Connect with us

Culture

മുസ്‌ലിംലീഗ് ‘യൂത്ത് എക്‌സ്‌ചേഞ്ച് പ്രോഗ്രാം’; നവചൈതന്യം സൃഷ്ടിച്ച് നേതാക്കളുടെ പര്യടനം സമാപിച്ചു

Published

on

റാഞ്ചി: ആവേശത്തിന്റെ അലമാലകള്‍ തീര്‍ത്ത് മുസ്‌ലിംലീഗ് ദേശീയ നേതാക്കളുടെ ചതുര്‍ദിന ഉത്തരേന്ത്യന്‍ പര്യടനത്തിന് സമാപ്തി. ബീഹാര്‍, ജാര്‍ഖണ്ഡ്, ബംഗാള്‍ സംസ്ഥാനങ്ങളില്‍ സംഘടനക്ക് നവ ചൈതന്യം പകര്‍ന്ന സംഗമങ്ങളിലേക്ക് ആയിരങ്ങളാണ് ഒഴുകിയെത്തിയത്. മൂന്ന് സംസ്ഥാനങ്ങളിലെയും നിരവധി കേന്ദ്രങ്ങളില്‍ നടക്കുന്ന വൈജ്ഞാനിക-ജീവകാരുണ്യ പദ്ധതികള്‍ മുസ്‌ലിംലീഗ് ദേശീയ ഓര്‍ഗനൈസിംഗ് സെക്രട്ടറി ഇ.ടി മുഹമ്മദ് ബഷീര്‍ എം.പിയുടെ നേതൃത്വത്തിലുള്ള പര്യടനത്തോടെ പുതിയ ഘട്ടത്തിലേക്ക് കടന്നു.

ഉത്തരേന്ത്യന്‍ ഗ്രാമങ്ങളിലുള്ള യുവാക്കളെ കേരളത്തിലേക്കും കേരളത്തില്‍ നിന്ന് തെരഞ്ഞെടുക്കപ്പെടുന്ന യുവാക്കളെ ഉത്തരേന്ത്യന്‍ ഗ്രാമങ്ങളിലേക്കും കൈമാറ്റം ചെയ്ത് പ്രവര്‍ത്തിക്കുന്ന ‘യൂത്ത് എക്‌സ്‌ചേഞ്ച് പ്രോഗ്രാം’ അടുത്തമാസം ആരംഭിക്കും. ഉത്തരേന്ത്യന്‍ യുവാക്കള്‍ക്ക് കേരളത്തിലെ വൈജ്ഞാനിക-സാമൂഹ്യ-രാഷ്ട്രീയ പുരോഗതിയെ കുറിച്ച് അവബോധം സൃഷ്ടിക്കുന്നതോടെ അവര്‍ക്ക് അനുയോജ്യമായ പദ്ധതികള്‍ക്ക് രൂപം നല്‍കും. ദേശീയ ഭാരവാഹികളുമായി കൂടിയാലോചിച്ച് ഉത്തരേന്ത്യയില്‍ ദളിത്-മുസ്‌ലിം-ആദിവാസി നവോത്ഥാനം സൃഷ്ടിക്കുന്നതിന്റെ യുവ മാതൃകയുടെ അന്തിമ രൂപം തയ്യാറാക്കുമെന്നും ഇ.ടി പറഞ്ഞു.

സ്‌കൂളുകള്‍, പള്ളികള്‍ തുടങ്ങിയ നിരവധി പദ്ധതികളാണ് തുടക്കം കുറിച്ചത്. മുമ്പ് തുടങ്ങിയവയുടെ പുരോഗതിയും വിലയിരുത്തി. കുഴല്‍ കിണറുകളുടെ സമര്‍പ്പണം, ആയിരങ്ങള്‍ക്ക് കമ്പിളി പുതപ്പ് വിതരണം, സ്‌കൂള്‍ യൂണിഫോം-പാഠപുസ്തക വിതരണം എന്നിവയും ശ്രദ്ധേയമായി. സമ്മേളനങ്ങളിലേക്ക് സ്ത്രീകളും വൃദ്ധരും യുവാകകളുമെല്ലാം ആവേശപൂര്‍വ്വം ഒഴുകിയെത്തിയത് ഉത്തരേന്ത്യയില്‍ മുസ്‌ലിംലീഗിന്റെ മുന്നേറ്റത്തിന്റെ കാഹളമായി.

ജാര്‍ഖണ്ഡിലെ പാക്കൂര്‍ രംഗയിലെ ആദിവാസി-ദളിത്-പിന്നാക്ക വിഭാഗ മേഖലയിലും ദേവ്ഗര്‍ ജില്ലയിലെ ലഹാര്‍ജോറിലും ബീഹാറിലെ സീമാഞ്ചലിലും ബംഗാളിലെ ഉത്തര്‍ദിനാജ്പൂരിലും പ്രളയം തകര്‍ത്ത കര്‍ഷക ഗ്രാമങ്ങളിലുമെല്ലാം ആയിരങ്ങളാണ് മുസ്‌ലിംലീഗ് നേതാക്കളെ വരവേറ്റത്. ജാംധാര ജില്ലയിലെ കരാംദഹയില്‍ ബഹ്‌റൈന്‍ കോഴിക്കോട് ജില്ലാ കെ.എം.സി.സി നല്‍കിയ കുഴല്‍ കിണറുകളുടെ സമര്‍പ്പണവും കെ.എം.സി.സി ദുബായ് നാദാപുരം മണ്ഡലം കമ്മറ്റിയുടെ മസ്ജിദ് ശിലാസ്ഥാപനവുമാണ് ഇന്നലെ നടന്നത്.

പരിപാടികള്‍ക്ക് മുസ്‌ലിംലീഗ് ദേശീയ ഓര്‍ഗനൈസിംഗ് സെക്രട്ടറി ഇ.ടി മുഹമ്മദ് ബഷീര്‍ എം.പി, മുസ്്‌സ്്‌ലിംലീഗ് കേരള സംസ്ഥാന സെക്രട്ടറി ഡോ.സി.പി ബാവഹാജി, മുഫ്തി സഈദ് ആലം ഗിരിടി, മുഹമ്മദ് ഫാറൂഖ് അസം റാഞ്ചി, ഖാസിം പാകുര്‍, ശബബീര്‍ മദനി ചമ്പാരന്‍, മുഹമ്മദ് കോയ തിരുന്നാവായ, ഹമദ് മൂസ തിരുന്നാവായ, റഷീദ് മൂര്‍ക്കനാട്, ലത്തീഫ് രാമനാട്ടുകര, അബ്ദുറസാഖ് കടങ്ങല്ലൂര്‍, അഷ്‌റഫ് പാറോല്‍, ഉബൈസ് ചേലേമ്പ്ര, സിബിലി പെരിയമ്പലം, ബിലാല്‍ വെളിയംകോട്, സാലിഹ് ഹുദവി നേതൃത്വം നല്‍കി.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

‘തെക്ക് വടക്ക്’ ഒടിടിയിലേക്ക്

മനോരമ മാക്സിലൂടെയാണ് തെക്ക് വടക്ക് ഒടിടിയിലെത്തുന്നത്

Published

on

മലയാളത്തിലെ പ്രിയ താരങ്ങളായ വിനായകൻ, സുരാജ് വെഞ്ഞാറമ്മൂട് എന്നിവർ കേന്ദ്ര കഥാപാത്രങ്ങളിൽ എത്തിയ ചിത്രം തെക്ക് വടക്ക് ഒടിടിയിലേക്ക്. പ്രേം ശങ്കർ സംവിധാനം നിർവഹിച്ച ചിത്രത്തിന് തീയേറ്ററുകളിൽ മികച്ച പ്രതികരണം ലഭിച്ചിരുന്നു. മധ്യവയസ്ക്കരായ കഥാപാത്രങ്ങാളായാണ് വിനായകനും സുരാജും ചിത്രത്തിലെത്തിയത്. റിലീസായി മാസങ്ങൾക്ക് ശേഷമാണ് തെക്ക് വടക്ക് ഒടിടിയിൽ പ്രദർശനത്തിനൊരുങ്ങുകയാണ്.

സുരാജ് വെഞ്ഞാറമ്മൂടും വിനായകനും ആദ്യമായി നായകരായി ഒന്നിക്കുന്ന സിനിമയാണ് തെക്ക് വടക്ക്. കോമഡിക്ക് പ്രാധാന്യം നൽകി ഒരുക്കിയ ചിത്രം തിയേറ്ററിൽ മിശ്ര പ്രതികരണം നേടിയിരുന്നു. എസ്. ഹരീഷ് എഴുതിയ “രാത്രി കാവൽ” എന്ന കഥയെ ആസ്പദമാക്കിയാണ് തെക്ക് വടക്ക് ഒരുക്കിയത്. ഹരീഷ് തന്നെയാണ് സിനിമയുടെയും രചന. അൻജന ഫിലിപ്പും വി.എ ശ്രീകുമാറും, അൻജന തിയറ്റേഴ്സിന്റെയും വാർസ് സ്റ്റുഡിയോസിന്റെയും ബാനറിലാണ് ചിത്രം നിർമ്മിച്ചിരിക്കുന്നത്.

മെൽവിൻ ബാബു, ഷമീർ ഖാൻ, കോട്ടയം രമേഷ്, മെറിൻ ജോസ്, വിനീത് വിശ്വം, ബാലൻ പാലക്കൽ എന്നിവരുൾപ്പെടെ നൂറോളം പേർ ചെറുതും വലുതുമായ വേഷങ്ങളിൽ ചിത്രത്തിൽ അഭിനയിക്കുന്നുണ്ട്. സാം സി. എസ് സംഗീതവും, സുരേഷ് രാജൻ ഛായാഗ്രഹണവും, കിരൺ ദാസ് എഡിറ്റിങും നിർവഹിക്കുന്നു. മനോരമ മാക്സിലൂടെയാണ് തെക്ക് വടക്ക് ഒടിടിയിലെത്തുന്നത്. ചിത്രം ഉടൻ സ്ട്രീമിങ് ആരംഭിക്കുമെന്നാണ് വിവരം.

Continue Reading

Film

‘പ്രേക്ഷകർ തലവേദനയെടുത്ത് ഇറങ്ങിപ്പോയാൽ ചിത്രത്തിന് റിപീറ്റ്‌ വാല്യൂ കിട്ടില്ല’; റസൂൽ പൂക്കുട്ടി

നമ്മുടെ ജനപ്രിയ സിനിമകളിലൊന്നിന്റെ സൗണ്ടിനെക്കുറിച്ചുള്ള റിവ്യൂ കാണുമ്പോൾ നിരാശയുണ്ട് എന്ന് റസൂൽ പൂക്കുട്ടി പറയുന്നു

Published

on

തമിഴ് സൂപ്പർ താരം സൂര്യ ഇരട്ട വേഷത്തിലെത്തിയ ചിത്രം കങ്കുവ തിയേറ്ററുകളിലെത്തിയിരിക്കുകയാണ്. സിരുത്തൈ ശിവ സംവിധാനം ചെയ്ത സിനിമയ്ക്ക് സമ്മിശ്ര പ്രതികരണം മാത്രമാണ് ലഭിക്കുന്നത്. സിനിമയിലെ ശബ്ദ മിശ്രണത്തിനും പശ്ചാത്തല സംഗീതത്തിനും പല കോണുകളിൽ നിന്ന് വിമർശനം നേരിടുന്നുണ്ട്. ഇതിന്റെ പശ്ചാത്തലത്തിൽ ഓസ്കർ ജേതാവ് റസൂൽ പൂക്കുട്ടി നടത്തിയ പ്രതികരണം ഏറെ ശ്രദ്ധ നേടുകയാണ്.

നമ്മുടെ ജനപ്രിയ സിനിമകളിലൊന്നിന്റെ സൗണ്ടിനെക്കുറിച്ചുള്ള റിവ്യൂ കാണുമ്പോൾ നിരാശയുണ്ട് എന്ന് റസൂൽ പൂക്കുട്ടി പറയുന്നു. നമ്മുടെ കലാമികവ് ഈ ‘ലൗഡ്‌നെസ്സ് വാറിൽ’ കുരുങ്ങികിടക്കുകയാണ്. ഇതിൽ ആരെയാണ് പഴിക്കേണ്ടത്? ശബ്ദം ഒരുക്കിയ ആളെയോ? അതോ ഓരോരുത്തരുടെ അരക്ഷിതാബോധം പരിഹരിക്കുന്നതിന് അവസാന നിമിഷം കൊണ്ടുവരുന്ന തിരുത്തലുകളെയോ? ഈ പ്രശ്നങ്ങളെ ഉച്ചത്തിൽ തന്നെ അഭിസംബോധന ചെയ്യേണ്ടതുണ്ട്. പ്രേക്ഷകർ തലവേദനയെടുത്ത് ഇറങ്ങിപ്പോയാൽ ഒരു സിനിമയ്ക്കും റിപീറ്റ് വാല്യു ഉണ്ടാകില്ല എന്ന് റസൂൽ പൂക്കുട്ടി പറഞ്ഞു.

കങ്കുവയെക്കുറിച്ച് ഒരു ദേശീയ മാധ്യമത്തിൽ വന്ന റിവ്യൂ പങ്കുവെച്ചുകൊണ്ടാണ് റസൂൽ പൂക്കുട്ടി തന്റെ അഭിപ്രായം കുറിച്ചത്. ചിത്രം അമിതമായ ശബ്‍ദത്തിന്റെ പേരിൽ വിമർശിക്കപ്പെടുന്നതായാണ് റിവ്യൂവിൽ പറയുന്നത്. അമിത ശബ്ദത്തിലുള്ള ഡയലോഗുകളും സംഗീതവും പ്രേക്ഷകരിൽ മടുപ്പ് ഉളവാക്കുന്നതായും റിവ്യൂവിൽ പറയുന്നു.

Continue Reading

Film

ദുല്‍ഖറിനും 100 കോടി; ലക്കി ബാസ്‌ക്കര്‍ കുതിക്കുന്നു

തെലുങ്ക്, തമിഴ്, മലയാളം, കന്നഡ, ഹിന്ദി ഭാഷകളില്‍ റിലീസ് ചെയ്ത ചിത്രം എല്ലാ ഭാഷകളിലും സൂപ്പര്‍ ഹിറ്റായിക്കഴിഞ്ഞു.

Published

on

ദുല്‍ഖര്‍ സല്‍മാന്‍ നായകനായ പാന്‍ ഇന്ത്യന്‍ തെലുങ്ക് ചിത്രം ലക്കി ഭാസ്‌കര്‍ ആഗോള ഗ്രോസ് കളക്ഷന്‍ 100 കോടി കടന്ന് കുതിക്കുന്നു. റിലീസ് ചെയ്ത് മൂന്നാം വാരത്തിലും മെഗാ ബ്ലോക്ക്ബസ്റ്റര്‍ ഹിറ്റായി പ്രദര്‍ശനം തുടരുകയാണ് ചിത്രം.

തെലുങ്ക്, തമിഴ്, മലയാളം, കന്നഡ, ഹിന്ദി ഭാഷകളില്‍ റിലീസ് ചെയ്ത ചിത്രം എല്ലാ ഭാഷകളിലും സൂപ്പര്‍ ഹിറ്റായിക്കഴിഞ്ഞു. ദുല്‍ഖര്‍ സല്‍മാന്റെ കരിയറിലെ തന്നെ ഏറ്റവും വലിയ ഗ്രോസര്‍ ആയും ലക്കി ഭാസ്‌കര്‍ മാറി. ചിത്രത്തിലെ ദുല്‍ഖര്‍ സല്‍മാന്റെ പ്രകടനത്തിന് വലിയ പ്രശംസയാണ് പ്രേക്ഷകരില്‍ നിന്നും നിരൂപകരില്‍നിന്നും ലഭിക്കുന്നത്.

തെലുങ്കില്‍ ഹാട്രിക് ബ്ലോക്ക്ബസ്റ്റര്‍ എന്ന അപൂര്‍വ നേട്ടവും ഈ ചിത്രത്തിന്റെ വിജയത്തോടെ ദുല്‍ഖര്‍ സല്‍മാന്‍ സ്വന്തമാക്കി. കേരളത്തില്‍ 20 കോടി ഗ്രോസ് എന്ന നേട്ടം ലക്ഷ്യമാക്കി മുന്നേറുന്ന ചിത്രം കുടുംബ പ്രേക്ഷകരുടെ പിന്തുണയോടെയാണ് കുതിപ്പ് തുടരുന്നത്. കേരളത്തിലും ഗള്‍ഫിലും ചിത്രം വിതരണം ചെയ്തത് ദുല്‍ഖര്‍ സല്‍മാന്റെ വേഫെറര്‍ ഫിലിംസ് ആണ്. ആവേശവും ആകാംക്ഷയും സമ്മാനിക്കുന്ന രീതിയില്‍ കഥപറയുന്ന ഈ ചിത്രത്തില്‍ കുടുംബ ബന്ധങ്ങളിലെ വൈകാരികതയ്ക്കും പ്രാധാന്യമുണ്ട്. മീനാക്ഷി ചൗധരിയാണ് ചിത്രത്തിലെ നായിക.

വെങ്കി അറ്റ്‌ലൂരി രചിച്ച് സംവിധാനം ചെയ്ത ഈ പിരീഡ് ഡ്രാമ ത്രില്ലര്‍ ചിത്രം നിര്‍മ്മിച്ചിരിക്കുന്നത് സൂര്യദേവര നാഗവംശി, സായി സൗജന്യ എന്നിവരുടെ നേതൃത്വത്തിലുള്ള സിതാര എന്റര്‍ടൈന്‍മെന്റ്‌സും ഫോര്‍ച്യൂണ്‍ ഫോര്‍ സിനിമാസും ചേര്‍ന്നാണ്. ചിത്രം അവതരിപ്പിച്ചിരിക്കുന്നത് ശ്രീകര സ്റ്റുഡിയോസ് ആണ്.

Continue Reading

Trending