Connect with us

kerala

തീര്‍ത്ഥാടകര്‍ നാളെ മുതല്‍ മക്കയില്‍ : മിന ഒരുങ്ങി

Published

on

വിശുദ്ധ കര്‍മ്മത്തിന് മണിക്കൂറുകള്‍ മാത്രം ബാക്കി നില്‍ക്കേ തീര്‍ത്ഥാടക ലക്ഷങ്ങളുടെ പാദസ്പര്‍ശമേറ്റ് പുളകം കൊണ്ട മിന പരിമിതമായ ഹജ്ജ് തീര്‍ത്ഥാടകരെ സ്വീകരിക്കാന്‍ അണിഞ്ഞൊരുങ്ങി. കോവിഡ് പശ്ചാത്തലത്തില്‍ മുന്‍കരുതലുകളോടെ വിപുലമായ സൗകര്യങ്ങളാണ് മിനായില്‍ ഒരുക്കിയിട്ടുള്ളത്. മിനായില്‍ ആറ് ടവറുകളിലായി എഴുപത് ക്യാമ്പുകളാണ് ഇക്കൊല്ലത്തെ ഹാജിമാര്‍ക്ക് തയ്യാറാക്കിയിട്ടുള്ളത്. 4.37 ചതുരശ്ര മീറ്റര്‍ ചുറ്റളവിലാണ് ഓരോ തീര്‍ത്ഥാടകന്‍ക്കും ക്യാമ്പില്‍ നല്‍കിയിട്ടുള്ളത്. പ്രത്യേക പാക്കേജിലുള്‍പ്പെടുത്തി 5.33 ചതുരശ്ര മീറ്റര്‍ ചുറ്റളവില്‍ സൗകര്യങ്ങളുള്ള ടെന്റുകളും മിനയിലുണ്ട് . ആധുനികവല്‍ക്കരിച്ച ടെന്റുകള്‍ക്കും കര്‍മ്മങ്ങള്‍ നടക്കുന്ന പുണ്യ കേന്ദ്രങ്ങള്‍ക്കുമിടയില്‍ നിരവധി ഹെല്‍പ് സെന്ററുകളുടെ സേവനം ലഭ്യമാകും.

 

800 വനിതാ ജീവനക്കാരെ തീര്‍ത്ഥാടകരുടെ സേവനത്തിനായി നിയോഗിച്ചിട്ടുണ്ട്. ജനസാഗരം നിറഞ്ഞൊഴുകിയ തമ്പുകളില്‍ ഓരോ തീര്‍ത്ഥാടകനും വേര്‍തിരിച്ചു നല്‍കിയ വിശ്രമ കേന്ദ്രങ്ങളാണ് മിനായിലെ പുതിയ കാഴ്ച്ച. മുന്‍കാലങ്ങളെ പോലെ ചെറു സംഘങ്ങള്‍ കൂടുന്ന തമ്പുകള്‍ക്ക് പകരമാണ് ഈ സംവിധാനം. തീര്‍ഥാടകര്‍ ക്യാമ്പുകളിലേക്കും ടവറുകളിലേക്കും പ്രവേശിക്കുന്നതും പുറപ്പെടുന്നതും സ്മാര്‍ട്ട് കാര്‍ഡ് സ്‌കാന്‍ ചെയ്തുകൊണ്ടായിരിക്കും. ‘ക്ഷണവും മറ്റു സേവനങ്ങളുമെല്ലാം സ്മാര്‍ട്ട് കാര്‍ഡ് വഴി തന്നെയാണ് സമയബന്ധിതമായി ക്രമീകരിച്ചിരിക്കുന്നത്. തീര്‍ത്ഥാടകരുടെ ‘ഭക്ഷണം വിശ്രമം തുടങ്ങിയ കാര്യങ്ങള്‍ അവരവര്‍ക്ക് അനുവദിച്ച സ്ഥലങ്ങളില്‍ മാത്രമായിരിക്കുമെന്നാണ് കരുതുന്നത് .

ഹജ്ജിന്റെ കര്‍മങ്ങള്‍ നടക്കുന്ന മിന, അറഫ, മുസ്ദലിഫ, ജംറ , മസ്ജിദുല്‍ ഹറം, പ്രവാചക നഗരി എന്നവിടങ്ങളില്‍ സ്വീകരിക്കേണ്ട പ്രധാന മുന്‍കരുതല്‍ നടപടികളെല്ലാം ടീം ലീഡര്‍. ഗൈഡ് എന്നിവര്‍ യഥാ സമയം തീര്‍ത്ഥാടകരെ ബോധ്യപ്പെടുത്തും. പുണ്യ കര്‍മ്മം നിര്‍വഹിക്കാനായി തീര്‍ത്ഥാടകര്‍ നാളെ മുതല്‍ മക്കയിലെത്തും. ശനിയാഴ്ചയും ഞായറാഴ്ചയുമായാണ് തെരഞ്ഞെടുക്കപെട്ട നിശ്ചയിക്കപ്പെട്ട കേന്ദ്രങ്ങളില്‍ തീര്‍ത്ഥാടകരെത്തുക. സഊദിയുടെ ദൂര ദിക്കുകളില്‍ നിന്നുള്ള തീര്‍ത്ഥാടകര്‍ ജിദ്ദ, തായിഫ് മദീന വഴി മക്കയെ ലക്ഷ്യമാക്കി യാത്ര തുടങ്ങി. മക്കയിലെ നവാരിയ , ശറാഅ , അല്‍ഹദ സാഇദി തുടങ്ങിയ ‘ഭാഗങ്ങളിലെ പാര്‍ക്കിംഗ് കേന്ദ്രങ്ങളിലെത്തുന്ന തീര്‍ത്ഥാടകര്‍ ത്വവാഫുല്‍ ഖുദും നിര്‍വഹിക്കാന്‍ പ്രത്യേകം സജ്ജമാക്കിയ ബസുകളില്‍ വിശുദ്ധ ഹറമിലേക്ക് യാത്ര തിരിക്കും. മക്കയിലെത്തിയത് മുതല്‍ പ്രത്യേക നിരീക്ഷകരുടെ മേല്‍നോട്ടത്തിലാകും തീര്‍ത്ഥാടകര്‍.

 

ത്വവാഫ് നിര്‍വഹിച്ച ശേഷം ഹജ്ജ് കര്‍മ്മങ്ങള്‍ക്ക് തുടക്കം കുറയ്ക്കാനായി തീര്‍ത്ഥാടകര്‍ സുരക്ഷാ വിഭാഗത്തിന്റെ അകമ്പടിയോടെ മിനയുടെ താഴ്‌വര ലക്ഷ്യം വെച്ച് നീങ്ങും. ആരോഗ്യസുരക്ഷക്ക് അതിപ്രാധാന്യമുള്ള രണ്ടാമത്തെ ഹജ്ജ് കര്‍മ്മമാണ് ഇക്കൊല്ലത്തേത്. ലോകവും സഊദിയും കോവിഡിന്റെ രൂക്ഷമായ പിടിയില്‍ പെട്ട സാഹചര്യത്തിലും ആയിരത്തോളം പേരെ ഉള്‍പ്പെടുത്തി കഴിഞ്ഞ വര്ഷം വിശുദ്ധ ഹജ്ജ കര്‍മം നിര്‍വഹിപ്പിക്കാന്‍ തീരുമാനിച്ച സഊദി ‘ഭരണാധികാരി സല്‍മാന്‍ രാജാവിന്റെ വിപ്ലവകരമായ തീരുമാനം ആഗോള മുസ്ലിംകളുടെ വാര്‍ഷിക മഹാ സംഗമം തടസമില്ലാതെ തുടരാന്‍ പ്രേരകമായി. കോവിഡ് വ്യാപനത്തിന് നേരിയ ശമനം വന്ന ഇക്കൊല്ലവും സ്വദേശികളും വിദേശികളുമായ അറുപതിനായിരം പേര്‍ക്ക് അവസരം നല്‍കി ഹജ്ജ് കര്‍മവുമായി മുന്നോട്ട് പോകാനുള്ള സല്‍മാന്‍ രാജാവിന്റെ തീരുമാനം അക്ഷരം പ്രതി നടപ്പിലാക്കുന്ന ദൗത്യമാണ് വിവിധ മന്ത്രാലയങ്ങള്‍ അതീവ ജാഗ്രതയോടെ ഏറ്റെടുത്തത്. ‘

 

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

മുന്നറിയിപ്പില്‍ മാറ്റം, ഇന്ന് ആറുജില്ലകളില്‍ ഇടിമിന്നലോട് കൂടിയ ശക്തമായ മഴ; യെല്ലോ അലര്‍ട്ട്

തിരുവനന്തപുരം, പത്തനംതിട്ട, ആലപ്പുഴ, കോട്ടയം, കോഴിക്കോട്, വയനാട് ജില്ലകളിലാണ് മുന്നറിയിപ്പ്. നാളെ അഞ്ച് ജില്ലകളിലും മുന്നറിയിപ്പുണ്ട്.

Published

on

സംസ്ഥാനത്ത് ശക്തമായ മഴയ്ക്ക് സാധ്യതയെന്ന മുന്നറിയിപ്പുമായി കേന്ദ്ര കാലാവസ്ഥാ വകുപ്പ്. ഇന്ന് ആറ് ജില്ലകളില്‍ യെല്ലോ അലേര്‍ട്ട് പ്രഖ്യാപിച്ചു. തിരുവനന്തപുരം, പത്തനംതിട്ട, ആലപ്പുഴ, കോട്ടയം, കോഴിക്കോട്, വയനാട് ജില്ലകളിലാണ് മുന്നറിയിപ്പ്. നാളെ അഞ്ച് ജില്ലകളിലും മുന്നറിയിപ്പുണ്ട്.

പത്തനംതിട്ട, ആലപ്പുഴ, എണറാകുളം, കോഴിക്കോട്, വയനാട് ജില്ലകളില്‍ നാളെ യെല്ലോ അലേര്‍ട്ട് ആയിരിക്കും. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില്‍ 64.5 മില്ലിമീറ്റര്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്‍ത്ഥമാക്കുന്നത്.
കേരള, കര്‍ണാടക, ലക്ഷദ്വീപ് തീരങ്ങളില്‍ ഇന്ന് മത്സ്യബന്ധനത്തിന് വിലക്കുമുണ്ട്. ഈ ഭാഗങ്ങളില്‍ ഇന്ന് മത്സ്യബന്ധനത്തിന് പോകാന്‍ പാടില്ലെന്ന് കാലാവസ്ഥാ വകുപ്പ് അറിയിച്ചു. കേരള തീരം, തെക്കന്‍ കര്‍ണാടക തീരം, ലക്ഷദ്വീപ് പ്രദേശം എന്നിവിടങ്ങളില്‍ മണിക്കൂറില്‍ 35 മുതല്‍ 45 കിലോമീറ്റര്‍ വരെയും ചില അവസരങ്ങളില്‍ മണിക്കൂറില്‍ 55 കിലോമീറ്റര്‍ വരെയും വേഗതയില്‍ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.
ഗള്‍ഫ് ഓഫ് മാന്നാര്‍, അതിനോട് ചേര്‍ന്ന കന്യാകുമാരി പ്രദേശം എന്നിവിടങ്ങളില്‍ മണിക്കൂറില്‍ 35 മുതല്‍ 45 കിലോമീറ്റര്‍ വരെയും ചില അവസരങ്ങളില്‍ മണിക്കൂറില്‍ 55 കിലോമീറ്റര്‍ വരെയും വേഗതയില്‍ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു.

Continue Reading

kerala

സന്ദീപ് വാര്യരുടെ കോൺഗ്രസ് പ്രവേശനത്തെ സ്വാഗതം ചെയ്ത് പി. കെ കുഞ്ഞാലിക്കുട്ടി

ക്രിസ്റ്റൽ ക്ലിയർ എന്ന് പറഞ്ഞ സിപിഎമ്മിന് സന്ദീപ് വാര്യർ കോൺഗ്രസിൽ ചേർന്നതിനെ വിമർശിക്കാനാകില്ലെന്നും അദ്ദേഹം കൂട്ടിച്ചേർത്തു.

Published

on

സന്ദീപ് വാര്യരുടെ കോൺഗ്രസ് പ്രവേശനത്തെ സ്വാഗതം ചെയ്ത് മുസ്‌ലിം ലീഗ് ദേശീയ ജനറല്‍ സെക്രട്ടറി പി. കെ കുഞ്ഞാലിക്കുട്ടി. കോൺഗ്രസിന് ഇനി നല്ല കാലമായിരിക്കുമെന്ന് കുഞ്ഞാലിക്കുട്ടി പറഞ്ഞു. ക്രിസ്റ്റൽ ക്ലിയർ എന്ന് പറഞ്ഞ സിപിഎമ്മിന് സന്ദീപ് വാര്യർ കോൺഗ്രസിൽ ചേർന്നതിനെ വിമർശിക്കാനാകില്ലെന്നും അദ്ദേഹം കൂട്ടിച്ചേർത്തു.

‘സന്ദീപ് വാര്യർ നാളെ പാണക്കാട്ടെത്തി സാദിഖലി തങ്ങളെ കാണും. കോൺഗ്രസിലേക്ക് ഇനിയും ഒഴുക്ക് തുടരും, പാലക്കാട് വലിയ വിജയമുണ്ടാകുമെന്നും സന്ദീപിന്റെ വരവ് അത് കൂടുതൽ മെച്ചപ്പെടുത്തുമെന്നും’ പി. കെ കുഞ്ഞാലിക്കുട്ടി പറഞ്ഞു.

Continue Reading

kerala

പത്തു വർഷം മുമ്പത്തെ ‘ഗസ്സ ലേഖനം’; പ്രതികരണവുമായി മഹ്‌മൂദ് കൂരിയ

കുറച്ചുകാലമായി സമൂഹമാധ്യമങ്ങളിൽ നിന്ന് വിട്ടുനിൽക്കുന്നതിനാൽ തന്റെ പഴയ ലേഖനത്തെപ്പറ്റി ചർച്ചകൾ നടക്കുന്ന കാര്യം വൈകിയാണ് അറിഞ്ഞതെന്നും അദ്ദേഹം കൂട്ടിച്ചേർത്തു.

Published

on

ലണ്ടൻ: ഇസ്രാഈല്‍ – ഫലസ്തീൻ സംഘർഷത്തിൽ നിലപാടെടുക്കുന്നതിനെക്കുറിച്ച് പത്തുവർഷം മുമ്പ് താൻ എഴുതിയ ലേഖനം വിവാദമായ പശ്ചാത്തലത്തിൽ പ്രതികരണവുമായി എഡിൻബർഗ് യൂണിവേഴ്‌സിറ്റി ലെക്ചററും 2024-ലെ ഇൻഫോസിസ് പ്രൈസ് ജേതാവുമായ മഹ്‌മൂദ് കൂരിയ. ‘നമ്മൾ എന്തുകൊണ്ട് ഗസ്സയെ പിന്തുണക്കരുത്’ എന്ന തലക്കെട്ടിൽ ഒരു വെബ് പോർട്ടലിൽ എഴുതിയ ലേഖനം അതിന്റെ ആശയത്തിനു വിരുദ്ധമായാണ് ഇപ്പോൾ വ്യാഖ്യാനിക്കപ്പെടുന്നതെന്നും, ഗസ്സയിൽ ഇസ്രായേൽ നടത്തുന്ന വംശഹത്യയ്ക്ക് താൻ പൂർണമായും എതിരാണെന്നും മഹ്‌മൂദ് പറഞ്ഞു. കുറച്ചുകാലമായി സമൂഹമാധ്യമങ്ങളിൽ നിന്ന് വിട്ടുനിൽക്കുന്നതിനാൽ തന്റെ പഴയ ലേഖനത്തെപ്പറ്റി ചർച്ചകൾ നടക്കുന്ന കാര്യം വൈകിയാണ് അറിഞ്ഞതെന്നും അദ്ദേഹം കൂട്ടിച്ചേർത്തു.

ഗസ്സയിൽ ഇസ്രാഈല്‍ നടത്തുന്ന അതിക്രമങ്ങൾക്കെതിരെ നിലപാടെടുക്കുന്നവർ ജൂതമത വിശ്വാസികളെ മുഴുവനായും എതിർപക്ഷത്തു നിർത്തുന്നതിനെ തന്റെ ലേഖനത്തിൽ മഹ്‌മൂദ് വിമർശിച്ചിരുന്നു. ഹിറ്റ്‌ലറുടെ പേരിൽ പ്രചരിക്കുന്ന ഉദ്ധരണികൾ ഉപയോഗിച്ച് ജൂത വിശ്വാസികൾക്കെതിരെ പ്രചരണം നടത്തുന്നത് സെമിറ്റിക് വിരുദ്ധതയാണെന്നും, ഐ.സി.സിന്റെ ചെയ്തികളുടെ പേരിൽ മുസ്ലിംകളെ പഴിക്കുന്നതിനു സമാനമാണ് സയണിസ്റ്റുകളുടെ പേരിൽ ജൂതന്മാരെ കുറ്റപ്പെടുത്തുന്നതെന്നും അദ്ദേഹം അഭിപ്രായപ്പെട്ടു.

സാമൂഹ്യശാസ്ത്ര മേഖലയിലെ അക്കാദമിക മികവിനുള്ള 2024-ലെ ഇൻഫോസിസ് പ്രൈസ് മഹ്‌മൂദ് നേടിയതിനു പിന്നാലെ ഈ ലേഖനം ഫേസ്ബുക്ക് അടക്കമുള്ള ഓൺലൈൻ പ്ലാറ്റ്‌ഫോമുകളിൽ ചർച്ചയാവുകയും ചെയ്തു. ഫലസ്തീൻ ജനതയ്ക്കു മേൽ ഇസ്രായേൽ നടത്തുന്ന കൊടിയ അതിക്രമങ്ങളെ പിന്തുണക്കുന്നതാണ് ലേഖനത്തിന്റെ തലക്കെട്ടെന്നും, ലേഖനത്തിന്റെ ഉള്ളടക്കത്തിൽ കാര്യമായ പ്രശ്‌നങ്ങളുണ്ടെന്നുമുള്ള വിമർശനങ്ങൾ ഉയർന്നു.

ഫേസ്ബുക്ക് പോലുള്ള സമൂഹമാധ്യമങ്ങളിൽ നിന്ന് തൽക്കാലത്തേക്ക് വിട്ടുനിൽക്കുന്നതിനാൽ തന്റെ പേരിൽ നടക്കുന്ന വിവാദം അറിയാൻ വൈകിയെന്ന് മഹ്‌മൂദ് പറയുന്നു: ‘ഒരു സംശയവുമില്ലാത്തവിധം, ഗസ്സയിലെ വംശഹത്യയ്‌ക്കെതിരെ നിലപാടെടുക്കുന്നവർക്കൊപ്പമാണ് എല്ലാ കാലത്തും ഞാൻ. നിരപരാധികളായ കുഞ്ഞുങ്ങളെയും സ്ത്രീകളെയും സിവിലിയന്മാരെയും കൊലപ്പെടുത്തുകയും, യൂണിവേഴ്‌സിറ്റികളും ആശുപത്രികളുമടക്കം തകർക്കുകയും ചെയ്യുന്ന ഇസ്രായേലിന്റെ നടപടികൾ ഒരർത്ഥത്തിലും ന്യായീകരിക്കാൻ കഴിയുന്നതല്ല.’

ഗസ്സയിലെ മനുഷ്യർക്കെതിരെ നടക്കുന്ന മനുഷ്യത്വരഹിതമായ അതിക്രമങ്ങളുടെ ദൃശ്യങ്ങളും വാർത്തകളും തന്റെ മാനസികാരോഗ്യത്തെ ബാധിക്കുന്നു എന്ന് മനസ്സിലാക്കിയതു കൊണ്ടാണ് സമൂഹമാധ്യമങ്ങളിൽ നിന്ന് വിട്ടുനിൽക്കുന്നതെന്നും അദ്ദേഹം പറഞ്ഞു. ‘നമ്മുടെ കൺമുന്നിൽ വംശഹത്യ അരങ്ങേറുമ്പോൾ ഒന്നും ചെയ്യാൻ കഴിയുന്നില്ല എന്നത് തളർച്ചയുണ്ടാക്കുന്ന കാര്യമാണ്.’ ഇസ്ലാമോഫോബിയ പോലെ തന്നെ പ്രശ്‌നമാണ് സെമിറ്റിക് വിരുദ്ധതയും എന്നു പറയാനാണ് താൻ 2014-ലെ ലേഖനത്തിൽ ശ്രമിച്ചതെന്നും മഹ്‌മൂദ് വ്യക്തമാക്കി.

Continue Reading

Trending