ത്..’..കണ്ണീരോടെ നിയയുടെ മാതാവ് പറഞ്ഞു.ഈ ഒരു അവസ്ഥ ആര്‍ക്കും വരരുത് കുട്ടിയുടെ പിതാവ് പറഞ്ഞു. ഒരു മാസത്തിനിടെ മൂന്ന് കുട്ടികളാണ് സംസ്ഥാനത്ത് പേവിഷബാധയേറ്റ് മരിച്ചത്.