Culture

നോട്ട് നിരോധനം: ഉത്തരംമുട്ടി കേന്ദ്രസര്‍ക്കാര്‍

Published

7 years ago

August 1, 2017

ന്യൂഡല്‍ഹി: നോട്ടുനിരോധനം പൂര്‍ത്തിയായി മാസങ്ങള്‍ കഴിഞ്ഞിട്ടും ഇതുസംബന്ധിച്ച ചോദ്യങ്ങള്‍ക്ക് പാര്‍ലമെന്റില്‍ ഉത്തരം നല്‍കാനാവാതെ കേന്ദ്ര സര്‍ക്കാര്‍. എന്തിനു വേണ്ടിയായിരുന്നു നോട്ടു നിരോധനം, എന്ത് പ്രയോജനമാണ് ഇതിലൂടെ ലഭിച്ചത് തുടങ്ങിയ ചോദ്യങ്ങള്‍ക്കു മുമ്പിലാണ് കേന്ദ്ര സര്‍ക്കാറും ധനമന്ത്രിയും വിയര്‍ത്തത്.
2017-18 സാമ്പത്തിക വര്‍ഷത്തേക്കുള്ള ഉപധനവിനിയോഗ ബില്ലിന്മേലുള്ള ചര്‍ച്ചയില്‍ പങ്കെടുത്ത് സംസാരിക്കവെ കേരളത്തില്‍നിന്നുള്ള കോണ്‍ഗ്രസ് അംഗം കെ.സി വേണുഗോപാലാണ് സഭയില്‍ നോട്ട് നിരോധന വിഷയം ഉന്നയിച്ചത്. ഭീകരവാദ പ്രവര്‍ത്തനങ്ങളും കള്ളനോട്ടും തടയാനായിരുന്നു നടപടിയെന്ന ധനമന്ത്രി അരുണ്‍ ജെയ്റ്റ്‌ലിയുടെ വിശദീകരണത്തെ പ്രതിപക്ഷ അംഗങ്ങള്‍ തെളിവുകള്‍ നിരത്തി ഖണ്ഡിക്കുകയും ചെയ്തു.
എത്ര രൂപയുടെ അസാധു നോട്ടുകള്‍ റിസര്‍വ്ബാങ്കില്‍ തിരിച്ചെത്തി, ഇതിനു പകരമായി എത്ര രൂപയുടെ പുതിയ കറന്‍സി പ്രിന്റു ചെയ്തു, കേന്ദ്ര സര്‍ക്കാര്‍ നടപടി വഴി എത്ര രൂപയുടെ കള്ളപ്പണം കണ്ടെടുത്തു തുടങ്ങിയ ചോദ്യങ്ങള്‍ കെ.സി വേണുഗോപാല്‍ ഉന്നയിച്ചു. എന്നാല്‍ ഇതിന് ഒന്നിനു പോലും കൃത്യമായ മറുപടി നല്‍കാന്‍ കേന്ദ്ര സര്‍ക്കാറിനു കഴിഞ്ഞില്ല. അതിവേഗം ഓടിക്കൊണ്ടിരിക്കുന്ന കാറിന്റെ ടയറിന് വെടിവെക്കുന്നതു പോലെയായിരുന്നു കേന്ദ്ര സര്‍ക്കാറിന്റെ നടപടിയെന്നും രാജ്യത്തിന്റെ സാമ്പത്തിക വളര്‍ച്ചയെ ഇത് പ്രതികൂലമായി ബാധിച്ചെന്നും കെ.സി വേണുഗോപാല്‍ പറഞ്ഞു.
പാര്‍ലമെന്ററി സമിതി മുമ്പാകെ രണ്ടുതവണ വിളിപ്പിച്ചെങ്കിലും എത്ര രൂപയുടെ നോട്ട് തിരിച്ചെത്തിയെന്ന് പറയാന്‍ റിസര്‍വ് ബാങ്ക് ഗവര്‍ണര്‍ക്കും കഴിഞ്ഞില്ല. ഇപ്പോഴും കറന്‍സികള്‍ തിരിച്ചുവരുന്നതായും ഇവ എണ്ണിത്തീര്‍ന്നിട്ടില്ലെന്നുമാണ് ആര്‍.ബി.ഐ ഗവര്‍ണര്‍ പറഞ്ഞത്. എപ്പോഴാണ് ഇത് എണ്ണിത്തീരൂക. തിരിച്ചെത്തിയ പണത്തിന്റെ കണക്ക് ഇപ്പോള്‍ പറയാനാകില്ലെങ്കില്‍ എന്ന് പറയാനാകുമെന്നെങ്കിലും സര്‍ക്കാര്‍ പറയണമെന്നും രാജ്യത്തെ ജനങ്ങളോട് ഇക്കാര്യത്തില്‍ സര്‍ക്കാറിന് ഉത്തരവാദിത്തമുണ്ടെന്നും കെ.സി വേണുഗോപാല്‍ പറഞ്ഞു. ഭീകരവാദത്തിനുള്ള ഫണ്ടിങ് തടയാനായിരുന്നു നടപടിയെന്ന് കേന്ദ്രം വാദിച്ചിരുന്നു. എന്നിട്ട് കശ്മീരിലെ സ്ഥിതിഗതികള്‍ നിയന്ത്രണ വിധേയമായോ? അമര്‍നാഥ് തീര്‍ത്ഥാടകര്‍ക്കു നേരെയുണ്ടായ ഭീകരാക്രമണം നതടയാന്‍ സര്‍ക്കാറിന് കഴിഞ്ഞോ? വിപണിയില്‍ ഉണ്ടായിരുന്നതിനേക്കാള്‍ പണം ബാങ്കുകളില്‍ തിരിച്ചെത്തിയെന്നാണ് സൂചന. അങ്ങനെയെങ്കില്‍ കള്ളനോട്ടുകള്‍ കൂടി ബാങ്കുകളില്‍ നിക്ഷേപിക്കപ്പെട്ടിട്ടുണ്ടോ? നോട്ടു നിരോധനം വന്ന 2016 നവംബര്‍ മുതല്‍ 2017 ജൂലൈ വരെ 1.57 ലക്ഷം കള്ളനോട്ടുകള്‍ പിടികൂടിയെന്നാണ് കേന്ദ്രത്തിന്റെ വിശദീകരണം. 2014-15 സാമ്പത്തിക വര്‍ഷത്തില്‍ 5.4 ലക്ഷവും 2015-16ല്‍ 6.32 ലക്ഷവും കള്ളനോട്ടുകള്‍ പിടികൂടിയിട്ടുണ്ട്. അപ്പോള്‍ നോട്ടു നിരോധനത്തിന്റെ നേട്ടമായി ഇതിനെ കണക്കാക്കാനാവില്ല. നോട്ടു നിരോധനത്തിനു ശേഷം ഡിജിറ്റല്‍ പണമിടപാട് 119.07 കോടിയില്‍നിന്ന് 111.45 കോടിയിലേക്ക് താഴ്ന്നു. അതായത് ഡിജിറ്റല്‍ പണമിടപാടുകള്‍ പ്രോത്സാഹിപ്പിക്കാനായിരുന്നു നടപടിയെന്ന കേന്ദ്ര സര്‍ക്കാര്‍ വാദവും അസത്യമാണെന്നും കെ.സി വേണുഗോപാല്‍ ആരോപിച്ചു.

Related Topics:500&1000rs demonetisation Modi Govt NOTE ban

Up Next

സംഘര്‍ഷം വ്യാപിപ്പിക്കാന്‍ ബി.ജെ.പി ആസൂത്രിത ശ്രമങ്ങള്‍ നടത്തുന്നു: കെ.പി.എ മജീദ്

Don't Miss

ഡല്‍ഹി ജമാ മസ്ജിദ് സ്‌ഫോടനം; മൂന്നു പേരെ വെറുതെവിട്ടു

Click to comment

Film

‘ARM’ ഇനി പാൻ ഇന്ത്യൻ; അഞ്ച് ഭാഷകളിൽ ഒ.ടി.ടി സ്ട്രീമിംഗ് ആരംഭിച്ചു

ചിത്രം മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും ചിത്രം ഒടിടിയില്‍ കാണാൻ കഴിയും.

Published

9 hours ago

November 8, 2024

webdesk13

ടൊവിനോ തോമസ് നായകനായെത്തിയ അജയന്റെ രണ്ടാം മോഷണം (ARM) ഒടിടിയിൽ സ്ട്രീമിംഗ് ആരംഭിച്ചു. ചിത്രം ഡിസ്‌നി പ്ലസ് ഹോട്ട്സ്റ്റാറിൽ ഇന്ന് മുതൽ കാണാൻ കഴിയും. ചിത്രം മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും ചിത്രം ഒടിടിയില്‍ കാണാൻ കഴിയും.

ചിത്രം തിയേറ്ററിൽ റിലീസ് ചെയ്ത് 58 ദിവസം പിന്നിട്ടതിന് പിന്നാലെയാണ് ഒടിടിയിൽ എത്തിയിരിക്കുന്നത്. സെപ്റ്റംബർ 12-നായിരുന്നു ചിത്രത്തിന്റെ റിലീസ്. ജിതിൻ ലാൽ സംവിധാനം ചെയ്തിരിക്കുന്ന ഈ ബിഗ് ബഡ്ജറ്റ് സിനിമയുടെ രചന നിർവ്വഹിച്ചിരിക്കുന്നത് സുജിത്ത് നമ്പ്യാർ ആണ്. തന്റെ ആദ്യ സിനിമകൊണ്ട് സിനിമ പ്രമികളെ ഞെട്ടിക്കാൻ ഒരു പുതുമുഖ സംവിധായകൻ എന്ന നിലയിൽ ജിതിന് കഴിഞ്ഞിരുന്നു.

ടൊവിനോയുടെയും സുരഭിയുടെയും അസാമാന്യ പെർഫോമൻസും ജോമോൻ ടി. ജോൺ എന്ന പകരം വെക്കാനില്ലാത്ത സിനിമാട്ടോഗ്രാഫി ബ്രാൻഡും മ്യൂസിക്കിന്റെ പ്ലേസ്മെന്റും ആഴമുള്ള കഥാപാത്രങ്ങളും കൊണ്ട് തന്നെയാണ് ഈ ചിത്രം വെന്നിക്കൊടി പാറിക്കുന്നത്. മോഹൻലാലിന്റെ ശബ്ദ സാന്നിധ്യം ചിത്രത്തിന്റെ മിസ്റ്ററി എലമെന്റ് കൂട്ടുന്നുണ്ട്.

38 കോടി മുടക്കിയ ചിത്രത്തിന് 100 കോടി ക്ലബിൽ ഇടം നേടാൻ കഴിഞ്ഞുവെന്ന് നിർമാതാക്കൾ അറിയിച്ചിരുന്നു. കൃതി ഷെട്ടി, ഐശ്വര്യ രാജേഷ്, സുരഭി ലക്ഷ്മി എന്നിവരാണ് ചിത്രത്തിൽ നായികമാരായി എത്തുന്നത്. ബേസിൽ ജോസഫ്, ജഗദീഷ്, ഹരീഷ് ഉത്തമൻ, കബീർ സിംഗ്, പ്രമോദ് ഷെട്ടി, രോഹിണി എന്നിവരും ചിത്രത്തിൽ പ്രധാന വേഷങ്ങൾ ചെയ്തിരുന്നു.

crime

സല്‍മാന്‍ ഖാന് വീണ്ടും വധഭീഷണി

കുപ്രസിദ്ധ ഗുണ്ടാനേതാവ് ലോറൻസ് ബിഷ്‌ണോയിയുമായി ബന്ധപ്പെടുത്തുന്ന ഗാനം കാരണമാണ് ഇത്തവണ ഭീഷണി.

Published

12 hours ago

November 8, 2024

webdesk13

ബോളിവുഡ് സൂപ്പർസ്റ്റാർ സൽമാൻ ഖാന് വീണ്ടും ഭീഷണി കോൾ. കുപ്രസിദ്ധ ഗുണ്ടാനേതാവ് ലോറൻസ് ബിഷ്‌ണോയിയുമായി ബന്ധപ്പെടുത്തുന്ന ഗാനം കാരണമാണ് ഇത്തവണ ഭീഷണി. പാട്ടെഴുതാൻ പറ്റില്ലെന്ന് പറഞ്ഞ് ഗാനരചയിതാവിനെ ഭീഷണിപ്പെടുത്തിയ സംഘം സൽമാൻ ഖാന് ധൈര്യമുണ്ടെങ്കിൽ അവരെ രക്ഷിക്കണമെന്നും വെല്ലുവിളി നടത്തി. വ്യാഴാഴ്ച അർദ്ധരാത്രി മുംബൈയിലെ ട്രാഫിക് കൺട്രോൾ റൂമിലാണ് ഭീഷണി സന്ദേശം ലഭിച്ചത്. ബിഷ്‌ണോയിയുടെ പേരിലുള്ള ഗാനത്തെ പരാമർശിച്ചായിരുന്നു ഭീഷണി സന്ദേശം.

ഇനി ഒരു മാസത്തിനകം ഇത്തരം പാട്ടുകൾ ചെയ്യാനാകില്ലെന്ന അവസ്ഥയിൽ ഗാനരചയിതാവ് എത്തുമെന്നും ഭീഷണി സന്ദേശത്തിൽ പറയുന്നു. ഇതോടെ, 10 ദിവസത്തിനുള്ളിൽ സൽമാന് നാല് വധഭീഷണികൾ ലഭിച്ചു. അതിനിടെ, സൽമാൻ ഖാനെതിരെ വധഭീഷണി മുഴക്കുകയും അഞ്ച് കോടി രൂപ മോചനദ്രവ്യം ആവശ്യപ്പെടുകയും ചെയ്ത കേസിൽ കർണാടകയിൽ നിന്ന് അറസ്റ്റിലായ പ്രതി ബിഖർമം ബിഷ്‌ണോയിയെ ചോദ്യം ചെയ്തതിൽ ഞെട്ടിക്കുന്ന വെളിപ്പെടുത്തലുകൾ.

വോർളി പോലീസ് നടത്തിയ ചോദ്യം ചെയ്യലിൽ ലോറൻസ് ബിഷ്‌ണോയി തന്റെ ആരാധനാപാത്രമാണെന്ന് പ്രതി വെളിപ്പെടുത്തി. സൽമാൻ ഖാനോട് താൻ ആവശ്യപ്പെട്ട അഞ്ചു കോടി രൂപ ബിഷ്‌ണോയ് സമുദായത്തിന് ക്ഷേത്രം പണിയാൻ വേണ്ടിയുള്ളതാണെന്നും അദ്ദേഹം വെളിപ്പെടുത്തി.

പ്രതി ലോറൻസ് ബിഷ്‌ണോയിയുടെ വിഡിയോകൾ പതിവായി കാണാറുണ്ടെന്നും ജയിലിൽ നിന്ന് പോലും ബിഷ്‌ണോയി സമുദായത്തെ പിന്തുണച്ചുകൊണ്ട് ലോറൻസ് നടത്തിയ പ്രവർത്തനങ്ങളിൽ അഭിമാനം തോന്നിയെന്നും വോർലി പോലീസ് അന്വേഷണത്തിൽ കണ്ടെത്തി.

Business

തൊട്ടാല്‍ പൊള്ളും പൊന്ന് ! പതുങ്ങിയത് കുതിക്കാനോ ? ഒറ്റയടിക്ക് കുതിച്ചുയര്‍ന്ന് സ്വര്‍ണവില

7285 രൂപയാണ് ഒരു ഗ്രാം സ്വര്‍ണത്തിന്റെ വില.

Published

14 hours ago

November 8, 2024

webdesk13

സംസ്ഥാനത്ത് ഇന്നലെ ഇടിഞ്ഞ സ്വർണവില തിരിച്ചുകയറി. പവന് 680 രൂപ വര്‍ധിച്ച് സ്വര്‍ണവില വീണ്ടും 58,000ന് മുകളില്‍ എത്തി. 58,280 രൂപയാണ് ഒരു പവന്‍ സ്വര്‍ണത്തിന്റെ വില. ഗ്രാമിന് 85 രൂപയാണ് വര്‍ധിച്ചത്. 7285 രൂപയാണ് ഒരു ഗ്രാം സ്വര്‍ണത്തിന്റെ വില. സ്വർണത്തിന് 1300 രൂപയുടെ കനത്ത ഇടിവാണ് ഇന്നലെ ഉണ്ടായത്.

അടുത്തിടെ ആദ്യമായാണ് സ്വര്‍ണവില ഒറ്റയടിക്ക് ആയിരത്തിലധികം രൂപ കുറഞ്ഞത്. അന്താരാഷ്ട്ര വിപണിയിലെ മാറ്റമാണ് സ്വര്‍ണവിലയില്‍ പ്രതിഫലിച്ചത്.

രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്.

ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കും.