NSCL: 260 ഒഴിവ്; ശമ്പളം: 23,936 രൂപ

Published

6 years ago

January 25, 2019

മിനിരത്ന കമ്പനിയായ ഡല്‍ഹിയിലെ നാഷനല്‍ സീഡ്‌സ് കോര്‍പറേഷന്‍ ലിമിറ്റഡ് വിവിധ തസ്തികയിലെ ഒഴിവുകളിലേക്ക് അപേക്ഷ ക്ഷണിച്ചു. കോര്‍പറേറ്റ്, റീജനല്‍, ഫാം ഓഫിസുകളിലായി ആകെ 260 ഒഴിവുകളുണ്ട്. നേരിട്ടുള്ള നിയമനമാണ്. ഓണ്‍ലൈനായി അപേക്ഷിക്കണം. അപേക്ഷ സ്വീകരിക്കുന്ന അവസാന തീയതി: ഫെബ്രുവരി ഒന്‍പത്.

ഡപ്യൂട്ടി ജനറല്‍ മാനേജര്‍ (വിജിലന്‍സ്) (ഒഴിവ്-ഒന്ന്), അസിസ്റ്റന്റ് (ലീഗല്‍) ഗ്രേഡ്-ക (ഒഴിവ്-നാല്), മാനേജ്‌മെന്റ്് ട്രെയിനി (പ്രൊഡക്ഷന്‍ (ഒഴിവ്-അഞ്ച്), മാര്‍ക്കറ്റിങ് (ഒഴിവ്-അഞ്ച്), ഹ്യൂമന്‍ റിസോഴ്‌സ് (ഒഴിവ്-രണ്ട്), ലീഗല്‍ (ഒഴിവ്-ഒന്ന്), ക്വാളിറ്റി കണ്‍ട്രോള്‍ (ഒഴിവ്-അഞ്ച്)), സീനിയര്‍ ട്രെയിനി (അഗ്രിക്കള്‍ച്ചര്‍ (ഒഴിവ്-49), ഹ്യൂമന്‍ റിസോഴ്‌സ് (ഒഴിവ്-അഞ്ച്), ലോജിസ്റ്റിക്‌സ് (ഒഴിവ്-12), ക്വാളിറ്റി കണ്‍ട്രോള്‍ (ഒഴിവ്-19)), ഡിപ്ലോമ ട്രെയിനി (ഇലക്ട്രിക്കല്‍ എന്‍ജിനീയറിങ്) (ഒഴിവ്-രണ്ട്), ട്രെയിനി (അഗ്രികള്‍ച്ചര്‍ (ഒഴിവ്-45), മാര്‍ക്കറ്റിങ് (ഒഴിവ്-32), അഗ്രികള്‍ച്ചര്‍ സ്റ്റോഴ്‌സ് (ഒഴിവ്-16), ടെക്‌നീഷ്യന്‍ (ഡീസല്‍ മെക്കാനിക്, മെഷീന്‍മാന്‍, ഓട്ടോ ഇലക്ട്രീഷ്യന്‍, വെല്‍ഡര്‍, ബ്ലാക്‌സ്മിത്ത്) (ഒഴിവ്-16), സ്റ്റോഴ്‌സ് (എന്‍ജിനീയറിങ്) (ഒഴിവ്-അഞ്ച്), സ്റ്റെനോഗ്രഫര്‍ (ഒഴിവ്-എട്ട്), ക്വാളിറ്റി കണ്‍ട്രോള്‍ (ഒഴിവ്-ഏഴ്), ഡേറ്റാ എന്‍ട്രി ഓപ്പറേറ്റര്‍ (ഒഴിവ്-മൂന്ന്)), ട്രെയിനി മേറ്റ് (അഗ്രികള്‍ച്ചര്‍) (ഒഴിവ്-18) എന്നിങ്ങനെയാണ് ഒഴിവുകള്‍. പ്രധാന തസ്തികയുടെ വിശദവിവരങ്ങള്‍ ചുവടെ.

സീനിയര്‍ ട്രെയിനി:- അഗ്രികള്‍ച്ചര്‍ (ഒഴിവ്-49), ക്വാളിറ്റി കണ്‍ട്രോള്‍ (ഒഴിവ്-19): കുറഞ്ഞത് 55% മാര്‍ക്കോടെ അഗ്രോണമി/സീഡ് ടെക്‌നേളജി/പ്ലാന്റ് ബ്രീഡിങ് ആന്‍ഡ് ജെനറ്റിക്‌സ് സ്‌പെഷലൈസേഷനോടുകൂടി എംഎസ്സി അഗ്രികള്‍ച്ചര്‍, കംപ്യൂട്ടര്‍ പരിജ്ഞാനം (എംഎസ് ഓഫിസ്), 27 വയസ് കവിയരുത്, 23936 രൂപ.

ട്രെയിനി:-അഗ്രികള്‍ച്ചര്‍ (ഒഴിവ്-45), മാര്‍ക്കറ്റിങ് (ഒഴിവ്-32), അഗ്രികള്‍ച്ചര്‍ സ്റ്റോഴ്‌സ് (ഒഴിവ്-16): കുറഞ്ഞത് 60% മാര്‍ക്കോടെ ബിഎസ്സി അഗ്രികള്‍ച്ചര്‍, കംപ്യൂട്ടര്‍ പരിജ്ഞാനം (എംഎസ് ഓഫിസ്), 27 വയസ് കവിയരുത്, 18496 രൂപ.

ടെക്‌നീഷ്യന്‍ (ഡീസല്‍ മെക്കാനിക്, മെഷീന്‍മാന്‍, ഓട്ടോ ഇലക്ട്രീഷ്യന്‍, വെല്‍ഡര്‍, ബ്ലാക്‌സ്മിത്ത്) (ഒഴിവ്-16): കുറഞ്ഞത് 60% മാര്‍ക്കോടെ ബന്ധപ്പെട്ട ട്രേഡില്‍ ഐടിഐ സര്‍ട്ടിഫിക്കറ്റ്, ഒരു വര്‍ഷത്തെ ട്രേഡ് അപ്രന്റിസ്ഷിപ്പ് പരിശീലനം, എന്‍എസി പരീക്ഷാജയം (എന്‍സിവിടി അംഗീകൃതം), 27 വയസ് കവിയരുത്, 18496 രൂപ.

ട്രെയിനി മേറ്റ് (അഗ്രികള്‍ച്ചര്‍) (ഒഴിവ്-18): ഇന്റര്‍മീഡിയറ്റ് (അഗ്രികള്‍ച്ചര്‍/പ്ലസ്ടു) അല്ലെങ്കില്‍ തത്തുല്യം (സയന്‍സ്-ബയോളജി ഒരു വിഷയമായി പഠിച്ചിരിക്കണം), മികച്ച ശാരീരിക ക്ഷമത, 25 വയസ് കവിയരുത്, 17952 രൂപ. 2019 ഫെബ്രുവരി ഒന്‍പത് അടിസ്ഥാനമാക്കി പ്രായം കണക്കാക്കും. അര്‍ഹരായവര്‍ക്ക് ഉയര്‍ന്നപ്രായപരിധിയില്‍ ചട്ടപ്രകാരം ഇളവ് ലഭിക്കും.

വിശദവിവരങ്ങള്‍ക്ക്: www.indiaseeds.com

മഴ മുന്നറിയിപ്പില്‍ മാറ്റം; 2 ജില്ലകള്‍ക്ക് ഓറഞ്ച് അലേര്‍ട്ട്

24 മണിക്കൂറില്‍ 115.6 mm മുതല്‍ 204.4 mm വരെ മഴ ലഭിക്കും

Published

9 hours ago

November 28, 2024

webdesk13

സംസ്ഥാനത്ത് മഴ മുന്നറിയിപ്പില്‍ മാറ്റം.വിവിധ ജില്ലകളില്‍ ഓറഞ്ച്, യെല്ലോ അലേര്‍ട്ടുകള്‍ പ്രഖ്യാപിച്ച് കേന്ദ്ര കാലാവസ്ഥാ വകുപ്പ്. തൃശൂര്‍, മലപ്പുറം ജില്ലകളില്‍ നാളെ ഓറഞ്ച് അലേര്‍ട്ട്.

എറണാകുളം, തൃശൂര്‍, പാലക്കാട്, മലപ്പുറം ജില്ലകളില്‍ മറ്റന്നാള്‍ ഓറഞ്ച് അലര്‍ട്ട്. ഒറ്റപ്പെട്ടയിടങ്ങളില്‍ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില്‍ 115.6 mm മുതല്‍ 204.4 mm വരെ മഴ ലഭിക്കുമെന്നാണ് അതിശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അര്‍ത്ഥമാക്കുന്നത്.

കൊല്ലം അയത്തിലില്‍ നിര്‍മ്മാണത്തിനിടെ പാലം തകര്‍ന്നു വീണു

പാലത്തില്‍ കോണ്‍ക്രീറ്റ് ജോലി നടക്കുന്നതിനിടെ ആയിരുന്നു അപകടം

Published

9 hours ago

November 28, 2024

webdesk13

കൊല്ലം: കൊല്ലം അയത്തിലില്‍ നിര്‍മാണത്തിനിടെ പാലം തകര്‍ന്നു വീണു. ചൂരാങ്കല്‍ പാലത്തിന് സമീപം ഹൈവേ വികസനത്തിന്റെ ഭാഗമായി നിര്‍മ്മാണം നടക്കുന്ന പാലമാണിത്. ഉച്ചക്ക് ഒന്നേകാലോട് കൂടിയാണ് സംഭവം. പാലത്തില്‍ കോണ്‍ക്രീറ്റ് ജോലി നടക്കുന്നതിനിടെ ആയിരുന്നു അപകടം. അപകട സമയം നിര്‍മ്മാണ തൊഴിലാളികള്‍ ഉണ്ടായിരുന്നെങ്കിലും ആര്‍ക്കും പരിക്കില്ല

കോണ്‍ക്രീറ്റ് ജോലി ചെയ്തു കൊണ്ടിരുന്ന കുറച്ച് തൊഴിലാളികള്‍ അപകടം നടക്കുന്ന സമയത്ത് പാലത്തിന് മുകളിലുണ്ടായിരുന്നെങ്കിലും ഓടിമാറിയത് കൊണ്ട് അപകടം ഒഴിവയി. പാലത്തിന്റെ നടുഭാഗം താഴേയ്ക്ക് അമര്‍ന്നു പോകുന്ന അവസ്ഥയാണുണ്ടായത്. തകര്‍ന്നുവീണ പാലം അഴിച്ചുമാറ്റിയ അധികൃതര്‍ തുടര്‍നടപടികളിലേക്ക് കടന്നിട്ടുണ്ട്.

ആള്‍ട്ട് ന്യൂസ് സ്ഥാപകനെതിരെ ഗുരുതര വകുപ്പുകള്‍ ചുമത്തി ഉത്തര്‍പ്രദേശ് പൊലീസ്

ഭാരതീയ ന്യായ സംഹിതയുടെ 152-ാം വകുപ്പാണ് യുപി പൊലീസ് കൂട്ടിച്ചേര്‍ത്തത്

Published

9 hours ago

November 28, 2024

webdesk13

ലക്നൗ: വിവാദ ഹിന്ദു സന്യാസി യതി നരസിംഗാനന്ദിന്റെ വിവാദ പ്രസംഗം പങ്കുവെച്ച കേസില്‍ ആള്‍ട്ട് ന്യൂസ് സ്ഥാപകന്‍ മുഹമ്മദ് സുബൈറിനെതിരെ കൂടുതല്‍ വകുപ്പുകള്‍ ചുമത്തി യുപി പൊലീസ്. രാജ്യത്തിന്റെ പരമാധികാരത്തിനും അഖണ്ഡതയ്ക്കും സുരക്ഷയ്ക്കും ഭീഷണി എന്നാരോപിച്ച്, ഭാരതീയ ന്യായ സംഹിതയുടെ 152-ാം വകുപ്പാണ് യുപി പൊലീസ് കൂട്ടിച്ചേര്‍ത്തത്. ഇത് ജാമ്യമില്ലാ വകുപ്പാണ്.

അലഹബാദ് ഹൈക്കോടതിലാണ് പൊലീസ് ഇക്കാര്യം അറിയിച്ചത്. തനിക്കെതിരെയുള്ള പൊലീസ് നടപടി ചോദ്യം ചെയ്ത് സുബൈര്‍ സമര്‍പ്പിച്ച ഹര്‍ജിയില്‍ വാദം കേള്‍ക്കുകയായിരുന്നു കോടതി.

ഒക്ടോബര്‍ എട്ടിനാണ് പൊലീസ് സുബൈറിനെതിരെ കേസെടുത്തത്. സെപ്റ്റംബര്‍ 29ന് സ്വാമി യതി നരസിംഗാനന്ദ് മുസ്ലിങ്ങള്‍ക്കും മുഹമ്മദ് നബിക്കെതിരെയും വിദ്വേഷ പരാമര്‍ശങ്ങളുമായി രംഗത്തെത്തിയിരുന്നു. സുബൈര്‍ ഇതിനെതിരെ ട്വീറ്റ് ചെയ്തിരുന്നു. ശേഷം ഒക്ടോബര്‍ മൂന്നിന്, നരസിംഗാനന്ദയുടെ പഴയ വീഡിയോ പോസ്റ്റ് ചെയ്ത് അദ്ദേഹത്തിനെതിരെ തിരിയാന്‍ ജനങ്ങളെ പ്രേരിപ്പിച്ചെന്ന് ആരോപിച്ച്, ചില അനുയായികള്‍ സുബൈറിനെതിരെ പരാതി നല്‍കിയിരുന്നു. ഈ കേസിലാണ് പൊലീസ് ഇപ്പോള്‍ നടപടികള്‍ കടുപ്പിക്കുന്നത്.

സുബൈറിനൊപ്പം അര്‍ഷാദ് മദാനി, രാഷ്ട്രീയ നേതാവ് അസദുദ്ദീന്‍ ഒവൈസി എന്നിവര്‍ക്കെതിരെയും കേസെടുത്തിട്ടുണ്ട്. മുന്‍പും നിരവധി തവണ വിവാദ വിദ്വേഷ പ്രസംഗങ്ങള്‍ നടത്തിയയാളാണ് സ്വാമി യതി നരസിംഗാനന്ദ്. അദ്ദേഹത്തിന്റെ തനിനിറം പുറത്തുകൊണ്ടുവരാതിരിക്കാനാണ് തന്റെ മേലുളള ഈ നടപടിയെന്നാണ് സുബൈറിന്റെ ആരോപണം.