Connect with us

kerala

താമരശേരി ബിഷപ്പുമായി മുസ്‌ലിംലീഗ് നേതാക്കള്‍ കൂടിക്കാഴ്ച നടത്തി

മതങ്ങളുടെ മൂല്യങ്ങളിലൂടെയുള്ള ഹൃദയ സഞ്ചാരമാണ് മനുഷ്യ സാഹോദര്യത്തിനും ലോക സമാധാനത്തിനും ആധാരമെന്ന് മുസ്‌ലിംലീഗ് നേതാവ് പാണക്കാട് സയ്യിദ് സാദിഖലി ശിഹാബ് തങ്ങള്‍

Published

on

മലപ്പുറം: മതങ്ങളുടെ മൂല്യങ്ങളിലൂടെയുള്ള ഹൃദയ സഞ്ചാരമാണ് മനുഷ്യ സാഹോദര്യത്തിനും ലോക സമാധാനത്തിനും ആധാരമെന്ന് മുസ്‌ലിംലീഗ് നേതാവ് പാണക്കാട് സയ്യിദ് സാദിഖലി ശിഹാബ് തങ്ങള്‍. ക്രിസ്മസ് പ്രമാണിച്ച് മലപ്പുറം സെന്റ് തോമസ് ചര്‍ച്ചില്‍ താമരശേരി രൂപത ബിഷപ്പ് ഫാദര്‍ മാര്‍ റമജിയോസ് ഇഞ്ചനാനിയാലിനെയും കുന്നുമ്മല്‍ സെന്റ് ജോസഫ്‌സ് ഫെറോന ചര്‍ച്ച് വികാരി ഫാദര്‍ തോമസിനെയും സന്ദര്‍ശിക്കുകയായിരുന്നു അദ്ദേഹം. മുസ്‌ലിംലീഗ് നേതാവ് പികെ കുഞ്ഞാലിക്കുട്ടിക്കൊപ്പം ചേര്‍ന്ന് അവരുമായി ക്രിസ്മസ് സന്തോഷങ്ങള്‍ പങ്കുവച്ചു. എല്ലാവര്‍ക്കും ക്രിസ്തുമസ് ആശംസകള്‍ അര്‍പ്പിക്കുകയും ചെയ്തു.

സയ്യിദ് സാദിഖലി തങ്ങളുടെ ഫെയ്‌സ്ബുക് കുറിപ്പ്:

ഇന്ന് ക്രിസ്മസ് ദിനത്തില്‍ ആശംസകള്‍ നേര്‍ന്ന് പി കെ കുഞ്ഞാലിക്കുട്ടി സാഹിബിനൊപ്പം മലപ്പുറം സെന്റ് തോമസ് ചര്‍ച്ചില്‍ ആദരണീയനായ താമരശ്ശേരി രൂപത ബിഷപ്പ് ഫാദര്‍ മാര്‍ റമജിയോസ് ഇഞ്ചനാനിയാല്‍ അവര്‍കളെയും കുന്നുമ്മല്‍ സെന്റ് ജോസഫ്‌സ് ഫെറോന ചര്‍ച്ച് വികാരി ഫാദര്‍ തോമസ് അവര്‍കളെയും കണ്ട് സന്തോഷം പങ്ക് വെച്ചു.
സ്‌നേഹ സന്ദേശം കൈമാറി

ആഘോഷങ്ങളുടെ സന്തോഷങ്ങള്‍ പരസ്പരം പങ്കുവെക്കുന്നവരാണു നമ്മള്‍.
അത് സ്‌നേഹത്തിന്റേയും ചേര്‍ന്നു നില്‍പ്പിന്റേയും സന്ദേശവും നല്‍കുന്നു.
ബഹുസ്വര സമൂഹത്തില്‍ ജീവിക്കുന്ന നമുക്ക് പരസ്പരം കൂടുതലറിയാനും മുന്‍വിധികള്‍ മായ്ക്കാനും ആഘോഷങ്ങളിലൂടെ സാധ്യമാകുന്നത് വലിയ കാര്യമാണ്.
നമുക്ക് നമ്മെ തന്നെ പുതുക്കാനും സാധ്യമാകും.
വിശ്വാസങ്ങളും ആചാരാനുഷ്ഠാനങ്ങളും മതങ്ങള്‍ക്കിടയില്‍ വൈവിദ്യമാണ്.
സ്‌നേഹം,സാഹോദര്യം,ദയ, കരുണ തുടങ്ങി മനുഷ്യന്റെ ഉന്നതമായ മൂല്യങ്ങള്‍ എല്ലാ മതങ്ങളുടേയും ധാര്‍മ്മിക പാഠങ്ങളാണ്.

‘മതങ്ങളുടെ മൂല്യങ്ങളിലൂടെയുള്ള ഹൃദയ സഞ്ചാരമാണ് മനുഷ്യ സാഹോദര്യത്തിനും ലോക സമാധാനത്തിനുമാധാരം’

ക്രിസ്തുമസ് ആശംസകള്‍..!

സയ്യിദ് സാദിഖലി ശിഹാബ് തങ്ങള്‍

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

യൂട്യൂബർ ‘മണവാള’നെതിരെ ലുക്ക് ഔട്ട് സർക്കുലർ

വിദ്യാർത്ഥികളെ കാറിടിച്ച് കൊലപ്പെടുത്താൻ ശ്രമിച്ച കേസിലാണ് ലുക്ക് ഔട്ട് നോട്ടീസ്

Published

on

തൃശൂർ: മണവാളൻ മീഡിയ എന്ന യൂട്യൂബ് ചാനൽ ഉടമ മുഹമ്മദ് ഷഹീൻ ഷായ്ക്കെതിരെ ലുക്ക് ഔട്ട് നോട്ടീസ് പുറത്തിറക്കി പൊലീസ്. വിദ്യാർത്ഥികളെ കാറിടിച്ച് കൊലപ്പെടുത്താൻ ശ്രമിച്ച കേസിലാണ് ലുക്ക് ഔട്ട് നോട്ടീസ്. ഏപ്രിൽ 19നാണ് കേസിനാസ്പദമായ സംഭവം ഉണ്ടായത്.

കേരളവർമ്മ കോളേജ് റോഡിൽ വച്ച് മോട്ടോര്‍ സൈക്കിളിൽ യാത്ര ചെയ്യുകയായിരുന്നു രണ്ട് കോളേജ് വിദ്യാർത്ഥികളെ കാറിടിച്ചു കൊലപ്പെടുത്താൻ മുഹമ്മദ് ഷഹീൻ ഷാ ശ്രമിക്കുകയായിരുന്നു. ഈ സംഭവത്തിലാണ് പൊലീസ് ഇപ്പോൾ തുടർ നടപടികൾ സ്വീകരിച്ചിരിക്കുന്നത്. തൃശ്ശൂർ വെസ്റ്റ് പൊലീസാണ് ലുക്ക് ഔട്ട് സർക്കുലർ പുറപ്പെടുവിച്ചിരിക്കുന്നത്. ഷഹീൻ ഷായെ ഇതുവരെ പിടികൂടാൻ കഴിഞ്ഞിരുന്നില്ല.

Continue Reading

kerala

സാദിഖലി തങ്ങളെ സന്ദർശിച്ച് ക്രിസ്ത്യൻ സഭാ നേതാക്കൾ; ക്രിസ്മസ് സൗഹാർദം പങ്കുവെക്കാനായി സ്നേഹസമ്മാനം കൈമാറി

മുനമ്പം വിഷയത്തിൽ സൗഹാർദ്ദം നിലനിർത്താനായി സാദിഖലി തങ്ങൾ നിലപാടെടുത്തെന്ന് മലപ്പുറം സെന്റ് തോമസ് പള്ളി വികാരി സെബാസ്റ്റ്യൻ ചെമ്പുകണ്ടത്തിൽ പറഞ്ഞു

Published

on

പാണക്കാട്: ക്രിസ്മസ് സൗഹാർദം പങ്കുവെക്കാനായി പാണക്കാട് സാദിഖലി തങ്ങളെ സന്ദർശിച്ച് ക്രിസ്ത്യൻ സഭാ മതനേതാക്കൾ. തങ്ങളുടെ വീട്ടിലെത്തിയായിരുന്നു സന്ദർശനം. മലപ്പുറം ഫാത്തിമമാതാ ചർച്ചിലെ വികാരി സെബാസ്റ്റ്യൻ ചെമ്പുകണ്ടത്തിലിൻ്റെ നേതൃത്വത്തിലുള്ള പ്രതിനിധി സംഘമാണ് പാണക്കാടെത്തി സ്നേഹ സമ്മാനം കൈമാറിയത്.

ക്രിസ്ത്യൻ സമൂഹവുമായുള്ള പാണക്കാട് കുടുംബത്തിൻ്റെ ബന്ധം എടുത്തു പറഞ്ഞാണ് സംഘത്തെ സാദിഖലി തങ്ങൾ സ്വീകരിച്ചത്. സൗഹാർദ സന്ദേശങ്ങൾക്ക് വർത്തമാന കാലത്ത് വലിയ പ്രാധാന്യമുണ്ടെന്നും സാദിഖലി തങ്ങൾ ചൂണ്ടിക്കാട്ടി. നാളെ കോഴിക്കോട് ബിഷപ് വർഗീസ് ചക്കാലക്കലിനെ സന്ദർശിക്കുമെന്നും സാദിഖലി തങ്ങൾ അറിയിച്ചു.

മുനമ്പം വിഷയത്തിൽ സൗഹാർദ്ദം നിലനിർത്താനായി സാദിഖലി തങ്ങൾ നിലപാടെടുത്തെന്ന് മലപ്പുറം സെന്റ് തോമസ് പള്ളി വികാരി സെബാസ്റ്റ്യൻ ചെമ്പുകണ്ടത്തിൽ പറഞ്ഞു. മത സൗഹാർദത്തിൽ പാണക്കാട് കുടുംബം വഹിക്കുന്ന പങ്കും നേതാക്കൾ പറഞ്ഞു.

Continue Reading

crime

510 ഗ്രാം എംഡിഎംഎയുമായി യുവാവ് പിടിയില്‍; സിനിമാ നടിമാര്‍ക്ക് നല്‍കാന്‍ കൊണ്ടുവന്നതെന്ന് പ്രതിയുടെ മൊഴി

ഒമാനില്‍ ജോലി ചെയ്തിരുന്ന മുഹമ്മദ് ഷബീബ് രണ്ടുമാസം മുന്‍പാണ് നാട്ടിലെത്തിയത്

Published

on

മലപ്പുറം: മലപ്പുറം അഴിഞ്ഞിലത്ത് 510 ഗ്രാം എംഡിഎംഎയുമായി യുവാവ് പിടിയില്‍. കാളികാവ് സ്വദേശി മുഹമ്മദ് ഷഫീഖ് ആണ് അറസ്റ്റിലായത്. മയക്കുമരുന്ന് കൈമാറാനായി കാത്തിരിക്കുമ്പോഴാണ് പിടിയിലാകുന്നത്. രണ്ടു നടിമാര്‍ക്ക് നല്‍കാനാണ് മയക്കുമരുന്ന് എത്തിച്ചതെന്നാണ് ഇയാള്‍ പൊലീസിന് നല്‍കിയ മൊഴി.

പോലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് ഇന്നലെ വൈകിട്ട് ജില്ലയിലെ പഞ്ചനക്ഷത്ര ഹോട്ടലിന്റെ പാര്‍ക്കിംഗ് ഏരിയയില്‍ നിന്ന് അരക്കിലോയില്‍ അധികം സിന്തറ്റിക്ക് ലഹരിമരുന്ന് പിടികൂടിയത്.

വീര്യം കൂടിയ എംഡി എം എ . കാളികാവ് സ്വദേശി മുഹമ്മദ് ഷബീബിനെ ഡാന്‍സാഫും വാഴക്കാട് പോലീസും ചേര്‍ന്ന് പിടികൂടി. ലഹരി എത്തിച്ച കാറും കസ്റ്റഡിയിലെടുത്തു. ഒമാനില്‍ ജോലി ചെയ്തിരുന്ന മുഹമ്മദ് ഷബീബ് രണ്ടുമാസം മുന്‍പാണ് നാട്ടിലെത്തിയത്. ചെമ്മാട് സ്വദേശി അബു താഹിര്‍ ആണ് ഷബീബിന്റെ നിര്‍ദ്ദേശപ്രകാരം എം.ഡി.എം.എ വിദേശത്തുനിന്ന് എത്തിച്ചത്.

ഒമാനില്‍ നിന്നു വന്നയാളാണ് മയക്കുമരുന്ന് നടിമാരെ ഏല്‍പ്പിക്കാന്‍ ആവശ്യപ്പെട്ട് നല്‍കിയത്. നടിമാര്‍ ആരാണെന്ന് അറിയില്ലെന്നും, കൂടുതലൊന്നും തന്നോട് വെളിപ്പെടുത്തിയില്ലെന്നുമാണ് ഷെഫീഖ് പൊലീസിനോട് പറഞ്ഞത്. ഷെഫീഖിന്റെ മൊഴിയില്‍ എത്രമാത്രം വസ്തുതയുണ്ടെന്നും, നടിമാര്‍ ആരാണെന്നും അന്വേഷിച്ചു വരുന്നതായി പൊലീസ് സൂചിപ്പിച്ചു.

Continue Reading

Trending