ഛത്തീസ്ഗഢില്‍ പ്രാദേശിക മാധ്യമപ്രവര്‍ത്തകനെ മരിച്ചനിലയില്‍ കണ്ടെത്തി. ബിജാപൂര്‍ ജില്ലയില്‍ ഇന്നലെയാണ് പ്രാദേശിക വാര്‍ത്താ ചാനലിലെ റിപ്പോര്‍ട്ടര്‍ ആയ മുകേഷ് ചന്ദ്രകറിനെ മരിച്ച നിലയില്‍ കണ്ടെത്തിയത്. ജനുവരി ഒന്നുമുതല്‍ മുകേഷിനെ കാണാതായിരുന്നു. തുടര്‍ന്നു സഹോദരന്‍ നല്‍കിയ പരാതിയില്‍ അന്വേഷണം നടത്തിയപ്പോഴാണ് മുകേഷിന്റെ മൃതദേഹം വാട്ടര്‍ ടാങ്കില്‍ കണ്ടെത്തിയത്.

ബസ്തറിലെ റോഡ് നിര്‍മാണ പദ്ധതിയുമായി ബന്ധപ്പെട്ട 120 കോടി രൂപ വകയിരുത്തിയ അഴിമതിയെ കുറിച്ച് മുകേഷ് റിപ്പോര്‍ട്ട് ചെയ്തിരുന്നു. റോഡ് നിര്‍മാണത്തിന്റെ കരാറുകാരനായ കോണ്‍ട്രാക്ടറെ പ്രതിസ്ഥാനത്താക്കിയായിരുന്നു വാര്‍ത്ത നല്‍കിയത്. വാര്‍ത്തക്ക് പിന്നലെ കോണ്‍ട്രാക്ടറെ കുറിച്ച് അന്വേഷിക്കാന്‍ സര്‍ക്കാര്‍ ഉത്തരവിട്ടു. ഇതിനുപിന്നാലെയാണ് മാധ്യമപ്രവര്‍ത്തകനെ കാണാതായത്.

ജനുവരി ഒന്നിന് രാത്രി മുതല്‍ മുകേഷിനെ കാണാനില്ലെന്ന് കാണിച്ച് സഹോദരന്‍ യുകേഷ് ചന്ദ്രാകര്‍ ആണ് പൊലീസില്‍ പരാതി നല്‍കിയത്. മുകേഷിന്റെ നമ്പറില്‍ ബന്ധപ്പെടാന്‍ ശ്രമിച്ചപ്പോള്‍ മൊബൈല്‍ ഫോണ്‍ സ്വിച്ചിഡ് ഓഫ് ആയിരുന്നു. കാണാതാകുന്ന ദിവസം കോണ്‍ട്രാക്ടറുടെ സഹോദരന്‍ റിതേഷ് മുകേഷിനെ കണ്ടതായി യുകേഷ് പൊലീസിനെ അറിയിച്ചു. ഇയാളെ കണ്ടെത്താനും പൊലീസ് ശ്രമം തുടങ്ങി. സുരേഷ് ചന്ദ്രാകറിന്റെ ലൊക്കാലിറ്റിയിലുള്ള വാട്ടര്‍ ടാങ്കിലാണ് മുകേഷിന്റെ മൃതദേഹം കണ്ടെത്തിയത്.

ഇന്ത്യയുടെ ഭരണഘടനാ ശില്‍പ്പിയായ ബി.ആര്‍. അംബേദ്ക്കര്‍ 1940ല്‍ ആര്‍.എസ്.എസിന്റെ ശാഖ സന്ദര്‍ശിച്ചിരുന്നതായി അവകാശപ്പെട്ട് സംഘപരിവാര്‍. 85 വര്‍ഷം മുമ്പ് മഹാരാഷ്ട്രയിലെ രാഷ്ട്രീയ സ്വയംസേവക് സംഘിന്റെ (ആര്‍.എസ്.എസ്) ശാഖ സന്ദര്‍ശിച്ചിരുന്നതായി സംഘടനയുടെ കമ്മ്യൂണിക്കേഷന്‍ വിഭാഗമായ വിശ്വ സംവാദ് കേന്ദ്ര (വി.എസ്.കെ) പുറത്തിറക്കിയ പ്രസ്താവനയിലാണ് അറിയിച്ചിരിക്കുന്നത്.

ശാഖ സന്ദര്‍ശിച്ച അംബേദ്ക്കര്‍ അവിടുത്തെ പ്രവര്‍ത്തകരെ അഭിസംബോധന ചെയ്ത് സംസാരിച്ചിരുന്നെന്നും അതിനിടയിലാണ് തനിക്ക് ആര്‍.എസ്.എസുമായി ആത്മബന്ധമുള്ളതായി അദ്ദേഹത്തിന് അനുഭവപ്പെട്ടതായി പറഞ്ഞതെന്നും പ്രസ്താവനയില്‍ പറയുന്നു.

‘ഡോ. അംബേദ്കര്‍ 1940 ജനുവരി രണ്ടിന് സത്താറ ജില്ലയിലെ കരാഡിലെ ഒരു ആര്‍.എസ്.എസ് ശാഖ സന്ദര്‍ശിച്ചു, അവിടെ അദ്ദേഹം  സ്വയംസംഘ സേവകരെ അഭിസംബോധന ചെയ്യുകയും ചെയ്തു,’ പ്രസ്താവനയില്‍ പറയുന്നു.

ചില വിഷയങ്ങളില്‍ അഭിപ്രായവ്യത്യാസങ്ങള്‍ ഉണ്ടെങ്കിലും ആര്‍.എസ്.എസിനെക്കുറിച്ച് സ്വന്തം എന്ന തോന്നാലാണുണ്ടാവുന്നതെന്ന് സന്ദര്‍ശന വേളയില്‍ അംബേദ്കര്‍ പറഞ്ഞതായാണ് പ്രസ്താവനയില്‍ പറയുന്നത്. ‘ ചില വിഷയങ്ങളില്‍ അഭിപ്രായവ്യത്യാസങ്ങള്‍ ഉണ്ടെങ്കിലും, ഞാന്‍ സംഘത്തെ കാണുന്നത് സ്വന്തം എന്ന ബോധത്തോടെയാണ്,’ പ്രസ്താവനയില്‍ പറഞ്ഞു.

1940 ജനുവരി ഒമ്പതിന് പൂനെയിലെ മറാത്തി ദിനപത്രമായ കേസരിയില്‍ ഡോ. അംബേദ്കറുടെ ആര്‍.എസ്.എസ് ശാഖാ സന്ദര്‍ശനത്തെക്കുറിച്ച് ഒരു റിപ്പോര്‍ട്ട് പ്രസിദ്ധീകരിച്ചിരുന്നു. ഈ വാര്‍ത്തയുടെ ചിത്രം പങ്കുവെച്ചാണ് വി.എസ്.കെ പ്രസ്താവന പുറത്തിറക്കിയിരിക്കുന്നത്.

ഉ​ത്ത​ർ​പ്ര​ദേ​ശി​ലെ മു​റാ​ദാ​ബാ​ദി​ൽ ഗോ​ഹ​ത്യ ആ​രോ​പി​ച്ച് ജ​ന​ക്കൂ​ട്ടം മ​ർ​ദി​ച്ച് കൊ​ല​പ്പെ​ടു​ത്തി​യ മു​ഹ​മ്മ​ദ് ശാ​ഹി​ദി​ൻ ഖു​റൈ​ശി​യു​ടെ (37)കൂ​ട്ടാ​ളി​യാ​യ മു​സ്‍ലിം യു​വാ​വി​നെ ഗോ​വ​ധ കേ​സി​ൽ പൊ​ലീ​സ് അ​റ​സ്റ്റ് ചെ​യ്തു.

കൊ​ല​പാ​ത​ക​ത്തി​ൽ ഖു​റൈ​ശി​യു​ടെ സ​ഹോ​ദ​ര​ൻ മു​ഹ​മ്മ​ദ് ഷ​ജാ​ദി​ന്റെ പ​രാ​തി​യി​ൽ അ​ജ്ഞാ​ത​ർ​ക്കെ​തി​രെ കേ​സെ​ടു​ത്തി​ട്ടു​ണ്ടെ​ങ്കി​ലും ഒ​രാ​ളെ പോ​ലും ഇ​തു​വ​രെ അ​റ​സ്റ്റ് ചെ​യ്തി​ട്ടി​ല്ല.

ഇ​തി​നി​ട​യി​ലാ​ണ് മു​ഹ​മ്മ​ദ് ശാ​ഹി​ദി​ൻ ഖു​റൈ​ശി​ക്കും സ​ഹാ​യി മു​ഹ​മ്മ​ദ് അ​ദ്നാ​നു​മെ​തി​രെ പൊ​ലീ​സ് സ്വ​മേ​ധ​യാ കേ​സെ​ടു​ത്ത​ത്. അ​ദ്നാ​നെ അ​റ​സ്റ്റ് ചെ​യ്യു​ക​യും ചെ​യ്തു.

ഡി​സം​ബ​ർ 30ന് ​പു​ല​ർ​ച്ചെ​യാ​ണ് ജ​ന​ക്കൂ​ട്ടം ഖു​റൈ​ശി​യെ ആ​ക്ര​മി​ച്ച​ത്. അ​ന്നു​ത​ന്നെ അ​ദ്ദേ​ഹം മ​രി​ച്ചു. മൂ​ന്ന് കു​ട്ടി​ക​ളു​ടെ പി​താ​വാ​യ ഖു​റൈ​ശി പ്ര​മേ​ഹ​വും വൃ​ക്ക​രോ​ഗ​ങ്ങ​ളും ഉ​ൾ​പ്പെ​ടെ ആ​രോ​ഗ്യ പ്ര​ശ്ന​ങ്ങ​ൾ നേ​രി​ടു​ന്ന​യാ​ളാ​ണെ​ന്ന് ഭാ​ര്യ റി​സ്‍വാ​ന പ​റ​ഞ്ഞു.

എ​ന്തി​നാ​ണ് ആ​ൾ​ക്കൂ​ട്ടം ഇ​ത്ര ക്രൂ​ര​മാ​യി മ​ർ​ദി​ച്ച​തെ​ന്ന് മ​ന​സ്സി​ലാ​കു​ന്നി​ല്ലെ​ന്നും മ​നു​ഷ്യ​ജീ​വ​ന് ഇ​ത്ര വി​ല​യി​ല്ലാ​താ​യോ എ​ന്നും ഭാ​ര്യാ​സ​ഹോ​ദ​രി മ​സൂ​മ ജ​മാ​ൽ ചോ​ദി​ച്ചു.